روایت: ’’رسول اللہ ﷺ نے ارشاد فرمایا: ’’من رفع قرطاسا من الأرض فيه: بسم الله الرحمن الرحيم، إجلالا لله عز وجل أن يداس، كتب عند الله من الصديقين، وخفف عن والديه العذاب، وإن كانا مشركين‘‘. جس شخص نے زمین سے ایسا کاغذ اٹھایاجس میں بسم اللہ الرحمن الرحیم لکھی ہوئی ہو، اللہ تعالی کے نام کی تعظیم کی وجہ سے کہ وہ روندا جائے گا،تو اللہ تعالی کے نزدیک اسے صدیقین میں لکھا جائے گا، اور اس شخص کے والدین سے عذاب کو ہلکا کردیا جائے گا، اگر چہ وہ مشرک ہوں‘‘۔
حکم: مختلف طرق سے منقول اس روایت کو حافظ ابن قیسرانی رحمہ اللہ ، حافظ ابن جوزی رحمہ اللہ ، اور حافظ ذہبی رحمہ اللہ نے ’’شدید ضعیف‘‘ قرار دیا ہے، اور علامہ شوکانی رحمہ اللہ فرماتے ہیں: ’’اس کی سند میں ایسا راوی موجود ہے جس کے بارے میں کہا گیا ہے کہ وہ کذاب ہے، اور یہ بھی کہا گیا ہے کہ وہ متروک ہے، اور یہ روایت کئی طرق اور ایسے الفاظ سے منقول ہے کہ جن میں وضع کی علامت واضح ہے‘‘، نیز قطع نظر کسی خاص سند کے حضرت علی رضی اللہ عنہ سے منقول اس متن کے بارے میں حافظ ابن عدی رحمہ اللہ فرماتے ہیں کہ یہ متن ایک ایسی سند سے منقول ہے جو ’’صحیح‘‘نہیں ہے، اور حافظ سیوطی رحمہ اللہ نے اسے ’’من گھڑت‘‘ قرار دیا ہے، علامہ ابن عراق رحمہ اللہ نے حافظ سیوطی رحمہ اللہ کے قول پر اعتماد کیا ہے، الحاصل اس روایت کو رسول اللہ ﷺ کے انتساب سے بیان کرنا درست نہیں ہے، واللہ اعلم۔
تحقیق کی تفصیل
زیر بحث روایت سات طرق سے منقول ہے:
1 روایت بطریق علاء بن مسلمہ 2 روایت بطریق ہمام بن مسلم زاہد 3 روایت بطریق مُفِید جَرْجَرَائی 4 روایت بطریق سلیمان بن عمران 5 روایت بطریق احمد بن نصر ذارع 6 روایت بطریق عبد اللہ بن صدقہ 7 روایت بطریق عبد الرحمن اسدی
حافظ ابو القاسم اسحاق بن ابراہیم خُتَّلِی رحمہ اللہ نے ’’الديباج‘‘[1] میں زیر بحث روایت ان الفاظ سے تخریج کی ہے:
’’حدثني العلاء بن مسلمة، أخبرنا أبو حفص العبدي، عن أبان، عن أنس، قال: قال رسول الله صلى الله عليه وسلم: من رفع قرطاسا من الأرض فيه: بسم الله الرحمن الرحيم، إجلالا لله عز وجل أن يداس، كتب عند الله من الصديقين، وخفف عن والديه العذاب، وإن كانا مشركين‘‘.
حضرت انس بن مالک رضی اللہ عنہ فرماتے ہیں کہ رسول اللہ ﷺ نے ارشاد فرمایا: جس شخص نے زمین سے ایسا کاغذ اٹھایاجس میں بسم اللہ الرحمن الرحیم لکھی ہوئی ہو، اللہ تعالی کے نام کی تعظیم کی وجہ سے کہ وہ روندا جائے گا،تو اللہ کے نزدیک اسے صدیقین میں لکھا جائے گا، اور اس شخص کے والدین سے عذاب کو ہلکا کردیا جائے گا، اگرچہ وہ مشرک ہوں۔
یہی روایت حافظ ابن عدی رحمہ اللہ نے ’’الکامل‘‘[2] میں حفص بن عمر عبدی کے ترجمہ میں، حافظ ابو الشیخ اصبہانی رحمہ اللہ نے ’’طبقات المحدثين‘‘[3] میں اور حافظ ابو الشیخ اصبہانی رحمہ اللہ کے طریق سے علامہ یحیی بن حسین شجری رحمہ اللہ نے ’’الأمالي‘‘[4] میں تخریج کی ہے۔
نیز یہی روایت حافظ ابن شاہین رحمہ اللہ نے ’’الترغيب‘‘[5] میں، حافظ حمزہ بن یوسف سہمی رحمہ اللہ نے’’تاريخ جرجان‘‘[6] میں، حافظ ابو نعیم اصبہانی رحمہ اللہ نے ’’تاريخ أصبهان‘‘[7] میں، حافظ ابو العباس مستغفری رحمہ اللہ نے ’’فضائل القرآن‘‘[8] میں، اور حافظ خطیب بغدادی رحمہ اللہ نے ’’تاريخ بغداد‘‘[9] اور ’’تلخيص المتشابه‘‘[10] میں تخریج کی ہے، اور حافظ خطیب بغدادی رحمہ اللہ کے طریق سے حافظ ابن جوزی رحمہ اللہ نے ’’العلل المتناهية‘‘[11] میں تخریج کی ہے، تمام سندیں سند میں موجود راوی ابو سالم رَوَّاس علاء بن مسلمہ پر آکر جمع ہوجاتی ہیں۔
روایت بطریق علاء بن مسلمہ پر ائمہ کا کلام
حا فظ ابن عدی رحمہ اللہ ’’الكامل‘‘[12] میں زیر بحث روایت اور ایک دوسری روایت ایک ہی سند سے تخریج کرکے فرماتے ہیں:
’’وهذا لا يروى إلا من هذا الوجه، وروي عن علي بن أبي طالب هذا المتن من وجه لا يصح، قوله: من رفع قرطاسا من الأرض‘‘. اور یہ روایت صرف اسی طریق سے مروی ہے، اور علی بن ابی طالب رضی اللہ عنہ سے یہ متن ایک ایسی سند سے منقول ہے جو صحیح نہیں ہے، ان کا قول ہے: جس نے زمین سے کاغذ اٹھایا۔
حافظ ابن قیسرانی رحمہ اللہ ’’ذخيرة الحفاظ‘‘[13] میں زیر بحث روایت کے بارے میں فرماتے ہیں:
’’رواه عمر بن حفص العبدي، عن أبان، عن أنس، وعمر متروك الحديث، وقد روي عن علي بن أبي طالب رضي الله عنه من وجه لا يصح، قوله: من رفع قرطاسا‘‘. اسے عمر بن حفص عبدی نے ابان، عن انس رضی اللہ عنہ کے طریق سے روایت کیا ہے، اور عمر ’’متروک الحدیث‘‘ہے، اور یہ علی بن ابی طالب رضی اللہ عنہ سے غیر صحیح طریق سے منقول ہے، ان کا قول ہے: جس نے کاغذ کا ٹکڑا اٹھایا۔
حافظ ابن جوزی رحمہ اللہ ’’العلل‘‘[14]میں تخریج روایت کے بعد فرماتے ہیں:
’’وأما طريق أنس ففيه: العلاء بن مسلمة، قال ابن حبان: يروي الموضوعات والمقلوبات عن الثقات، لا يحل الاحتجاج به، وقال أبو الفتح الأزدي: كان العلاء رجل سوء، لا يبالي ما روى، لايحل لمن عرفه أن يروي عنه، وفيه أبو حفص العبدي، قال أحمد: حرقنا حديثه، وقال يحيى: ليس بشيء‘‘.
حضرت انس رضی اللہ عنہ کے طریق میں علاء بن مسلمہ ہے، ابن حبان l فرماتے ہیں: یہ من گھڑت روایات اور مقلوبات ثقہ راویوں کے انتساب سے روایت کرتا ہے، اس سے احتجاج حلال نہیں ہے، اور ابو الفتح ازدی رحمہ اللہ فرماتے ہیں: علاء برا آدمی تھا، اسے کوئی پرواہ نہیں ہوتی کہ وہ کیا روایت کررہا ہے، جو اسے پہچانتا ہو اس کے لئے اس سے روایت کرنا حلال نہیں ہے، اور طریق انس رضی اللہ عنہ میں ایک راوی ابو حفص عبدی ہے، احمد رحمہ اللہ فرماتے ہیں: ہم نے اس کی روایات کو جلا دیا تھا، اور یحیی بن معین رحمہ اللہ نے اسے ’’لیس بشیء‘‘ کہا ہے۔
حافظ ذہبی رحمہ اللہ ’’تلخيص العلل‘‘[15] میں زیر بحث روایت کے بارے میں فرماتے ہیں:
’’رواه العلاء بن مسلمة متهم، ثنا عمر بن حفص العبدي هالك، عن أبان، عن أنس‘‘. اسے علاء بن مسلمہ متہم نے، عمر بن حفص عبدی جو کہ ہالک ہے، عن ابان، عن انس رضی اللہ عنہ کے طریق سے روایت کیا ہے۔
نیز حافظ ذہبی رحمہ اللہ ’’میزان الاعتدال‘‘[16] میں ابو حفص عبدی کے ترجمہ میں یہ روایت نقل کرنے کے بعد فرماتے ہیں: ’’هذا غير صحيح‘‘. یہ ’’غیر صحیح‘‘ ہے۔
علامہ شوکانی رحمہ اللہ ’’الفوائد المجموعة‘‘[17] میں حدیث نقل کرنے کے بعد فرماتے ہیں:
’’رواه ابن عدي عن أنس مرفوعا، وفي إسناده من قيل: إنه كذاب، وقيل: متروك، وقد روي من طرق وبألفاظ علامات الوضع عليها لائحة‘‘.
اسے ابن عدی رحمہ اللہ نے انس رضی اللہ عنہ کے طریق سے مرفوعاً روایت کیا ہے، اور اس کی سند میں ایسا راوی موجود ہے جس کے بارے میں کہا گیا ہے کہ وہ کذاب ہے، اور یہ بھی کہا گیا ہے کہ وہ متروک ہے، اور یہ روایت کئی طرق اور ایسے الفاظ سے منقول ہے کہ جن میں وضع کی علامت واضح ہے۔
حافظ ابن سعد رحمہ اللہ ’’الطبقات الکبرى‘‘[18] میں فرتے ہیں: ’’ كان ضعيفا عندهم في الحديث، كتبوا عنه ثم تركوه ‘‘. یہ محدثین کے نزدیک حدیث میں ضعیف تھا، محدثین نے اس سے لکھا تھا، پھر اسے ترک کردیا تھا۔
حافظ یحیی بن معین رحمہ اللہ فرماتے ہیں: ’’أبو الحفص العبدي لم يكن ثقة‘‘[19]. ابو حفص عبدی ثقہ نہیں ہے۔
نیز حافظ یحیی بن معین رحمہ اللہ نے ایک دوسرے مقام پر ابو حفص عبدی کو ’’لیس بشیء‘‘ کہا ہے[20]۔
امام علی بن مدینی رحمہ اللہ نے اسے ’’ليس بثقة‘‘ کہا ہے[21]۔
امام احمد بن حنبل رحمہ اللہ فرماتے ہیں: ’’تركنا حديثه وخرقناه‘‘[22]. ہم نے اس کی حدیث کو ترک کردیا ہے، اور اسے پھاڑ دیا ہے۔
امام بخاری رحمہ اللہ نے ’’التاريخ الكبير‘‘[23] میں اسے ’’وليس بقوي‘‘ کہا ہے۔
حافظ ابراہیم بن یعقوب جوزجانی رحمہ اللہ ’’ أحوال الرجال‘‘[24] میں فرماتے ہیں: ’’أبو حفص العبدي قريب منه، وهو صاحبه، فيرفض حديثهما‘‘. ابو حفص عبدی اس (یعنی ابو ہارون عبدی) کے قریب ہے، اور وہ اس کا ساتھی ہے، اور ان دونوں کی حدیث کو ترک کیا گیا ہے۔
امام مسلم رحمہ اللہ نے ’’الكنى‘‘[25] میں عمر بن حفص کو ’’ضعيف الحديث‘‘ قرار دیا ہے۔
حافظ ابو حاتم رحمہ اللہ عمر بن حفص کے بارے میں فرماتے ہیں: ’’ضعيف الحديث، ليس بقوي، هو على يدي عدل‘‘[26]. ضعیف الحدیث، لیس بقوی ہے، وہ ’’علی یدی عدل‘‘[27] ہے۔
حافظ ابو زرعہ رحمہ اللہ فرماتے ہیں: ’’واهي الحديث، لا أعلم حدث عنه كبير أحد إلا من لا يدري الحديث‘‘[28]. واہی الحدیث ہے، میں کسی ایسے بڑے شخص کو نہیں جانتا جس نے اس سے روایت کی ہو، مگر ایسا شخص جو حدیث نہیں جانتا۔
امام نسائی رحمہ اللہ نے ’’الضعفاء‘‘[29]میں عمر بن حفص ابو حفص کو ’’ليس بثقة‘‘ کہا ہے۔
امام نسائی رحمہ اللہ نے ایک دوسرے مقام پر اسے ’’متروك الحديث‘‘ کہا ہے[30]۔
حافظ ابو یحیی زکریا بن یحیی ساجی رحمہ اللہ ، عمر بن حفص کے بارے میں فرماتے ہیں: ’’يحدث عن ثابت، متروك الحديث، يقال: كان قدم بغداد، فحدثهم عن ثابت، ومالك بن دينار، ويزيد الرقاشي، وكان يحيى بن معين يوما عند أبي سلمة التَبُوْذَكِي، فجعل يحدث عنه، فأقبل عليه يحيى، فقال: لعله الذي قدم علينا بغداد؟ فتبسم أبو سلمة، فأخذ يحيى القلم، فضرب على حديثه، وقال: صرت تدلس علينا يا أبا سلمة؟ فقال أبو سلمة: إنما كنا نعرفه عندنا بأحاديث، فلما قدم عليكم بغداد، رأى الزحام، فحدث بما ليس من حديثه‘‘[31]. یہ ثابت سے روایت کرتا ہے، متروک الحدیث ہے، کہا جاتا ہے کہ یہ بغداد آیا، سو یہ بغداد والوں کو ثابت، مالک بن دینار اور یزید رقاشی کے انتساب سے حدیث بیان کرنے لگا، اور ایک دن یحیی بن معین رحمہ اللہ ، ابو سلمہ تَبُوْذَکِی کے پاس تھے، ابو سلمہ تَبُوْذَکِی ، عمر بن حفص کے انتساب سے روایت کر رہے تھے، تو یحیی رحمہ اللہ ان کے پاس آئے، کہا: شاید یہ وہی ہے جو ہمارے پاس بغداد آیا ہے؟ ابو سلمہ مسکرائے، پھر یحیی رحمہ اللہ نے قلم لے کر اس کی حدیث پر پھیر دیا، اور کہا: اے ابو سلمہ! آپ ہم پر تدلیس کرنے لگے ہیں؟ ابو سلمہ نے کہا: ہم اپنے ہاں اس کو احادیث سے پہچانتے تھے، پھر جب یہ تمہارے پاس بغداد آیا، مجمع دیکھا تو اس نے ایسی حدیث بیان کرنا شروع کردی جو اس کی حدیث میں سے نہیں ہے۔
حافظ ابن حبان رحمہ اللہ ’’المجروحین‘‘[32]میں عمر بن حفص کے بارے میں فر ماتے ہیں: ’’ كان ممن يشتري الكتب ويحدث بها من غير سماع، ويجيب فيما يسأل، وإن لم يكن مما يحدث به‘‘. یہ ان لوگوں میں سے ہے جو حدیث کی کتب خرید کر بغیر سماع کے ان میں سے احادیث بیان کرتے تھے، اور جس امر کے بارے میں اس سے سوال کیا جاتا تھا وہ اس کا جواب دیتا تھا، اگر چہ وہ اس نے بیان نہ کی ہو۔
حافظ ابن عدی رحمہ اللہ ’’الکامل‘‘[33] میں حفص بن عمر عبدی کے ترجمہ میں چند احادیث ذکر کرکے فرماتے ہیں: ’’وأبو حفص العبدي له أحاديث غير ما ذكرت، والضعف بين على رواياته‘‘. اور ابو حفص عبدی کی میری ذکر کردہ احادیث کے علاوہ بھی احادیث ہیں، اور اس کی روایات میں ضعف واضح ہے۔
حافظ دار قطنی رحمہ اللہ نے ’’الضعفاء‘‘[34] میں ابو حفص عبدی کو ’’ضعيف‘‘ کہا ہے۔
امام ابو احمد حاکم رحمہ اللہ فرماتے ہیں: ’’ليس بالقوي عندهم‘‘[35]. محدثین کے نزدیک قوی نہیں ہے۔
امام ابو عبد اللہ حاکم نیشاپوری رحمہ اللہ ’’المدخل‘‘[36] میں عمر بن حفص کے بارے میں فرماتے ہیں: ’’روى عن ثابت البناني وغيره أحاديث مناكير، رواها عنه الثقات‘‘. اس نے ثابت بنانی وغیرہ کے انتساب سے منکر احادیث روایت کی ہیں، جن کو ثقات نے اس سے روایت کیا ہے۔
حافظ ابو نعیم اصبہانی رحمہ اللہ ’’المسند المستخرج‘‘[37]میں فرماتے ہیں: ’’روى عن ثابت المناكير‘‘. اس نے ثابت سے مناکیر روایت کی ہیں۔
حافظ ابن قیسرانی رحمہ اللہ نے ’’تذكرة الحفاظ‘‘[38] میں ایک روایت کے تحت عمر بن حفص کو ’’ليس بشيء في الحديث‘‘ کہا ہے۔
حافظ ذہبی رحمہ اللہ نے ابو حفص عبدی کو ’’المغني‘‘[39] اور ’’المقتنى‘‘[40] میں ’’واه‘‘ اور’’میزان الاعتدال‘‘[41] میں ’’واه بمرة‘‘ کہا ہے۔
حافظ ہیثمی رحمہ اللہ نے ’’مجمع الزوائد‘‘[42] میں ایک روایت کے تحت عمر بن حفص عبدی کو ’’متروك‘‘ کہا ہے۔
حافظ ابن حبان رحمہ اللہ ’’المجروحین‘‘[43]میں علاء بن مسلمہ کے بارے میں فرماتے ہیں: ’’يروي عن العراقيين المقلوبات، وعن الثقات الموضوعات، لا يحل الاحتجاج به بحال‘‘. علاء بن مسلمہ عراقیوں کے انتساب سے مقلوب اور ثقہ راویوں کے انتساب سے من گھڑت احادیث روایت کرتا ہے، اس سے احتجاج کسی بھی حالت میں حلال نہیں ہے۔
حافظ خطیب بغدادی رحمہ اللہ نے ’’تاريخ بغداد‘‘[44] میں علاء بن مسلمہ کے ترجمہ میں زیر بحث روایت تخریج کی، پھر حافظ ابو الفتح ازدی رحمہ اللہ کا یہ قول نقل فرماتے ہیں: ’’ كان رجل سوء، لا يبالي ما روى، وعلى ما أقدم؟ لا يحل لمن عرفه أن يروي عنه‘‘. برا آدمی ہے، اسے اس کی پرواہ نہیں کہ کیا روایت کر رہا ہے، اور کیا پیش کر رہا ہے؟ جو شخص اسے جانتا ہے اس کےلئے حلال نہیں ہے کہ وہ اس سے روایت کرے۔
حافظ ابن قیسرانی رحمہ اللہ ’’تذكرة الحفاظ‘‘[45] میں ایک روایت کے تحت علاء بن مسلمہ کے بارے میں فرماتے ہیں: ’’والعلاء هذا يضع الحديث‘‘. اور یہ علاء حدیث گھڑتا تھا۔
حافظ ذہبی رحمہ اللہ ’’ الكاشف‘‘[46] میں علاء بن مسلمہ کے بارے میں فرماتے ہیں: ’’اتهم‘‘. اسے متہم قرار دیا گیا ہے۔
حافظ ذہبی رحمہ اللہ ’’المغني‘‘[47] میں علاء بن مسلمہ کے بارے میں فرماتے ہیں: ’’متهم بوضع الحديث‘‘. حدیث گھڑنے میں متہم ہے۔
نیز حافظ ذہبی رحمہ اللہ ’’دیوان الضعفاء‘‘[48] میں فرماتے ہیں: ’’متهم، لا يوثق به‘‘ متہم ہے، اس کی توثیق نہیں ہوئی۔
حافظ ابن حجر عسقلانی رحمہ اللہ ’’الإصابة‘‘[49]میں ایک حدیث کے تحت علاء بن مسلمہ کے بارے میں فرماتے ہیں: ’’ كذبوه‘‘. محدثین نے اسے جھوٹا کہا ہے۔
حافظ ابن حجر عسقلانی رحمہ اللہ ’’التقريب‘‘[50] میں علاء بن مسلمہ کے بارے میں فرماتے ہیں: ’’متروك، ورماه ابن حبان بالوضع‘‘. یہ متروک ہے، اور ابن حبان رحمہ اللہ نے اسے متہم بالوضع قرار دیا ہے۔
علامہ سبط ابن عجمی رحمہ اللہ نے ’’الكشف الحثيث‘‘[51] میں علاء بن مسلمہ کو درج کرکے حافظ ازدی رحمہ اللہ ، حافظ ابن قیسرانی رحمہ اللہ اور حافظ ابن حبان رحمہ اللہ کے کلام پر اعتماد کیا ہے۔
علامہ ابن عراق رحمہ اللہ ’’تنزيه الشريعة‘‘[52] میں علاء بن مسلمہ کو وضاعین ومتہمین کی فہرست میں شمار کرکے فرماتے ہیں: ’’قال ابن طاهر: كان يضع الحديث‘‘. ابن طاہر رحمہ اللہ فرماتے ہیں کہ یہ حدیث گھڑتا تھا۔
علامہ محمد بن موسی حَرَشِی اور علامہ عبد الرحمن بن مبارک عَیْشی، حماد بن زید سے نقل کرتے ہیں: ’’قلت لسلم العلوي: حدثني، قال: يا بني عليك بأبان، فإني قد رأيته يكتب بالليل عند أنس بن مالك عند السراج.زاد العيشي، عن حماد، قال: فذكرت ذلك لأيوب، فقال: ما زال نعرفه بالخير منذ كان‘‘[53].
میں نے سَلم علوی سے کہا: آپ مجھے حدیث بیان کریں، سَلم نے کہا: اے بیٹا! تم ابان کو لازم پکڑو، کیونکہ میں نے اسے دیکھا ہے کہ وہ چراغ کے سامنے انس بن مالک رضی اللہ عنہ کے ساتھ بیٹھ کر لکھا کرتا تھا، عَیْشی، حماد سے یہ اضافہ بھی نقل کرتے ہیں کہ میں نے یہ بات ایوب سے کہی تو ایوب نے کہا: ایک عرصہ سے ہم ان میں خیر ہی کو پہچانتے ہیں۔
امام شعبہ رحمہ اللہ فرماتے ہیں: ’’ لأن أشرب من بول حمار حتى أروى أحب إلي من أن أقول: حدثنا أبان بن أبي عياش‘‘[54]. میں ابان بن ابی عیاش سے روایت نقل کروں، مجھے اس سے زیادہ پسند یہ ہے کہ خوب سیر ہوکر گدھے کا پیشاب پیؤں۔
علامہ ابن ادریس رحمہ اللہ فرماتے ہیں: ’’قلت لشعبة: حدثني مهدي بن ميمون، عن سَلْم العلوي، قال: رأيت أبان بن أبي عياش يكتب عن أنس بالليل، فقال شعبة: سلم يرى الهلال قبل الناس بليلتين‘‘[55].
میں نے شعبہ رحمہ اللہ سے کہا: مجھے مہدی بن میمون نے سلم علوی سے نقل کیا ہے، سَلم فرماتے ہیں کہ میں نے ابان بن ابی عیاش کو رات کے وقت انس بن مالک رضی اللہ عنہ سے احادیث لکھتے ہوئے دیکھا ہے، تو اس کے جواب میں شعبہ رحمہ اللہ نے کہا: سَلم تو چاند بھی لوگوں سے دو دن پہلے دیکھ لیتا ہے۔
علامہ ابو عبد اللہ محمد بن عبد اللہ بن مثنی انصاری رحمہ اللہ فرماتے ہیں: ’’ كنت مع سلام بن أبي مطيع، فذكرنا أبان بن أبي عياش، فقال: لا تحدث عنه بشيء، وانظر حديثك عن حميد، فازدهر بحديثه‘‘[56]. میں سلام بن ابی مطیع کے ساتھ تھا ہم نے ابان بن ابی عیاش کا ذکر کیا، تو سلام بن ابی مطیع نے فرمایا: اس سے کچھ بھی بیان نہ کرو، اور اپنی حدیث حمید سے بیان کرکے اسے محفوظ کرو۔
حافظ ابو عبد اللہ محمد بن سعد رحمہ اللہ نے ’’الطبقات الكبرى‘‘[57] میں ابان بن ابی عیاش کو ’’متروك الحديث‘‘ کہا ہے۔
حافظ یحیی بن معین رحمہ اللہ فرماتے ہیں: ’’ كان يكذب‘‘[58]. یہ جھوٹ بولتا تھا۔
نیز حافظ یحیی بن معین رحمہ اللہ ایک دوسرے مقام پر فرماتے ہیں: ’’وهو متروك الحديث، يعني أبان‘‘[59]. اور ابان متروک الحدیث ہے۔
حافظ ابو عوانہ رحمہ اللہ فرماتے ہیں: ’’أتيت أبان بن عياش بكتاب فيه حديث من حديثه، وفي أسفل الكتاب حديث رجل من أهل واسط، فقرأه علي أجمع‘‘[60]. میں ابان بن ابی عیاش کے پاس ایک کتاب لایا جس میں ان کی احادیث میں سے احادیث تھیں، اور ایک کتاب کے ختم پر اہل واسط کے ایک شخص کی احادیث تھیں، پھر ابان نے یہ سب مجھ پر پڑھ دیں۔
نیز حافظ ابو عوانہ رحمہ اللہ ایک دوسرے موقع پر فرماتے ہیں: ’’ لا أستحل أن أروي عنه شيئا‘‘[61]. میں اس سے کچھ بھی روایت کرنے کو حلال نہیں سمجھتا۔
علامہ ابو طالب مشکانی رحمہ اللہ فرماتے ہیں: ’’قال أحمد يعني ابن حنبل: لا تكتب عن أبان بن عياش شيئا، قلت: كان له هوى؟ قال: كان منكر الحديث‘‘[62]. احمد بن حنبل رحمہ اللہ فرماتے ہیں: ابان بن ابی عیاش سے کچھ مت لکھو، میں نے کہا: اس میں بدعت تھی؟ احمد بن حنبل رحمہ اللہ نے فرمایا: وہ منکر الحدیث تھا۔
امام علی بن مدینی رحمہ اللہ ابان کے بارے میں فرماتے ہیں: ’’وکان ضعیفا، ضعيفا عندنا‘‘[63]. ضعیف تھا، اور ہمارے نزدیک بھی ضعیف ہے۔
امام احمد بن حنبل رحمہ اللہ ’’العلل ومعرفة الرجال‘‘[64] میں فرماتے ہیں: ’’متروك الحديث، ترك الناس حديثه مذ دهر من الدهر‘‘. متروک الحدیث ہے، لوگوں نے ایک زمانے سے اس کی حدیث کو ترک کر رکھا ہے۔
نیز امام احمد بن حنبل رحمہ اللہ ’’العلل ومعرفة الرجال‘‘[65] میں ایک دوسرے مقام پر فرماتے ہیں: ’’ كان وكيع إذا أتى على حديث أبان بن أبي عياش يقول: رجل، لا يسميه، استضعافا له‘‘. وکیع رحمہ اللہ جب ابان بن ابی عیاش کی حدیث پر آتے، تو رجل کہتے، اسے ضعیف سمجھتے ہوئے اس کا نام نہیں لیتے تھے۔
حافظ عبد اللہ بن احمد بن حنبل رحمہ اللہ فرماتے ہیں: ’’قرأت على أبي حديث عباد بن عباد، فلما انتهى إلى حديث أبان بن أبي عياش، قال: اضرب عليها، فضربت عليها وتركها، وقال: اضرب على حديث جعفر بن الزبير‘‘[66]. میں نے اپنے والد پر عباد بن عباد کی حدیث پڑھی، جب میں ابان بن ابی عیاش کی حدیث پر پہنچا تو والد نے فرمایا: اسے ترک کردو، میں نے اسے ترک کر دیا اور انہوں نے بھی اس کی حدیث کو ترک کر دیا، اور والد نے فرمایا: جعفر بن زبیر کی حدیث کو ترک کردو۔
حافظ عمرو بن علی صیرفی رحمہ اللہ فرماتے ہیں: ’’ كان يحيى وعبد الرحمن لا يحدثان عن أبان بن أبي عياش‘‘[67]. یحیی رحمہ اللہ اور عبد الرحمن رحمہ اللہ ، ابان بن ابی عیاش سے روایت نہیں کرتے تھے۔
حافظ عمرو بن علی صیرفی رحمہ اللہ ایک دوسرے موقع پر فرماتے ہیں: ’’متروك الحديث، وهو رجل صالح‘‘[68]. متروک الحدیث ہے، اور یہ نیک شخص ہے۔
حافظ ابراہیم بن یعقوب سعدی رحمہ اللہ نے ’’ أحوال الرجال‘‘[69] میں ابان بن ابی عیاش کو ’’ساقط‘‘ کہا ہے۔
حافظ ابن ابی حاتم رحمہ اللہ فرماتے ہیں کہ ابو زرعہ رحمہ اللہ سے ابان کے متعلق پوچھا گیا، تو انہوں نے فرمایا: ’’ترك حديثه، ولم يقرأ علينا حديثه، فقيل له كان يتعمد الكذب؟ قال: لا، كان يسمع الحديث من أنس، وشهر بن حوشب، ومن الحسن، فلا يميز بينهم‘‘[70]. یہ متروک الحدیث ہے، اورابو زرعہ رحمہ اللہ نے ہم پر اس کی حدیث نہیں پڑھی، ابو زرعہ رحمہ اللہ سے پوچھا گیا کہ یہ جان بوجھ کر جھوٹ بولتا تھا؟ ابو زرعہ رحمہ اللہ نے فرمایا: نہیں، (بلکہ) یہ انس رضی اللہ عنہ ، شہر بن حوشب اور حسن رحمہ اللہ سے حدیث سنتا تھا ،لیکن ان میں فرق نہیں کرپاتا تھا۔
امام ابو داؤد رحمہ اللہ فرماتے ہیں: ’’ لا يكتب حديث أبان‘‘[71]. ابان کی حدیث کو نہیں لکھا جائے گا۔
امام ترمذی رحمہ اللہ اپنی ’’سنن‘‘[72] میں فرماتے ہیں: ’’وأبان بن أبى عياش وإن كان قد وصف بالعبادة والاجتهاد فهذا حاله في الحديث، والقوم كانوا أصحاب حفظ، فرب رجل وإن كان صالحا لا يقيم الشهادة ولا يحفظها، فكل من كان متهما في الحديث بالكذب أو كان مغفلا يخطئ الكثير، فالذي اختاره أكثر أهل الحديث من الأئمة أن لا يشتغل بالرواية عنه، ألا ترى أن عبد الله بن المبارك حدث عن قوم من أهل العلم، فلما تبين له أمرهم ترك الرواية عنهم‘‘.
ابان بن ابی عیاش اگرچہ عبادت اور اجتہاد کے ساتھ متصف ہے، یہ اس کی حالت حدیث میں ہے، اور بہت سے لوگ اصحابِ حفظ ہوتے ہیں، اور بسا اوقات ایک شخص اگرچہ وہ صالح ہوتا ہے لیکن وہ گواہی قائم نہیں کر سکتا اور نہ ہی گواہی محفوظ کر سکتا ہے، چنانچہ ہر وہ شخص جو حدیث میں متہم بالکذب ہو یا مغفل کثیر الخطاء ہو تو ائمہ میں سے اکثر محدثین نے یہ اختیار کیا ہے کہ اس کی روایت میں مشغول نہ ہوا جائے، کیا آپ دیکھتے نہیں کہ عبد اللہ بن مبارک رحمہ اللہ نے اہل علم کی ایک جماعت سے روایت کی ہے، جب ان کا معاملہ واضح ہوا تو عبد اللہ بن مبارک رحمہ اللہ نے ان سے روایت کا لینا ترک کردیا۔
حافظ ابو حاتم رحمہ اللہ فرماتے ہیں: ’’متروك الحديث، وكان رجلا صالحا، لكن بلي بسوء الحفظ‘‘[73]. ابان متروک الحدیث ہے، اور یہ نیک شخص تھا، لیکن یہ سوء حفظ میں مبتلا ہوگیا تھا۔
امام نسائی رحمہ اللہ نے ’’الضعفاء‘‘[74] میں ابان بن ابی عیاش کو ’’متروك الحديث‘‘ کہا ہے۔
امام نسائی رحمہ اللہ ہی ایک موقع پر فرماتے ہیں: ’’ليس بثقة، ولا يكتب حديثه‘‘[75]. یہ لیس بثقہ ہے، اس کی حدیث نہیں لکھی جائے گی۔
حافظ ابو یحیی زکریا بن یحیی ساجی رحمہ اللہ فرماتے ہیں: ’’ كان رجلا صالحا سخيا كريما، فيه غفلة، يهم في الحديث ويخطئ فيه، روى عنه الناس، ترك حديثه لغفلة كانت فيه، لم يحدث عنه شعبة، ولا عبد الرحمن، ولا يحيى‘‘[76]. یہ نیک، سخی،کریم شخص تھا، اس میں غفلت تھی، حدیث میں وہم میں مبتلاء تھا، حدیث میں خطاء کرتا تھا، اس سے لوگوں نے روایت کی ہے، اس میں موجود غفلت کی وجہ سے اس کی حدیث کو ترک کردیا گیا تھا، شعبہ رحمہ اللہ ، عبد الرحمن رحمہ اللہ اور یحیی رحمہ اللہ اس سے حدیث روایت نہیں کرتے تھے۔
حافظ ابن حبان رحمہ اللہ ’’المجروحین‘‘[77] میں فرماتے ہیں: ’’وكان من العباد الذي يسهر الليل بالقيام، ويطوي النهار بالصيام، سمع عن أنس بن مالك أحاديث، وجالس الحسن، فكان يسمع كلامه، ويحفظ، فإذا حدث ربما جعل كلام الحسن، الذي سمعه من قوله، عن أنس، عن النبي صلى الله عليه وسلم، وهو لا يعلم، ولعله روى عن أنس أكثر من ألف وخمسمائة حديث ما لكبير شيء منها أصل يرجع إليه‘‘.
ابان ان عبادت گزارلوگوں میں تھا، جو رات نماز میں، اور دن روزے میں بسر کرتےتھے، ابان نے انس بن مالک رضی اللہ عنہ سے حدیثیں سنی تھیں، یہ حسن رحمہ اللہ کے پاس بیٹھ کر ان کا کلام سن کر یاد کرتاتھا، پھر بیان کرتے ہوئے لاعلمی میں حسن رحمہ اللہ کے سنے ہوئے کلام کو انس رضی اللہ عنہ ، عن النبی ﷺ کے طور پر بیان کر دیتا تھا، شاید ابان نے انس رضی اللہ عنہ سے پندرہ سو سے زیادہ احادیث روایت کی ہیں، ان میں ایک بڑے حصہ کی کوئی ایسی اصل موجود نہیں جس کی جانب رجوع کیا جا سکتا ہو۔
حافظ ابن عدی رحمہ اللہ ’’الكامل‘‘[78] میں لکھتے ہیں: ’’وعامة ما يرويه لا يتابع عليه، وهو بين الأمر في الضعف، وقد حدث عنه كما ذكرته الثوري، ومعمر، وابن جريج، وإسرائيل، وحماد بن سلمة، وغيرهم ممن لم نذكرهم، وأرجو أنه ممن لا يتعمد الكذب إلا أن يشبه عليه ويغلط، وعامة ما أتاني أبان من جهة الرواة لا من جهته، لأن أبان رووا عنه قوم مجهولين لما أنه فيه ضعف، وهو إلى الضعف أقرب منه إلى الصدق، كما قال شعبة‘‘.
اس کی روایات میں اکثر اس کی متابعت نہیں ہوتی، اور اس کا معاملہ ضعف میں واضح ہے، اور جیسا کہ میں نے ذکر کیا کہ اس سے ثوری ، معمر ، ابن جریج ، اسرائیل اور حماد بن سلمہ وغیرہ افراد نے روایات نقل کی ہیں جن کو میں نے ذکر نہیں کیا، اورمجھے امید ہے کہ یہ جھوٹ نہیں بولتا تھا، لیکن اس پر احادیث مشتبہ ہوجاتی تھیں، اور یہ غلطی کر بیٹھتا ہے، اور ابان جو کچھ لاتا ہے اس میں اکثر راویوں کی جانب سے ہوتا ہے، اس کی جانب سے نہیں ہوتا، کیونکہ ابان سے مجہول افراد کی ایک جماعت نے روایات نقل کیں ہیں، اس کے ساتھ ساتھ خود ابان میں بھی ضعف ہے، اور وہ بمقابلہ صدق کے ضعف کے زیادہ قریب ہے، جیسا کہ شعبہ رحمہ اللہ نے کہا ہے۔
حافظ ابو احمدحاکم رحمہ اللہ نے’’الأسامي‘‘[79] میں ابان بن ابی عیاش کو ’’منكر الحديث‘‘ کہا ہے۔
حافظ دار قطنی رحمہ اللہ نے ’’الضعفاء‘‘[80] میں ابان بن ابی عیاش کو ’’متروك‘‘ کہا ہے۔
حافظ ابن شاہین رحمہ اللہ ’’المختلف فيهم‘‘[81] میں فرماتے ہیں: ’’وقد روى عن أبان نبلاء الرجال فما نفعه ذلك، ولا يعتمد على شيء من روايته إلا ما وافقه عليه غيره، وما تفرد به من حديث فليس عليه عمل‘‘. اور ابان سے شرفاء نے روایت کیا ہے، ان کو اس کا کوئی فائدہ نہیں ہوا، اور اس کی روایت میں کسی چیز پر اعتماد نہیں کیا جائے گا سوائے اس کے کہ جس چیز میں اس کی کوئی دوسرا موافقت کرے، اور جس حدیث میں یہ متفرد ہو تو اس پر عمل نہیں کیا جائے گا۔
امام بیہقی رحمہ اللہ نے ’’السنن الكبرى‘‘[82] میں ایک روایت کے تحت ابان بن ابی عیاش کو ’’متروك‘‘ کہا ہے۔
حافظ ابن عبد البر رحمہ اللہ ’’التمهيد‘‘[83] میں فرماتے ہیں: ’’أبان بن أبي عياش مجتمع على ضعفه وترك حديثه‘‘. ابان بن ابی عیاش کے ضعف اور اس کی حدیث کے ترک پر اتفاق ہے۔
حافظ ذہبی رحمہ اللہ نے ابان بن ابی عیاش کو ’’ المقتنى‘‘[84] میں ’’واه‘‘ اور ’’تاريخ الإسلام‘‘[85] میں ’’متروك الحديث‘‘ کہا ہے۔
حافظ ابن حجر رحمہ اللہ نے ’’التقريب‘‘[86] میں ابان کو ’’متروك‘‘ کہا ہے۔
علامہ ابن عراق رحمہ اللہ ’’تنزيه الشريعة‘‘[87] میں ابان بن ابی عیاش کو وضاعین ومتہمین کی فہرست میں شمار کرکے فرماتے ہیں: ’’متروك، اتهم بكذب‘‘. متروک ہے، جھوٹ بولنے میں متہم ہے۔
حافظ ابن قیسرانی رحمہ اللہ نے زیر بحث روایت کے ’’ضعفِ شدید‘‘ کی جانب اشارہ کیا ہے، نیز حافظ ابن جوزی رحمہ اللہ نے بھی زیر بحث روایت کو اس طریق سے ’’شدید ضعیف‘‘ قرار دیا ہے، اور حافظ ابن جوزی رحمہ اللہ کی اتباع میں حافظ ذہبی l نے بھی اسے ’’شدید ضعیف‘‘قرار دیا ہے، اور علامہ شوکانی رحمہ اللہ فرماتے ہیں: ’’اس کی سند میں ایسا راوی موجود ہے جس کے بارے میں کہا گیا ہے کہ وہ کذاب ہے، اور یہ بھی کہا گیا ہے کہ وہ متروک ہے، اور یہ روایت کئی طرق اور ایسے الفاظ سے منقول ہے کہ جن میں وضع کی علامت واضح ہے‘‘۔
الحاصل زیر بحث روایت کو اس طریق سے رسول اللہ ﷺ کے انتساب سے بیان کرنا درست نہیں ہے، واللہ اعلم۔
حافظ ابن جوزی رحمہ اللہ ’’العلل المتناهية‘‘[88] میں فرماتے ہیں:
’’أنبأنا أبو القاسم الحريري، عن أبي طالب العشاري قال: نا الدارقطني، قال: نا عبد الله بن القاسم قال: نا سليمان بن الربيع، قال: نا همام بن مسلم، قال: حدثنا عمر بن عبد الله بن أبي خثعم، عن يحيى بن أبي كثير، عن أبي سلمة، عن أبي هريرة، عن رسول الله صلى الله عليه وسلم قال: من رفع كتابا عن الطريق، فجعله فيما لا يوطأ، تعظيما لاسم الله عز وجل، خفف الله عنه وعن والديه، وإن كنا مشركين‘‘.
حضرت ابو ہریرہ رضی اللہ عنہ سے روایت ہے کہ رسول اللہ ﷺ نے فرمایا: جس شخص نے راستےسے کاغذ اٹھایااور اللہ تعالی کے نام کی تعظیم کرتے ہوئے اس کو ایسی جگہ رکھ دیا جہاں وہ روندا نہ جاسکے، تو اللہ عز وجل اس کے اور اس کے والدین کے عذاب میں تخفیف فرمادیں گے، اگر چہ اس کے والدین مشرک ہی کیوں نہ ہوں۔
روایت بطریق ہمام بن مسلم زاہد پر ائمہ کا کلام
حافظ ابن قیسرانی رحمہ اللہ ’’اطراف الغرائب‘‘[89] میں زیر بحث روایت کے بارے میں فرماتے ہیں:
’’تفرد به سلميان بن الربيع، عن همام بن يحيى [ كذا في الأصل، والصحيح: مسلم]، عن عمر بن عبد الله بن أبي خثعم، عن يحيى‘‘. سلیمان بن ربیع اس حدیث کو ہمام بن مسلم ، عن عمر بن عبد اللہ بن ابی خثعم ، عن یحیی کے طریق سےنقل کرنے میں متفرد ہے۔
حافظ ابن جوزی رحمہ اللہ ’’العلل المتناهية‘‘[90] میں زیر بحث روایت تخریج کرنے کے بعد فرماتے ہیں:
’’فقال الدار قطني: تفرد به سليمان عن همام، قال: وسليمان ضعيف، غير أسماء مشائخ [ كذا في الأصل]، وروى عنهم مناكير، قال ابن حبان: وهمام يسرق الحديث، ويروي عن الثقات ما ليس من حديثهم، فبطل الاحتجاج به‘‘.
دارقطنی رحمہ اللہ فرماتے ہیں: اس حدیث کو ہمام سے نقل کرنے میں سلیمان متفرد ہے، فرماتے ہیں کہ سلیمان ضعیف ہے، مشایخ کے نام بدل کر ان کے انتساب سے مناکیر نقل کرتا ہے، ابن حبان رحمہ اللہ فرماتے ہیں: اور ہمام حدیث میں سرقہ کرتا تھا، اور ثقہ راویوں کے انتساب سے ایسی حدیثیں روایت کرتا تھاجو ان کی حدیث میں سے نہیں ہوتی تھیں، سو اس کی حدیث سے احتجاج کرنا باطل ہوگیا ہے۔
حافظ سیوطی رحمہ اللہ نے ’’اللآلئ‘‘[91] میں حافظ ابن جوزی رحمہ اللہ کے کلام پر اعتماد کیا ہے۔
حافظ ذہبی رحمہ اللہ ’’تلخيص العلل‘‘[92] میں زیر بحث روایت کے بارے میں فرماتے ہیں:
’’ورواه سليمان بن الربيع، ثنا همام بن مسلم، وليسا بشيء، ثنا عمر بن أبي خثعم، عن يحيى، عن أبي سلمة، عن أبي هريرة‘‘. اور اس حدیث کو سلیمان بن ربیع نے ہمام بن مسلم ، اور یہ دونوں ’’لیس بشیء‘‘ہیں، ثنا عمر بن ابی خثعم، عن یحیی، عن ابی سلمہ، عن ابی ہریرہ رضی اللہ عنہ کے طریق سے روایت کیا ہے۔
امام دار قطنی رحمہ اللہ فرماتے ہیں: ’’ضعيف، متروك، غير أسماء مشايخ، وروى عنهم مناكير‘‘[93]. ضعیف، متروک ہے، مشایخ کے نام تبدیل کرتا ہے، اور ان کے انتساب سے مناکیر روایت کرتا ہے۔
حافظ ابن جوزی رحمہ اللہ نے ’’الضعفاء‘‘[94] میں اور حافظ ذہبی رحمہ اللہ نے ’’ميزان الاعتدال‘‘[95] میں امام دار قطنی رحمہ اللہ کے اس کلام پر اعتماد کیا ہے۔
امام دار قطنی رحمہ اللہ نے ’’العلل الواردة‘‘[96] میں ایک روایت کے تحت سلیمان بن ربیع نہدی اور ہمام بن مسلم کو ’’متروك‘‘ کہا ہے۔
حافظ ابن عبد الہادی رحمہ اللہ نے ’’تنقيح التحقيق‘‘[97] میں امام دارقطنی رحمہ اللہ کے اس کلام پر اعتماد کیا ہے۔
نیز امام دار قطنی رحمہ اللہ ایک مقام پر فرماتے ہیں: ’’يقال: كادح بن رحمة له اسم كان يعرف به، فغيره سليمان بن الربيع، فسماه كادحا، ذهب إلى قول الله تعالى: ’’يَاأَيُّهَا الْإِنْسَانُ إِنَّكَ كَادِحٌ‘‘، قال: وقد روى سليمان بن الربيع هذا أحاديث مناكير عن شيخ آخر، فغير اسمه سماه همام بن مسلم، وأظنه ذهب إلى قول النبي صلى الله عليه وسلم: كل بني آدم همام، قال أبو الحسن: أراد منهم من يهم بالخير، ومنهم من يهم بالشر، وذهب إلى أن أباه كان مسلما، فقال: همام بن مسلم‘‘[98].
کہا جاتا ہے کہ کادح بن رحمہ کا کوئی نام تھا جس سے اس کی معرفت تھی، پھر سلیمان بن ربیع نے اس کا نام بدل کر کادح (یعنی کام میں کوشش کرنے والا) رکھ دیا، اللہ تعالی کے اس ارشاد سے: ’’اے انسان! تو اپنے رب کے پاس پہنچنے تک کام میں کوشش کر رہا ہے‘‘، دارقطنی رحمہ اللہ فرماتے ہیں: اس سلیمان بن ربیع نے ایک دوسرے شیخ سے منکر احادیث روایت کی ہیں، پھر اپنے شیخ کا نام بدل کر ہمام بن مسلم رکھ دیا، اور میرا گمان ہے، نبی ﷺ کے اس ارشاد کی وجہ سے کہ ’’ہر بنی آدم ہمام (ارادہ کرنے والا) ہے‘‘، ابو الحسن (دارقطنی رحمہ اللہ ) فرماتے ہیں: بعض خیر کا ارادہ کرتے ہیں، اور بعض شر کا ارادہ کرتے ہیں، اور اس وجہ سے کہ اس کا والد مسلمان تھا، سو اسے ہمام بن مسلم کہہ دیا۔
حافظ ذہبی رحمہ اللہ نے ’’تلخيص العلل‘‘[99] میں زیر بحث روایت کے تحت سلیمان بن ربیع اور ہمام بن مسلم کو ’’لیس بشیء‘‘کہا ہے۔
نیز حافظ ذہبی رحمہ اللہ نے ’’ميزان‘‘[100] میں کادح بن رحمہ زاہد کے ترجمہ میں ایک روایت کے تحت سلیمان بن ربیع کو ’’أحد المتروكين‘‘ کہا ہے۔
حافظ ابن حبان رحمہ اللہ ’’المجروحین‘‘[101]میں ہمام بن مسلم کے بارے میں فرماتے ہیں: ’’ كان ممن يسرق الحديث، ويحدث به، ويروي عن الثقات ما ليس من أحاديثهم، على قلة معرفته بصناعة الحديث، فلما فحش ذلك منه، وكثر في روايته بطل الاحتجاج به‘‘. یہ ان لوگوں میں سے تھا جو حدیث میں سرقہ کرکے اسے بیان کرتے تھے، اور یہ ثقہ راویوں کے انتساب سے ایسی احادیث بیان کرتا تھا جو ان کی احادیث میں سے نہیں ہوتی تھیں، اس کے ساتھ ساتھ صناعت حدیث میں اس کی معرفت کم تھی، جب اس طرح اس کی روایات میں کثرت سے ہونے لگا تو اس سے احتجاج باطل ہوگیا ہے۔
حافظ ابن جوزی رحمہ اللہ نے ’’الضعفاء‘‘[102] میں، اور علامہ ابن عراق رحمہ اللہ نے ’’تنزيه الشريعة‘‘[103] میں حافظ ابن حبان رحمہ اللہ کے قول پر اعتماد کیا ہے۔
امام دار قطنی رحمہ اللہ نے ’’العلل الواردة‘‘[104] میں ہمام بن مسلم کو ’’متروک‘‘ کہا ہے۔
نیز امام دار قطنی رحمہ اللہ ایک مقام پر فرماتے ہیں: ’’يقال: كادح بن رحمة له اسم كان يعرف به، فغيره سليمان بن الربيع، فسماه كادحا، ذهب إلى قول الله تعالى: ’’يَاأَيُّهَا الْإِنْسَانُ إِنَّكَ كَادِحٌ‘‘، قال: وقد روى سليمان بن الربيع هذا أحاديث مناكير عن شيخ آخر، فغير اسمه سماه همام بن مسلم، وأظنه ذهب إلى قول النبي صلى الله عليه وسلم: كل بني آدم همام، قال أبو الحسن: أراد منهم من يهم بالخير، ومنهم من يهم بالشر، وذهب إلى أن أباه كان مسلما، فقال: همام بن مسلم‘‘[105].
کہا جاتا ہے کہ کادح بن رحمہ کا کوئی نام تھا جس سے اس کی معرفت تھی، پھر سلیمان بن ربیع نے اس کا نام بدل کر کادح (یعنی کام میں کوشش کرنے والا) رکھ دیا، اللہ تعالی کے اس ارشاد سے: ’’اے انسان! تو اپنے رب کے پاس پہنچنے تک کام میں کوشش کر رہا ہے‘‘، دارقطنی رحمہ اللہ فرماتے ہیں: اس سلیمان بن ربیع نے ایک دوسرے شیخ سے منکر احادیث روایت کی ہیں، پھر اپنے شیخ کا نام بدل کر ہمام بن مسلم رکھ دیا، اور میرا گمان ہے، نبی ﷺ کے اس ارشاد کی وجہ سے کہ ’’ہر بنی آدم ہمام (ارادہ کرنے والا) ہے‘‘، ابو الحسن (دارقطنی رحمہ اللہ ) فرماتے ہیں: بعض خیر کا ارادہ کرتے ہیں، اور بعض شر کا ارادہ کرتے ہیں، اور اس وجہ سے کہ اس کا والد مسلمان تھا، سو اسے ہمام بن مسلم کہہ دیا۔
حافظ ذہبی رحمہ اللہ نے ’’تلخيص الموضوعات‘‘[106] میں ایک روایت کے تحت ہمام بن مسلم کو ’’متهم‘‘ کہا ہے۔
امام بخاری رحمہ اللہ نے اسے ایک حدیث کے تحت ’’منكر الحديث، ذاهب‘‘ کہا ہے[107]۔
امام ترمذی رحمہ اللہ اپنی ’’سنن‘‘[108] میں ایک روایت کے تحت فرماتے ہیں: ’’وسمعت محمد بن إسماعيل يقول: عمر بن عبد الله بن أبي خثعم منكر الحديث، وضعفه جدا‘‘. اور میں نے محمد بن اسماعیل (یعنی امام بخاری رحمہ اللہ ) کو فرماتے ہوئے سنا کہ عمر بن عبد اللہ بن ابی خثعم منکر الحدیث ہے، اور بخاری رحمہ اللہ نے اسے شدید ضعیف قرار دیا۔
حافظ ابو زرعہ رحمہ اللہ ، عمر بن عبد اللہ بن ابی خثعم کے بارے میں فرماتے ہیں: ’’واهي الحديث ، حدث عن يحيى بن أبي كثير ثلاثة أحاديث، لو كانت في خمس مئة حديث لافسدتها‘‘[109]. واہی الحدیث ہے، اس نے یحیی بن ابی کثیر کے انتساب سے تین احادیث بیان کی ہیں، یہ تین احادیث، پانچ سو احادیث میں ہوتیں تو ان کو بھی فاسد کردیتیں۔
حافظ ابن حبان رحمہ اللہ ’’المجروحین‘‘[110]میں عمر بن راشد یمامی کا ترجمہ قائم کرکے فرماتے ہیں: ’’عمر بن راشد اليمامي: وهو الذي يقال له عمر بن عبد الله بن أبي خثعم، كنيته أبو حفص، يروي عن يحيى بن أبي كثير، وإياس بن سلمة، روى عنه وكيع، وزيد بن حباب، كان ممن يروي الأشياء الموضعات عن ثقات أئمة، لا يحل ذكره في الكتب إلا على سبيل القدح فيه، ولا كتابة حديثه إلا على جهة التعجب‘‘. عمر بن راشد یمامی یہ وہی ہے جسے عمر بن عبد اللہ بن ابی خثعم کہا جاتا ہے، اس کی کنیت ابو حفص ہے[111]، یہ یحیی بن ابی کثیر اور ایاس بن سلمہ سے روایت کرتا ہے، اور اس سے وکیع اور زید بن حباب روایت کرتے ہیں، یہ ان لوگوں میں سے ہے جو ثقہ ائمہ کے انتساب سے من گھڑت اشیاء روایت کرتے ہیں،اس کا ذکر کتب میں سوائے جرح کے حلال نہیں ہے، اور اس کی حدیث کو لکھنا حلال نہیں ہے مگر تعجب کے طور پر۔
حافظ ابن عدی رحمہ اللہ نے ’’الكامل‘‘[112] میں اسے ’’منكر الحديث‘‘ کہا ہے۔
امام بیہقی رحمہ اللہ نے ’’شعب الإيمان‘‘[113] میں اسے ایک حدیث کے تحت ’’منكر الحديث‘‘ کہا ہے۔
حافظ ذہبی رحمہ اللہ ’’ديوان الضعفاء‘‘[114] میں فرماتے ہیں: ’’وهاه البخاري وغيره‘‘. بخاری وغیرہ رحمہ اللہ نے اسے ’’واہی‘‘قرار دیا ہے۔
حافظ ابن حجر عسقلانی رحمہ اللہ نے ’’التقریب‘‘[115] میں عمر بن عبد اللہ بن ابی خثعم کو ’’ضعيف‘‘ کہا ہے۔
حافظ ابن جوزی رحمہ اللہ نے زیر بحث روایت کو اس طریق سے بھی ’’شدید ضعیف‘‘ قرار دیا ہے، اور حافظ ابن جوزی رحمہ اللہ کی اتباع میں حافظ ذہبی lنے بھی اس کے ’’شدید ضعیف‘‘ہونے کی جانب اشارہ کیا ہے، اس لئے اسے اس طریق سے بھی رسول اللہ ﷺ کے انتساب سے بیان کرنا درست نہیں ہے، واللہ اعلم۔
حافظ ابن جوزی رحمہ اللہ ’’العلل المتناهية‘‘[116] میں تخریج فرماتے ہیں:
’’أنا محمد بن ناصر، قال: أنا المبارك بن عبد الجبار، قال: أخبرنا عبد العزيز بن علي الأَزَجي، قال: نا المُفِيْد، قال: حدثنا عن سليمان بن عمران، عن حفص بن غِيَاث، عن أبيه، عن جده، عن علي بن أبي طالب قال: قال النبي صلى الله عليه وسلم: ما من كتاب يلقى بمضيعة من الأرض، فيه اسم من أسماء الله إلا بعث الله إليه سبعين ألف ملك، يحفونه بأجنحتهم، ويقدسونه، حتى يبعث الله إليه وليا من أوليائه، يرفعه من الأرض، فمن رفع كتابا من الأرض فيه اسم من أسماء الله رفع الله اسمه في عليين، وحط عن والديه يعني العذاب، وإن كانا من المشركين‘‘.
حضرت علی بن ابی طالب رضی اللہ عنہ فرماتے ہیں کہ رسول اللہ ﷺ نے ارشاد فرمایا: زمین کے جس بیکار حصہ میں کوئی ایسی تحریر پھینک دی گئی ہو جس میں اللہ تعالی کے ناموں میں سے کوئی نام ہو تو اللہ تعالی اس کی طرف ستر ہزار فرشتے بھیجتے ہیں، جو اسے اپنے پروں سے گھیر لیتے ہیں، اور اس کی تقدیس کرتے ہیں، حتی کہ اللہ تعالی اپنے اولیاء میں سے کسی ولی کو بھیجتے ہیں، وہ اسے زمین سے اٹھاتا ہے، سو جس نے زمین سے ایسا ورقہ اٹھایا جس میں اللہ کے ناموں میں سے کوئی نام ہو تو اللہ تعالی اس کے نام کو علیین میں بلند فرماتے ہیں، اور اس کے والدین سے عذاب کو ہٹا دیتے ہیں، اگرچہ اس کے والدین مشرک ہی کیوں نہ ہوں۔
روایت بطریق مُفِید پر ائمہ کا کلام
حافظ ابن جوزی رحمہ اللہ ’’العلل‘‘[117]میں تخریج روایت کے بعد فرماتے ہیں:
’’المُفِيد ليس بشيء، ولم يسنده إلى شيخ معروف، قال ابن عدي: وهذا متن لا يصح عن علي رضي الله عنه‘‘. مُفِید لیس بشیء ہے، اور اس نے اس کی اسناد معروف شیخ کی طرف نہیں کی ہے، ابن عدی رحمہ اللہ فرماتے ہیں: اور اس حدیث کا متن علی رضی اللہ عنہ کے طریق سے صحیح نہیں ہے۔
حافظ سیوطی رحمہ اللہ نے ’’اللآلئ‘‘[118] میں زیر بحث روایت ذکر کرکے حافظ ابن جوزی رحمہ اللہ کے کلام پر اعتماد کیا ہے۔
حافظ ذہبی رحمہ اللہ ’’تلخيص العلل‘‘[119] میں زیر بحث روایت ذکر کرکے فرماتے ہیں:
’’في سنده المُفِيد كذاب، عن مجهول بسند مظلم‘‘. اس کی سند میں مُفِید ہے جو کذاب ہے،وہ اسے ایک مجہول راوی سے ’’مظلم سند‘‘سے روایت کر رہا ہے۔
حافظ ابو بکر برقانی رحمہ اللہ نے اسے ’’ليس بحجة‘‘ کہا ہے[120]۔
علامہ ابو منصور محمد بن احمد بن شعیب رویانی رحمہ اللہ فرماتے ہیں: ’’لم أر أحفظ من أبي بكر المُفِيد‘‘[121]. میں نے ابو بکر مُفِید سے زیادہ احفظ کسی کو نہیں دیکھا۔
حافظ خطیب بغدادی رحمہ اللہ ’’تاريخ بغداد‘‘[122] میں مُفِید کے بارے میں فرماتے ہیں: ’’ذكر لي أبو نعيم الحافظ: أنه بغدادي الأصل، سكن جرجرايا، ووصفه بالحفظ‘‘. مجھے حافظ ابو نعیم رحمہ اللہ نے ذکر کیا کہ یہ اصل بغدادی ہے، جَرْجَرِائی میں رہائش پذیر تھا، اور ابو نعیم رحمہ اللہ نے اسے حفظ کے ساتھ موصوف کیا۔
حافظ خطیب بغدادی رحمہ اللہ ’’تاريخ بغداد‘‘[123] میں مُفِید کے بارے میں مزید فرماتے ہیں: ’’فإنه كان سافر الكثير، وكتب عن الغرباء، وروى مناكير، وعن مشايخ مجهولين...‘‘. ’’یہ کثرت سے سفر کرتا تھا، اور غرباء سے لکھتا تھا، اور اس نے مناکیر روایت کی ہیں، اور مجہول مشایخ سے روایت کرتا ہے۔۔۔‘‘۔
حافظ ابو الولید باجی رحمہ اللہ فرماتے ہیں: ’’أبو بكر المُفِيد شيخ أنكرت عليه أسانيد ادعاها‘‘[124]. ابو بکر مُفِید شیخ ہے، اس پر ان اسانید کی وجہ سے انکار ہوا ہے جن کا اس نے دعوی کیا تھا۔
حافظ ابن ماکولا رحمہ اللہ ’’الإكمال‘‘[125] میں فرماتے ہیں:’’ضعفوه‘‘. محدثین نے اسے ضعیف قرار دیا ہے۔
حافظ سمعانی رحمہ اللہ ’’الأنساب‘‘[126] میں جَرْجَرَائی مُفِید کے بارے میں فرماتے ہیں: ’’كان رحل وجمع، ولكن كانوا لا يحتجون به‘‘. اس نے سفر کیا، اور (احادیث) جمع کیں، لیکن محدثین اس سے احتجاج نہیں کرتے تھے۔
حافظ ابن نجار رحمہ اللہ ، مُفِید جَرْجَرَائی کا قول نقل فرماتے ہیں: ’’سمعت ما لم يسمعوا، وأدركت ما لم يدركوا، فحسدوني وتكلموا في، الله بيني وبينهم‘‘[127]. میں نے جو سنا ہے، دوسرے نہیں سن سکے، اور میں نے جو پایا، لوگ نہیں پا سکے، چنانچہ وہ مجھ سے حسد کرکے میرے بارے میں کلام کرنے لگ گئے، میرے اور ان کے درمیان اللہ ہے۔
حافظ ذہبی رحمہ اللہ ’’ميزان‘‘[128] میں فرماتے ہیں: ’’وروى المناكير عن المجاهيل‘‘. یہ مجہول راویوں سے منکر احادیث روایت کرتا ہے۔
حافظ ذہبی رحمہ اللہ ’’ديوان الضعفاء‘‘[129] میں فرماتے ہیں: ’’ضعفوه‘‘. محدثین نے اسے ضعیف قرار دیا ہے۔
حافظ ذہبی رحمہ اللہ ’’المغني‘‘[130] میں فرماتے ہیں: ’’مجمع على ضعفه واتهم‘‘. اس کے ضعیف ہونے پر اجماع ہے، اور اسے متہم قرار دیا گیا ہے۔
حافظ ذہبی رحمہ اللہ نے مُفِید کے بارے میں ’’سير أعلام‘‘[131] میں ’’تالف‘‘، ’’تاريخ الإسلام‘‘[132] میں ’’الضعيف الواهي‘‘، ’’تلخيص العلل‘‘[133] میں ’’ كذاب‘‘ اور ’’ميزان‘‘[134] میں ’’متهم‘‘ کہا ہے۔
علامہ سبط ابن عجمی رحمہ اللہ ’’الکشف الحثیث‘‘[135] میں حافظ ذہبی رحمہ اللہ کا کلام نقل کرنے کے بعد فرماتے ہیں: ’’قال الذهبي: قلت: هو متهم، فقوله بعد كلام الباجي هو متهم: يحتمل أن يريد بالكذب، ويحتمل بالوضع‘‘. ذہبی رحمہ اللہ فرماتے ہیں: میں کہتا ہوں کہ یہ متہم ہے، سو ذہبی رحمہ اللہ کا باجی رحمہ اللہ کے کلام کے بعد کہنا کہ وہ متہم ہے، اس میں اس بات کا احتمال ہے کہ ذہبی رحمہ اللہ کی مراد متہم بالکذب ہو، اور اس بات کا بھی احتمال ہے کہ ان کی مراد متہم بالوضع ہو۔
حافظ سیوطی رحمہ اللہ نے ’’اللآلئ‘‘[136] میں ایک روایت کے تحت اسے ’’متهم‘‘ کہا ہے۔
علامہ ابن عراق رحمہ اللہ ’’تنزيه الشريعة‘‘[137] میں محمد بن احمد بن محمد جَرْجَرَائی مُفِید کو وضاعین ومتہمین کی فہرست میں شمار کرکے فرماتے ہیں: ’’قال الذهبي: متهم‘‘. ذہبی رحمہ اللہ فرماتے ہیں: یہ متہم ہے۔
واضح رہے کہ حافظ ذہبی رحمہ اللہ سے پہلے مُفِید جَرْجَرَائی پر صریح الفاظ سے ’’متہم‘‘ کا اطلاق ہمیں نہیں مل سکا، واللہ اعلم۔
حافظ ابن ابی حاتم رحمہ اللہ ’’الجرح والتعديل‘‘[138] میں سلیمان بن عمران کے بارے میں فرماتے ہیں: ’’دل حديثه على أن الرجل ليس بصدوق‘‘. اس کی حدیث اس بات پر دلالت کرتی ہے کہ یہ شخص صدوق نہیں ہے۔
حافظ ابن جوزی رحمہ اللہ نے ’’الضعفاء‘‘[139] میں، حافظ ذہبی رحمہ اللہ نے ’’ميزان الاعتدال‘‘[140] اور ’’المغني‘‘[141] میں، اور علامہ ابن عراق رحمہ اللہ نے ’’تنزيه الشريعة‘‘[142] میں حافظ ابن ابی حاتم رحمہ اللہ کے کلام پر اعتماد کیا ہے۔
سند میں موجود راوی غیاث بن طلق نخعی کے بارے میں ائمہ جرح وتعدیل کے اقوال نہیں مل سکے۔
حافظ ابن جوزی رحمہ اللہ زیر بحث روایت کو اس طریق سے ’’شدید ضعیف‘‘ قرار دے کر فرماتے ہیں: ابن عدی رحمہ اللہ فرماتے ہیں: ’’اور اس حدیث کا متن علی رضی اللہ عنہ کے طریق سے صحیح نہیں ہے‘‘، نیز حافظ ذہبی رحمہ اللہ نے بھی سند میں موجود راوی مُفِید کو کذاب کہہ کر اس کے ’’ضعفِ شدید‘‘ کی طرف اشارہ کیا ہے، اس لئے اس روایت کو اس طریق سے بھی رسول اللہ ﷺ کے انتساب سے بیان کرنا درست نہیں ہے، واللہ اعلم۔
امام طبرانی رحمہ اللہ ’’المعجم الصغير‘‘[143] میں تخریج فرماتے ہیں:
’’حدثنا الحسين بن عبد الغفار المصري، حدثنا زهير بن عباد الرُؤاسي، حدثنا سليمان بن عمران، عن حفص بن غِيَاث، عن أبيه، عن جده طلق بن معاوية النخعي، عن علي بن أبي طالب رضي الله عنه قال: قال رسول الله صلى الله عليه وآله وسلم: ما من كتاب يلقى بمضيعة من الأرض إلا بعث الله عز وجل إليه ملائكة يحفونه بأجنحتهم ويقدسونه، حتى يبعث الله إليه وليا من أوليائه، فيرفعه من الأرض، ومن رفع كتابا من الأرض فيه اسم من أسماء الله تعالى رفع الله اسمه في عليين، وخفف عن والديه العذاب، وإن كانا كافرين‘‘.
حضرت علی بن ابی طالب رضی اللہ عنہ فرماتے ہیں کہ رسول اللہ ﷺ نے ارشاد فرمایا: زمین کے جس بیکار حصہ میں کوئی تحریر پھینک دی گئی ہو تو اللہ تعالی اس کی طرف فرشتے بھیجتے ہیں، جو اسے اپنے پروں سے گھیر لیتے ہیں، اور اس کی تقدیس کرتے ہیں، حتی کہ اللہ تعالی اپنے اولیاء میں سے کسی ولی کو بھیجتے ہیں، وہ اسے زمین سے اٹھاتا ہے، سو جس نے زمین سے ایسا ورقہ اٹھایا جس میں اللہ تعالی کے ناموں میں سے کوئی نام ہو تو اللہ تعالی اس کے نام کو علیین میں بلند فرماتے ہیں، اور اس کے والدین سے عذاب کو ہلکا کردیتے ہیں، اگرچہ اس کے والدین کافر ہی کیوں نہ ہوں۔
زیر بحث روایت حافظ ابو محمد حسن بن محمد خلال رحمہ اللہ نے اپنے ایک ’’جزء‘‘[144] میں، حافظ ابن عساکر رحمہ اللہ نے ’’تاريخ دمشق‘‘[145] میں، حافظ ابو طاہر سلفی رحمہ اللہ نے ’’المشيخة البغدادية‘‘[146] میں اور حافظ ابن جوزی رحمہ اللہ نے ’’العلل‘‘[147] میں تخریج کی ہے، تمام سندیں سند میں موجود راوی زہیر بن عباد رُؤاسی پر مشترک ہوجاتی ہیں۔
واضح رہے کہ ’’المشيخة البغدادية‘‘ اور ’’العلل المتناهية‘‘ میں زہیر بن عباد اور سلیمان بن عمران کے درمیان ابو وکیع جَرَّاح بن مَلِیح موجود ہے۔
روایت بطریق سلیمان بن عمران پر ائمہ کا کلام
امام طبرانی رحمہ اللہ ’’المعجم الصغير‘‘[148] میں تخریج روایت کے بعد فرماتے ہیں:
’’لا يروى عن علي إلا بهذا الإسناد، تفرد به زهير بن عباد‘‘. یہ علی رضی اللہ عنہ سے صرف اسی اسناد سے مروی ہے، اس میں زہیر بن عباد متفرد ہے۔
حافظ ابو محمد حسن بن محمد خلال رحمہ اللہ اپنے ایک ’’جزء‘‘[149] میں تخریج روایت کے بعد فرماتے ہیں:
’’لا أعلم لحفص عن أبيه، عن جده غير هذا‘‘. مجھے حفص کی عن ابیہ، عن جدہ کے طریق سے اس روایت کے علاوہ کوئی دوسری روایت معلوم نہیں ہے۔
حا فظ ابن عدی رحمہ اللہ ’’الكامل‘‘[150] میں قطع نظر خاص اس سند کے ابو حفص عبدی کے ترجمہ میں فرماتے ہیں:
’’وروي عن علي بن أبي طالب هذا المتن من وجه لا يصح، قوله: من رفع قرطاسا من الأرض‘‘. اور علی بن ابی طالب رضی اللہ عنہ سے یہ متن ایک ایسی سند سے منقول ہے جو صحیح نہیں ہے، ان کا قول ہے: جس نے زمین سے کاغذ اٹھایا۔
حافظ ابن جوزی رحمہ اللہ ’’العلل‘‘[151]میں تخریج روایت کے بعد فرماتے ہیں:
’’وأما الطريق الثاني: ففيه غِيَاث، وقد كذبوه، وفيه الجراح أبو وكيع، قال يحيى: كان وضاعا للحديث، وقال الدارقطني: ليس بشيء‘‘. اور دوسرے طریق میں غیاث ہے، اور محدثین نے اسے جھوٹا قرار دیا ہے، اور اس میں جراح ابو وکیع ہے، یحیی رحمہ اللہ فرماتے ہیں: یہ حدیث گھڑتا تھا، اور دارقطنی رحمہ اللہ فرماتے ہیں کہ ’’لیس بشیء‘‘ہے۔
حافظ سیوطی رحمہ اللہ نے ’’اللآلئ‘‘[152] میں زیر بحث روایت ذکر کرکے حافظ ابن جوزی رحمہ اللہ کے کلام پر اعتماد کیا ہے۔
واضح رہے کہ حافظ ابن جوزی رحمہ اللہ نے ’’العلل‘‘میں سند میں موجود راوی غیاث کے بارے میں ’’کذبوہ‘‘ کہا ہے، جبکہ کتب رجال میں تلاش بسیار کے باوجود غیاث بن طلق نخعی کے بارے میں ائمہ جرح وتعدیل کے اقوال نہیں مل سکے، البتہ غیاث بن طلق کے علاوہ ایک دوسرا راوی ہے، جس کا نام غیاث بن ابراہیم نخعی ہے، اس کے بارے میں ائمہ رجال نے شدید جرح کی ہے[153]، نیز ابو وکیع جَرَّاح بن مَلِیح کے بارے میں حافظ ابن جوزی رحمہ اللہ کی ذکر کردہ جرح مذکورہ سیاق سے محلِ نظر ہے[154]۔
حافظ ذہبی رحمہ اللہ ’’تلخيص العلل‘‘[155] میں زیر بحث روایت کے بارے میں فرماتے ہیں:
’’وقد رواه ابن عدي، إن كان رواه، فإنه من رواية هنَّاد النَسَفِي، عن شيخ له عنه، عن القاسم بن مهدي ضعيف، ثنا زهير بن عباد الرُؤاسي، ثنا الجرَّاح بن مَلِيح، عن سليمان بن عمران، عن حفص بن غِيَاث، عن أبيه، عن جده طلق، عن علي‘‘.
اور ابن عدی رحمہ اللہ نے روایت کیا ہے، اگر ابن عدی رحمہ اللہ نے روایت کیا ہو، کیونکہ یہ بروایت ہنَّاد نسفی ہے، جو اپنے شیخ سے، وہ ابن عدی رحمہ اللہ سے، وہ قاسم بن مہدی سے جو کہ ضعیف ہے، ثنا زہیر بن عباد رُؤاسی، ثنا الجرَّاح بن مَلِیح، عن سلیمان بن عمران، عن حفص بن غیاث، عن ابیہ، عن جدہ طلق، عن علی رضی اللہ عنہ کے طریق سے اسے روایت کر رہا ہے۔
حافظ ہیثمی رحمہ اللہ ’’مجمع الزوائد‘‘[156] میں زیر بحث روایت ذکر کرکے فرماتے ہیں:
’’رواه الطبراني في الصغير، وفيه الحسين بن عبد الغفار، وهو متروك‘‘. اسے طبرانی رحمہ اللہ نے ’’صغیر‘‘میں روایت کیا ہے، اور اس میں حسین بن عبد الغفار ہے، اور وہ متروک ہے۔
سابقہ ذکر کردہ تمام مصادر میں سلیمان بن عمران، مُفِید جَرْجَرَائی، اور غیاث بن طلق نخعی موجود ہیں، سلیمان بن عمران کے بارے میں ائمہ رجال کے اقوال مُفِید جَرْجَرَائی کے طریق کے تحت ماقبل میں گزر چکے ہیں، اور یہ بھی گزر چکا ہے کہ سند میں موجود راوی غیاث بن طلق نخعی کے بارے میں ائمہ جرح وتعدیل کے اقوال نہیں مل سکے۔
واضح رہے کہ زہیر بن عباد سے پہلے کوئی نہ کوئی متکلم فیہ راوی موجود ہے، جیسا کہ امام طبرانی رحمہ اللہ کے طریق میں حسین بن عبد الغفار ہے، اور حافظ ابو محمد حسن بن محمد خلال رحمہ اللہ کے طریق میں محمد بن عبد اللہ بن عبد المطلب شیبانی ہے، اور حافظ ابن عساکر رحمہ اللہ کے طریق میں علی بن بُشری بن عبد اللہ عطار ہے، اور حافظ ابو طاہر سلفی رحمہ اللہ کے طریق میں قاسم بن مہدی ہے، اور حافظ ابن جوزی رحمہ اللہ کے طریق میں ہنَّاد بن ابراہیم نسفی اور قاسم بن مہدی ہے، ذیل میں ان شاء اللہ ہر ایک کی تفصیل آئے گی۔
حافظ ابو سعید بن یونس رحمہ اللہ فرماتے ہیں: ’’ كذاب يضع الحديث‘‘[157]. کذاب ہے، حدیث گھڑتا تھا۔
حافظ ابن عدی رحمہ اللہ ’’الكامل‘‘[158] میں فرماتے ہیں: ’’ كتبت عنه بمصر في الرحلتين جميعا إلى مصر، حدثنا عن سعيد بن عُفَير، وعبد العزيز بن مِقْلاص، وغيرهما من كبار شيوخ مصر، ولم يكن سنه يحتمل لقاءهم، وقد حدث بأحاديث مناكير‘‘. میں نے اس سے مصر کی جانب دونوں سفر میں، مصر میں لکھا ہے، اس نے ہمیں سعید بن عُفَیر، اور عبد العزیز بن مِقْلاص وغیرہ مصر کے کبار شیوخ کے انتساب سے بیان کیا، اور اس کی عمر، ان سے لقاء کا احتمال نہیں رکھتی، اور اس نے منکر احادیث بیان کیں۔
حافظ ابن جوزی رحمہ اللہ نے ’’الضعفاء‘‘[159] میں حافظ ابن عدی رحمہ اللہ کے کلام پر اعتماد کیا ہے۔
حافظ دار قطنی رحمہ اللہ نے ’’المؤتلف والمختلف‘‘[160] میں اسے ’’منكر الحديث‘‘ کہا ہے۔
حافظ دار قطنی رحمہ اللہ ایک مقام پر فرماتے ہیں: ’’هذا آية، متروك، كان بلية‘‘[161]. یہ ایک نشانی ہے، متروک ہے، ’’بلیہ‘‘ہے۔
حافظ عبد الغنی بن سعید ازدی رحمہ اللہ ’’المؤتلف‘‘[162] میں فرماتے ہیں: ’’الحسن بن غفير مصري، وما كان ثقة ولا مأمونا، ترك حمزة بن محمد الرواية عنه‘‘. حسن بن غُفَیر مصری ہے، ’’ثقہ ومامون نہ تھا‘‘، حمزہ بن محمد (یعنی حافظ ابو القاسم حمزہ بن محمد کنانی مصری) نے اس سے روایت کو ترک کردیا تھا۔
حافظ ذہبی رحمہ اللہ نے اسے ’’تاريخ الإسلام‘‘[163] میں ’’متروك، واه‘‘، ’’ديوان الضعفاء‘‘[164] میں ’’متهم‘‘ اور ’’المغني‘‘[165] میں ’’ كذاب‘‘ کہا ہے۔
حافظ ذہبی رحمہ اللہ ’’ميزان الاعتدال‘‘[166] میں ایک مقام پر حسن بن غُفَیر کے بارے میں فرماتے ہیں: ’’قد اختلقها هذا المدبر نحو سبع ورقات‘‘. اس مُدبر نے سات اوراق پر مشتمل اس قصہ کو گھڑا ہے۔
علامہ سبط ابن عجمی رحمہ اللہ نے حسن بن غُفَیر کو ’’الكشف الحثيث‘‘[167] میں ذکر کرکے حافظ ذہبی رحمہ اللہ کے اس کلام کو نقل کیا ہے۔
حافظ ہیثمی رحمہ اللہ نے ’’مجمع الزوائد‘‘[168] میں زیر بحث روایت کے تحت اسے ’’متروك‘‘ کہا ہے۔
علامہ ابن عراق رحمہ اللہ ’’تنزيه الشريعة‘‘[169] میں حسین بن عبد الغفار مصری کو وضاعین ومتہمین کی فہرست میں شمار کرکے فرماتے ہیں: ’’متهم‘‘. متہم ہے۔
حافظ خطیب بغدادی رحمہ اللہ ’’تاريخ بغداد‘‘[170] فرماتے ہیں: ’’وكان يروي غرائب الحديث، وسؤالات الشيوخ، فكتب الناس عنه بانتخاب الدارقطني، ثم بان كذبه، فمزقوا حديثه، وأبطلوا روايته، وكان بعد يضع الأحاديث للرافضة، ويملي في مسجد الشرقية‘‘.
اور یہ غریب احادیث اور شیوخ کے سوالات روایت کرتا تھا، لوگوں نے دار قطنی رحمہ اللہ کے انتخاب کی بناء پر اس سے احادیث کو لکھا، پھر ان کا جھوٹا ہونا ظاہر ہوا تو لوگوں نے اس کی احادیث کو پھاڑ دیا، اور اس کی روایات کو باطل قرار دیا، اور اس کے بعد یہ رافضیوں کےلئے احادیث گھڑکر شرقیہ مسجد میں لکھواتا تھا۔
حافظ ابن عساکر رحمہ اللہ نے ’’تاريخ دمشق‘‘[171] میں اور حافظ ذہبی رحمہ اللہ نے ’’ميزان الاعتدال‘‘[172] میں حافظ خطیب بغدادی رحمہ اللہ کے کلام کو نقل کرنے پر اکتفاء کیا ہے۔
حافظ ابن حجر عسقلانی رحمہ اللہ ’’لسان الميزان‘‘[173] میں حافظ ذہبی رحمہ اللہ کے کلام کو نقل کرنے کے بعد لکھتے ہیں: ’’وقال الأزهري: كان يحفظ، وأساء الثناء عليه، وقال: كان دجالا كذابا، ما رأيت له أصلا قط، واتهمه الدارقطني بالتركيب، وقال العتيقي: كان كثير التخليط‘‘.
اور ازہری رحمہ اللہ کہتے ہیں کہ یہ حافظ تھا، اور اس کی برائی بیان کی، اور پھر فرمایا: یہ دجال، جھوٹا تھا، میں نے کبھی بھی اس کی اصل نہیں دیکھی، اور دارقطنی رحمہ اللہ نے ترکیب کی وجہ سے اس کومتہم قرار دیا، اور عتیقی رحمہ اللہ نے کہا: یہ ’’ کثیر التخلیط‘‘ہے۔
نیز حافظ ذہبی رحمہ اللہ ’’تاريخ الإسلام‘‘[174] میں مزید یہ بھی فرماتے ہیں: ’’وكان حافظا عارفا بالفن، أخباريا مصنفا، لكن لحقه الإدبار‘‘. اور یہ حافظ، فن کو جاننے والا تھا، اَخباری اور مصنف تھا، لیکن اس کو پلٹنا لاحق ہوگیا۔
حافظ حمزہ بن محمد بن طاہر دقاق رحمہ اللہ کہتے ہیں: ’’ كان يضع الحديث، وقد كتبت عنه، وكان له سمت ووقار‘‘[175]. وہ حدیث گھڑتا تھا، اور میں نے اس سے احادیث کو لکھا ہے، اور یہ سنجیدہ اور وقار والا تھا۔
حافظ ابو ذر ہروی رحمہ اللہ فرماتے ہیں: ’’ كتبت عنه في المعجم للمعرفة، ولم أخرج عنه في تصانيفي شيئا، وتركت الرواية عنه، لأني سمعت الدارقطني يقول: كنت أتوهمه من رهبان هذه الأمة، وسألته الدعاء لي، فنعوذ بالله من الحور بعد الكور، وقال أبو ذر: يعني: سبب ذلك أنه قعد للرافضة، وأملى عليهم أحاديث ذكر فيها مثالب الصحابة، وكانوا يتهمونه بالقلب والوضع....‘‘[176].
’’میں نے ’’معجم‘‘ میں معرفت کےلئے اس کی روایات کو لکھا ہے، اور میں نے اپنی تصانیف میں اس کی کوئی حدیث بھی تخریج نہیں کی، اور میں نے اس سے روایت لینا ترک کردیا تھا، اس لئے کہ میں نے دار قطنی رحمہ اللہ کو یہ فرماتے ہوئے سنا: میں گمان کرتا تھا کہ یہ اس امت کے راہبوں میں سے ہے، اور میں نے اسے اپنے لئے دعا کا بھی کہا تھا، ہم صلاح کے بعد فساد سے اللہ کی پناہ چاہتے ہیں، اور ابو ذر رحمہ اللہ فرماتے ہیں، یعنی اس کی وجہ یہ بنی کہ یہ رافضیوں کے واسطہ بیٹھ کر انھیں صحابہ رضی اللہ عنہم کے عیوب پر مشتمل احادیث لکھواتا تھا،اور محدثین اس کو قلب اور وضع کی وجہ سے متہم قرار دیتے تھے۔۔۔ ‘‘۔
حافظ ذہبی رحمہ اللہ نے ’’تاريخ الإسلام‘‘[177] میں ازہر بن زفر مصری کا ترجمہ بغیر جرح وتعدیل کے ذکر کیا ہے۔
حافظ عبد العزیز بن احمد کتانی رحمہ اللہ اپنی ’’ذيل‘‘[178] میں فرماتے ہیں: ’’اتهم في خيثمة‘‘. یہ خیثمہ کے بارے میں متہم ہے۔
حافظ ذہبی رحمہ اللہ نے ’’تاريخ الإسلام‘‘[179] اور ’’ميزان الاعتدال‘‘[180] میں حافظ عبد العزیز بن احمد کتانی رحمہ اللہ کے قول پر اعتماد کیا ہے۔
علامہ ابن عراق رحمہ اللہ نے ’’تنزيه الشريعة‘‘[181] میں علی بن بشری عطار کو وضاعین ومتہمین کی فہرست میں شمار کرکے حافظ عبد العزیز بن احمد کتانی رحمہ اللہ کے قول پر اعتماد کیا ہے۔
حافظ ابو الفضل ابن خیرون رحمہ اللہ نے ہنَّاد بن ابراہیم نَسَفِی کے بارے میں ’’فيه بعض الشيء‘‘ کہا ہے[182]۔
حافظ خطیب بغدادی رحمہ اللہ ’’تاريخ بغداد‘‘[183] میں ہنَّاد نَسَفِی کے بارے میں فرماتے ہیں: ’’لما أردت الخروج إلى نيسابور دفع إلي هنَّاد كتابه، وفيه أحاديث عن شيخ ذكر أنه حي بالنهروان، يعرف بابن كردي، عن جعفر الخُلْدي، وأحمد بن سلمان النجاد، فعلقت بعضها، فلما صرت بالنهروان اجتمعت مع ذلك الشيخ وأردت قراءة تلك الأحاديث عليه، فأنكر أن يكون يعرف الخُلْدي والنجاد، وقال: إنما حدثني عبد الملك بن بكران المقرئ بهذه الأحاديث عمن سميت من المشايخ‘‘.
جب میں نے نیشاپور جانے کا ارادہ کیا تو ہنَّاد نے مجھے جعفر خُلدی اور احمد بن سلمان نجاد کے طریق سے اپنی کتاب دی، اس میں شیخ کے انتساب سے احادیث تھیں، اس ہنَّاد نے ذکر کیا کہ وہ شیخ نہروان میں باحیات ہیں، ابن کردی سے معروف ہیں، میں نے ان احادیث میں سے بعض تعلیقاً روایت کیں، سو جب میں نہروان پہنچا تو میری اس شیخ سے ملاقات ہوگئی، اور میں نے وہ احادیث اس پر قراءت کرنے کا ارادہ کیا، تو انہوں نے خُلدی اور نجاد کو پہچاننے سے انکار کیا، اور کہا: یہ احادیث مجھے صرف عبد الملک بن بکران مقری نے بیان کی ہیں، ان مشایخ سے جن کا آپ نے نام لیا ہے۔
حافظ سمعانی رحمہ اللہ فرماتے ہیں: ’’ كنت أقول متعجبا: لعله ما روى في مجموعاته حديثا صحيحا، إلا ما شاء الله‘‘[184]. میں تعجب کے ساتھ کہتا ہوں کہ شاید اس نے اپنے مجموعہ میں کوئی صحیح حدیث روایت نہیں کی الا ماشاء اللہ۔
حافظ ابن جوزی رحمہ اللہ ’’المنتظم‘‘[185] میں ہنَّاد بن ابراہیم نسفی کے بارے میں فرماتے ہیں: ’’سمع منه شيوخنا، وحدثونا عنه، وكانوا يتهمونه، لأن الغالب على حديثه المناكير‘‘. اس سے ہمارے شیوخ نے سماعت کی ہے، اور ہمیں اس کے انتساب سے بیان کیا ہے، اور وہ شیوخ اسے متہم قرار دیتے تھے، اس لئے کہ اس کی حدیث میں مناکیر کا غلبہ ہے۔
نیز حافظ ابن جوزی رحمہ اللہ ’’الموضوعات‘‘[186] میں ایک روایت کے تحت ہنَّاد کے بارے میں فرماتے ہیں: ’’وأنا أتهم به هنَّادا، فإنه لم يكن بثقة‘‘. اور میں اس میں ہنَّاد کو متہم سمجھتا ہوں، اس لئے کہ وہ ثقہ نہیں ہے۔
حافظ ذہبی رحمہ اللہ ’’تاريخ الإسلام‘‘[187] میں ہنَّاد بن ابراہیم کے بارے میں فرماتے ہیں: ’’الغالب على روايته الغرائب والمناكير‘‘. اس کی روایت پر غرائب اور مناکیر کا غلبہ ہے۔
حافظ ذہبی رحمہ اللہ ’’المغني‘‘[188] میں ہنَّاد بن ابراہیم کے بارے میں فرماتے ہیں: ’’راوية للموضوعات، ضعف‘‘. من گھڑت احادیث راویت کرتا ہے، اس کی تضعیف کی گئی ہے۔
حافظ ذہبی رحمہ اللہ ’’ميزان الاعتدال‘‘[189] میں ہنَّاد بن ابراہیم کے بارے میں فرماتے ہیں: ’’روى الكثير بعد الخمسين وأربعمائة، إلا أنه راوية للموضوعات والبلايا، وقد تكلم فيه‘‘. اس نے چار سو پچاس کے بعد کثرت سے روایت کی ہے، مگر یہ کہ یہ من گھڑت احادیث اور بلایا روایت کرتا ہے، اور اس کے بارے میں کلام کیا گیا ہے۔
علامہ سبط ابن عجمی رحمہ اللہ نے ’’الكشف الحثيث‘‘[190] میں حافظ ذہبی رحمہ اللہ اور حافظ ابن جوزی رحمہ اللہ کے کلام پر اعتماد کیا ہے۔
علامہ ابن عراق رحمہ اللہ ’’تنزيه الشريعة‘‘[191] میں ہنَّاد بن ابراہیم کو وضاعین ومتہمین کی فہرست میں شمار کرکے فرماتے ہیں: ’’راوية للموضوعات والبلايا‘‘. یہ من گھڑت احادیث اور بلایا روایت کرتا ہے۔
حافظ ابن یونس مصری رحمہ اللہ فرماتے ہیں: ’’ولم أسمع منه غير حديث واحد، وكانت كتبه جيادا‘‘[192]. میں نے اس سے صرف ایک ہی حدیث سنی ہے، اور اس کی کتب عمدہ تھیں۔
حافظ ابن عدی رحمہ اللہ ’’الكامل‘‘[193] میں فرماتے ہیں: ’’ كتبت عنه بإخْمِيْم وبِبُلَيْنا في صعيد مصر، روى عن عمه محمد بن مهدي، عن يزيد بن يونس بن يزيد، عن أبيه، عن الزهري نسخة طويلة، ويزيد هذا حدث عنه ابن وهب شيئا يسيرا [ كذا في الأصل]، وقالوا: عمه لم ير يزيد ولم يلحقه‘‘. میں نے اس سے صعید مصر میں اِخْمِیْم اور بُلَیْنا میں لکھا ہے، اس نے اپنے چچا محمد بن مہدی سے یزید بن یونس بن یزید، عن ابیہ، عن الزہری کے طریق سے ایک طویل نسخہ روایت کیا ہے، اور اس یزید سے ابن وہب نے بہت کم روایت کیا ہے، اور محدثین فرماتے ہیں: اس کے چچا نے نہ یزید کو دیکھا ہے اور نہ ہی اس سے ملا ہے۔
چند سطر بعد حافظ ابن عدی رحمہ اللہ فرماتے ہیں: ’’وكان بعض شيوخ مصر يضعفه‘‘. مصر کے بعض شیوخ اس کی تضعیف کرتے تھے۔
اس کے بعد حافظ ابن عدی رحمہ اللہ ’’الكامل‘‘[194] میں قاسم کے ترجمہ میں چند احادیث ذکر کرکے فرماتے ہیں: ’’ولم أر له حديثا منكرا فأذكره، وهو عندي لا بأس به‘‘. اور میں نے اس کی کوئی منکر حدیث نہیں دیکھی جسے میں ذکر کروں، اور وہ میرے نزدیک ’’لا بأس بہ‘‘ہے۔
حافظ ذہبی رحمہ اللہ ’’ميزان الاعتدال‘‘[195] میں قاسم بن عبد اللہ بن مہدی کے ترجمہ میں حافظ ابن عدی رحمہ اللہ کی عبارت نقل کرکے فرماتے ہیں: ’’قد ذكرت له حديثا باطلا، فيكفيه، [وروى له الدار قطني حديث النضح، فقال: متهم بوضع الحديث] ‘‘. آپ نے اس کی ایک باطل حدیث ذکر کی ہے، سو یہ اس کےلئے کافی ہے، اور دارقطنی رحمہ اللہ نے اس کی ’’حدیث نضح‘‘ روایت کی، پھر فرماتے ہیں: یہ حدیث گھڑنے میں متہم ہے۔
اہم نوٹ:امام دارقطنی رحمہ اللہ کا ’’اتہام بالوضع‘‘ کا قول ان کی کتب میں نہیں مل سکا، واللہ اعلم۔
حافظ بدر الدین عینی رحمہ اللہ ’’مغاني الأخيار‘‘[196] میں فرماتے ہیں: ’’قلت: كلام الدارقطني فيه تحامل، لأنه لو كان متهما بالوضع ما كان يرحل إليه ابن عدي إلى إِخْمِيْم، مع طول لسانه فى الرجال، وشدة تفحصه عن أحوالهم، ولما كان مثل الطحاوي يرضى أن يروي عنه، ولا ابن يونس يحدث عنه، ولولا علمهم بدينه وأمانته وتوثيقه لما رضوه، ولا قبلوه، والله أعلم‘‘.
میں کہتا ہوں: دارقطنی رحمہ اللہ کے اس کلام میں زیادتی ہے، کیونکہ اگر یہ متہم بالوضع ہوتا تو ابن عدی رحمہ اللہ اِخْمِیْم تک سفر کرکے اس کے پاس نہ جاتے، اس کے ساتھ ساتھ کہ ابن عدی رحمہ اللہ رجال کے بارے میں طول لسان ہیں، اور ان کے احوال کی خوب تحقیق کرتے ہیں، نیز طحاوی رحمہ اللہ جیسا شخص اس سے روایت کرنے پر راضی نہ ہوتا، اور نہ ابن یونس رحمہ اللہ اس سے روایت کرتے، اور اگر ان کو اس کے دین، امانت اور اس کے ثقہ ہونے کا علم نہ ہوتا تو یہ اس سے راضی نہ ہوتے، اور نہ اسے قبول کرتے، واللہ اعلم۔
حافظ ابو القاسم حمزہ بن یوسف سہمی رحمہ اللہ فرماتے ہیں: ’’سألت الدارقطني عن أبي الطاهر القاسم بن عبد الله بن مهدي الإخْمِيْمِي، روى نسخة ليزيد بن يونس بن يزيد الأيلي ثقة؟ قال: كان (لينا)، قال: وله أحاديث منكرة غير النسخة، وقال: ليس هو بشيء‘‘[197]. میں نے دارقطنی رحمہ اللہ سے ابو طاہر قاسم بن عبد اللہ بن مہدی اِخْمِیْمِی جو یزید بن یونس بن یزید ایلی کا نسخہ روایت کرتا ہے، کے بارے میں پوچھا کہ وہ ثقہ ہے؟ دارقطنی رحمہ اللہ نے فرمایا: وہ لین ہے، اور دارقطنی رحمہ اللہ نے فرمایا: اس کی نسخہ کے علاوہ منکر احادیث ہیں، اور دارقطنی رحمہ اللہ نے فرمایا: وہ لیس بشیء ہے۔
حافظ ذہبی رحمہ اللہ ’’المغني‘‘[198] میں قاسم بن عبد اللہ بن مہدی کے بارے میں فرماتے ہیں: ’’شيخ ابن عدي، ضعف‘‘. ابن عدی رحمہ اللہ کے شیخ ہیں، ان کی تضعیف کی گئی ہے۔
اس کے بعد حافظ ذہبی رحمہ اللہ نے اس کے ترجمہ میں ایک روایت ذکر کرکے اسے من گھڑت کہا ہے۔
مذکورہ طبقہ میں موجود راوی محمد بن فرات کا ترجمہ ائمہ رجال کی کتب میں نہیں مل سکا، واللہ اعلم۔
حافظ ابن جوزی رحمہ اللہ نے زیر بحث روایت کو اس طریق سے ’’شدید ضعیف‘‘ قرار دیا ہے، اور حافظ ذہبی رحمہ اللہ نے بھی اس کے ’’ضعفِ شدید‘‘ کی طرف اشارہ کیا ہے، نیز قطع نظر خاص اس سند کے حافظ ابن عدی رحمہ اللہ فرماتے ہیں: ’’اور اس حدیث کا متن علی رضی اللہ عنہ کے طریق سے صحیح نہیں ہے‘‘، اس لئے اس روایت کو اس طریق سے بھی رسول اللہ ﷺ کے انتساب سے بیان کرنا درست نہیں ہے، واللہ اعلم۔
امام ابو عبد اللہ حاکم نیشاپوری رحمہ اللہ اپنی ’’تاريخ‘‘[199] میں تخریج فرماتے ہیں:
’’الحاكم في (تاريخه): حدثنا بكر بن محمد بن حمدان، حدثنا محمد بن خُشْنَام ببلخ، حدثنا أحمد بن نصر، حدثنا زهير بن عباد، حدثنا حفص بن غياث، عن أبيه، عن جده، عن علي رفعه: (ما من كتاب يلقى بمضيعة من الأرض، فيه اسم من أسماء الله عز وجل إلا بعث الله إليه سبعين ألف ملك، يحفونه بأجنحتهم ويقدسونه، حتى يبعث الله إليه وليا من أوليائه، فيرفعه)‘‘.
حضرت علی رضی اللہ عنہ سے مرفوعاً روایت ہے: زمین کے بیکار حصہ میں کوئی ایسی تحریر پھینک دی گئی ہو جس میں اللہ عز وجل کے ناموں میں سے کوئی نام ہو تو اللہ اس کی طرف ستر ہزار فرشتے بھیجتے ہیں، جو اسے اپنے پروں سے گھیر لیتے ہیں، اور اس کی تقدیس کرتے ہیں، حتی کہ اللہ تعالی اپنے اولیاء میں سے کسی ولی کو بھیجتے ہیں، وہ اسے زمین سے اٹھاتا ہے۔
یہی روایت حافظ دیلمی رحمہ اللہ نے ’’مسند الفردوس‘‘[200] میں امام ابو عبد اللہ حاکم نیشاپوری رحمہ اللہ کے حوالہ سے نقل کی ہے۔
واضح رہے کہ سابقہ طریق سلیمان بن عمران میں زہیر بن عباد اور حفص بن غیاث کے درمیان سلیمان بن عمران موجود ہے، واللہ اعلم۔
روایت بطریق احمد بن نصر ذارع پر ائمہ کا کلام
حافظ ابن عدی رحمہ اللہ ’’الكامل‘‘[201] میں قطع نظر خاص اس سند کے ابو حفص عبدی کے ترجمہ میں فرماتے ہیں:
’’وروي عن علي بن أبي طالب هذا المتن من وجه لا يصح، قوله: من رفع قرطاسا من الأرض‘‘. اور علی بن ابی طالب رضی اللہ عنہ سے یہ متن ایک ایسی سند سے منقول ہے جو صحیح نہیں ہے، ان کا قول ہے: جس نے زمین سے کاغذ اٹھایا۔
علامہ پٹنی رحمہ اللہ ’’تذكرة الموضوعات‘‘[204]میں زیر بحث روایت ذکر کرکے فرماتے ہیں: ’’فيه أحمد بن نصر دجال‘‘. اس میں احمد بن نصر دجال ہے۔
حافظ دارقطنی رحمہ اللہ فرماتے ہیں :’’ كذاب، دجال‘‘[205].یہ کذاب، دجال ہے۔
حافظ ابن جوزی رحمہ اللہ ’’الموضوعات‘‘[206] میں ایک حدیث کے تحت اس کے بارے میں فرماتے ہیں: ’’ كان كذابا، يضع الحديث‘‘.وہ جھوٹا ہے، حدیث گھڑتا تھا۔
حافظ خطیب بغدادی رحمہ اللہ ’’تاريخ بغداد‘‘[207] میں فرماتے ہیں: ’’وفي حديثه نكرة تدل على أنه ليس بثقة‘‘. اس کی حدیث میں ایسی نکارت ہے جو اس بات پر دلالت کرتی ہے کہ یہ ثقہ نہیں ہے۔
نیز حافظ خطیب بغدادی رحمہ اللہ نے ’’تاريخ بغداد‘‘[208] میں ایک دوسرے مقام پر احمد بن نصر کو ’’غير ثقة‘‘ کہا ہے۔
حافظ ذہبی رحمہ اللہ ’’ميزان الاعتدال‘‘[209] میں فرماتے ہیں: ’’فأتى بمناكير تدل على أنه ليس بثقة‘‘. یہ ایسی مناکیر لاتا ہے جو اس پر دلالت کرتی ہیں کہ یہ ثقہ نہیں ہے۔
نیز حافظ ذہبی رحمہ اللہ ’’المغني‘‘[210] میں فرماتے ہیں:’’وضاع مفتر‘‘. یہ روایات گھڑنے والا، افتراء باز ہے۔
حافظ ذہبی رحمہ اللہ ’’تاريخ الإسلام‘‘[211] میں فرماتے ہیں:’’وهو متهم، يأتي بالطامات، فليحذر منه‘‘. متہم ہے، طامات لاتا ہے، اس سے بچنا چاہئے۔
نیز حافظ ذہبی رحمہ اللہ نے ایک مقام پر اسے ’’ كذاب، وضاع، دُجَيْجِيْل‘‘ کہا ہے[212]۔
حافظ ابن ناصر الدین دمشقی رحمہ اللہ ’’توضيح المشتبة‘‘[213] میں فرماتے ہیں:’’روى عن الحارث بن أبي أسامة وطبقته أباطيل‘‘. یہ حارث بن ابی اسامہ اور ان کے طبقہ کے روات کے انتساب سے باطل روایات نقل کرتا ہے۔
حافظ ابن حجر عسقلانی رحمہ اللہ ’’الإصابة‘‘[214] میں احمد بن نصر کے بارے میں فرماتے ہیں:’’أحد الكذابين‘‘. جھوٹوں میں سے ایک جھوٹا ہے۔
علامہ سبط ابن عجمی رحمہ اللہ نے ’’الكشف الحثيث‘‘[215] میں احمد بن نصر کو متہم بالوضع راویوں میں شمار کرکے مختلف ائمہ کے اقوال نقل کئے ہیں۔
علامہ ابن عراق رحمہ اللہ ’’تنزيه الشريعة‘‘[216] میں احمد بن نصر کو وضاعین ومتہمین کی فہرست میں شمار کرکے فرماتے ہیں: ’’قال الدارقطني: دجال‘‘. دارقطنی رحمہ اللہ فرماتے ہیں کہ یہ دجال ہے۔
سند میں موجود راوی غیاث بن طلق نخعی کے بارے میں ائمہ جرح وتعدیل کے اقوال نہیں مل سکے، واللہ اعلم۔
حافظ ابن عدی رحمہ اللہ فرماتے ہیں: ’’اور اس حدیث کا متن علی رضی اللہ عنہ کے طریق سے صحیح نہیں ہے‘‘، حافظ سیوطی رحمہ اللہ نے زیر بحث روایت کو ’’من گھڑت‘‘ قرار دیا ہے، اور علامہ ابن عراق رحمہ اللہ نے حافظ سیوطی رحمہ اللہ کے کلام پر اعتماد کیا ہے، اس لئے اس روایت کو اس طریق سے بھی رسول اللہ ﷺ کے انتساب سے بیان کرنا درست نہیں ہے، واللہ اعلم۔
حافظ ابن شاہین رحمہ اللہ ’’الترغيب‘‘[217] میں تخریج فرماتے ہیں:
’’حدثنا عبد الله بن سليمان، ثنا عبد الرحمن [ كذا في الأصل، والصحيح: أبو عبد الرحمن] الأذْرَمي، ثنا عبد الله بن صدقة، عن حفص بن غياث، عن أبيه، عن جده، عن علي، قال: قال النبي صلى الله عليه وسلم: ما من كتاب يكون بمضيعة من الأرض فيه ذكر الله أو اسم الله إلا بعث الله إليه سبعين ألف ملك، يحفون به يسبحون الله ويقدسونه، حتى يقيض الله له وليا من أوليائه فيرفعه، ومن رفع كتابا فيه ذكر الله أو اسم الله رفع الله كتابه في عليين، وخفف عن والديه العذاب، وإن كانا كافرين‘‘.
حضرت علی بن ابی طالب رضی اللہ عنہ فرماتے ہیں کہ رسول اللہ ﷺ نے ارشاد فرمایا: زمین کے بیکار حصہ میں کوئی ایسی تحریر پھینک دی گئی ہو، جس میں اللہ کا ذکر ہو یا اللہ کا نام ہو تو اللہ اس کی طرف ستر ہزار فرشتے بھیجتے ہیں، جو اسے گھیر لیتے ہیں، اللہ کی تسبیح اور تقدیس بیان کرتے ہیں، حتی کہ اللہ اپنے اولیاء میں سے کسی ولی کو بھیجتے ہیں، وہ اسے زمین سے اٹھاتا ہے، اور جس نے زمین سے ایسا ورقہ اٹھایا جس میں اللہ کا ذکر ہو یا اللہ کا نام ہو تو اللہ تعالی اس کی کتاب کو علیین میں بلند فرماتے ہیں، اور اس کے والدین سے عذاب کو ہلکا کردیتے ہیں، اگرچہ اس کے والدین کافر ہی کیوں نہ ہوں۔
روایت بطریق عبد اللہ بن صدقہ پر ائمہ کا کلام
حا فظ ابن عدی رحمہ اللہ ’’الكامل‘‘[218]میں قطع نظر خاص اس سند کے ابو حفص عبدی کے ترجمہ میں فرماتے ہیں:
’’وروي عن علي بن أبي طالب هذا المتن من وجه لا يصح، قوله: من رفع قرطاسا من الأرض‘‘. اور علی بن ابی طالب رضی اللہ عنہ سے یہ متن ایک ایسی سند سے منقول ہے جو صحیح نہیں ہے، ان کا قول ہے: جس نے زمین سے کاغذ اٹھایا۔
سند میں موجود راوی عبد اللہ بن صدقہ کا ترجمہ تلاش بسیار کے باوجود کتب رجال میں نہیں مل سکا، اور غیاث بن طلق نخعی کے بارے میں ائمہ جرح وتعدیل کے اقوال نہیں مل سکے۔
سند میں موجود راوی عبد اللہ بن صدقہ کا ترجمہ تلاش بسیار کے باوجود کتب رجال میں نہیں مل سکا، اور غیاث بن طلق نخعی کے بارے میں ائمہ جرح وتعدیل کے اقوال نہیں مل سکے، نیز قطع نظر اس طریق کے حضرت علی رضی اللہ عنہ سے منقول اس متن کے بارے میں حافظ ابن عدی رحمہ اللہ فرماتے ہیں کہ یہ متن ایک ایسی سند سے منقول ہے جو ’’صحیح‘‘نہیں ہے، لہذا اس روایت کو اس طریق سے بھی رسول اللہ ﷺ کے انتساب سے بیان کرنا درست نہیں ہے، واللہ اعلم۔
حافظ ابو الفرج عبد المنعم بن عبد الوہاب بن کلیب حنبلی بغدادی رحمہ اللہ ’’مشيخة‘‘[219] میں تخریج فرماتے ہیں:
’’أخبرنا طلحة كتابة، قال: أخبرنا هناد، قال: أخبرنا أبو القاسم علي بن إبراهيم بن حامد البزاز بهمدان، قال: حدثنا عبد الرحمن بن أحمد بن محمد الأسدي إملاء، قال: حدثنا أبو يعقوب يوسف بن محمد بن أبي زياد الواسطي، قال: حدثنا علي بن سويد الصفار، قال: ثنا حفص بن غياث، عن أبيه، عن جده طلق بن معاوية، عن علي بن أبي طالب رضي الله عنه، قال: قال رسول الله صلى الله عليه وسلم: ما من كتاب يلقى بمضيعة من الأرض فيه اسم من أسماء الله تعالى إلا بعث الله سبعين ألف ملك يحفونه بأجنحتهم، ويقدسونه، حتى يبعث الله وليا من أوليائه فيرفعه من الأرض، ومن يرفع كتابا من الأرض فيه اسم من أسماء الله تبارك وتعالى رفع الله اسمه في عليين، ويخفف عن والديه العذاب، وإن كانا كافرين‘‘.
حضرت علی بن ابی طالب رضی اللہ عنہ فرماتے ہیں کہ رسول اللہ ﷺ نے ارشاد فرمایا: زمین کے بیکار حصہ میں کوئی ایسی تحریر پھینک دی گئی ہو، جس میں اللہ کے ناموں میں سے کوئی نام ہو تو اللہ تعالی اس کی طرف ستر ہزار فرشتے بھیجتے ہیں، جو اسے اپنے پروں سے گھیر لیتے ہیں، اور تقدیس بیان کرتے ہیں، حتی کہ اللہ اپنے اولیاء میں سے کسی ولی کو بھیجتے ہیں، وہ اسے زمین سے اٹھاتا ہے، اور جس نے زمین سے ایسا ورقہ اٹھایا جس میں اللہ تبارک وتعالی کے ناموں میں سے کوئی نام ہو تو اللہ تعالی اس کے نام کو علیین میں بلند فرماتے ہیں، اور اس کے والدین سے عذاب کو ہلکا کردیتے ہیں، اگرچہ اس کے والدین کافر ہی کیوں نہ ہوں۔
روایت بطریق عبد الرحمن اسدی پر ائمہ کا کلام
حا فظ ابن عدی رحمہ اللہ ’’الكامل‘‘[220]میں قطع نظر خاص اس سند کے ابو حفص عبدی کے ترجمہ میں فرماتے ہیں:
’’وروي عن علي بن أبي طالب هذا المتن من وجه لا يصح، قوله: من رفع قرطاسا من الأرض‘‘. اور علی بن ابی طالب رضی اللہ عنہ سے یہ متن ایک ایسی سند سے منقول ہے جو صحیح نہیں ہے، ان کا قول ہے: جس نے زمین سے کاغذ اٹھایا۔
حافظ صالح بن احمد ہمذانی رحمہ اللہ فرماتے ہیں: ’’وادعى عن إبراهيم بن الحسين، فذهب علمه‘‘[221]. اس نے ابراہیم بن حسین سے روایت کا دعوی کیا سو اس کا علم چلا گیا۔
حافظ صالح بن احمد ہمذانی رحمہ اللہ مزید فرماتے ہیں: ’’سمعت القاسم بن أبي صالح نص عليه بالكذب، ومع هذا دخوله في أعمال الظلمة، وما يحمله من الأوزار والآثام، ونعوذ بالله من الحور بعد الكور، وسألني عنه أبو الحسن الدارقطني ببغداد، فقال: رأيت في كتبه تخاليط، وقال أبو يعقوب بن الدَخِيل بمكة: لما بلغني قدومه تركت أشغال الموسم، وسمعت التفسير منه، ثم لم يحمدوا أمره‘‘[222]. میں نے قاسم بن ابی صالح کو سنا کہ آپ نے صاف لفظوں میں اس کی جانب جھوٹ کو منسوب کیا، اور اس کے ساتھ ساتھ یہ ظالم لوگوں کے کاموں میں شمولیت رکھتا تھا، اور جھوٹ وگناہ کا مرتکب تھا، اور ہم صلاح کے بعد فساد سے اللہ تعالی کی پناہ میں آتے ہیں، اور ابو الحسن دار قطنی رحمہ اللہ نے بغداد میں مجھ سے اس کے بارے میں پوچھا تو آپ نے فرمایا کہ میں نے اس کی کتابوں میں خلط دیکھا ہے، اور ابو یعقوب بن دَخِیل نے مکہ میں کہا: جب مجھے اس کے آنے کی خبر ملی تو میں نے’’موسم‘‘کے مشاغل چھوڑ کر اس سے تفسیر سننا شروع کردی، پھر لوگوں میں اس کا معاملہ قابل تعریف نہ رہا۔
حافظ ذہبی رحمہ اللہ نے ’’ميزان‘‘[223] اور ’’ذيل‘‘[224] میں اور حافظ ابن حجر عسقلانی رحمہ اللہ نے ’’لسان‘‘[225] میں درج بالا کلام نقل کرنے پر اکتفاء کیا ہے۔
علامہ ابن عراق رحمہ اللہ نے ’’تنزيه‘‘[226] میں ابو القاسم اسدی کو وضاعین ومتہمین کی فہرست میں شمار کرکے علامہ قاسم بن ابی صالح ہمذانی کے قول پر اعتماد کیا ہے۔
حافظ ابو یعلی خلیلی رحمہ اللہ ’’الإرشاد‘‘[227] میں ابو جعفر احمد بن عبید اسدی ہمذانی کے ترجمہ میں فرماتے ہیں: ’’وابن عمه عبد الرحمن بن الحسن ادعى عن ابن دَيْزِيل، فأنكر عليه ابن عمه أحمد، فلما مات روى كتب ابن دَيْزِيل، فضعفوه ‘‘.اور اس کے چچا کے بیٹے عبد الرحمن بن حسن نے ابن دَیْزِیل (یعنی ابو اسحاق ابراہیم بن حسین) سے روایت کا دعوی کیا تو ان کے چچا کے بیٹے احمد (یعنی ابو جعفر احمد بن عبید اسدی) نے ان پر انکار کیا، پھر جب ان کا انتقال ہوگیا تو عبد الرحمن بن حسن نے ابن دَیْزِیل کی کتابیں روایت کرنا شروع کردی، سو محدثین نے ان کی تضعیف کی۔
سند میں موجود درج ذیل دو راویوں کے تراجم تلاش بسیار کے باوجود کتب رجال میں نہیں مل سکے:
1 ابو یعقوب یوسف بن محمد بن ابی زیاد واسطی 2 علی بن سوید صفار۔
اس کے علاوہ غیاث بن طلق نخعی کے بارے میں ائمہ جرح وتعدیل کے اقوال نہیں مل سکے، واللہ اعلم۔
آپ تفصیل میں دیکھ چکے ہیں کہ سند میں موجود راوی قاضی ابو القاسم عبد الرحمن بن حسن بن احمد بن محمد بن عبید اسدی کے بارے میں ائمہ رجال نے جرح کے شدید الفاظ استعمال کئے ہیں، جیسے:
’’میں نے قاسم بن ابی صالح کو سنا کہ آپ نے صاف لفظوں میں اس کی جانب جھوٹ کو منسوب کیا، اور اس کے ساتھ ساتھ یہ ظالم لوگوں کے کاموں میں شمولیت رکھتا تھا، اور جھوٹ وگناہ کا مرتکب تھا، اور ہم صلاح کے بعد فساد سے اللہ تعالی کی پناہ میں آتے ہیں، اور ابو الحسن دار قطنی رحمہ اللہ نے بغداد میں مجھ سے اس کے بارے میں پوچھا تو آپ نے فرمایا کہ میں نے اس کی کتابوں میں خلط دیکھا ہے، اور ابو یعقوب بن دَخِیل نے مکہ میں کہا: جب مجھے اس کے آنے کی خبر ملی تو میں نے ’’موسم‘‘ کے مشاغل چھوڑ کر اس سے تفسیر سننا شروع کردی، پھر لوگوں میں اس کا معاملہ قابل تعریف نہ رہا‘‘ (حافظ صالح بن احمد ہمذانی رحمہ اللہ ، حافظ ذہبی رحمہ اللہ ، حافظ ابن حجر عسقلانی رحمہ اللہ اور علامہ ابن عراق رحمہ اللہ نے ان کے کلام پر اعتماد کیا ہے)۔
نیز سند میں موجود درج ذیل دو راویوں کے تراجم تلاش بسیار کے باوجود کتب رجال میں نہیں مل سکے:
1 ابو یعقوب یوسف بن محمد بن ابی زیاد واسطی 2 علی بن سوید صفار۔
اس کے علاوہ غیاث بن طلق نخعی کے بارے میں ائمہ جرح وتعدیل کے اقوال نہیں مل سکے۔
نیز قطع نظر اس طریق کے حضرت علی رضی اللہ عنہ سے منقول اس متن کے بارے میں حافظ ابن عدی رحمہ اللہ فرماتے ہیں کہ یہ متن ایک ایسی سند سے منقول ہے جو ’’صحیح‘‘ نہیں ہے، لہذا اس روایت کو اس طریق سے بھی رسول اللہ ﷺ کے انتساب سے بیان کرنا درست نہیں ہے، واللہ اعلم۔
مختلف طرق سے منقول اس روایت کو حافظ ابن قیسرانی رحمہ اللہ ، حافظ ابن جوزی رحمہ اللہ ، اور حافظ ذہبی رحمہ اللہ نے ’’شدید ضعیف‘‘ قرار دیا ہے، اور علامہ شوکانی رحمہ اللہ فرماتے ہیں: ’’اس کی سند میں ایسا راوی موجود ہے جس کے بارے میں کہا گیا ہے کہ وہ کذاب ہے، اور یہ بھی کہا گیا ہے کہ وہ متروک ہے، اور یہ روایت کئی طرق اور ایسے الفاظ سے منقول ہے کہ جن میں وضع کی علامت واضح ہے‘‘، نیز قطع نظر کسی خاص سند کے حضرت علی رضی اللہ عنہ سے منقول اس متن کے بارے میں حافظ ابن عدی رحمہ اللہ فرماتے ہیں کہ یہ متن ایک ایسی سند سے منقول ہے جو ’’صحیح‘‘ نہیں ہے، اور حافظ سیوطی رحمہ اللہ نے اسے ’’من گھڑت‘‘ قرار دیا ہے، علامہ ابن عراق رحمہ اللہ نے حافظ سیوطی رحمہ اللہ کے قول پر اعتماد کیا ہے، الحاصل اس روایت کو رسول اللہ ﷺ کے انتساب سے بیان کرنا درست نہیں ہے، واللہ اعلم۔
حوالہ جات
[1] كتاب الديباج:ص:104،رقم:41،ت:إبراهيم صالح،دار البشائر،الطبعة الأولى1994ء .
[2] الکامل فی ضعفاء الرجال:6/100،رقم:1220،ت:عادل أحمد عبد الموجود وعلي محمد معوض،دار الكتب العلمية ـ بيروت .
[3] طبقات المحدثين بأصبهان والواردين عليها:3/470،رقم:627،ت:عبد الغفور عبد الحق حسين البلوشي، مؤسسة الرسالة ـ بيروت،الطبعة الأولى1412هـ .
[4] كتاب الأمالي:1/115،رقم:444،ت:محمد حسن محمد حسن إسماعيل،دار الكتب العلمية ـ بيروت،الطبعة الأولى۱۴۲۲هـ .
[5] الترغيب في فضائل الأعمال وثواب ذلك:ص:159،رقم:555،ت:محمد حسن محمد حسن إسماعيل،دار الكتب العلمية ـ بيروت،الطبعة الأولى۱۴۲۴هـ .
[6] تاريخ جرجان:ص:440،رقم:821 ،ت:محمد عبد المعيد خان،عالم الكتب ـ بيروت،الطبعة الرابعة ۱۴۰۷هـ..
[7] تاريخ أصبهان:2/44،رقم:1028،ت:سيد كسروي حسن،دار الكتب العلميةـ بيروت،الطبعة الأولى ۱۴۱۰ هـ .
[8] فضائل القرآن:1/435،رقم:555،ت:أحمد بن فارس السلوم،دار ابن حزم ـ بيروت،الطبعة الأولى 1427هـ .
[9] تاريخ بغداد:14/162،رقم:6644،ت:بشار عواد،دار الغرب الإسلامي ـ بيروت،الطبعة الأولى۱۴۲۲هـ..
[10] تالي تلخيص المتشابه:۲/۴۵۸،رقم:۲۷۴،ت:مشهور بن حسن آل سلمان وأبو حذيفة أحمد الشقيرات، دار الصميعي ـ الرياض،الطبعة الأولى1417هـ .
[11] العلل المتناهية:1/80 ،رقم:100،ت:إرشاد الحق الأثري،إدارة العلوم الأثرية ـ فيصل آباد،باكستان،الطبعة الأولى۱۳۹۹هـ .
[12] الكامل في ضعفاء الرجال:6/102،رقم:1220،ت:عادل أحمد عبد الموجود وعلي محمد معوض،دار الكتب العلمية ـ بيروت.
[13] ذخيرة الحفاظ:1/2287،رقم:5316،ت:عبد الرحمن بن عبد الجبارالفريوائي،دار السلف ـ الرياض،الطبعة الأولى۱۴۱۶هـ .
[14] العلل المتناهية في الأحاديث الواهية:1/81 ،ت:إرشاد الحق الأثري،إدارة العلوم الأثرية ـ فيصل آباد، باكستان،الطبعة الأولى۱۳۹۹هـ .
[15] تلخيص العلل المتناهية:1/178،ت:أبو عبيد محفوظ الرحمن زين الله،الجامعة الإسلامية ـ المدينة المنورة، الطبعة1400هـ .
[16] ميزان الاعتدال:۳/۱۸۹،رقم:۶۰۷۵،ت:علی محمد البجاوی،دار المعرفة ـ بيروت .
[17] الفوائد المجموعة:ص:277،رقم:21،ت:عبدالرحمن بن يحيى المعلمي،دار الكتب العلمية ـ بيروت، الطبعة۱۴۱۶هـ .
[18] الطبقات الكبرى:7/247،رقم:3530،ت:محمد عبد القادر عطا،دار الكتب العلمية ـ بيروت،الطبعة الثانية1418هـ .
[19] سؤالات ابن الجنيد:ص:340،رقم:283،ت:أحمد محمد نور سيف،مكتبة الدار ـ المدينة المنورة، الطبعة الأولى1408هـ .
[20] تاريخ يحيى بن معين برواية الدوري:1/205،رقم:1333،ت:عبد الله أحمد حسن،دار القلم ـ بيروت .
[21] تاريخ بغداد:۱۳/۲۲،رقم:۵۸۴۵،ت:بشارعواد معروف،دار الغرب الإسلامي ـ بيروت،الطبعة الأولى۱۴۲۲هـ .
[22] العلل ومعرفة الرجال:3/300،رقم:5333،ت:وصي الله بن محمدعباس،دار الخاني ـ الرياض،الطبعة الثانية۱۴۲۲هـ .
[23] التاریخ الکبیر:۶/۱۳،رقم:۸۰۶۴ ،ت:مصطفى عبد القادر عطا،دار الكتب العلمية ـ بيروت،الطبعة الثانية 1429هـ .
[24] أحوال الرجال:ص:160،رقم:146،ت:عبد العليم عبد العظيم البستوى،حديث أكادمي ـ فيصل آباد ـ باكستان، الطبعة الأولى۱۴۱۱هـ .
’’احوال الرجال‘‘ کی مکمل عبارت ملاحظہ ہو: ’’أبو هارون العبدي عمارة بن جوين كذاب مفتر، سمعت سعيد بن عامر، يقول: مسكين أبو هارون العبدي. أبو حفص العبدي قريب منه، وهو صاحبه، فيرفض حديثهما‘‘.
[25] الكنى والأسماء:1/209،رقم:659،ت:عبد الرحيم محمد أحمد القشقرى،الجامعة الإسلامية ـ المدينة المنورة، الطبعة الأولى1404هـ .
[26] الجرح والتعدیل:۶/۱۰۳،رقم:۵۴۲،دار الكتب العلمية ـ بيروت،الطبعة الأولى۱۳۷۲هـ .
[27] حافظ ابن حجر عسقلانی رحمہ اللہ ’’تہذیب التہذیب‘‘میں فرماتے ہیں: ’’وقوله: على يدي عدل، معناه قرب من الهلاك، وهذا مثل للعرب، كان لبعض الملوك شرطي اسمه عدل، فإذا دفع إليه من جنى جناية جزموا بهلاكه غالبا، ذكره ابن قتيبة وغيره، وظن بعضهم أنها من ألفاظ التوثيق، فلم يصب‘‘. (تهذيب التهذيب:9/142،دائرة المعارف ـ الهند،الطبعة الأولى1327هـ ).
[28] سؤالات البرذعی:ص:158،رقم:219،ت:أبو عمر محمد بن علي الأزهري،الفاروق الحديثة ـ القاهرة،الطبعة الأولى1430هـ .
[29] الضعفاء والمتروكين:ص:221،رقم:461،ت،محمود إبراهيم زايد،دار المعرفة ـ بيروت،الطبعة الأولى۱۴۰۶هـ .
[30] الكامل في ضعفاء الرجال:۶/۹۹،رقم:۱۲۲۰،ت:عادل أحمد عبد الموجود وعلي محمد معوض،دار الكتب العلمية ـ بيروت .
[31] تاريخ بغداد:۱۳/۲۳،رقم:۵۸۷۴،ت:بشارعواد معروف،دار الغرب الإسلامي ـ بيروت،الطبعة الأولى۱۴۲۲هـ .
[32] المجروحين:2/84،ت:محمود إبراهيم زايد،دار المعرفة ـ بيروت،الطبعة۱۴۱۲هـ .
[33] الکامل في ضعفاء الرجال:6/102،رقم:1220،ت:عادل أحمد عبد الموجود وعلي محمد معوض،دار الكتب العلمية ـ بيروت .
[34] الضعفاء والمتروکون:ص:412،رقم:623،ت:موفق بن عبد الله بن عبد القادر،مكتبة المعارف ـ الرياض، الطبعة الأولى۱۴۰۴هـ .
[35] الأسامي والكنى:۲/۲۵۸،رقم:۱۴۷۸،ت:أبي عمر محمد بن علي الأزهري،الفاروق الحديثية ـ القاهرة،الطبعة الأولى۱۴۳۶هـ .
[36] المدخل إلى الصحيح:ص:162،رقم:112،ت:ربيع بن هادي عمير المدخلي،مؤسسة الرسالة ـ بيروت، الطبعة الأولى1404هـ .
[37] المسند المستخرج على صحيح مسلم:۱/۷۳،رقم:۱۵۰،ت:محمد حسن محمد حسن إسماعيل،دار الكتب العلمية ـ بيروت،الطبعة الأولى1417هـ .
[38] تذكرة الحفاظ:ص:۱۳۱،رقم:۳۰۵،ت:حمدي بن عبد المجيد،دار الصميعي ـ الرياض،الطبعة الأولى ۱۴۱۵هـ .
[39] المغني في الضعفاء:۲/۵۷۹،رقم:۷۴۱۱،ت:أبو الزهراء حازم القاضي،دار الكتب العلمية ـ بيروت،الطبعة الأولى ۱۴۱۸هـ .
[40] المقتنى في سرد الكنى:۱/۱۹۲،رقم:۱۶۵۹،ت:محمد صالح عبد العزيز،المجلس العلمي ـ المدينة المنورة، الطبعة1408هـ .
[41] ميزان الاعتدال:۴/۵۱۶،رقم:۱۰۱۱۱ ،ت:علی محمد البجاوی،دار المعرفة ـ بيروت .
[42] مجمع الزوائد ومنبع الفوائد:۱/۲۳۷،ت:حسام الدين القدسي،دار الكتاب العربى ـ بيروت .
[43] المجروحين:2/185،ت:محمود إبراهيم زايد،دار المعرفة ـ بيروت،الطبعة۱۴۱۲هـ .
[44] تاريخ بغداد:14/162،رقم:6644،ت:بشارعواد معروف،دار الغرب الإسلامي ـ بيروت،الطبعة الأولى۱۴۲۲هـ .
[45] تذكرة الحفاظ:ص:۱۸،رقم:۲۳،ت:حمدي بن عبد المجيد بن إسماعيل السلفي،دار الصميعي ـ الرياض، الطبعة الأولى1415هـ .
[46] الكاشف في معرفة من له رواية في الكتب الستة:۲/۱۰۶،رقم:۴۳۴۳،ت:محمد عوامة،دار القبلة للثقافة الإسلاميه ـ بيروت،الطبعة الأولى۱۴۱۳هـ .
[47] المغني في الضعفاء:2/71،رقم:4190،ت:أبو الزهراء حازم القاضي،دار الكتب العلمية ـ بيروت،الطبعة الأولى 1418هـ .
[48] ديوان الضعفاء:ص:280،رقم:2891،ت:حماد بن محمد الأنصاري،مكتبة النهضة الحديثة ـ مكة المكرمة .
[49] الإصابة في تمييز الصحابة:۱/۱۷۴،رقم:۱۱،ت:عادل أحمد عبد الموجود وعلي محمد معوض،دار الكتب العلمية ـ بيروت،الطبعة الأولى1415هـ .
[50] تقريب التهذيب:ص:436،رقم:5256،ت:محمد عوامة،دار الرشيد ـ حلب،الطبعة الثالثة1411هـ .
[51] الكشف الحثيث عمن رمي بوضع الحديث:ص:182،رقم:492،ت:صبحي السامرائي،مكتبة النهضة العربية ـ بيروت،الطبعة الأولى1407هـ .
[52] تنزيه الشريعة:۱/۸۵ ،رقم:۲۷۲،ت:عبد الوهاب عبد اللطيف،دار الكتب العلمية ـ بيروت،الطبعة الثانية۱۴۰۱هـ .
[53] تهذيب الكمال:2/20،رقم:142،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ .
[54] انظر ميزان الاعتدال:1/10،رقم:15،ت:علي محمد البجاوي،دار المعرفة ـ بيروت .
امام شعبہ رحمہ اللہ ایک دوسرے مقام پر فرماتے ہیں: ’’ لأن يزني الرجل خير له من أن يروى عن أبان بن أبي عياش‘‘. (انظر سؤالات البرذعي:ص:۲۰۰،رقم:۳۴۱،ت:أبو عمر محمد بن علي الأزهري،الفاروق الحديثية ـ القاهرة، الطبعة الأولى۱۴۳۰هـ) .
[55] ميزان الاعتدال:1/10،رقم:15،ت:علي محمد البجاوي،دار المعرفة ـ بيروت .
[56] العلل ومعرفة الرجال:۳/۳۶۰،رقم:۵۵۷۸،ت:وصي الله بن محمد عباس،دار الخاني ـ الرياض،الطبعة الثانية 1422هـ .
[57] الطبقات الكبرى:7/188،رقم:3204،ت:محمد عبد القادر عطا،دار الكتب العلمية ـ بيروت،الطبعة الثانية1418هـ .
[58] معرفة الرجال:1/64،رقم:116،ت:محمد كامل القصارمجمع اللغة العربية ـ دمشق،الطبعة1405هـ .
[59] تاريخ يحيى بن معين برواية الدوري:2/117،رقم:3625،ت:عبد الله أحمد حسن،دار القلم ـ بيروت .
[60] الجرح والتعدیل:2/295،رقم:1087،دار الكتب العلمية ـ بيروت،الطبعة الأولى۱۳۷۱هـ .
[61] الضعفاء والمتروکین:1/19،رقم:15،ت:عبد الله القاضی،دار الکتب العلمیة ـ بیروت،الطبعة الأولى۱۴۰۶هـ .
[62] الجرح والتعدیل:2/296،رقم:1087،دار الكتب العلمية ـ بيروت،الطبعة الأولى۱۳۷۱هـ .
[63] سؤالات ابن أبي شيبة:ص:54،رقم:17،ت:موفق بن عبد الله,مكتبة المعارف ـ الرياض،الطبعة الأولى1404هـ .
[64] العلل ومعرفة الرجال:۱/۴۱۲،رقم:۸۷۲ ،ت:وصي الله بن محمد عباس،دار الخاني ـ الرياض،الطبعة الثانية 1422هـ .
[65] العلل ومعرفة الرجال:۲/۵۲۵،رقم:۳۴۶۷،ت:وصي الله بن محمد عباس،دار الخاني ـ الرياض،الطبعة الثانية 1422هـ .
[66] العلل ومعرفة الرجال:۳/۲۰۶،رقم:۴۸۷۸،ت:وصي الله بن محمد عباس،دار الخاني ـ الرياض،الطبعة الثانية 1422هـ .
[67] الجرح والتعدیل:2/296،رقم:1087،دار الكتب العلمية ـ بيروت،الطبعة الأولى۱۳۷۱هـ .
[68] تهذيب الكمال:2/19،رقم:142،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ .
[69] أحوال الرجال:1/173،رقم:160،ت:عبد العليم عبد العظيم البستوي،حديث أكادمي ـ فيصل آباد ـ باكستان .
[70] الجرح والتعدیل:2/296،رقم:1087،دار الكتب العلمية ـ بيروت،الطبعة الأولى۱۳۷۱هـ .
حافظ برذعی رحمہ اللہ نے حافظ ابو زرعہ رحمہ اللہ کا مذکورہ قول ان الفاظ سے نقل کیا ہے: ’’قيل: أبان بن أبي عياش كان يتعمد الكذب، قال: أما تعمد الكذب فلا، ولكنه واه بمرة، كان يسمع الحديث عن أنس، وعن شهر بن حوشب، وعن الحسن، فلا يميز بينهم‘‘. (سؤالات البرذعي:ص:198،رقم:337،ت:أبو عمر محمد بن علي الأزهري،الفاروق الحديثية ـ القاهرة،الطبعة الأولى۱۴۳۰هـ) .
[71] سؤالات أبي عبيد الآجري:ص:319،رقم:490،ت:محمد علي قاسم العمري،المجلس العلمي ـ المدينة المنورة،الطبعة1399.
[72] سنن الترمذي:۶/۲۳۵،ت:بشار عواد معروف،دار الغرب الإسلامي ـ بيروت،الطبعة الأولى1996ء .
[73] الجرح والتعدیل:2/296،رقم:1087،دار الكتب العلمية ـ بيروت،الطبعة الأولى۱۳۷۱هـ .
[74] الضعفاء والمتروكين:ص:45،رقم:21،ت:بوران الضناوي،كمال يوسف الحوت،مؤسسة الكتب الثقافية ـ بيروت، الطبعة الأولى۱۴۰۵هـ .
[75] تهذيب الكمال:2/22،رقم:142،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ .
[76] إكمال تهذيب الكمال:۱/۱۶۸،رقم:۱۸۰،ت:عادل محمد وأسامة بن إبراهيم،الفاروق الحديثة،الطبعة الأولى 1422هـ .
[77] المجروحين:1/96،ت:محمود إبراهيم زايد،دار المعرفة ـ بيروت،الطبعة الأولى۱۴۱۲هـ .
[78] الكامل:2/67،رقم:203،ت:عادل أحمد وعلي محمد معوض،دار الكتب العلمية ـ بيروت .
[79] الأسامي والكنى:1/147،رقم:241،ت:أبي عمر محمد بن علي الأزهري،الفاروق الحديثية ـ القاهرة،الطبعة الأولى1436هـ .
[80] الضعفاء والمتروكون:ص:148،رقم:103،ت:موفق بن عبد الله،مکتبة المعارف ـ الریاض،الطبعة الأولى۱۴۰۴ هـ .
[81] المختلف فيهم:ص:20،رقم:1،ت:عبد الرحيم بن محمد بن أحمد القشقري،مكتبة الرشد ـ الرياض،الطبعة الأولى1420هـ .
[82] السنن الكبرى للبيهقي:10/12،رقم:19695،ت:محمد عبد القادر عطا،دار الكتب العلمية ـ بيروت،الطبعة الثانية1424هـ .
[83] التمهيد:15/236،ت:بشار عواد معروف،مؤسسة الفرقان للتراث الإسلامي،الطبعة الأولى1439هـ.
[84] المقتنى في سرد الكنى:1/77،رقم:292،ت:محمد صالح عبد العزيز،المجلس العلمي ـ المدينة المنورة، الطبعة1408هـ .
[85] تاريخ الإسلام:3/807 ،رقم:2،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۴هـ .
[86] تقريب التهذيب:ص:87 ،رقم:142،ت:محمد عوامة،دار الرشيد ـ سؤريا،الطبعة الرابعة1418هـ .
[87] تنزيه الشريعة:1/19،رقم:3،ت:عبد الوهاب عبد اللطيف،دار الكتب العلمية ـ بيروت،الطبعة الثانية۱۴۰۱هـ .
[88] العلل المتناهية:1/80 ،رقم:101،ت:إرشاد الحق الأثري،إدارة العلوم الأثرية ـ فيصل آباد،باكستان، الطبعة الأولى۱۳۹۹هـ .
[89] أطراف الغرائب والأفراد من حديث رسول الله صلى الله عليه وسلم:5/322،رقم:5593،ت:محمود محمد محمود حسن نصار،السيد يوسف،دار الكتب العلمية ـ بيروت،الطبعة الأولى۱۴۱۹هـ .
[90] العلل المتناهية:1/81 ،رقم:101،ت:إرشاد الحق الأثري،إدارة العلوم الأثرية ـ فيصل آباد،باكستان، الطبعة الأولى۱۳۹۹هـ .
[91] اللآلئ المصنوعة:۱/۱۸۵،ت:أبو عبد الرحمن صلاح بن محمد بن عويضة،دار الكتب العلمية ـ بيروت، الطبعة الأولى1417هـ .
[92] تلخيص العلل المتناهية:1/179،ت:أبو عبيد محفوظ الرحمن زين الله،الجامعة الإسلامية ـ المدينة المنورة، الطبعة1400هـ .
[93] انظر الضعفاء والمتروکین لابن الجوزي:2/19،رقم:1520،ت:عبدالله القاضی،دار الکتب العلمیة ـ بیروت، الطبعة الأولى۱۴۰۶هـ .
[94] الضعفاء والمتروکین:2/19،رقم:1520،ت:عبدالله القاضی،دار الکتب العلمیة ـ بیروت،الطبعة الأولى ۱۴۰۶هـ .
[95] ميزان الاعتدال:۲/۲۰۷،رقم:۳۴۵۹،ت:علي محمد البجاوي،دار المعرفة ـ بيروت .
[96] العلل الواردة:۸/۱۰۴،رقم:۱۴۲۸،ت:محفوظ الرحمن زين الله السلفي،دار طيبةـ الرياض،الطبعة الأولى ۱۴۱۲هـ .
[97] تنقیح التحقیق في أحاديث التعليق:۱/۱۹۱،ت:سامي بن محمد وعبد العزيز بن ناصر،أضواء السلف ـ الرياض،الطبعة الأولى1428هـ .
[98] تاريخ بغداد:۱۰/۷۴،رقم:۴۵۹۰،ت:بشارعواد معروف،دار الغرب الإسلامي ـ بيروت،الطبعة الأولى ۱۴۲۲هـ .
[99] تلخيص العلل المتناهية:1/179،ت:أبو عبيد محفوظ الرحمن زين الله،الجامعة الإسلامية ـ المدينة المنورة، الطبعة1400هـ .
[100] ميزان الاعتدال:۳/۳۹۹،رقم:۶۹۲۷،ت:علي محمد البجاوي،دار المعرفة ـ بيروت .
[101] المجروحين:3/96،ت:محمود إبراهيم زايد،دار المعرفة ـ بيروت،الطبعة۱۴۱۲هـ .
[102] الضعفاء والمتروکین:۳/۱۷۸،رقم:۳۶۱۶،ت:أبو الفداء عبد الله القاضی،دار الکتب العلمية ـ بيروت،الطبعة الأولى ۱۴۰۶هـ .
[103] تنزيه الشريعة:۱/۱۲۳،رقم:۱۷،ت:عبد الوهاب عبد اللطيف،دار الكتب العلمية ـ بيروت،الطبعة الثانية ۱۴۰۱هـ .
[104] العلل الواردة:۸/۱۰۴،رقم:۱۴۲۸،ت:محفوظ الرحمن زين الله السلفي،دار طيبةـ الرياض،الطبعة الأولى ۱۴۱۲هـ .
[105] تاريخ بغداد:۱۰/۷۴،رقم:۴۵۹۰،ت:بشارعواد معروف،دار الغرب الإسلامي ـ بيروت،الطبعة الأولى ۱۴۲۲هـ .
[106] تلخيص الموضوعات:ص:۱۷۱،رقم:۳۸۰،ت:أبو تميم ياسر بن إبراهيم بن محمد،مكتبة الرشد ـ الرياض، الطبعة الأولى۱۴۱۹هـ .
[107] انظر علل الترمذي الكبير:ص:52،رقم:61،ت:السیدصبیحی السامرائی وغيره،عالم الکتب ـ بيروت،الطبعة الأولى۱۴۰۹هـ .
[108] سنن الترمذي:۲/۲۹۹،رقم:۴۳۵،ت:أحمد محمد شاكر،مطبعة مصطفى البابي ـ مصر،الطبعة الثانية 1397هـ .
[109] سؤالات البرذعي:ص:۲۵۹،رقم:۴۶۰،ت:أبو عمر محمد بن علي الأزهري،الفاروق الحديثية ـ القاهرة، الطبعة الأولى۱۴۳۰هـ .
[110] المجروحين:۲/۸۳ ،ت:محمود إبراهيم زايد،دار المعرفة ـ بيروت،الطبعة۱۴۱۲هـ .
[111] واضح رہے کہ حافظ ابن حبان رحمہ اللہ ، امام حاکم نیشاپوری رحمہ اللہ اور حافظ ابو نعیم رحمہ اللہ نے عمر بن راشد یمامی اور عمر بن عبد اللہ بن ابی خثعم کو ایک ہی شخص قرار دیا ہے، حافظ ابن حبان رحمہ اللہ کی عبارت گزر چکی ہے، امام حاکم نیشاپوری رحمہ اللہ کی عبارت ملاحظہ ہو: ’’عمر بن راشد اليمامي: وهو عمر بن عبد الله بن أبي خثعم أبو حفص، روى عن يحيى بن أبي كثير وغيره أحاديث مناكير، روى عنه وكيع، وزيد بن الحباب‘‘. (المدخل إلى الصحيح:ص:۱۶۲،رقم:۱۱۱،ت:ربيع بن هادي عمير المدخلي،مؤسسة الرسالة ـ بيروت،الطبعة الأولى1404هـ) .
حافظ ابو نعیم رحمہ اللہ کی عبارت ملاحظہ ہو: ’’عمر بن راشد اليمامي: وهو عمر بن عبد الله بن أبي خثعم أبوحفصة [ كذا في الأصل، والصحيح: حفص]، روى عن يحيى بن أبي كثير وغيره مناكير، روى عنه وكيع، وزيد بن الحباب‘‘.(المسند المستخرج على صحيح مسلم:1/74، رقم:151،ت:محمد حسن محمد حسن إسماعيل، دار الكتب العلمية ـ بيروت،الطبعة الأولى1417هـ ) .
لیکن حافظ ابن حجر عسقلانی رحمہ اللہ ’’تقریب‘‘ میں عمر بن عبد اللہ بن ابی خثعم کا ترجمہ قائم کرکے فرماتے ہیں: ’’عمر بن عبد الله بن أبي خثعم: وقد ينسب إلى جده، ووهم من زعم أنه عمر بن راشد، ضعيف‘‘. عمر بن عبد اللہ بن ابی خثعم اسے دادا کی طرف بھی منسوب کیا جاتا ہے، اور ان لوگوں کو وہم ہوا ہے جن کا گمان ہے کہ یہ عمر بن راشد ہے، یہ ضعیف ہے۔ (تقريب التهذيب:ص:414، رقم:4928،ت:محمد عوامة،دار الرشيد ـ سوريا،الطبعة الثالثة1411هـ) .
ابو حفص عمر بن راشد یمامی کے بارے میں ائمہ رجال کے اقوال ’’تہذیب التہذیب‘‘سے ملاحظہ ہوں: ’’قال عبد الله بن أحمد عن أبيه: حديثه ضعيف، ليس بمستقيم، حدث عن يحيى بن أبي كثير بأحاديث مناكير، وقال الجوزجاني عن أحمد: لا يسوى حديثه شيئا، وقال الدوري عن ابن معين: ضعيف، وقال أبو زرعة: لين الحديث، وقال البخاري: حديثه عن يحيى مضطرب، ليس بالقائم، وقال الآجري: سألت أبا داود عن عمرو بن راشد [ كذا في الأصل] الذي يحدث عن يحيى بن أبي كثير، فقال: ضعيف، وقال النسائي: ليس بثقة، وقال العجلي: ليس به بأس، وقال ابن عدي: هو إلى الضعف أقرب منه إلى الصدق، وقال ابن حبان: عمر بن راشد هو الذي يقال له عمر بن عبد الله بن أبي خثعم، وقال الدارقطني: خلط أبو حاتم، قلت: بقية كلام ابن حبان: يضع الحديث، لا يحل ذكره الا على سبيل القدح فيه، وتبعه أبو نعيم الأصبهاني في جعله إياه عمر بن عبد الله بن أبي خثعم، وقال الدارقطني في العلل: ضعيف، وفي سؤالات البرقاني: متروك، وقال ابن حزم: ساقط، وقال أبو بكر البزار: منكر الحديث، حدث عن يحيى وغيره بأحاديث مناكير، وبنحو ذلك قال الحاكم وأبو نعيم، وذكر يعقوب بن سفيان: أن قبيصة سماه عمرا، فأخطأ‘‘. (تهذيب التهذيب:7/446،رقم:733،دائرة المعارف ـ الهند،الطبعة الأولى1327هـ ).
[112] الكامل في ضعفاء الرجال:۶/۱۲۵،رقم:۱۲۴۱،ت:عادل أحمد وعلي محمد معوض،دار الكتب العلمية ـ بيروت .
[113] شعب الإيمان:4/103،رقم:2246،ت:عبد العلي عبد الحميد حامد،مكتبة الرشد ـ الرياض،الطبعة الأولى۱۴۲۳هـ .
[114] ديوان الضعفاء:ص:295،رقم:3077،ت:حماد بن محمد الأنصاري،مكتبة النهضة الحديثية ـ مكة المكرمة، الطبعة1387هـ .
[115] تقريب التهذيب:ص:414، رقم:4928،ت:محمد عوامة،دار الرشيد ـ سوريا،الطبعة الثالثة1411هـ .
[116] العلل المتناهية:۱/۷۹،رقم:۹۸،ت:إرشاد الحق الأثري،إدارة العلوم الأثرية ـ فيصل آباد،باكستان،الطبعة الأولى ۱۳۹۹هـ .
[117] العلل المتناهية في الأحاديث الواهية:1/81 ،ت:إرشاد الحق الأثري،إدارة العلوم الأثرية ـ فيصل آباد، باكستان،الطبعة الأولى۱۳۹۹هـ .
[118] اللآلئ المصنوعة:۱/۱۸۴،ت:أبو عبد الرحمن صلاح بن محمد بن عويضة،دار الكتب العلمية ـ بيروت، الطبعة الأولى1417هـ .
[119] تلخيص العلل المتناهية:1/176،ت:أبو عبيد محفوظ الرحمن زين الله،الجامعة الإسلامية ـ المدينة المنورة، الطبعة1400هـ .
[120] انظر تاريخ مدينة السلام:2/206،رقم:219،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۲هـ .
کلام کا مکمل سیاق حافظ خطیب بغدادی رحمہ اللہ نے ان الفاظ سے نقل کیا ہے: ’’وكان شيخنا أبو بكر البرقاني قد أخرج في مسنده الصحيح عن المُفِيد حديثا واحدا، وكان كلما قرئ عليه اعتذر من روايته عنه، وذكر أن ذلك الحديث لم يقع إلا من جهته، فأخرجه عنه، وسألته عنه، فقال: ليس بحجة‘‘.
[121] انظر تاريخ مدينة السلام:2/204،رقم:219،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۲هـ .
[122] تاريخ مدينة السلام:2/204،رقم:219،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۲هـ .
[123] تاريخ مدينة السلام:2/204،رقم:219،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۲هـ .
[124] انظر تاريخ دمشق:۵۱/۱۲۱،رقم:۵۹۶۷،ت:محب الدين أبي سعيد عمر بن غرامة العمروي،دار الفكر ـ بيروت، الطبعة الأولى۱۴۱۸هـ .
[125] الإكمال في رفع الارتياب عن المؤتلف والمختلف في الأسماء والكنى والأنساب:۷/۲۸۲،الفاروق الحديثة ـ القاهرة .
[126] الأنساب:۳/۲۴۱،دائرة المعارف العثمانية ـ حيدر آباد الدكن،الطبعة الأولى1397هـ .
[127] كتاب المقفى الكبير:5/278،رقم:1844،ت:محمد اليعلاوي،دار الغرب الإسلامي ـ بيروت،الطبعة الأولى1411هـ .
علامہ تقی الدین مقریزی رحمہ اللہ ، مُفِید جَرْجَرَائی کے ترجمہ میں ’’مُفِید‘‘ کی وضاحت کرتے ہوئے فرماتے ہیں: ’’اسم لمن يفيد الناس الحديث من الشيوخ‘‘. مُفِید اس شخص کا نام ہے جو شیوخ کی احادیث کا فائدہ لوگوں کو پہنچائے۔
حافظ سمعانی رحمہ اللہ ’’الانساب‘‘ میں فرماتے ہیں:’’وإنما سماه المفيد: موسى بن هارون الحافظ‘‘. حافظ موسی بن ہارون نے ابو بکر محمد بن احمد جَرْجَرَائی کو ’’مُفِید‘‘ کا نام دیا ہے۔ (الأنساب:12/379،دائرة المعارف العثمانية ـ حيدر آباد الدكن، الطبعة الأولى1397هـ ) .
[128] ميزان الاعتدال:۳/۴۶۱،رقم:۷۱۵۸،ت:علي محمد البجاوي،دار المعرفة ـ بيروت .
[129] ديوان الضعفاء:ص:۳۳۹،رقم:۳۵۷۰،ت:حماد بن محمد الأنصاری،مطبعة النهضة الحديثة ـ مكة المكرمة، الطبعة1387هـ .
[130] المغني في الضعفاء:۲/۲۶۰،رقم:۵۲۶۱،ت:أبو الزهراء حازم القاضي،دار الكتب العلمية ـ بيروت،الطبعة الأولى ۱۴۱۸هـ .
[131] سير أعلام النبلاء:14/187،ت:شعيب الأرنؤوط ومحمد نعيم العرقسوسي،مؤسسة الرسالة ـ بيروت، الطبعة الأولى1403هـ .
[132] تاريخ الإسلام:۷/۱۵۴،رقم:۴۵۹،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۴هـ .
[133] تلخيص العلل المتناهية:1/176،ت:أبو عبيد محفوظ الرحمن زين الله،الجامعة الإسلامية ـ المدينة المنورة، الطبعة1400هـ .
[134] ميزان الاعتدال:۳/۴۶۱،رقم:۷۱۵۸،ت:علي محمد البجاوي،دار المعرفة ـ بيروت .
[135] الكشف الحثيث:ص:۲۱۶،رقم:۶۱۰،ت:صبحي السامرائي،مكتبة النهضة العربية ـ بيروت،الطبعة الأولى 1407هـ .
[136] اللآلئ المصنوعة:۱/۹۶،ت:أبو عبد الرحمن صلاح بن محمد بن عويضة،دار الكتب العلمية ـ بيروت، الطبعة الأولى1417هـ .
[137] تنزيه الشريعة المرفوعة عن الأخبار الشنيعة الموضوعة:۱/۱۰۰،رقم:۲۹،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[138] الجرح والتعدیل:۴/۱۳۴،رقم:۵۸۷،دار الكتب العلمية ـ بيروت،الطبعة الأولى۱۳۷۲هـ .
[139] الضعفاء والمتروکین:۲/۲۲،رقم:۱۵۳۶،ت:عبد الله القاضی،دار الکتب العلمیة ـ بیروت،الطبعة الأولى ۱۴۰۶هـ .
[140] ميزان الاعتدال:۲/۲۱۶،رقم:۳۴۹۴،ت:علي محمد البجاوي،دار المعرفة ـ بيروت .
[141] المغني في الضعفاء:۱/۴۴۱،رقم:۲۶۰۹،ت:أبو الزهراء حازم القاضي،دار الكتب العلمية ـ بيروت،الطبعة الأولى ۱۴۱۸هـ .
[142] تنزيه الشريعة المرفوعة عن الأخبار الشنيعة الموضوعة:۱/۶۵،رقم:۵۴،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[143] المعجم الصغير:۱/۲۴۷،رقم:۴۰۳،ت:محمد شكور محمود الحاج أمرير،المكتب الإسلامي ـ بيروت، الطبعة الأولى1405هـ .
[144] الجزء فيه ذكر من لم يكن عنده إلا حديث واحد ومن لم يحدث عن شيخه إلا بحديث واحد:ص:71، رقم:48،ت:أبو عبد الباري رضا بو شامة الجزائري،دار ابن القيم .
’’الجزء‘‘ کی سند ملاحظہ ہو: ’’حدثنا محمد بن عبد الله بن المطلب، قال: حدثنا محمد بن عمرو بن موسى العقيلي الحافظ بمكة، قال: حدثنا أزهر بن زفر بمصر، قال: حدثنا زهير بن عباد الرُؤاسي، قال: حدثنا سليمان بن عمران، قال: حدثني حفص بن غياث، عن أبيه، عن جده طلق، عن علي بن أبي طالب قال: قال رسول الله صلى الله عليه وسلم: مامن كتاب يلقى بمضيعة من الأرض فيه اسم من أسماء الله إلا بعث الله إليه سبعين ألف ملك ...‘‘.
[145] تاريخ دمشق:70/4،رقم:9394،ت:محب الدين أبي سعيد عمر بن غرامة العمروي،دار الفكر ـ بيروت، الطبعة الأولى۱۴۱۸هـ .
’’تاریخ دمشق‘‘کی سند ملاحظہ ہو: ’’قرأت بخط أبي الحسن الحِنَّائي، أخبرتنا غريبة ابنة عبد الله الحلبية، قالت: نا علي بن بشرى الشَرَابي، نا علي بن يعقوب الفقيه، نا أحمد بن إبراهيم القرشي، نا زهير بن عباد، نا سليمان بن عمران، عن حفص بن غِيَاث، عن أبيه، عن جده طلق، عن علي بن أبي طالب قال: قال رسول الله (صلى الله عليه وسلم): ما من كتاب يلقى بمضيعة من الأرض فيه اسم من أسماء الله إلا بعث الله إليه سبعين ألف ملك ...‘‘.
[146] السادس والعشرون من المشيخة البغدادية:1/21،رقم:18،مخطوط من الشاملة .
’’المشیخہ‘‘ کی سند ملاحظہ ہو: ’’أخبرنا أبو الحسن علي بن يوسف بن يعقوب بن الحجاج الطبري بسارية، نا أبو أحمد عبد الله بن عدي الحافظ، نا القاسم بن مهدي، ومحمد بن الفرات، قالا: نا زهير بن عباد الرُؤاسي، حدثني أبو وكيع الجراح بن مليح الرُؤاسي، عن سليمان بن عمران، حدثني عن حفص بن غِيَاث الكوفي، عن أبيه غياث، عن جده طلق، عن علي بن أبي طالب، قال: قال رسول الله صلى الله عليه وسلم: ما من كتاب يلقى بمضيعة من الأرض فيه اسم من أسماء الله، إلا بعث الله إليه وليا من أوليائه ...‘‘.
[147] العلل المتناهية في الأحاديث الواهية:1/79 ،رقم:99،ت:إرشاد الحق الأثري،إدارة العلوم الأثرية ـ فيصل آباد، باكستان،الطبعة الأولى۱۳۹۹هـ .
’’العلل‘‘ کی سند ملاحظہ ہو: ’’أخبرنا علي بن أحمد الموحد، قال: نا هنَّاد بن إبراهيم النَسَفِي، قال: نا علي بن يوسف بن يعقوب الطبري، قال: نا أبو أحمد عبد الله بن عدي، قال: نا القاسم بن مهدي، قال: نا زهير بن عباد الرُؤاسي، قال: حدثني الجَرَّاح بن مَلِيح أبو وكيع، عن سليمان بن عمران الكوفي، عن حفص بن غِيَاث الكوفي، عن أبيه غياث، عن جده طلق، عن علي بن أبي طالب قال: قال رسول الله صلى الله عليه وسلم: ما من كتاب يلقى بمضيعة من الأرض فيه اسم من أسماء الله إلا بعث الله إليه سبعين ألف ملك ...‘‘.
[148] المعجم الصغير:۱/۲۴۷،رقم:۴۰۳،ت:محمد شكور محمود الحاج أمرير،المكتب الإسلامي ـ بيروت، الطبعة الأولى1405هـ .
[149] الجزء فيه ذكر من لم يكن عنده إلا حديث واحد ومن لم يحدث عن شيخه إلا بحديث واحد:ص:72، رقم:48،ت:أبو عبد الباري رضا بو شامة الجزائري،دار ابن القيم .
[150] الكامل في ضعفاء الرجال:6/102،رقم:1220،ت:عادل أحمد عبد الموجود وعلي محمد معوض،دار الكتب العلمية ـ بيروت.
[151] العلل المتناهية في الأحاديث الواهية:1/81 ،ت:إرشاد الحق الأثري،إدارة العلوم الأثرية ـ فيصل آباد، باكستان،الطبعة الأولى۱۳۹۹هـ .
[152] اللآلئ المصنوعة:۱/۱۸۴،ت:أبو عبد الرحمن صلاح بن محمد بن عويضة،دار الكتب العلمية ـ بيروت، الطبعة الأولى1417هـ .
[153] جیسا کہ حافظ ابن جوزی رحمہ اللہ ’’الضعفاء‘‘میں غیاث بن ابراہیم نخعی کے بارے میں فرماتے ہیں: ’’قال أحمد والبخاري والنسائي والدارقطني: متروك الحديث، وقال يحيى: ليس بثقة، وقال مرة: كان كذابا، وقال السعدي وابن حبان: يضع الحديث، وقال البخاري: تركوه، وقال الأزدي: لا تحل الرواية [عنه]‘‘. (الضعفاء والمتروكين:2/247، رقم:2689،ت:أبو الفداء عبد الله القاضي،دار الكتب العلمية ـ بيروت،الطبعة الأولى 1406هـ ) .
[154] ابو وکیع جَرَّاح بن مَلِیح کے بارے میں ائمہ رجال کے اقوال ’’تہذیب الکمال‘‘سے ملاحظہ ہوں: ’’وقال محمد بن سعد: ولي بيت المال بمدينة السلام في خلافة هارون، وكان ضعيفا في الحديث، وكان عسرا في الحديث، ممتنعا به، وقال عثمان بن أبي جعفر الطيالسي، عن يحيى بن معين: ما كتبت عن وكيع عن أبيه، ولا من حديث قيس شيئا قط، وقال أبو بكر بن أبي خيثمة، عن يحيى بن معين: ضعيف الحديث، وهو أمثل من أبي يحيى الحِمَّاني، وقال عثمان بن سعيد الدارمي، عن يحيى بن معين: ليس به بأس، وقال أحمد بن سعد بن أبي مريم، عن يحيى بن معين: ليس به بأس، يكتب حديثه، وقال في موضع آخر: ثقة، وقال عباس الدوري، عن يحيى بن معين: ثقة، وقال محمد بن عبد الله بن عمار الموصلي: ضعيف، وقال يعقوب بن سفيان: حدثنا أبو الوليد هشام بن عبد الملك، قال: حدثنا أبو وكيع الجراح بن مليح، وهو ثقة، وقال أبو داود: ثقة، وقال النسائي: ليس به بأس، وقال أبو بكر البرقاني: سألت أبا الحسن الدارقطني عن الجراح أبى وكيع، فقال: ليس بشيء، وهو كثير الوهم، قلت: يعتبر به؟ قال: لا، وقال أبو أحمد بن عدي: له أحاديث صالحة، وروايات مستقيمة، وحديثه لا بأس به، وهو صدوق، ولم أجد في حديثه منكرا فأذكره، وعامة ما يرويه عنه ابنه وكيع، وقد حدث عنه غير وكيع الثقات من الناس، قال خليفة بن خياط: مات بعد سنة خمس وسبعين ومئة، وقال عبد الباقي بن قانع: مات سنة ست وسبعين ومئة. روى له البخاري في الأدب، والباقون، سوى النسائي‘‘. (تهذيب الكمال في أسماء الرجال:4/518،رقم:910،ت:بشار عواد معروف،مؤسسة الرسالة ـ بيروت،الطبعة الثانية ۱۴۰۷هـ ) .
نیز حافظ ابن جوزی رحمہ اللہ ’’الضعفاء‘‘میں بذاتِ خود فرماتے ہیں: ’’الجَرَّاح بن مَلِيح أبو وكيع: قال يحيى: كان وضاعا للحديث، وقال في رواية: هو ثقة، وقال محمد بن سعد: ضعيف، وقال الدارقطني: ليس بشيء، قال المصنف: قلت: وثم رجل آخر يقال له: الجَرَّاح بن مليح حمصي، يروي عن الزبيدي، عن الزهري، لا بأس به‘‘. (الضعفاء والمتروكين: 1/166،رقم:642،ت:أبو الفداء عبد الله القاضي،دار الكتب العلمية ـ بيروت،الطبعة الأولى 1406هـ ) .
[155] تلخيص العلل المتناهية:1/177،ت:أبو عبيد محفوظ الرحمن زين الله،الجامعة الإسلامية ـ المدينة المنورة، الطبعة1400هـ .
[156] مجمع الزوائد ومنبع الفوائد:۴/۱۶۹،ت:حسام الدين القدسي،دار الكتاب العربي ـ بيروت .
[157] انظر ميزان الاعتدال:۱/۵۱۷،رقم:۱۹۲۷،ت:علي محمد البجاوي،دار المعرفة ـ بيروت .
[158] الكامل في ضعفاء الرجال:3/244،رقم:497،ت:عادل أحمد عبدالموجود وعلي محمد معوض،دار الكتب العلمية ـ بيروت .
[159] الضعفاء والمتروکین:۱/۲۱۴،رقم:۸۹۱ ،ت:عبد الله القاضی،دار الکتب العلمیة ـ بیروت،الطبعة الأولى ۱۴۰۶هـ .
[160] المؤتلف والمختلف:ص:1718،ت:موفق بن عبد الله بن عبد القادر،دار الغرب الإسلامي ـ بیروت،الطبعة الأولى1406هـ .
[161] سؤالات حمزة بن يوسف السهمي للدار قطني وغيره من المشايخ في الجرح والتعديل:ص:205،رقم:271، ت:موفق بن عبد الله بن عبد القادر، مكتبة المعارف ـ الرياض،الطبعة الأولى۱۴۰۴هـ .
[162] المؤتلف والمختلف في أسماء نقلة الحديث وأسماء آبائهم وأجدادهم:2/563،رقم:1662،ت:مثنى محمد حميد الشمري وقيس عبد إسماعيل التميمي،دار الغرب الإسلامي ـ بیروت،الطبعة الأولى1428هـ .
[163] تاريخ الإسلام:۷/۸۷ ،رقم:۲۲۳،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۴هـ .
[164] ديوان الضعفاء:ص:89 ،رقم:995،ت:حماد بن محمد الأنصاری،مطبعة النهضة الحديثة ـ مكة المكرمة، الطبعة1387هـ .
[165] المغني في الضعفاء:۱/۲۵۵،رقم:۱۴۶۲،ت:أبو الزهراء حازم القاضي،دار الكتب العلمية ـ بيروت،الطبعة الأولى ۱۴۱۸هـ .
[166] ميزان الاعتدال:۱/۵۱۷،رقم:۱۹۲۷،ت:علي محمد البجاوي،دار المعرفة ـ بيروت .
حافظ ذہبی رحمہ اللہ کی مکمل عبارت ملاحظہ ہو: ’’قلت: لقد نقمت على ابن عدي وتألمت منه لروايته عنه فيما نقله حمزة السهمى، عن ابن عدي، عن الحسن بن غُفَير، حدثنا يوسف بن عدي، حدثنا جرير بن عبد الحميد، حدثني الأعمش، قال: بينا أنا نائم إذ انتهبت بالحرس من جهة المنصور، فذكر قصة طويلة ثقيلة ركيكة باطلة من وضع جهلة القصاص، قد اختلقها هذا المدبر نحو سبع ورقات، سردها أخطب خوارزم الموفق بن أحمد الخوارزمي في كتاب مناقب علي، فقال: أخبرنا برهان الدين علي بن الحسين الغزنوي ببغداد، أخبرنا إسماعيل بن السمرقندي، أخبرنا إسماعيل بن مسعدة، أخبرنا حمزة بن يوسف الحافظ، وقيل: اسمه الحسين، واسم أبيه عبد الغفار، وسيعاد‘‘.
[167] الكشف الحثيث عمن رمي بوضع الحديث:ص:۹۳،رقم:۲۲۴،ت:صبحي السامرائي،مكتبة النهضة العربية ـ بيروت،الطبعة الأولى1407هـ .
[168] مجمع الزوائد ومنبع الفوائد:۴/۱۶۹،ت:حسام الدين القدسي،دار الكتاب العربي ـ بيروت .
[169] تنزيه الشريعة المرفوعة عن الأخبار الشنيعة الموضوعة:۱/۵۳،رقم:۱۶،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[170] تاريخ بغداد:3/499،رقم:1030،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۲هـ .
[171] تاريخ دمشق:54/16،رقم:6565،ت:محب الدين أبي سعيد عمر بن غرامة العمروي،دار الفكر ـ بيروت، الطبعة الأولى۱۴۱۸هـ .
[172] ميزان الاعتدال:3/608،رقم:7802،ت:علی محمد البجاوی،دار المعرفةـ بيروت .
[173] لسان الميزان:7/254،رقم:7018،ت:عبد الفتاح أبو غده،دار البشار الإسلامية ـ بيروت،الطبعة الأولى ۱۴۲۳هـ .
[174] تاريخ الإسلام:8/624،رقم:275،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۴هـ .
[175] تاريخ بغداد:3/500،رقم:1030،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۲هـ .
[176] لسان الميزان:7/255،رقم:7018،ت:عبد الفتاح أبو غده،دار البشار الإسلامية ـ بيروت،الطبعة الأولى ۱۴۲۳هـ .
[177] تاريخ الإسلام:۶/۹۱۶،رقم:۱۱۴،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۴هـ .
[178] ذيل تاريخ مولد العلماء ووفياتهم:ص:147،رقم:150،ت:عبد الله أحمد سليمان الحمد،دار العاصمة ـ رياض،الطبعة الأولى۱۴۰۹هـ .
[179] تاريخ الإسلام:۹/۲۳۷،رقم:۱۴۴،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۴هـ .
[180] ميزان الاعتدال:۳/۱۱۵،رقم:۷۵۹۱،ت:علي محمد البجاوي،دار المعرفة ـ بيروت .
[181] تنزيه الشريعة المرفوعة عن الأخبار الشنيعة الموضوعة:۱/۸۶ ،رقم:۲۸۷،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[182] انظر تاريخ الإسلام:۱۰/۲۲۹،رقم:۱۵۹،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۴هـ .
[183] تاريخ مدينة السلام:۱۶/۱۴۹،رقم:۷۳۹۲،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۲هـ .
[184] انظر تاريخ الإسلام:۱۰/۲۲۹،رقم:۱۵۹،ت:بشار عواد معروف،دار الغرب الإسلامي ـ بيروت،الطبعة الأولى۱۴۲۴هـ .
[185] المنتظم في تاريخ الملوك والأمم:16/153،رقم:3432،ت:محمد عبد القادر عطا ومصطفى عبد القادر عطا،دار الكتب العلمية ـ بيروت،الطبعة الأولى۱۴۱۲هـ .
[186] الموضوعات:۲/۲۸۶،ت:عبد الرحمن محمد عثمان،المکتبة السلفيةـ المدینة المنورة،الطبعة الأولى ۱۳۸۶هـ .
[187] تاريخ الإسلام:۱۰/۲۲۹،رقم:۱۵۹،ت:بشار عواد معروف،دار الغرب الإسلامي ـ بيروت،الطبعة الأولى ۱۴۲۴هـ .
[188] المغني في الضعفاء:2/481،رقم:6770،ت:أبو الزهراء حازم القاضي،دار الكتب العلمية ـ بيروت،الطبعة الأولى۱۴۱۸هـ .
[189] ميزان الاعتدال:۴/۳۱۰،رقم:۹۲۵۴،ت:علي محمد البجاوي،دار المعرفة ـ بيروت .
[190] الكشف الحثيث:ص:۲۷۳،رقم:۸۲۰ ،ت:صبحي السامرائي،مكتبة النهضة العربية ـ بيروت،الطبعة الأولى 1407هـ .
[191] تنزيه الشريعة:۱/۱۲۳،رقم:۱۸،ت:عبد الوهاب عبد اللطيف،دار الكتب العلمية ـ بيروت،الطبعة الثانية۱۴۰۱هـ .
[192] انظر لسان الميزان:6/374،رقم:6117،ت:عبد الفتاح أبو غده،دار البشار الإسلامية ـ بيروت،الطبعة الأولى۱۴۲۳هـ .
[193] الكامل في ضعفاء الرجال:7/155،رقم:1585،ت:عادل أحمد عبدالموجود وعلي محمد معوض،دار الكتب العلمية ـ بيروت .
[194] الكامل في ضعفاء الرجال:7/156،رقم:1585،ت:عادل أحمد عبدالموجود وعلي محمد معوض،دار الكتب العلمية ـ بيروت .
[195] ميزان الاعتدال:۳/۳۷۳،رقم:۶۸۱۶،ت:علي محمد البجاوي،دار المعرفة ـ بيروت .
[196] مغاني الأخيار في شرح أسامي رجال معاني الآثار:2/466،رقم:2118،ت:محمد حسن محمد حسن إسماعيل، دار الكتب العلمية ـ بيروت،الطبعة الأولى1427هـ .
[197] سؤالات حمزة بن يوسف السهمي للدار قطني وغيره من المشايخ في الجرح والتعديل:ص:۲۴۹،رقم:۳۵۶، ت:موفق بن عبد الله بن عبد القادر، مكتبة المعارف ـ الرياض،الطبعة الأولى۱۴۰۴هـ .
[198] المغني في الضعفاء:۲/۲۰۶،رقم:۴۹۹۴،ت:أبو الزهراء حازم القاضي،دار الكتب العلمية ـ بيروت،الطبعة الأولى ۱۴۱۸هـ .
[199] انظر الزيادات على الموضوعات:ص:169،رقم:189،ت:رامز خالد حاج حسن،مكتبة المعارف ـ الرياض، الطبعة الأولى۱۴۳۱هـ .
[200] انظر تعليقات الفردوس بمأثور الخطاب:4/44،رقم:6139،ت:السعيد بن بسيوني زغلول،دار الكتب العلمية ـ بيروت،الطبعة الأولى1406هـ .
[201] الكامل في ضعفاء الرجال:6/102،رقم:1220،ت:عادل أحمد عبد الموجود وعلي محمد معوض،دار الكتب العلمية ـ بيروت.
[202] الزيادات على الموضوعات:ص:۱۶۹،رقم:۱۸۹،ت:رامز خالد حاج حسن،مكتبة المعارف ـ الرياض، الطبعة الأولى۱۴۳۱هـ .
[203] تنزيه الشريعة المرفوعة عن الأخبار الشنيعة الموضوعة:۱/۲۷۵،رقم:۷۶،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
علامہ ابن عراق رحمہ اللہ نے حافظ سیوطی رحمہ اللہ کے کلام کے بعد زیر بحث روایت بطریق ہمام بن مسلم کی جانب اشارہ کیا ہے، جس کی تفصیل گزر چکی ہے۔
[204] تذكرة الموضوعات:ص:۲۳،دار إحياء التراث العربي ـ بيروت،الطبعة الثانية1399هـ .
[205] الضعفاء والمتروكين لابن الجوزي:1/91،رقم:266،ت:عبد الله القاضي،دار الكتب العلمية ـ بيروت، الطبعة الأولى1406هـ .
[206] الموضوعات:۱/۳۴۲،ت:عبد الرحمن محمد عثمان،المکتبة السلفيةـ المدينة المنورة،الطبعة الأولی۱۳۸۶هـ .
[207] تاريخ بغداد:۶/۴۱۲،رقم:۲۹۰۲،ت:بشار عواد،دار الغرب الإسلامی ـ بیروت،الطبعة۱۴۱۲هـ .
[208] تاريخ بغداد:9/261،رقم:4365،ت:بشار عواد،دار الغرب الإسلامی ـ بیروت،الطبعة۱۴۱۲هـ .
[209] ميزان الاعتدال:۱/ ۱۶۱،رقم:۶۴۴، ت:على البجاوي،دار المعرفةـ بيروت،الطبعة۱۳۸۲هـ .
[210] المغني في الضعفاء:۱/۹۷،رقم:۴۷۷،ت:أبو الزهراء حازم القاضي،دار الكتب العلمية ـ بيروت،الطبعة الأولى۱۴۱۸هـ .
[211] تاریخ الإسلام:8/237،رقم:147،ت:بشار عواد معروف،دار الغرب الإسلامي ـ بيروت،الطبعة الأولى 1424هـ .
[212] انظر توضيح المشتبة:4/72،ت:محمد نعيم العرقسوسي،مؤسسة الرسالة ـ بيروت .
[213] توضيح المشتبة:4/72،ت:محمد نعيم العرقسوسي،مؤسسة الرسالة ـ بيروت .
[214] الإصابة:۲/۱۸۵،رقم:۲۱۲۸،ت:عادل أحمد عبد الموجود وعلي محمد معوض،دار الكتب العلمية ـ بيروت،الطبعة الأولى1415هـ .
[215] الكشف الحثيث:ص:۶۰،رقم:۱۱۰،ت:صبحي السامرائي،مكتبة النهضة العربية ـ بيروت،الطبعة الأولى 1407هـ .
[216] تنزيه الشريعة:۱/۳۵،رقم:۲۳۴،ت:عبد الوهاب عبد اللطيف،عبد الله محمد الصديق،دار الكتب العلمية ـ بيروت،الطبعة الثانية1401هـ .
[217] الترغيب في فضائل الأعمال وثواب ذلك:ص:159،رقم:554،ت:محمد حسن محمد حسن إسماعيل،دار الكتب العلمية ـ بيروت،الطبعة الأولى۱۴۲۴هـ .
[218] الكامل في ضعفاء الرجال:6/102،رقم:1220،ت:عادل أحمد عبد الموجود وعلي محمد معوض،دار الكتب العلمية ـ بيروت.
[219] أحاديث منتخبة من مشيخة ابن كليب:1/28،رقم:27،مخطوط من الشاملة .
[220] الكامل في ضعفاء الرجال:6/102،رقم:1220،ت:عادل أحمد عبد الموجود وعلي محمد معوض،دار الكتب العلمية ـ بيروت.
[221] تاريخ مدينة السلام:11/592،رقم:5381،ت:بشارعواد معروف،دار الغرب الإسلامي ـ بيروت،الطبعة الأولى۱۴۲۲هـ .
حافظ صالح بن احمد رحمہ اللہ کی مکمل عبارت ملاحظہ ہو: ’’وادعى عن إبراهيم بن الحسين فذهب علمه، وكنت كتبت عنه أيام السلامة على المجاراة أحاديث ذوات عدد، أحاديث من حديث إبراهيم، ولم يدع ما ادعاه بأخرة، حكمنا على أن أباه سمعه تلك الأحاديث، وذلك القدر أيضا، أنكر عليه أبو جعفر ابن عمه، والقاسم بن أبي صالح روايته عن إبراهيم، فسكت عنه حتى ماتوا، وتغير أمر البلد، فادعى الكتب المصنفات، والتفاسير، وكنا بلغنا قراءة إبراهيم، يعني: كتاب التفسير قبل السبعين، وقال: مولدي سنة سبعين، وبلغني أن إبراهيم كان إذا مر له الشيء قلما يعيده، قال صالح: سمعت أبي يحكي عن بعض المشايخ يقول: قدم قوم من أهل الكرخ سنة نيف وسبعين ومائتين، وسألوا إبراهيم أن يسمعوا منه تفسير ورقاء عن ابن أبي نجيح، روايته عن آدم فلم يجبهم، قال: فسمعوه من يحيى الكَرَابيسي عن إبراهيم، وإبراهيم حي، وادعى هذا المسكين سماعا وحمل عنه، ونسأل الله السلامة، وقال صالح: سمعت القاسم بن أبي صالح نص عليه بالكذب، ومع هذا دخوله في أعمال الظلمة، وما يحمله من الأوزار والآثام، ونعوذ بالله من الحور بعد الكور، وسألني عنه أبو الحسن الدارقطني ببغداد، فقال: رأيت في كتبه تخاليط، وقال أبو يعقوب بن الدخيل بمكة: لما بلغني قدومه، تركت أشغال الموسم، وسمعت التفسير منه، ثم لم يحمدوا أمره‘‘.
[222] تاريخ مدينة السلام:11/592،رقم:5381،ت:بشارعواد معروف،دار الغرب الإسلامي ـ بيروت،الطبعة الأولى۱۴۲۲هـ .
[223] ميزان الاعتدال:۲/۵۵۶،رقم:۴۸۵۲،ت:علي محمد البجاوي،دار المعرفة ـ بيروت .
[224] ذيل ديوان الضعفاء والمتروكين :ص:42،رقم:222،ت:حماد بن محمد الأنصاري،مکتبة النهضةالحديثة ـ مکة المکرمة .
[225] لسان المیزان:5/97،رقم:4621،ت:عبد الفتاح أبو غدة،دار البشائر الإسلامية ـ بيروت،الطبعة الأولى 1423هـ .
[226] تنزيه الشريعة:1/78،رقم:139،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[227] الإرشاد في معرفة علماء الحديث:2/659،رقم:414،ت:محمد سعيد بن عمر إدريس،مكتبة الرشد ـ الرياض،الطبعة الأولى 1409هـ .
اس تحقیق میں مذکور روات
- عمر بن حفص أبو حفص العبدي البصري
- العلاء بن مسلمة بن عثمان أبو سالم الرَوَّاس مولى بني تميم
- أبان بن أبي عياش أبو إسماعيل الفيروز البصري
- سليمان بن الربيع بن هشام أبو محمد النَهْدِي الكوفي
- همام بن مسلم الزاهد الكوفي
- عمر بن عبد الله بن أبي خثعم اليمامي
- محمد بن أحمد بن محمد أبو بكر الجَرْجَرَائي المُفِيد
- سليمان بن عمران الكوفي
- الحسين بن عبد الغفار أبو علي المصري الأزدي العطار ويقال الحسن بن غُفَيْر
- محمد بن عبد الله بن محمد أبو المفضل الشيباني
- أزهر بن زفر أبو محمد المصري الحضرمي
- علي بن بُشرى بن عبد الله أبو الحسن الدمشقي العطار
- هنَّاد بن إبراهيم بن محمد بن نصر بن إسماعيل بن عِصْمة أبو المظفر النَسَفِي
- القاسم بن عبد الله بن مهدي أبو طاهر الإخْمِيْمِي
- محمد بن فرات
- أحمد بن نصر بن عبد الله بن الفتح أبو بكر الذارع النهرواني
- عبد الرحمن بن الحسن بن أحمد بن محمد بن عبيد القاضي أبو القاسم الأسدي من أهل همذان