ابو علی حسین بن عبد الغفار مصری ازدی عطار ویقال حسن بن غُفَیر

حافظ ابو سعید بن یونس l فرماتے ہیں: ’’ كذاب يضع الحديث‘‘[157]. کذاب ہے، حدیث گھڑتا تھا۔

حافظ ابن عدیl ’’الكامل‘‘[158] میں فرماتے ہیں: ’’ كتبت عنه بمصر في الرحلتين جميعا إلى مصر، حدثنا عن سعيد بن عُفَير، وعبد العزيز بن مِقْلاص، وغيرهما من كبار شيوخ مصر، ولم يكن سنه يحتمل لقاءهم، وقد حدث بأحاديث مناكير‘‘. میں نے اس سے مصر کی جانب دونوں سفر میں، مصر میں لکھا ہے، اس نے ہمیں سعید بن عُفَیر، اور عبد العزیز بن مِقْلاص وغیرہ مصر کے کبار شیوخ کے انتساب سے بیان کیا، اور اس کی عمر، ان سے لقاء کا احتمال نہیں رکھتی، اور اس نے منکر احادیث بیان کیں۔

حافظ ابن جوزی l نے ’’الضعفاء‘‘[159] میں حافظ ابن عدیl کے کلام پر اعتماد کیا ہے۔

حافظ دار قطنی l نے ’’المؤتلف والمختلف‘‘[160] میں اسے ’’منكر الحديث‘‘ کہا ہے۔

حافظ دار قطنی l ایک مقام پر فرماتے ہیں: ’’هذا آية، متروك، كان بلية‘‘[161]. یہ ایک نشانی ہے، متروک ہے، ’’بلیہ‘‘ہے۔

حافظ عبد الغنی بن سعید ازدی l ’’المؤتلف‘‘[162] میں فرماتے ہیں: ’’الحسن بن غفير مصري، وما كان ثقة ولا مأمونا، ترك حمزة بن محمد الرواية عنه‘‘. حسن بن غُفَیر مصری ہے، ’’ثقہ ومامون نہ تھا‘‘، حمزہ بن محمد (یعنی حافظ ابو القاسم حمزہ بن محمد کنانی مصری) نے اس سے روایت کو ترک کردیا تھا۔

حافظ ذہبی l نے اسے ’’تاريخ الإسلام‘‘[163] میں ’’متروك، واه‘‘، ’’ديوان الضعفاء‘‘[164] میں ’’متهم‘‘ اور ’’المغني‘‘[165] میں ’’ كذاب‘‘ کہا ہے۔

حافظ ذہبی l ’’ميزان الاعتدال‘‘[166] میں ایک مقام پر حسن بن غُفَیر کے بارے میں فرماتے ہیں: ’’قد اختلقها هذا المدبر نحو سبع ورقات‘‘. اس مُدبر نے سات اوراق پر مشتمل اس قصہ کو گھڑا ہے۔

علامہ سبط ابن عجمیl نے حسن بن غُفَیر کو ’’الكشف الحثيث‘‘[167] میں ذکر کرکے حافظ ذہبی l کے اس کلام کو نقل کیا ہے۔

حافظ ہیثمی l نے ’’مجمع الزوائد‘‘[168] میں زیر بحث روایت کے تحت اسے ’’متروك‘‘ کہا ہے۔

علامہ ابن عراق l ’’تنزيه الشريعة‘‘[169] میں حسین بن عبد الغفار مصری کو وضاعین ومتہمین کی فہرست میں شمار کرکے فرماتے ہیں: ’’متهم‘‘. متہم ہے۔