عمر بن عبد اللہ بن ابی خثعم یمامی

امام بخاریl نے اسے ایک حدیث کے تحت ’’منكر الحديث، ذاهب‘‘ کہا ہے[107]۔

امام ترمذیl اپنی ’’سنن‘‘[108] میں ایک روایت کے تحت فرماتے ہیں: ’’وسمعت محمد بن إسماعيل يقول: عمر بن عبد الله بن أبي خثعم منكر الحديث، وضعفه جدا‘‘. اور میں نے محمد بن اسماعیل (یعنی امام بخاری l) کو فرماتے ہوئے سنا کہ عمر بن عبد اللہ بن ابی خثعم منکر الحدیث ہے، اور بخاری l نے اسے شدید ضعیف قرار دیا۔

حافظ ابو زرعہl ، عمر بن عبد اللہ بن ابی خثعم کے بارے میں فرماتے ہیں: ’’واهي الحديث ، حدث عن يحيى بن أبي كثير ثلاثة أحاديث، لو كانت في خمس مئة حديث لافسدتها‘‘[109]. واہی الحدیث ہے، اس نے یحیی بن ابی کثیر کے انتساب سے تین احادیث بیان کی ہیں، یہ تین احادیث، پانچ سو احادیث میں ہوتیں تو ان کو بھی فاسد کردیتیں۔

حافظ ابن حبانl ’’المجروحین‘‘[110]میں عمر بن راشد یمامی کا ترجمہ قائم کرکے فرماتے ہیں: ’’عمر بن راشد اليمامي: وهو الذي يقال له عمر بن عبد الله بن أبي خثعم، كنيته أبو حفص، يروي عن يحيى بن أبي كثير، وإياس بن سلمة، روى عنه وكيع، وزيد بن حباب، كان ممن يروي الأشياء الموضعات عن ثقات أئمة، لا يحل ذكره في الكتب إلا على سبيل القدح فيه، ولا كتابة حديثه إلا على جهة التعجب‘‘. عمر بن راشد یمامی یہ وہی ہے جسے عمر بن عبد اللہ بن ابی خثعم کہا جاتا ہے، اس کی کنیت ابو حفص ہے[111]، یہ یحیی بن ابی کثیر اور ایاس بن سلمہ سے روایت کرتا ہے، اور اس سے وکیع اور زید بن حباب روایت کرتے ہیں، یہ ان لوگوں میں سے ہے جو ثقہ ائمہ کے انتساب سے من گھڑت اشیاء روایت کرتے ہیں،اس کا ذکر کتب میں سوائے جرح کے حلال نہیں ہے، اور اس کی حدیث کو لکھنا حلال نہیں ہے مگر تعجب کے طور پر۔

حافظ ابن عدی l نے ’’الكامل‘‘[112] میں اسے ’’منكر الحديث‘‘ کہا ہے۔

امام بیہقیl نے ’’شعب الإيمان‘‘[113] میں اسے ایک حدیث کے تحت ’’منكر الحديث‘‘ کہا ہے۔

حافظ ذہبی l ’’ديوان الضعفاء‘‘[114] میں فرماتے ہیں: ’’وهاه البخاري وغيره‘‘. بخاری وغیرہ l نے اسے ’’واہی‘‘قرار دیا ہے۔

حافظ ابن حجر عسقلانی l نے ’’التقریب‘‘[115] میں عمر بن عبد اللہ بن ابی خثعم کو ’’ضعيف‘‘ کہا ہے۔