ابو سالم علاء بن مسلمہ بن عثمان رَوَّاس مولی بنو تمیم

حافظ ابن حبانl ’’المجروحین‘‘[43]میں علاء بن مسلمہ کے بارے میں فرماتے ہیں:  ’’يروي عن العراقيين المقلوبات، وعن الثقات الموضوعات، لا يحل الاحتجاج به بحال‘‘. علاء بن مسلمہ عراقیوں کے انتساب سے مقلوب اور ثقہ راویوں کے انتساب سے من گھڑت احادیث روایت کرتا ہے، اس سے احتجاج کسی بھی حالت میں حلال نہیں ہے۔

حافظ خطیب بغدادی l نے ’’تاريخ بغداد‘‘[44] میں علاء بن مسلمہ کے ترجمہ میں زیر بحث روایت تخریج کی، پھر حافظ ابو الفتح ازدی l کا یہ قول نقل فرماتے ہیں: ’’ كان رجل سوء، لا يبالي ما روى، وعلى ما أقدم؟ لا يحل لمن عرفه أن يروي عنه‘‘. برا آدمی ہے، اسے اس کی پرواہ نہیں کہ کیا روایت کر رہا ہے، اور کیا پیش کر رہا ہے؟ جو شخص اسے جانتا ہے اس کےلئے حلال نہیں ہے کہ وہ اس سے روایت کرے۔

حافظ ابن قیسرانیl ’’تذكرة الحفاظ‘‘[45] میں ایک روایت کے تحت علاء بن مسلمہ کے بارے میں فرماتے ہیں: ’’والعلاء هذا يضع الحديث‘‘. اور یہ علاء حدیث گھڑتا تھا۔

حافظ ذہبیl ’’ الكاشف‘‘[46] میں علاء بن مسلمہ کے بارے میں فرماتے ہیں: ’’اتهم‘‘. اسے متہم قرار دیا گیا ہے۔

حافظ ذہبی l ’’المغني‘‘[47] میں علاء بن مسلمہ کے بارے میں فرماتے ہیں: ’’متهم بوضع الحديث‘‘. حدیث گھڑنے میں متہم ہے۔

نیز حافظ ذہبی l ’’دیوان الضعفاء‘‘[48] میں فرماتے ہیں: ’’متهم، لا يوثق به‘‘ متہم ہے، اس کی توثیق نہیں ہوئی۔

حافظ ابن حجر عسقلانیl ’’الإصابة‘‘[49]میں ایک حدیث کے تحت علاء بن مسلمہ کے بارے میں فرماتے ہیں: ’’ كذبوه‘‘. محدثین نے اسے جھوٹا کہا ہے۔

حافظ ابن حجر عسقلانی l ’’التقريب‘‘[50] میں علاء بن مسلمہ کے بارے میں فرماتے ہیں: ’’متروك، ورماه ابن حبان بالوضع‘‘. یہ متروک ہے، اور ابن حبان lنے اسے متہم بالوضع قرار دیا ہے۔

علامہ سبط ابن عجمی l نے ’’الكشف الحثيث‘‘[51] میں علاء بن مسلمہ کو درج کرکے حافظ ازدی l ، حافظ ابن قیسرانی l اور حافظ ابن حبان l کے کلام پر اعتماد کیا ہے۔

علامہ ابن عراق l ’’تنزيه الشريعة‘‘[52] میں علاء بن مسلمہ کو وضاعین ومتہمین کی فہرست میں شمار کرکے فرماتے ہیں: ’’قال ابن طاهر: كان يضع الحديث‘‘. ابن طاہر l فرماتے ہیں کہ یہ حدیث گھڑتا تھا۔