ابو محمد سلیمان بن ربیع بن ہشام نہدی کوفی

امام دار قطنی lفرماتے ہیں: ’’ضعيف، متروك، غير أسماء مشايخ، وروى عنهم مناكير‘‘[93]. ضعیف، متروک ہے، مشایخ کے نام تبدیل کرتا ہے، اور ان کے انتساب سے مناکیر روایت کرتا ہے۔

حافظ ابن جوزی lنے ’’الضعفاء‘‘[94] میں اور حافظ ذہبی l نے ’’ميزان الاعتدال‘‘[95] میں امام دار قطنی lکے اس کلام پر اعتماد کیا ہے۔

امام دار قطنیl نے ’’العلل الواردة‘‘[96] میں ایک روایت کے تحت سلیمان بن ربیع نہدی اور ہمام بن مسلم کو ’’متروك‘‘ کہا ہے۔

حافظ ابن عبد الہادی l نے ’’تنقيح التحقيق‘‘[97] میں امام دارقطنی l کے اس کلام پر اعتماد کیا ہے۔

نیز امام دار قطنی l ایک مقام پر فرماتے ہیں: ’’يقال: كادح بن رحمة له اسم كان يعرف به، فغيره سليمان بن الربيع، فسماه كادحا، ذهب إلى قول الله تعالى: ’’يَاأَيُّهَا الْإِنْسَانُ إِنَّكَ كَادِحٌ‘‘، قال: وقد روى سليمان بن الربيع هذا أحاديث مناكير عن شيخ آخر، فغير اسمه سماه همام بن مسلم، وأظنه ذهب إلى قول النبي صلى الله عليه وسلم: كل بني آدم همام، قال أبو الحسن: أراد منهم من يهم بالخير، ومنهم من يهم بالشر، وذهب إلى أن أباه كان مسلما، فقال: همام بن مسلم‘‘[98].

کہا جاتا ہے کہ کادح بن رحمہ کا کوئی نام تھا جس سے اس کی معرفت تھی، پھر سلیمان بن ربیع نے اس کا نام بدل کر کادح (یعنی کام میں کوشش کرنے والا) رکھ دیا، اللہ تعالی کے اس ارشاد سے: ’’اے انسان! تو اپنے رب کے پاس پہنچنے تک کام میں کوشش کر رہا ہے‘‘، دارقطنی l فرماتے ہیں: اس سلیمان بن ربیع نے ایک دوسرے شیخ سے منکر احادیث روایت کی ہیں، پھر اپنے شیخ کا نام بدل کر ہمام بن مسلم رکھ دیا، اور میرا گمان ہے، نبی ﷺ کے اس ارشاد کی وجہ سے کہ ’’ہر بنی آدم ہمام (ارادہ کرنے والا) ہے‘‘، ابو الحسن (دارقطنی l) فرماتے ہیں: بعض خیر کا ارادہ کرتے ہیں، اور بعض شر کا ارادہ کرتے ہیں، اور اس وجہ سے کہ اس کا والد مسلمان تھا، سو اسے ہمام بن مسلم کہہ دیا۔

حافظ ذہبی l نے ’’تلخيص العلل‘‘[99] میں زیر بحث روایت کے تحت سلیمان بن ربیع اور ہمام بن مسلم کو ’’لیس بشیء‘‘کہا ہے۔

نیز حافظ ذہبی l نے ’’ميزان‘‘[100] میں کادح بن رحمہ زاہد کے ترجمہ میں ایک روایت کے تحت سلیمان بن ربیع کو ’’أحد المتروكين‘‘ کہا ہے۔