احمد بن علی بن صدقہ رَقِّی

حافظ ابن جوزی l ’’الضعفاء والمتروكين‘‘[4] میں فرماتے ہیں: ’’حدث عن أبيه، عن علي بن موسى نسخة موضوعة، وفيها أحاديث سرقها، قالها [كذا في الأصل] ابن طاهر‘‘. احمد بن علی نے عن ابیہ، عن علی بن موسی کے طریق سے من گھڑت نسخہ روایت کیا ہے، اس نسخہ میں ایسی احادیث ہیں جن کا اس نے سرقہ کیا ہے، یہ بات ابن طاہر l نے کہی ہے۔

حافظ ذہبی l ’’ميزان الاعتدال‘‘[5] میں احمد بن علی کے بارے میں فرماتے ہیں: ’’عن أبيه، عن علي بن موسى الرضا، وتلك نسخة مكذوبة‘‘. وہ عن ابیہ، عن علی بن موسی الرضا کے طریق سے روایت کرتا ہے، اور (اس کا) یہ جھوٹا نسخہ ہے۔

حافظ ابن حجر عسقلانی l نے ’’لسان المیزان‘‘[6]میں اور حافظ سبط  ابن العجمی l نے ’’الكشف الحثيث‘‘[7]میں حافظ ذہبی l کےاس  قول پر اعتماد کیا ہے۔

حافظ ذہبیl ’’ميزان‘‘[8] میں فرماتے ہیں: ’’ اتهمه الدار قطني بوضع الحديث‘‘. دارقطنی l نے اسے حدیث گھڑنے میں متہم قرار دیا ہے۔

نیز حافظ ذہبی l ’’ المغني في الضعفاء‘‘[9] میں فرماتے ہیں:  ’’عن علي الرضا بخبر كذب‘‘. علی بن رضا سے جھوٹی خبر روایت کرتا ہے۔