ابو اشرس کوفی

حافظ ابن حبان l ’’المجروحین‘‘[89] میں فرماتے ہیں: ’’شيخ، يروي عن شريك الأشياء الموضوعة التي ما حدث بها شريك فقط [ كذا في الأصل]، لا يحل ذكره في الكتب إلا على سبيل الإنباء عنه‘‘.

یہ شیخ ہے، شریک کے انتساب سے ایسی من گھڑت اشیاء روایت کرتا ہے جن کو شریک نے کبھی بیان نہیں کیا، اس کا کتب میں  ذکر کرنا  حلال نہیں ہے سوائے اس پر خبر دار کرنے کے۔

حافظ ابن قیسرانی l نے ’’تذكرة الحفاظ‘‘[90] میں، حافظ ابن جوزی l نے ’’الضعفاء والمتروكين‘‘[91] میں، حافظ ذہبی l نے ’’ميزان الاعتدال‘‘[92] میں، حافظ ابن حجر عسقلانی l نے ’’ لسان المیزان‘‘[93]میں، حافظ سخاوی l نے ’’الأجوبة المرضية‘‘[94]میں اور علامہ ابن عراق l نے ’’تنزيه الشريعة‘‘[95] میں حافظ ابن حبان l کے کلام پر اعتماد کیا ہے۔

نیز حافظ ذہبی l ’’ديوان‘‘[96] میں فرماتے ہیں: ’’متهم، لا يوثق به‘‘. متہم ہے، اس پر اعتماد نہیں کیا جاسکتا۔

اور حافظ ذہبی l ’’تلخيص الموضوعات‘‘[97] میں زیر بحث روایت کے علاوہ ایک دوسری روایت کے تحت فرماتے ہیں: ’’ أبو الأشرس الكوفي كذاب، عن شريك، عن جعفر بن محمد، عن أبيه، عن آبائه‘‘. ابو اشرس کوفی جھوٹا ہے، شریک، عن جعفر بن محمد، عن ابیہ، عن آبائہ کے طریق سے روایت کرتا ہے۔