ابو القاسم اسماعیل بن علی بن علی بن رزین خزاعی

حافظ خطیب بغدادی l ’’تاريخ بغداد‘‘[99] میں اسماعیل بن علی کے بارے میں فرماتے ہیں: ’’وكان غير ثقة‘‘. اور یہ ثقہ نہیں تھا۔

حافظ ابن جوزی l نے ’’الضعفاء والمتروكين‘‘[100]میں اور حافظ ذہبی l نے ’’المغني‘‘[101] میں حافظ خطیب بغدادی l کے کلام کو نقل کرنے پر اکتفاء کیا ہے۔

حافظ خطیب بغدادی l نے ایک دوسرے مقام پر ایک حدیث تخریج کرنے کے بعد اسے ’’من گھڑت‘‘ قرار دیا، پھر فرماتےہیں: ’’والحمل فيه عندي: على إسماعيل بن علي، والله أعلم‘‘[102] . اور اس میں ذمہ داری اسماعیل بن علی پر ہے، واللہ اعلم۔

نیز حافظ ذہبی l ’’ميزان الاعتدال‘‘[103] میں فرماتے ہیں: ’’متهم، يأتي بأوابد‘‘. متہم ہے، ’’اوابد‘‘ لاتا ہے۔

حافظ ابن حجر عسقلانی l نے ’’لسان المیزان‘‘[104]میں اور علامہ ابن عراق l نے ’’تنزيه الشريعة‘‘[105] میں حافظ ذہبی l کے کلام پر اعتماد کیا ہے۔

امام دارقطنی l فرماتے ہیں: ’’ لم يكن مرضيا‘‘[106]. وہ پسندیدہ نہیں تھا۔

علامہ سبط ابن العجمی l ’’الكشف الحثيث‘‘[107]میں حافظ ذہبی l  کا کلام نقل کرنے کے بعد فرماتے ہیں: ’’فقوله: متهم مع قوله يأتي بأوابد ما يقتضي أن يكون هو واضعها‘‘. ذہبی l  کا یہ قول کہ ’’یہ متہم ہے اور  اوابد  لاتا ہے‘‘ یہ اس بات کا تقاضہ کرتا ہے کہ وہ ان کا گھڑنے والا ہے۔