ابو نضر کنانہ بن جبلہ بن عمرو سلمی خرسانی ہروی

حافظ عثمان بن سعید دارمیl ’’تاريخ‘‘ [102] میں فرماتےہیں: ’’وسألت يحيى قلت: كنانة بن جبلة، الذي كان يكون بخراسان من أهل الحديث؟ قال: ذاك كذاب خبيث. قال عثمان: وهو قريب مما قال يحيى: خبيث الحديث‘‘. میں نے یحیی l سے پوچھا: کنانہ بن جبلہ جو خراسان میں رہتا ہےکیا وہ اصحاب حدیث میں سے ہے؟ یحیی بن معین l نے فرمایا: وہ خبیث جھوٹا ہے، عثمان نے کہا کہ یحیی l کے کہنے کے مطابق وہ خبیث الحدیث ہے۔

حافظ ذہبی l نے ’’ديوان الضعفاء‘‘[103] میں حافظ یحیی بن معین l کا قول ذکر کیا ہے۔

امام بخاری lنے ’’التاريخ الكبير‘‘[104] میں کنانہ بن جبلہ کا ترجمہ قائم کرکے سکوت کیا ہے۔

حافظ ابو اسحاق جوزجانی سعدی l ’’ أحوال الرجال‘‘ [105] میں فرماتے ہیں: ’’ كنانة بن جبلة كان بخراسان بهراة، ضعيف الأمر جدا‘‘. کنا نہ بن جبلہ خراسان کے علاقہ ہرات سے تھا، اس کا معاملہ بہت زیادہ ضعیف ہے۔

امام ابو حاتم l فرماتے ہیں:’’محله الصدق، يكتب حديثه، حسن الحديث‘‘[106]. یہ محلہ الصدق ہے، اس کی حدیثیں لکھی جائیں گی، یہ حسن الحدیث ہے۔

حافظ ابن حبان l ’’المجروحین‘‘[107] میں فرماتے ہیں: ’’ كان مرجئا، يقلب الاخبار، وينفرد عن الثقات بالأشياء المعضلات‘‘. یہ مرجی تھا، اخبار میں قلب کرتا تھا، اور ثقہ لوگوں کے انتساب سے معضل اشیاء نقل کرنے میں متفرد ہوتا تھا۔

حافظ ابن عدی  l ’’ الكامل‘‘[108] میں فرماتے ہیں: ’’ولكنانة أحاديث غير هذا، ومقدار ما يرويه غير محفوظ‘‘.کنانہ کی اس کے علاوہ بھی احادیث ہیں، اور اس کی روایت کردہ مقدار غیر محفوظ ہے۔

حافظ ازدیl نے کنانہ کو ’’متروك الحديث‘‘ کہا ہے[109]۔

حافظ مقدسیl ’’ذخيرة الحفاظ‘‘[110] میں ایک حدیث کے تحت فرماتے ہیں: ’’وكنانة كذاب ‘‘. کنانہ جھوٹا ہے۔

علامہ ابن عراق l نے  ’’تنزيه الشريعة‘‘[111] میں کنانہ بن جبلہ کو وضاعین ومتہمین کی فہرست میں شمار کرکے حافظ یحیی بن معین l کے قول پر اکتفاء کیا ہے۔