ابو الحسن عبد اللہ بن محمد بن مغیرہ بن نشیط کوفی نزیل مصر

امام علی بن مدینی l فرماتے ہیں: ’’ينفرد عن الثوري بأحاديث‘‘[183]. ثوری l کے انتساب سے احادیث نقل کرنے میں متفرد ہوتا ہے۔

حافظ مؤمل بن اہاب l عبد اللہ بن مغیرہ کی سفیان سے منقول ایک روایت کے بارے میں فرماتے ہیں: ’’ذاكرت به غير واحد، فلم يعرفوه، قال ابن عدي: رواه ميسرة بن عبد ربه، عن سفيان‘‘[184]. میں نے ایک سے زائد لوگوں سے اس کا تذکرہ کیا، لیکن انہوں نے اسے نہیں پہچانا، ابن عدی l فرماتے ہیں: اسے میسرہ بن عبد ربہ نے سفیان سے روایت کیا ہے۔

اہم فائدہ: واضح رہے کہ عبد اللہ بن محمد بن مغیرہ کا یہ متابع میسرہ بن عبد ربہ تستری متہم بالوضع ہے[185]۔

حافظ ابو زرعہ رازیl عبد اللہ بن محمد بن مغیرہ کے بارے میں فرماتے ہیں: ’’منكر الحديث، حدث عن مالك بن مغول بمناكير‘‘[186]. منکر الحدیث ہے، یہ مالک بن مغول کے انتساب سے مناکیر بیان کرتا ہے۔

حافظ ابو حاتمl نے عبد اللہ بن محمد بن مغیرہ کو ’’وليس بالقوي‘‘ کہا ہے[187]۔

امام نسائیl فرماتے ہیں:’’روى عن الثوري ومالك بن مغول أحاديث، كانا أتقى الله من أن يحدثا بها ‘‘[188].یہ ثوری اور مالک بن مغول کے انتساب سے ایسی احادیث روایت کرتا ہے جن کے بیان کرنے سے یہ دونوں اللہ سے ڈرنے والے ہیں۔

حافظ عقیلی l ’’الضعفاء الكبير‘‘[189] میں فرماتے ہیں: ’’يخالف في بعض حديثه، ويحدث بما لا أصل له‘‘. اس کی بعض احادیث میں مخالفت کی جاتی ہے، اور ایسی روایت بیان کرتا ہے جس کی اصل نہیں ہوتی۔

حافظ ابن عدیl ’’الكامل‘‘[190]میں چند روایات  ذکر کرنے کے بعد فرماتے ہیں: ’’وهذه الأحاديث عن مالك بن مغول، وسائر أحاديثه عامتها مما لا يتابع عليه، ومع ضعفه يكتب حديثه‘‘. اور عبد اللہ بن محمد بن مغیرہ نے یہ احادیث مالک بن مغول سے روایت کی ہیں، نیز اس کی دیگر احادیث، ان میں سے اکثر احادیث میں  اس کی متابعت نہیں کی جاتی، اور اس کے ضعیف ہونے کے باوجود اس کی حدیث لکھی جائے گی۔

حافظ ابن یونس مصریl نے عبد اللہ بن محمد بن مغیرہ کو ’’منكر الحديث‘‘ کہا ہے[191]۔

حافظ ذہبی l ’’تاريخ الإسلام‘‘[192] میں فرماتے ہیں: ’’ كوفي، متروك، سكن مصر، وروى الطامات‘‘. کوفی ہے، متروک ہے، مصر میں رہائش اختیار کی تھی، اور طامات روایت کرتا تھا۔

حافظ ذہبیl نے ’’المغني‘‘[193] میں عبد اللہ بن محمد بن مغیرہ کو ’’واه‘‘ اور ’’تلخيص الموضوعات‘‘[194] میں ایک روایت کے تحت ’’متهم‘‘ کہا ہے۔

علامہ ابن عراق l ’’تنزيه الشريعه‘‘[195] میں عبد اللہ بن محمد بن مغیرہ کو ضاعین ومتہمین کی فہرست میں شمار کرکے فرماتے ہیں: ’’روى عن الثوري ومالك بن مغول موضوعات‘‘. ثوری اور مالک بن مغول کے انتساب سے من گھڑت روایات نقل کرتا ہے۔