ابو الحسن اسماعیل بن زیاد ویقال اسماعیل بن ابی زیاد واسماعیل بن مسلم سَکُونی شعیری کوفی شامی

حافظ ابو زرعہl فرماتے ہیں :’’يروي أحاديث مفتعلة‘‘[90]. گھڑی ہوئی احادیث روایت کرتا ہے۔

حافظ ابن حبان l ’’المجروحین‘‘[91] میں فرماتے ہیں: ’’شيخ دجال، لا يحل ذكره في الحديث إلا على سبيل القدح فيه‘‘. شیخ ہے، دجال ہے، اس کا ذکر حدیث میں سوائے اس پر جرح کے حلال نہیں ہے۔

حافظ ابن عدی lنے ’’الكامل‘‘[92] میں اسے ’’منكرالحديث‘‘ کہا ہے۔

اس کے بعد اس سے منقول چند روایات ذکرکرکے حافظ ابن عدی l فرماتے ہیں : ’’وإسماعيل بن أبي زياد هذا عامة ما يرويه لا يتابعه أحد عليه، إما إسنادا، وإما متنا‘‘. عام طور پر اس اسماعیل بن ابی زیاد کی متن وسند دونوں حیثیتوں سے کسی نے متابعت نہیں کی۔

حافظ دار قطنیl ’’الضعفاء‘‘[93] میں فرماتے ہیں: ’’يضع الحديث، كذاب، متروك‘‘. حدیث گھڑتا تھا، کذاب، متروک ہے۔

حافظ خطیب بغدادی l نے ’’غنية الملتمس‘‘[94] میں یحیی بن ابی السکن کے ترجمہ میں اسماعیل سکونی کو ’’غير ثقة‘‘ کہا ہے۔

حافظ مزی l ’’تهذيب الكمال‘‘[95] میں فرماتے ہیں: ’’وهو من الضعفاء المتروكين‘‘. اور یہ ضعفاء اور متروک راویوں میں سے ہے۔

حافظ ذہبی lنے ’’ميزان‘‘[96] میں اسے ’’متهم‘‘ اور ’’الكاشف‘‘[97] میں ’’واه‘‘ کہا ہے۔

حافظ ذہبی l ’’تاريخ الإسلام‘‘[98] میں فرماتے ہیں: ’’هالك، ليس بثقة‘‘.ہالک ہے، ثقہ نہیں ہے۔

حافظ ابن حجرعسقلانیl ’’التقريب‘‘[99] میں فرماتے ہیں: ’’متروك، كذبوه‘‘. متروک ہے، محدثین نے اسے کذاب کہا ہے۔

علامہ ابن عراق l ’’تنزيه الشريعة‘‘[100] میں فرماتے ہیں: ’’ كذاب، يضع الحديث‘‘. یہ کذاب ہے، حدیث گھڑتا ہے۔