قاسم بن ابراہیم مَلَطِی

امام دار قطنی l ’’الضعفاء‘‘[136] میں قاسم بن ابراہیم مَلَطِی کے بارے میں فرماتے ہیں: ’’يكذب‘‘. جھوٹ بولتا ہے۔

حافظ عبد الغنی بن سعید l فرماتے ہیں: ’’ليس في المَلَطِيين ثقة‘‘[137]. مَلَطِیوں میں کوئی بھی ثقہ نہیں ہے۔

حافظ خطیب بغدادی l ’’تاريخ بغداد‘‘[138] میں قاسم بن ابراہیم مَلَطِی کے بارے میں فرماتے ہیں: ’’وكان كذابا، أفاكا، يضع الحديث، روى عنه الغرباء، عن أبي أمية المبارك بن عبد الله، وعن لوين، عن مالك عجائب من الأباطيل‘‘. کذاب، افاک ہے، حدیث گھڑتا ہے، اس سے غرباء نے روایت کیا ہے، یہ ابی امیہ مبارک بن عبد اللہ، اور لوین کے طریق سے مالک l کے انتساب سے باطل روایات میں سے عجائب روایت کرتا ہے۔

حافظ خطیب بغدادی l ’’تاريخ بغداد‘‘[139] میں حسین بن علی حلَبی کے ترجمہ میں ایک روایت کے تحت قاسم مَلَطِی کے بارے میں فرماتے ہیں: ’’وكان يضع الحديث‘‘. اور وہ حدیث گھڑتا تھا۔

حافظ ذہبی l ’’ميزان‘‘[140] میں مَلَطِی کے بارے میں فرماتے ہیں: ’’أتى بطامة لا تطاق‘‘. ایسی ’’طامات‘‘لاتا ہے جن کا تحمل نہیں کیا جاسکتا۔

نیز حافظ ذہبی l نے ’’تلخيص الموضوعات‘‘[141] میں ایک روایت کے تحت قاسم بن ابراہیم کو ’’ كذاب‘‘ کہا ہے۔

حافظ سیوطی l نے ایک روایت کے تحت مَلَطِی کو ’’اللآلئ‘‘^[142] میں ’’ليس بثقة‘‘ اور ’’الزيادات‘‘[143] میں ’’ كذاب‘‘ کہا ہے۔

علامہ ابن عراق l ’’تنزيه الشريعة‘‘[144] میں قاسم بن ابراہیم مَلَطِی  کو وضاعین ومتہمین کی فہرست میں شمار کرکے فرماتے ہیں: ’’قال الدار قطني: كذاب‘‘. دار قطنی l  نے کہا ہے کہ یہ کذاب ہے۔