ابو محصن محمد بن اسحاق بن ابراہیم بن محمد بن عکاشہ اسدی

حافظ یحیی بن معین l نے محمد بن اسحاق عُکَّاشی کو ’’كذاب‘‘ کہا ہے[62]۔

امام بخاری l نے ’’التاريخ الكبير‘‘[63] میں اسے ’’منكر الحديث‘‘ کہا ہے۔

حافظ ابن ابی حاتم l ’’الجرح والتعديل‘‘[64] میں لکھتے ہیں: ’’سمعت أبي يقول: هو كذاب، ورأى في كتابي ما كتب إلى هاشم بن القاسم الحراني أحاديثه، فقال: هذه الأحاديث كذب، موضوعة‘‘. میں نے اپنے والد l کو فرماتے ہوئے سنا: یہ کذاب ہے، اور انہوں نے میری کتاب میں موجود ان احادیث کو دیکھا جو محمد بن اسحاق عُکَّاشی نے ہاشم بن قاسم حرانی کی جانب لکھی تھیں تو فرمایا: یہ احادیث جھوٹی، من گھڑت ہیں۔

حافظ ابن حبان l ’’المجروحين‘‘[65] میں فرماتے ہیں: ’’شيخ يضع الحديث على الثقات، لا يحل ذكره في الكتب إلا على سبيل القدح فيه‘‘. یہ شیخ ہے، ثقہ راویوں پر حدیث گھڑتا ہے، کتابوں میں اس کا ذکر بغیر جرح کے حلال نہیں ہے۔

حافظ ابن حبان l ’’المجروحين‘‘[66] میں ایک دوسرے مقام پر فرماتے ہیں: ’’كان ممن يضع الحديث على الثقات، لا يجوز الاحتجاج به، ولا الرواية عنه إلا على جهة التعجب عند أهل الصناعة‘‘. یہ ان لوگوں میں سے ہے جو ثقہ راویوں پر حدیث گھڑتے ہیں، اس سے احتجاج کرنا جائز نہیں ہے، اور نہ ہی اس سے روایت کرنا مگر بطور تعجب کے اہل صناعت کے ہاں۔

حافظ ابو الفتح ازدی l نے اسے ’’منكر الحديث‘‘ کہا ہے[67]۔

امام دارقطنی l ، محمد بن اسحاق عُکَّاشی کے بارے میں فرماتے ہیں: ’’متروك، يضع‘‘[68]. متروک ہے، حدیث گھڑتا ہے۔

امام حاکم l ’’المدخل‘‘[69] میں تحریر فرماتے ہیں: ’’روى عن الأوزاعي، والزبيدي، وإبراهيم بن أبي عَبْلة، ومكحول أحاديث موضوعة‘‘.اس نے اوزاعی، زبیدی، ابراہیم بن ابی عَبْلہ، اور مکحول کے انتساب سے من گھڑت احادیث روایت کی ہیں۔

امام بیہقی l ’’القراءة خلف الإمام‘‘[70] میں ایک روایت کے تحت فرماتے ہیں: ’’ومحمد بن إسحاق هذا إن كان هو العُكَّاشي، فهو كذاب، يضع الحديث على الأوزاعي وغيره من الأئمة‘‘. اور یہ محمد بن اسحاق اگر عُکَّاشی ہے، تو یہ کذاب ہے، اوزاعی وغیرہ ائمہ پر حدیث گھڑتا ہے۔

حافظ ابن قیسرانی l ’’تذكرة الحفاظ‘‘[71] میں ایک روایت کے تحت محمد بن محصن عُکَّاشی کے بارے میں فرماتے ہیں: ’’والعُكَّاشي يضع الحديث على الثقات‘‘. اور عُکَّاشی ثقہ لوگوں پر حدیث گھڑتا ہے۔

حافظ ذہبی l نے محمد بن اسحاق عُکَّاشی کو ’’ديوان الضعفاء‘‘[72] میں ’’كذاب‘‘، ’’ميزان‘‘[73] میں ’’ليس بثقة‘‘، ’’تلخيص الموضوعات‘‘[74] میں ’’متهم‘‘، ’’الكاشف‘‘[75] میں ’’متهم، ساقط‘‘، اور ’’سير‘‘[76] میں ’’تالف‘‘ کہا ہے۔

نیز حافظ ذہبی l ’’تاريخ الإسلام‘‘[77] میں فرماتے ہیں: ’’أحاديثه بواطيل‘‘. اس کی احادیث باطل ہیں۔

حافظ ابن حجر عسقلانی l ’’التقريب‘‘[78] میں محمد بن اسحاق عُکَّاشی کے بارے میں فرماتے ہیں: ’’كذبوه‘‘. محدثین نے اس کو جھوٹا کہا ہے۔

حافظ سیوطی l ’’الزيادات‘‘[79] میں ایک روایت کے تحت محمد بن اسحاق عُکَّاشی کے بارے میں فرماتے ہیں: ’’كذاب، يضع الحديث‘‘. کذاب ہے، حدیث گھڑتا ہے۔