ابو ہذیل مَخْلَد بن عبد الواحد بصری

حافظ عقیلی l ’’الضعفاء الكبير‘‘[28] میں ابو ہذیل مَخْلَد کا ترجمہ قائم کرکے فرماتے ہیں: ’’في إسناده نظر‘‘. اس کی اسناد میں نظر ہے۔

اس کے بعد حافظ عقیلی l نے زیر بحث روایت تخریج کی ہے۔

حافظ ابو حاتم l نے مَخْلَد بن عبد الواحد کو ’’ضعيف الحديث‘‘ کہا ہے[29]۔

حافظ ابن حبان l ’’المجروحين‘‘[30] میں مَخْلَد بن عبد الواحد کے بارے میں فرماتے ہیں: ’’منكر الحديث جدا، ينفرد بأشياء مناكير لا تشبه حديث الثقات، فبطل الاحتجاج به فيما وافقهم من الروايات‘‘. منکر الحدیث جداً ہے، ایسی منکر اشیاء لانے میں متفرد ہے جو ثقات کی حدیث کے مشابہ نہیں ہوتیں، اس سے احتجاج باطل ہے ان روایات میں جن میں اس نے ان کی موافقت کی ہو۔

حافظ ابو الفتح ازدی l ، مَخْلَد بن عبد الواحد کے بارے میں فرماتے ہیں: ’’كذاب، يضع الحديث‘‘[31]. جھوٹا ہے، حدیث گھڑتا ہے۔

حافظ ابن ابی حاتمl نے ’’الجرح والتعديل‘‘[32] میں مَخْلَد بن ہذیل عبدی کے نام سے ترجمہ قائم کرکے زیر بحث روایت نقل کرکے سکوت فرمایا ہے۔

حافظ ابن قیسرانی l نے ’’معرفة التذكرة‘‘[33] میں ایک روایت کے تحت مَخْلَد بن عبد الواحد بصری کو ’’منكر الحديث‘‘ کہا ہے۔

حافظ ذہبی l ’’المغني‘‘[34] میں فرماتے ہیں: ’’له مناكير‘‘. اس کی مناکیر ہیں۔

حافظ ذہبی l ’’ديوان الضعفاء‘‘[35] میں فرماتے ہیں: ’’ضعفوه‘‘. محدثین نے اس کو ضعیف قرار دیا ہے۔

حافظ ذہبیl ’’میزان الاعتدال‘‘[36] میں فرماتے ہیں: ’’وعن عطاء بن أبي ميمونة، عن زِر بن حُبَيش، عن أبي بن كعب، عن النبي صلى الله عليه وسلم بذاك الخبر الطويل الباطل في فضل السور، فما أدري من وضعه إن لم يكن مخلد افتراه ‘‘. اس نے عطاء بن ابی میمونہ، عن زِرّ بن حُبَیش، عن ابی بن کعب r، عن النبی ﷺ کے طریق سے سورتوں کے فضائل میں یہ طویل باطل خبر روایت کی ہے، مجھے معلوم نہیں کہ اسے کس نے گھڑا ہے، اگر اسے مخلد نے نہ گھڑا ہو۔

علامہ سبط ابن عجمی l نے ’’الكشف الحثيث‘‘[37] میں اور علامہ ابن عراق l نے ’’تنزيه الشريعة‘‘[38] میں حافظ ذہبیl کے درج بالا قول پر اعتماد کرتے ہوئے مَخْلَد کو متہم بالوضع کی فہرست میں شامل کیا ہے۔