ابو حفص اغلب بن تمیم بن نعمان کندی مسعودی بصری شَعْوَذِی

حافظ یحیی بن معین l نے اغلب بن تمیم کو ’’ليس بشيء‘‘ کہا ہے[40]۔

حافظ یحیی بن  معین l نے ایک مقام پر اغلب بن تمیم کو ’’لا شيء‘‘ کہا ہے[41]۔

نیز حافظ یحیی بن معین l ہی نے ایک دوسرے مقام پر اغلب بن تمیم کو ’’ليس بثقة‘‘ کہا ہے[42]۔

امام بخاری l نے ’’التاريخ الكبير‘‘[43]اور ’’التاريخ الصغير‘‘[44]  میں اغلب بن تمیم کو ’’منكر الحديث‘‘ کہا ہے۔

امام ابو داؤد l نے اغلب بن تمیم کو ’’ليس بشيء‘‘ کہا ہے[45]۔

حافظ ابو بکر بزار l نے ’’مسند البزار‘‘[46] میں ایک روایت کے تحت اغلب بن تمیم کو ’’ليس بالحافظ‘‘ کہا ہے۔

امام نسائی l نے ’’الضعفاء‘‘[47] میں اغلب بن تمیم کو ’’ضعيف‘‘ کہا ہے۔

حافظ ابن حبان l ’’المجروحين‘‘[48] میں اغلب بن تمیم کے بارے میں فرماتے ہیں: ’’منكر الحديث، يروي عن الثقات ما ليس من حديثهم، حتى خرج عن حد الاحتجاج به لكثرة خطئه‘‘. منکر الحدیث ہے، ثقات کے انتساب سے ایسی احادیث روایت کرتا ہے جو ان کی احادیث میں سے نہیں ہوتیں، حتی کہ اپنی کثرت خطا کی وجہ سے احتجاج کی حد سے نکل گیا ہے۔

حافظ ابن عدی l ’’الكامل‘‘[49] میں اغلب بن تمیم کے ترجمہ میں چند احادیث تخریج کرنے کے بعد فرماتے ہیں: ’’وهذه الأحاديث التي أمليتها مع أحاديث له سواها عامتها غير محفوظة، إلا أنه من جملة من يكتب حديثه، وله أحاديث غير ما ذكرته، ولم أجد له فيما يرويه أنكر من هذه الأحاديث التي أمليتها‘‘. اور یہ احادیث جو میں املاء کروا چکا ہوں ساتھ ان احادیث کے جو ان احادیث کے علاوہ ہیں ان میں اکثر غیر محفوظ ہیں، مگر یہ من جملہ ان روات میں سے ہے جن کی حدیث کو لکھا جائے گا، اور میری ذکرکردہ احادیث کے علاوہ اس کی اور احادیث بھی ہیں، اور اس کی روایت کردہ احادیث میں جو احادیث میں املاء کروا چکا ہوں، اس سے بڑھ کر منکر احادیث مجھے نہیں ملیں۔

حافظ ابو احمد حاکم l ’’الأسامي‘‘[50] میں اغلب بن تمیم کے بارے میں فرماتے ہیں: ’’ليس بالقوي عندهم‘‘. محدثین کے نزدیک قوی نہیں ہے۔

حافظ ابن قیسرانی l نے ’’ذخيرة الحفاظ‘‘[51] میں ایک روایت کے تحت اغلب بن تمیم کو ’’ضعيف‘‘ کہا ہے۔

حافظ ذہبی l نے ’’المقتنى‘‘[52] میں اغلب بن تمیم کو ’’واه‘‘ کہا ہے۔

حافظ ہیثمی l نے ’’مجمع الزوائد‘‘[53] میں ایک روایت کے تحت اغلب بن تمیم کو ’’ضعيف‘‘ کہا ہے۔

حافظ ابن حجرعسقلانیl ’’القول المسدد‘‘[54] میں ایک حدیث کے تحت فرماتے ہیں: ’’وأغلب شبيه بعُمارة بن زاذان في الضعف‘‘. اور اغلب ضعف میں عُمارہ بن زاذان کے مشابہ ہے۔