ابو جعفر حکیم بن نافع قرشی رقی جزری

حافظ یحیی بن معین l ، حکیم بن نافع کے بارے میں فرماتے ہیں: ’’لابأس به، وأيش عنده‘‘[89]. لاباس بہ ہے، اور اس کے پاس کیا ہے؟۔

حافظ یحیی بن معین l نے ایک مقام پر حکیم بن نافع کو ’’ضعيف الحديث‘‘ کہا ہے[90]۔

حافظ یحیی بن معین l ہی نے ایک دوسرے مقام پر حکیم بن نافع کو ’’ليس به بأس‘‘ کہا ہے[91]۔

نیز حافظ یحیی بن معین l ہی نے ایک اور مقام پر حکیم بن نافع کو ’’ثقة‘‘ کہا ہے[92]۔

امام بخاری نے ’’التاريخ الكبير‘‘[93] میں حکیم بن نافع کو ذکر کرکے سکوت اختیار کیا ہے۔

حافظ ابو زرعہ l نے حکیم بن نافع کو ’’ليس بشيء‘‘ کہا ہے[94]۔

حافظ برذعی l فرماتے ہیں: ’’قلت: حكيم بن نافع الرقي؟ قال: واهي الحديث‘‘[95]. میں نے ابو زرعہ l سے حکیم بن نافع کے متعلق پوچھا تو فرمایا: واہی الحدیث ہے۔

علامہ ابو عبید آجری l فرماتے ہیں: ’’سألت أبا داود عن حكيم بن نافع الرقي، فلم يقف عليه‘‘[96]. میں نے ابو داؤد l سے حکیم بن نافع کے متعلق پوچھا تو وہ اس پر واقف نہیں ہوسکے۔

حافظ ابو حاتم l فرماتے ہیں: ’’هو ضعيف الحديث، منكر الحديث عن الثقات‘‘[97]. یہ ضعیف الحدیث ہے، ثقات کے انتساب سے منکر الحدیث ہے۔

حافظ یعقوب بن سفیان فسوی l نے ’’المعرفة‘‘[98] میں حکیم بن نافع کو ’’لا بأس به‘‘ کہا ہے۔

حافظ ابو یحیی زکریا بن یحیی ساجی l ، حکیم بن نافع کے بارے میں فرماتے ہیں: ’’عنده مناكير‘‘[99]. اس کے پاس مناکیر ہیں۔

امام نسائی l نے حکیم بن نافع کو ’’لا بأس به‘‘ کہا ہے[100]۔

حافظ ابو علی محمد بن سعید قشیری l اپنی ’’تاريخ‘‘[101] میں حکیم بن نافع کے بارے میں فرماتے ہیں: ’’وفي حديثه بعض النكرة‘‘. اور اس کی حدیثوں میں بعض منکر ہیں۔

حافظ ابن حبان l ’’المجروحين‘‘[102] میں حکیم بن نافع کے بارے میں فرماتے ہیں: ’’كان يقلب الأسانيد، ويرفع المراسيل، لا يحتج به فيما يرويه منفردا، ضعفه يحيى بن معين‘‘. اسانید میں قلب کرتا تھا، اور مراسیل کو مرفوعاً نقل کرتا تھا، اس کی ان روایات سے احتجاج نہیں کیا جائےگا جن میں یہ متفرد ہو، یحیی بن معین l نے اس کو ضعیف قرار دیا ہے۔

حافظ ابن عدی l ’’الكامل‘‘[103] میں حکیم بن نافع کے ترجمہ میں چند احادیث ذکر کرنے کے بعد فرماتے ہیں: ’’ولحكيم هذا غير ما ذكرت من الحديث، وهو ممن يكتب حديثه‘‘. اور حکیم کی میری ذکرکردہ حدیث کے علاوہ بھی احادیث ہیں، اور یہ ان راویوں میں سے ہے جن کی حدیث کو لکھا جائے گا۔

حافظ ذہبی l ’’ديوان الضعفاء‘‘[104] میں فرماتے ہیں: ’’ضعفوه‘‘. محدثین نے اس کو ضعیف قرار دیا ہے۔

حافظ ذہبی l نے ’’تلخيص الموضوعات‘‘[105] میں ایک روایت کے تحت حکیم بن نافع کو ’’واه‘‘ کہا ہے۔