روایت:اذان سن کر: ’’مرحبا بالقائلين عدلا مرحبا بالصلاة وأهلا‘‘.پڑھنے پر بیس لاکھ نیکیاں،بیس لاکھ گناہ معاف اور بیس لاکھ درجات بلند۔

1 روایت بطریق ہمام بن مسلم زاہد کوفی

اسے امام دیلمی l رحمہ اللہ نے تخریج کیا ہے، ملاحظہ ہو:

 ’’ الديلمي: أخبرنا أبي وحمد بن نصر، قالا: أخبرنا أبو طاهر أحمد بن عبد الرحمن الرُوْذْبَارِي، حدثنا عبد الرحمن بن عمر بن إبراهيم المؤدب، حدثنا علي بن إبراهيم الكرخي، حدثنا القاسم بن أبي صالح، حدثنا يوسف بن يعقوب بن إسحاق، حدثنا سليمان بن الربيع، حدثنا همام بن مسلم، عن جعفر بن محمد، عن أبيه، عن علي رفعه: من سمع المنادي بالصلاة فقال: مرحبا بالقائلين عدلا مرحبا بالصلاة وأهلا،,كتب الله له ألفي ألف حسنة ومحا عنه ألفي ألف سيئة ورفع له ألفي ألف درجة‘‘[1] .

حضرت علی r رضی اللہ عنہ  سے منقول ہے کہ آپ ﷺ نے ارشاد فرمایا:جو شخص نماز کے منادی کی آواز سن کر یہ کہے گا: ’’مَرْحَبًا بِالْقَائِلِينَ عَدْلًا، مَرْحَبًا بِالصَّلَاةِ وَأَهْلًا‘‘،اللہ تعالی اسے بیس لاکھ نیکیاں عطاکریں گے، بیس لاکھ گناہ معاف کریں گے، اور بیس لاکھ درجات بلند کریں گے۔

علامہ عبدالخالق بن منصور l رحمہ اللہ فرماتے ہیں:  ’’سألت يحيى بن معين عن موسى بن إبراهيم، فقال لي: صاحب إبراهيم بن سعد، فقلت: نعم، فقال: ذاك كذاب، فقلت له: إنه يروی حديث جابر: من كثرت صلاته بالليل، فقال: كذب وكذب الذي يرويه بالكوفة‘‘[18].

میں نے یحیی بن معینl رحمہ اللہ سے موسی بن ابراہیم کے بارے میں پوچھا تو انہوں نے مجھے کہا: ابراہیم بن سعد کا ساتھی؟ میں نے کہا! جی ہاں، یحیی بن
معین l رحمہ اللہ نے کہا کہ یہ جھوٹا ہے، میں نے ان سے کہا کہ وہ یہ حدیث جابر r رضی اللہ عنہ  سے نقل کرتا ہے:  ’’جس کی رات کی نمازیں زیادہ ہوں گی‘‘، یحیی بن معین l رحمہ اللہ نے کہا کہ اس نے یہ جھوٹ کہا ہے، اور جو وہ کوفہ میں نقل کرتا تھا وہ بھی جھوٹ ہے۔

حافظ دار قطنی l رحمہ اللہ نے موسی بن ابراہیم مروَزِی کو  ’’متروک‘‘ کہا ہے[19]۔

حافظ عقیلی l رحمہ اللہ نے اسے  ’’منکر الحدیث‘‘کہا ہے[20] ۔

حافظ ذہبی l رحمہ اللہ  ’’المغنی‘‘[21] میں فرماتے ہیں:  ’’قلت أحاديثه موضوعات ذكره العقيلي وابن عدي، وله في الفضائل من الموضوعات‘‘.اس کی احادیث من گھڑت ہیں، اسے عقیلیl رحمہ اللہ اور ابن عدی l رحمہ اللہ نے ذکر کیا ہے، اور اس کی فضائل کے باب میں من گھڑت روایات ہیں۔

حافظ ابن ابی شیبہ l رحمہ اللہ  ’’مصنف‘‘[22] میں تخریج فرماتے ہیں:

  ’’حدثنا أبو بكر قال: نا عبدة بن سليمان، عن سعيد، عن قتادة، أن عثمان، كان إذا سمع المؤذن يقول: كما يقول في التشهد والتكبير كله، فإذا قال: حي على الصلاة، قال: ما شاء الله، ولا حول ولا قوة إلا بالله، وإذا قال: قد قامت الصلاة، قال: مرحبا بالقائلين عدلا وبالصلاة مرحبا وأهلا، ثم ينهض إلى الصلاة‘‘.

 قتادہ l رحمہ اللہ سے منقول ہے کہ عثمان r رضی اللہ عنہ  جب مؤذن کی آواز سنتے تو تشہد وتکبیر کے تمام کلمات ایسے ہی کہتے جیسے مؤذن کہتا تھا، اور جب مؤذن حی علی الصلاۃ کہتا تو عثمان r رضی اللہ عنہ  ماشاء اللہ ولاحول ولاقوۃ الا باللہ کہتے، اور جب مؤذن قدقامت الصلوۃ کہتا تو عثمان r رضی اللہ عنہ  یہ کہتے: ’’مَرْحَبًا بِالْقَائِلِينَ عَدْلاً وَ بِالصَّلاَةِ مَرْحَبًا وَأَهْلاً‘‘، اس کے بعد نماز کےلئے اٹھ کر تشریف لے جاتے۔

 امام طبرانی l رحمہ اللہ نے بھی  ’’المعجم الکبیر‘‘[23] میں اس کی تخریج کی ہے، دونوں سندیں قتادہ l رحمہ اللہ  پر مشترک ہو جاتی ہیں۔

حافظ ہیثمی l رحمہ اللہ  ’’مجمع الزوائد‘‘[24]  میں روایت نقل کرنے کے بعد فرماتے ہیں: ’’رواه الطبراني في الكبير، وقتادة لم يسمع من عثمان‘‘. اسے طبرانی l رحمہ اللہ نے’’کبیر‘‘میں تخریج کیا ہے، اور (سندکے راوی)قتادہl رحمہ اللہ کا عثمان r رضی اللہ عنہ  سے سماع نہیں ہے۔

واضح رہے کہ  ’’المعجم الکبیر‘‘[25] میں الفاظ یہ ہیں:

 ’’ كان إذا جاءه من يؤذنه بالصلاة، قال: مرحبا بالقائلين عدلا، وبالصلاة مرحبا وأهلا‘‘.جب عثمانr رضی اللہ عنہ  کے پاس نماز کے لئے اطلاع دینے والا آتا تو آپ فرماتے:’’ مَرْحَبًا بِالْقَائِلِينَ عَدْلاً وَ بِالصَّلاةِ مَرْحَبًاوَأَهْلاً‘‘.

تفصیل گزر چکی ہے کہ مذکورہ دعا کو آپﷺ کی جانب منسوب کرنا من گھڑت ہے، تاہم مشہور قول کے مطابق حضرت عثمان r رضی اللہ عنہ  سے اذان کے وقت صرف اِن کلمات کا کہنا منقول ہے، جس میں مذکورہ ثواب موجود نہیں ہے، اس لئے حضرت عثمان r رضی اللہ عنہ  کے انتساب سے اسے بیان کرنا، عمل کرنا درست ہے۔