ابو معاذ سلیمان بن ارقم بصری

حافظ یحیی بن معین l فرماتے ہیں: ’’ليس يسوي فلسا‘‘[73]. ایک پیسہ کے برابر نہیں ہے۔

حافظ یحیی بن معین l نے ایک مقام پر اسے ’’ليس بشيء‘‘ کہا ہے[74]۔

امام احمد بن حنبلl ’’العلل‘‘[75] میں فرماتے ہیں: ’’وسليمان لا يسوي شيئا، لا يروي عنه الحديث‘‘. اور سلیمان کسی شیء کے برابر نہیں ہے، اس سے روایت نہ کی جائے۔

امام احمد بن حنبلl نے ایک دوسرے مقام پر سلیمان بن ارقم کو ’’ليس بشيء‘‘ کہا ہے[76]۔

حافظ عمرو بن علی فلاس l ، سلیمان بن ارقم کے بارے میں فرماتے ہیں: ’’ويكنى بأبي معاذ، ليس بثقة، روى أحاديث منكرة، وقال: قال محمد بن عبد الله الأنصاري: كانوا ينهونا عنه، ونحن شباب، وذكر أمرا عظيما‘‘[77]. اس کی کنیت ابو معاذ ہے، ثقہ نہیں ہے، اس نے منکر احادیث روایت کی ہیں، اور (حافظ عمرو بن علی فلاس l مزید)فرماتے ہیں کہ محمد بن عبد اللہ انصاری نے فرمایا: لوگ ہمیں اس سے منع کرتے تھے، جب ہم جوان تھے، اور انہوں نے بہت بڑی بات ذکر کی۔

امام بخاری l ’’التاريخ الكبير‘‘[78]،’’التاريخ الصغير‘‘[79] اور ’’الضعفاء الصغير‘‘[80] میں فرماتے ہیں: ’’تركوه‘‘. محدثین نے اس کو ترک کیا ہے۔

امام بخاری l ایک مقام پر فرماتے ہیں: ’’وسليمان بن أرقم متروك، ذاهب الحديث‘‘[81]. اور سلیمان بن ارقم متروک، ذاہب الحدیث ہے۔

حافظ ابراہیم بن یعقوب سعدی l نے ’’ أحوال الرجال‘‘[82] میں سلیمان بن ارقم کو ’’ساقط‘‘ کہا ہے۔

امام مسلم l نے ’’الكنى‘‘[83] میں سلیمان بن ارقم کو ’’منكر الحديث‘‘ کہا ہے۔

حافظ ابو زرعہl  نے سلیمان بن ارقم کو ’’ضعيف الحديث، ذاهب الحديث‘‘ کہا ہے[84]۔

امام ابو داؤد l ، سلیمان بن ارقم کے بارے میں فرماتے ہیں: ’’ متروك الحديث، قلت لأحمد: روى سليمان بن أرقم، عن الزهري، عن أنس في التلبية، فقال: لا تبالي، روى أو لم يرو‘‘[85]. متروک الحدیث ہے، میں نے احمد l سے کہا: سلیمان بن ارقم نے زہری، عن انس r کے طریق سے ’’تلبیہ‘‘ کے متعلق روایت کی ہے، تو احمد l نے فرمایا: پروا مت کرو، اس نے روایت کی ہے، یا نہیں کی۔

حافظ یعقوب فَسَوی l نے ’’المعرفة والتاريخ‘‘[86] میں سلیمان بن ارقم کو ’’باب من یرغب عن الروایۃ عنہم‘‘(باب ان لوگوں کے بارے میں جن کی روایت سے اعراض کیا جاتا ہے) میں شمار کیا ہے۔

حافظ ابو حاتمl  نے سلیمان بن ارقم کو ’’متروك الحديث‘‘ کہا ہے[87]۔

امام نسائی l نے ’’المجتبى‘‘[88] میں سلیمان بن ارقم کو ’’متروك الحديث‘‘ کہا ہے۔

حافظ ابو یحیی زکریا بن یحیی ساجی l نے سلیمان بن ارقم کو ’’ضعيف الحديث جدا‘‘ کہا ہے[89]۔

امام طحاویl ’’شرح مشكل الآثار‘‘[90] میں فرماتے ہیں: ’’وسليمان بن أرقم، فليس ممن يقبل أهل الإسناد حديثه‘‘. اور سلیمان بن ارقم اُن اہلِ اسناد میں سے نہیں ہے جن کی حدیث قبول کی جاتی ہے۔

نیز امام طحاویl ایک دوسرے مقام پر فرماتے ہیں: ’’وسليمان بن أرقم ضعيف الرواية، ساقط عند أهل الحديث‘‘[91]. اور سلیمان بن ارقم ضعیف الروایہ ہے، محدثین کے ہاں ساقط ہے۔

حافظ ابن حبانl ’’المجروحين‘‘[92]  میں سلیمان بن ارقم بصری کے بارے میں فرماتے ہیں: ’’ كان ممن يقلب الأخبار، ويروي عن الثقات الموضوعات‘‘[93]. یہ ان لوگوں میں سے ہے جو اخبار میں قلب کرتے ہیں، اور ثقہ راویوں کے انتساب سے من گھڑت احادیث روایت کرتے ہیں۔

حافظ ابن  عدیl ’’الکامل‘‘[94]میں سلیمان بن ارقم کے ترجمہ میں چند  روایات نقل کرنے کے بعد فرماتے ہیں: ’’ولسليمان بن أرقم غير ما ذكرت من الحديث أحاديث صالحة، وعامة ما يرويه لا يتابع عليه‘‘. اور سلیمان بن ارقم کی میری ذکر کردہ احادیث کے علاوہ بھی صالح احادیث ہیں، اور یہ جو روایت کرتا ہے اس میں اکثر اس کی متابعت نہیں کی جاتی۔

حافظ ابن  عدیl نے ’’الکامل‘‘[95]میں ایک دوسرے مقام پر سلیمان بن ارقم کو ’’متروك الحديث‘‘ کہا ہے۔

حافظ ابو احمد حاکم l نے سلیمان بن ارقم کو ’’متروك الحديث‘‘ کہا ہے[96]۔

امام دار قطنیl نے اپنی ’’سنن‘‘[97] میں ایک روایت کے تحت سلیمان بن ارقم کو ’’متروك الحديث‘‘ کہا ہے۔

حافظ ابن حزم اندلسیl ’’المحلى‘‘[98] میں ایک روایت کے تحت فرماتے ہیں: ’’وسليمان بن أرقم مذكور بالكذب‘‘. اور سلیمان بن ارقم کا تذکرہ جھوٹ کے ساتھ ہوتا ہے۔

امام بیہقی l اپنی ’’سنن‘‘[99]میں سلیمان بن ارقم کے بارے میں فرماتے ہیں: ’’متروك الحديث، لا يحتج به‘‘. متروک الحدیث ہے، اس سے احتجاج نہیں کیا جائے گا۔

حافظ ابن عبد البر l نے ’’الاستذكار‘‘[100] میں ایک روایت کے تحت سلیمان بن ارقم کو ’’متروك الحديث‘‘ کہا ہے۔

حافظ ابن قیسرانیl نے ’’ذخيرة الحفاظ‘‘[101] میں سلیمان بن ارقم کو ’’متروك الحديث‘‘ کہا ہے۔

حافظ عبد الحق اشبیلیl نے’’الأحكام الوسطى‘‘[102]میں سلیمان بن ارقم کو ’’متروک‘‘ قرار دیا ہے۔

حافظ ابو الحسن ابن القطان فاسی l نے ’’بيان الوهم‘‘[103] میں سلیمان بن ارقم کو ایک حدیث کے تحت ’’متروک‘‘ کہا ہے۔

حافظ ذہبی l نے سلیمان بن ارقم کو’’الكاشف‘‘[104] میں ’’متروك‘‘، ’’المغني‘‘[105] میں ’’واهي الحديث‘‘،’’المقتنى‘‘[106] میں ’’واه‘‘ اور ’’تلخيص الموضوعات‘‘[107] میں ایک روایت کے تحت ’’هالك‘‘ کہا ہے۔

حافظ ابن کثیرl نے ’’البداية‘‘[108] میں سلیمان بن ارقم کو ’’متروک‘‘ قرار دیا ہے۔

حافظ ہیثمی l نے ’’مجمع‘‘[109] میں ایک روایت کے تحت سلیمان بن ارقم کو ’’متروک‘‘ کہا ہے۔

حافظ ا بن حجرعسقلانی l نے ’’تلخيص الحبير‘‘[110] میں ایک روایت کے تحت سلیمان بن ارقم کو ’’متروک‘‘ کہا ہے۔