ابو مسلم سَلیم بن مسلم خَشَّاب مکی حَجَبِی

حافظ یحیی بن معین l سَلیم بن مسلم کے بارے میں فرماتے ہیں: ’’وكان جهميا خبيثا‘‘[113]. اور یہ جہمی خبیث تھا۔

حافظ یحیی بن معین l نے ایک مقام پر اسے ’’ليس بثقة‘‘ کہا ہے[114]۔

حافظ یحیی بن معین l نے ایک دوسرے مقام پر سَلیم خَشَّاب کو  ’’كذاب‘‘ کہا ہے[115]۔

امام احمد بن حنبل l ’’العلل‘‘[116] میں فرماتے ہیں: ’’ليس يسوي حديثه شيئا، ليس بشيء‘‘. اس کی حدیث کسی چیز کے برابر نہیں ہے، یہ ’’لیس بشیء‘‘ ہے۔

حافظ ابو حاتم l نے اسے ’’ضعيف الحديث، منكر الحديث‘‘ کہا ہے[117]۔

حافظ ابو زرعہ l نے اسے ’’ليس بقوي‘‘ کہا ہے[118]۔

امام نسائی l نے اسے ’’الضعفاء‘‘[119] میں ’’متروك الحديث‘‘ کہا ہے۔

حافظ یعقوب بن سفیان فَسَوِی l ’’المعرفة والتاريخ‘‘[120] میں فرماتے ہیں: ’’قد رأيته، لم يكن موضعا للحديث، ولا يكتب عنه، مرض مرضة فدخل عليه الناس وأقرانه، كان يحدث ما لم يسمع، ثم صح، فعاد يحدث تلك الأحاديث التي قال في مرضه: لم يسمع منهم‘‘. میں نے اسے دیکھا ہے حدیث میں اس کا کوئی مقام نہیں، اور اس سے نہیں لکھا جائے گا، یہ ایک مرض میں مبتلاء ہوا، لوگ اور اس کے ساتھی اس کے پاس آئے، تو یہ ان کو غیر مسموع احادیث بیان کرتا، پھر صحت مند ہوگیا، تو اس نے دوبارہ وہی احادیث بیان کرنا شروع کردیں، جن کے بارے میں اس نے حالتِ مرض میں کہا تھا کہ اس نے ان سے نہیں سنا۔

حافظ ابن حبان l ’’المجروحين‘‘[121] میں سَلیم بن مسلم کے بارے میں فرماتے ہیں: ’’يروي عن الثقات الموضوعات الذي يتخايل إلى المستمع لها، وإن لم يكن الحديث صناعته، أنها موضوعة‘‘. ثقہ راویوں کے انتساب سے ایسی من گھڑت احادیث روایت کرتا ہے کہ سننے والے کو یہ خیال ہوتا ہے کہ یہ من گھڑت ہیں، اگر چہ اس (سننے والے)کا کام صناعتِ حدیث نہ ہو۔

حافظ ابن عدی l’’الكامل‘‘[122] میں سَلیم بن مسلم کے بارے میں فرماتے ہیں: ’’ولسَليم بن مسلم غير ما ذكرت من الحديث، وعامة ما يرويه غير محفوظ‘‘. اور سَلیم بن مسلم کی میری ذکرکردہ حادیث کے علاوہ بھی روایتیں ہیں، اور عام طور پر یہ جو روایت کرتا ہے وہ محفوظ نہیں ہوتیں۔

حافظ عبد الغنی بن سعید ازدی l ’’المؤتلف‘‘[123] میں سَلیم بن مسلم کے بارے میں فرماتے ہیں: ’’في حديثه مناكير‘‘. اس کی حدیث میں مناکیر ہیں۔

حافظ ابن ماکولا l ’’الإكمال‘‘[124]میں فرماتے ہیں: ’’ضعفوه، واتهموا دينه‘‘. محدثین نے اسے ضعیف قرار دیا ہے، اور اس کے دین میں اس پر اتہام کیا ہے۔

حافظ ابن قیسرانی l’’تذكرة الحفاظ‘‘[125] میں ایک روایت کے تحت فرماتے ہیں: ’’وسَليم هذا يضع الحديث‘‘. اور یہ سَلیم حدیث گھڑتا ہے۔

نیز حافظ ابن قیسرانی l نے ’’ذخيرة الحفاظ‘‘[126] میں ایک روایت کے تحت اسے ’’ليس بثقة‘‘ کہا ہے۔

حافظ ذہبی l’’ديوان الضعفاء‘‘[127] میں سَلیم بن مسلم کے بارے میں فرماتے ہیں: ’’تركوه‘‘. محدثین نے اسے ترک کردیا ہے۔

حافظ ہیثمی l نے ’’مجمع الزوائد‘‘[128] میں اسے ’’متروك‘‘ کہا ہے۔