ابو سہل احمد بن محمد بن عمر بن یونس بن قاسم حنفی یمامی

حافظ ابو حاتم l ، ابو سہل احمد بن محمدیمامی کے بارے میں فرماتے ہیں: ’’قدم علينا، وكان كذابا، وكتبت عنه، ولا أحدث عنه‘‘[12]. ہمارے پاس آیا تھا، جھوٹا تھا، میں نے اس سے لکھا ہے، لیکن میں اس سے بیان نہیں کرتا۔

علامہ عبید بن محمد کَشْوَرِی l ، ابو سہل احمد بن محمد کے بارے میں فرماتے ہیں: ’’هو فينا كالواقدي فيكم‘‘[13]. یہ ہم میں ایسے ہے جیسے واقدی تم میں ہے۔

حافظ ابن عدی l ’’الكامل‘‘[14] میں فرماتے ہیں: ’’وكان القاسم المُطَرِّز يقول: كتبت عن اليمامي هذا خمسمئة حديث بالعسكر، ليتها كانت خمسة آلاف، ليس عند الناس منها حرف‘‘. اور قاسم مُطَرِّز فرماتے ہیں: میں نے اس یمامی سے عسکر کے مقام پر پانچ سو احادیث لکھی ہیں، کاش کہ وہ پانچ ہزار ہوتیں، اس لئے کہ لوگوں کے پاس ان میں سے ایک حرف بھی نہیں ہے۔

حافظ ابو سعید ابن یونس l فرماتے ہیں: ’’أحمد بن محمد بن عمر بن يونس اليمامي قدم إلى مصر، وقد لقيت جماعة ممن كتب عنه، قال لنا علي بن أحمد بن سليمان عَلّان: كان سلمة بن شبيب يكذبه‘‘[15]. احمد بن محمد بن عمر بن یونس یمامی مصر آیا، اور میں نے ایک ایسی جماعت سے ملاقات کی ہے جس نے اس سے لکھا تھا، ہمیں علی بن احمد بن سلیمان عَلان نے کہا: سلمہ بن شبیب اس کو جھوٹا قرار دیتے تھے۔

حافظ ابو احمد حاکم نیشاپوری l ’’الأسامي‘‘[16] میں فرماتے ہیں: ’’سمعت يحيى بن محمد بن صاعد الهاشمي يرميه بالكذب‘‘.میں نے یحیی بن محمد بن صاعد ہاشمی l سے سنا، انہوں نے احمد بن محمد یمامی کو جھوٹ بولنے میں متہم قرار دیا۔

حافظ ابن حبان l ’’المجروحين‘‘[17] میں احمد بن محمد کے بارے میں فرماتے ہیں: ’’يروي عن عبد الرزاق، وعمر بن يونس، وغيرهما أشياء مقلوبة، لا يعجبنا الاحتجاج بخبره إذا انفرد‘‘. عبد الرزاق، اور عمر بن یونس وغیرہما کے انتساب سے مقلوب اشیاء روایت کرتا ہے، ہمیں اس کی خبر سے احتجاج کرنا پسند نہیں ہے جب یہ متفرد ہو۔

اس کے بعد حافظ ابن حبان l نے اس کے ترجمہ میں دو احادیث ذکر کیں، پھر فرماتے ہیں: ’’هذا إلى ما يشبهه مما يأتي من المقلوبات والملزقات التي ينكرها المتبحر في هذه الصناعة‘‘. یہ ساتھ ساتھ ان مقلوبات وملزقات کے جسے یہ لاتا ہے، ایسی ہیں کہ اس صناعت کا ماہر شخص ان کا انکار کردیتا ہے۔

اس کے بعد حافظ ابن حبان l نے زیر بحث روایت ذکر کی ہے۔

حافظ ابن قیسرانی l نے ’’تذكرة الحفاظ‘‘[18] میں حافظ ابن حبان l کے قول پر اعتماد کیا ہے۔

حافظ ابن عدی l ’’الكامل‘‘[19] میں احمد بن محمد بن عمر کے بارے میں فرماتے ہیں: ’’حدث بأحاديث مناكير عن الثقات، وحدث بنسخ عن الثقات بعجائب‘‘. اس نے ثقات کے انتساب سے منکر احادیث بیان کی ہیں، اور ثقات کے انتساب سے عجائب کے ساتھ نسخے بیان کئے ہیں۔

حافظ ابو الشیخ اصبہانی l ’’طبقات المحدثين‘‘[20] میں احمد بن محمد بن عمر کے بارے میں فرماتے ہیں: ’’يكنى أبا سهل، قدم أصبهان، وحدث بها، وله أحاديث منكرات، وكتب بأصبهان عن إسماعيل بن عمر البجلي، رأيت عنده عن إسماعيل أحاديث كثيرة‘‘. اس کی کنیت ابو سہل ہے، یہ اصبہان آیا، اور وہاں حدیث بیان کی، اور اس کی منکر احادیث ہیں، اور اس نے اصبہان میں اسماعیل بن عمر بجلی سے حدیث لکھی، میں نے دیکھا کہ اس کے پاس اسماعیل کے انتساب سے بہت سی احادیث تھیں۔

حافظ ابو احمد حاکم نیشاپوری l ’’الأسامي‘‘[21] میں احمد بن محمد کے بارے میں فرماتے ہیں: ’’ليس بالقوي عندهم‘‘. محدثین کے نزدیک ’’لیس بالقوی‘‘ ہے۔

امام دار قطنی l نے احمد بن محمد بن عمر کو ’’متروك الحديث‘‘ کہا ہے[22]۔

حافظ خطیب بغدادی l ’’تاريخ بغداد‘‘[23] میں احمد بن محمد بن عمر کے بارے میں فرماتے ہیں: ’’وكان غير ثقة‘‘. اور یہ غیر ثقہ تھا۔

حافظ ذہبی l نے احمد بن محمد بن عمر کو ’’المقتنى‘‘[24] میں ’’متهم‘‘، ’’تلخيص الموضوعات‘‘[25] میں ایک روایت کے تحت ’’ كذاب‘‘، ’’ميزان الاعتدال‘‘[26] میں عمرو بن مخرم کے ترجمہ میں ’’هالك‘‘ اور ’’سير‘‘[27] میں ’’أحد المتروكين‘‘ کہا ہے۔

علامہ سبط ابن عجمی l ’’الكشف الحثيث‘‘[28] میں فرماتے ہیں: ’’قال ابن الجوزي في حديثه في فضل عمر رضي الله عنه: ويروى أن أحمد بن عمر سرقه وغير إسناده انتهى، وقد تقدم أن وضع الإسناد كوضع المتن في التحريم، لكن أمره أخف، والله أعلم‘‘. عمر rکی فضیلت میں مذکور حدیث میں ابن جوزی l فرماتے ہیں: اور مروی ہے کہ احمد بن عمر نے سرقہ کرکے اس کی اسناد کو بدلا ہے، انتہی، اور پہلے گزر چکا ہے کہ اسناد گھڑنا حرمت میں متن گھڑنے کی طرح ہے، لیکن اسناد گھڑنے کا معاملہ نسبتاً ہلکا ہے، واللہ اعلم۔

حافظ ہیثمی l نے ’’مجمع الزوائد‘‘[29] میں ایک روایت کے تحت احمد بن محمد بن عمر کو ’’متروك‘‘ کہا ہے۔

حافظ ابن حجر عسقلانی l ’’الكافي الشاف‘‘[30] میں ایک حدیث کے تحت احمد بن محمد یمامی کے بارے میں فرماتے ہیں: ’’متروك، وكذبه أبو حاتم‘‘. متروک ہے، اور ابو حاتم l نے اسے کذاب کہا ہے۔

حافظ سخاوی l ’’المقاصد الحسنة‘‘[31] میں ایک روایت کے تحت فرماتے ہیں: ’’متروك، كذبه أبو حاتم‘‘. یہ متروک ہے، ابو حاتم l نے اسے جھوٹا کہا ہے۔

علامہ ابن عراق l ’’تنزيه الشريعة‘‘[32] میں احمد بن محمد بن عمر بن یونس کو وضاعین ومتہمین کی فہرست میں شمار کرکے فرماتے ہیں: ’’قال أبو حاتم وابن صاعد: كذاب‘‘. ابو حاتم l اور ابن صاعد l نے اسے کذاب کہا ہے۔

حافظ ابو حاتمl ، احمد بن محمد یَمَامی کے بارے میں فرماتے ہیں: ’’قدم علينا، وكان كذابا، وكتبت عنه ولا أحدث عنه‘‘[92]. یہ ہمارے پاس آیا تھا، اور یہ جھوٹا ہے، اور میں نے اس سے لکھا ہے ،لیکن میں اس سے روایت بیان نہیں کرتا۔

حافظ ابو احمد حاکمl ’’الأسامي‘‘[93] میں ابو سہل احمد بن محمد یَمَامی کے بارے میں لکھتے ہیں: ’’سمعت يحيى بن محمد بن صاعد الهاشمي يرميه بالكذب‘‘. میں نے یحیی بن محمد بن صاعد ہاشمی کو اسے جھوٹ میں متہم کہتے ہوئے سنا۔

نیز حافظ ابو احمد حاکمl بذات خود احمد بن محمد یَمَامی کے بارے میں ’’الأسامي‘‘[94] میں فرماتے ہیں: ’’ليس بالقوي عندهم‘‘. محدثین کے نزدیک قوی نہیں ہے۔

علامہ ابن عراقl نے ’’تنزيه الشريعة‘‘[95] میں احمد بن محمدیَمَامی کو وضاعین ومتہمین کی فہرست میں شمار کر کے حافظ ابو حاتم l اور حافظ ابن صاعد l کے کلام پر اکتفاء کیا ہے۔

حافظ عبدالرحمن بن احمد بن یونسl اپنی ’’تاريخ‘‘[96]  میں احمد بن محمد یَمَامی کے بارے میں فرماتے ہیں: ’’قال لنا على بن أحمد بن سليمان عَلَّان: كان سلمة بن شبيب يكذبه‘‘. ہمیں علی بن احمد بن سلیمان نے کہا کہ سلمہ بن شبیب اس کی تکذیب کرتے تھے۔

حافظ ابن حبانl ’’المجروحين‘‘[97] میں فرماتے ہیں: ’’يروي عن عبد الرزاق، وعمر بن يونس، وغيرهما أشياء مقلوبة لا يعجبنا الاحتجاج بخبره إذا انفرد‘‘. یہ عبدالرزاق l  اور عمر بن یونس l  وغیرہ سے مقلوب اشیاء نقل کرتا ہے، ہمیں اس کی خبر سے احتجاج کرنا اچھا معلوم نہیں ہوتا جبکہ یہ  متفرد ہو۔

حافظ عبدان اہوازیl فرماتے ہیں: ’’لم أخرج حديث يحيى بن أبي كثير حين فاتني عن اليمامي النسخة التي يرويها‘‘[98].  میں یحیی بن ابی کثیر کی حدیث کی تخریج نہیں کرتا جب سے مجھ سے یَمَامِی کا وہ نسخہ غائب ہوگیا جس میں اس کی مرویات تھیں۔

حافظ اسحاق بن ابراہیم بن یونس l  فرماتے ہیں: ’’ذكرت اليمامي هذا لعبيد الكَشْوَرِي، فقال: هو فينا كالواقدي فيكم‘‘[99]. میں نے اس یَمَامی کا ذکر عبید کَشْوَرِی سے کیا، تو انہوں نے کہا: وہ ہم میں ایسے ہے جیسے تم میں واقدی ہے۔

حافظ خطیب بغدادیl یہ قول نقل کرکے فرماتے ہیں: ’’والواقدي عند أئمة أهل النقل ذاهب الحديث‘‘[100]. واقدی ائمہ نقل کے ہاں ذاہب الحدیث ہے۔

حافظ قاسم بن زکریا مُطَرِّز l  فرماتے ہیں: ’’ كتبت عن اليمامي هذا خمسمائة حديث بالعَسْكَر، ليتها كانت خمسة آلاف، ليس عند الناس منها حرف‘‘[101]. میں نے اس یَمَامی سے پانچ سو حدیثیں عَسْکَر مقام پر لکھیں، کاش کہ وہ پانچ ہزار ہوتیں، لوگوں کے پاس اس میں سے ایک حرف بھی نہیں ہے۔

حافظ ابن عدیl ’’الكامل‘‘[102] میں فرماتے ہیں: ’’حدث بأحاديث مناكير عن الثقات، وحدث بنسخ عن الثقات بعجائب‘‘. یہ ثقہ راویوں کے انتساب سے منکر احادیث نقل کرتا ہے، اور ثقات کے انتساب سے عجیب نسخے بیان کرتا ہے۔ 

نیز حافظ ابن عدیl اس کے ترجمہ میں چند احادیث لاکر فرماتے ہیں:  ’’وتكثر عجائب اليمامي هذا، وهو مقارب الحديث، وهو إلى الضعف أقرب منه إلى الصدق‘‘[103]. اور اس یَمَامی کی عجائب بہت زیادہ ہیں، اور یہ مقارب الحدیث ہے، اور یہ بنسبت صدق کے ضعف کے زیادہ قریب ہے۔

حافظ ابو الشیخ اصبہانیl ’’طبقات المحدثين‘‘[104] میں فرماتے ہیں: ’’وله أحاديث منكرات‘‘. اور اس کی منکر احادیث ہیں۔

حافظ دار قطنی l نے اسے ’’متروك الحديث‘‘ کہا ہے[105]۔

حافظ خطیب بغدادیl ’’تاريخ بغداد‘‘[106]میں فرماتے ہیں: ’’وكان غير ثقة‘‘. اور یہ ثقہ نہیں ہے۔

نیز حافظ خطیب بغدادی l ’’تاريخ بغداد‘‘[107] میں ایک دوسرے مقام پر فرماتے ہیں: ’’وليس بمحل الحجة‘‘. یہ محل حجت نہیں ہے۔

حافظ ابن جوزی l ’’الموضوعات‘‘[108] میں ایک دوسری حدیث کے تحت لکھتے ہیں: ’’ونرى أن أحمد بن محمد بن عمر اليماني [كذا في الاصل] سرقه وغير إسناده‘‘. اور ہم یہ سمجھتے ہیں کہ احمد بن محمد بن عمر یمامی نے اس کا سرقہ کرکے اس کی سند تبدیل کی ہے۔

علامہ سبط ابن العجمی l ’’الکشف الحثیث‘‘[109]میں حافظ ابن جوزی l کا قول نقل کرکے فرماتے ہیں: ’’وقد تقدم أن وضع الإسناد كوضع المتن في التحريم، لكن أمره أخف، والله أعلم‘‘. یہ بات پہلے گزر چکی ہے کہ اسناد گھڑنا، حرام ہونے میں، متن گھڑنے کی طرح ہے، تاہم اسناد گھڑنے کا معاملہ نسبتاً ہلکا ہے، واللہ اعلم۔

حافظ ذہبیl نے ’’میزان الاعتدال‘‘[110] میں زیر بحث روایت کے علاوہ ایک دوسری روایت کے تحت احمد بن محمد یَمَامی کو ’’هالک‘‘ قرار دیا ہے۔

حافظ ذہبیl نے ’’المقتنى‘‘[111] میں اسے ’’متهم‘‘ کہا ہے۔

نیز حافظ ذہبی l ہی نے ’’سير أعلام‘‘[112]میں اسے ’’ أحد المتروكين‘‘ کہا ہے۔

حافظ ابن حجر عسقلانی l ’’الكافي الشاف‘‘[113] میں ایک حدیث کے تحت فرماتے ہیں: ’’في إسناده أحمد بن محمد، وهو متروك، كذبه أبو حاتم‘‘. اس کی اسناد میں محمد بن احمد ہے، یہ متروک ہے، ابو حاتم l نے اسے جھوٹا کہا ہے۔