ابو عبد اللہ مروان بن سالم غفاری شامی جزری قَرْقَسَانی

حافظ یحیی بن معین l نے مروان بن سالم کو ’’ليس بثقة‘‘ کہا ہے[36]۔

امام احمد بن حنبل l نے مروان بن سالم کو ’’ليس هو بثقة‘‘ کہا ہے[37]۔

امام بخاری l نے ’’التاريخ الكبير‘‘[38]، ’’التاريخ الصغير‘‘[39] اور ’’الضعفاء‘‘[40] میں مروان بن سالم کو ’’منكر الحديث‘‘ کہا ہے۔

حافظ ابن ابی حاتم l ’’الجرح والتعديل‘‘[41] میں فرماتے ہیں: ’’سألت أبي عن مروان بن سالم، فقال: منكر الحديث جدا، ضعيف الحديث، ليس له حديث قائم، قلت يترك حديثه؟ قال: لا، بل يكتب حديثه‘‘. میں نے اپنے والد سے مروان بن سالم کے متعلق پوچھا، تو انہوں نے فرمایا: منکر الحدیث جداً ہے، ضعیف الحدیث ہے، اس کی حدیث لیس قائم ہے، میں نے کہا: اس کی حدیث کو ترک کردیا جائے گا؟ فرمایا: نہیں، بلکہ اس کی حدیث لکھی جائے گی۔

حافظ یعقوب بن سفیان فسوی l’’المعرفة والتاريخ‘‘[42] میں مروان بن سالم کے بارے میں فرماتے ہیں: ’’منكر الحديث، لا يحتج بروايته، ولا يكتب أهل العلم حديثه إلا للمعرفة‘‘. یہ منکر الحدیث ہے، اس کی روایت سے احتجاج نہیں کیا جائے گا، اور اہلِ علم اس کی حدیث صرف معرفت کےلئے لکھتے ہیں۔

امام نسائی l نے ’’الضعفاء‘‘[43] میں مروان بن سالم کو ’’متروك الحديث‘‘ کہا ہے۔

حافظ ابو یحیی زکریا بن یحیی ساجی l فرماتے ہیں: ’’ كذاب، يضع الحديث‘‘[44]. کذاب ہے، حدیث گھڑتا ہے۔

حافظ ابو عروبہ حسین بن محمد حَرَّانی l ، مروان بن سالم کے بارے میں فرماتے ہیں: ’’يضع الحديث‘‘[45]. حدیث گھڑتا ہے۔

علامہ سبط ابن عجمی l نے ’’الكشف الحثيث‘‘[46] میں اور علامہ ابن عراق l نے ’’تنزيه‘‘[47] میں حافظ ابو عروبہ حَرَّانی l کے قول پر اعتماد کیا ہے۔

حافظ عقیلیl ’’الضعفاء الكبير‘‘[48] میں مروان بن سالم کے بارے میں فرماتے ہیں: ’’أحاديثه مناكير، لا يتابع عليها إلا من طريق يقاربه‘‘. اس کی احادیث مناکیر ہیں، ان میں اس کی متابعت نہیں کی جاتی مگر ایسے طریق سے جو اس کے مقارب ہو۔

حافظ ابن حبان l ’’المجروحين‘‘[49] میں مروان بن سالم کے بارے میں فرماتے ہیں: ’’ كان ممن يروي المناكير عن المشاهير، ويأتي عن الثقات ما ليس من حديث الأثبات، فلما كثر ذلك في روايته بطل الاحتجاج بأخباره‘‘. یہ ان لوگوں میں سے ہے جو مشاہیر کے انتساب سے مناکیر روایت کرتے ہیں، اور ثقات کے انتساب سے ایسی احادیث لاتے ہیں جو اثبات کی احادیث میں سے نہیں ہوتیں، جب یہ اس کی روایتوں میں کثرت سے  ہونے لگا تو اس کی خبروں سے احتجاج باطل ہوگیا۔

حافظ ابن قیسرانی l نے ’’تذكرة الحفاظ‘‘[50] میں حافظ ابن حبان l کے قول پر اعتماد کیا ہے۔

حافظ ابن عدی l’’الكامل‘‘[51] میں مروان بن سالم کے ترجمہ میں چند احادیث ذکر کرکے فرماتے ہیں: ’’ولمروان بن سالم غير ما ذكرت من الحديث، وعامة حديثه مما لا يتابعه الثقات عليه‘‘. اور مروان بن سالم کی میری ذکر کردہ احادیث کے علاوہ بھی احادیث ہیں، اور اس کی اکثر احادیث میں ثقات اس کی متابعت نہیں کرتے۔

حافظ ابو الفتح ازدی l نے مروان بن سالم کو ’’متروك‘‘ کہا ہے[52]۔

امام دارقطنی l نے ’’الضعفاء‘‘[53] میں مروان بن سالم کو ’’ضعفاء ومتروکین‘‘ روایوں میں شمار کیا ہے۔

حافظ ابو نعیم اصبہانی l نے ’’المسند المستخرج‘‘[54] میں مروان بن سالم کو ’’منكر الحديث‘‘ کہا ہے۔

امام بیہقی l ’’دلائل النبوة‘‘[55] میں مروان بن سالم کے بارے میں فرماتے ہیں: ’’وكان ضعيفا في الحديث‘‘. اور یہ حدیث میں ضعیف تھا۔

حافظ ابن قیسرانی l نے ’’ذخيرة الحفاظ‘‘[56] میں ایک روایت کے تحت مروان بن سالم کو ’’متروك الحديث‘‘ کہا ہے۔

حافظ ذہبی l ’’تلخيص الموضوعات‘‘[57] میں ایک روایت کے تحت مروان بن سالم کے بارے میں فرماتے ہیں: ’’تركوه‘‘. محدثین نے اسے ترک کردیا ہے۔

حافظ ذہبی l نے ’’تاريخ الإسلام‘‘[58] میں ایک روایت کے تحت مروان کو ’’واهي الحديث‘‘ کہا ہے۔

 حافظ ابن کثیر l نے ’’البداية‘‘[59] میں ایک روایت کے تحت مروان بن سالم کو ’’متروك‘‘ کہا ہے۔

حافظ ابن ملقن l ’’البدر المنير‘‘[60] میں ایک روایت کے تحت مروان بن سالم کے بارے میں فرماتے ہیں: ’’فيه مروان بن سالم الغفاري، وليس بثقة بل هو ضعيف، وليس بمروان بن سالم المكي‘‘. اس میں مروان بن سالم غفاری ہے، اور یہ لیس بثقہ ہے، بلکہ ضعیف ہے، اور یہ مروان بن سالم مکی نہیں ہے۔

حافظ ہیثمی l نے ’’مجمع الزوائد‘‘[61] میں ایک روایت کے تحت مروان بن سالم کو ’’متروك‘‘ کہا ہے۔

حافظ ابن حجر عسقلانی l ’’التقريب‘‘[62] میں فرماتے ہیں: ’’متروك، رماه الساجي وغيره بالوضع‘‘. متروک ہے، ساجی l وغیرہ نے اسے حدیث گھڑنے میں متہم قرار دیا ہے۔