روایت: ’’آپ ﷺ کا ارشاد ہے: ’’ نعم المذكر السبحة‘‘. تسبیح بہترین یاد دلانے والی چیز ہے‘‘۔

حافظ ابن حجر عسقلانیl رحمہ اللہ نے زیر بحث روایت ’’الغرائب‘‘[1] میں ان الفاظ سے ذکر کی ہے:

’’قال: أخبرنا عبدوس، أخبرنا ابن فنجويه، حدثنا علي بن أحمد بن نصرويه، حدثنا محمد بن هارون بن عيسى بن منصور، حدثني محمد بن علي بن حمزة العلوي، حدثني عبد الصمد بن موسى، حدثتني زينب بنت سليمان، قال: حدثتني أم الحسن بنت جعفر بن الحسين، عن أبيها، عن جدها، عن علي، رفعه: نعم المذكر السبحة، وإن أفضل ما يسجد عليه الأرض وما أنبتته الأرض‘‘.

حضرت علی r رضی اللہ عنہ  آپ ﷺ کا ارشاد نقل کرتے ہیں کہ تسبیح بہترین یاد دلانے والے چیز ہے، اور سب سے افضل چیز جس پر سجدہ کیا جائے وہ زمین ہے، اور وہ چیز ہے جس کو زمین نے اگایا ہو۔

ملاعلی قاری l رحمہ اللہ ’’المرقاة‘‘[3] میں زیر بحث روایت کے بارے میں فرماتے ہیں: ’’وجاء بسند ضعيف عن علي رضي الله عنه مرفوعا: نعم المذكر المسبحة‘‘. علی r رضی اللہ عنہ  سے بسند ضعیف مرفوعاً مروی ہے: بہترین یاد دلانے والی چیز تسبیح ہے۔

علامہ عبد الحی لکھنویl رحمہ اللہ ’’نزهة الفكر‘‘[4] میں اس روایت کے بارے میں شیخ محمد بن محمد امیر زہری lکی عبارت نقل کرکے فرماتے ہیں:

’’وأما عدم الصحة فلا يقدح في المرام، لأن الحديث الضعيف معتبر في فضائل الأعمال على ما صرح به جماعة من الأعلام، ومن ثم أورده السيوطي في معرض الاستدلال...‘‘. ’’اور صحت حدیث کا نہ ہونا مقصود میں جرح  کا سبب نہیں، اس لئے کہ ضعیف حدیث اعمال کے فضائل میں معتبر ہوتی ہے، جس کی صراحت ائمہ حدیث کی ایک جماعت نے کی ہے، یہی وجہ ہے کہ سیوطی l رحمہ اللہ نے اسے استدلال کے مقام پر ذکر کیا ہے۔۔۔‘‘۔

امام دارقطنی l رحمہ اللہ نے محمد ابن بریہ ہاشمی کو ’’لاشيء‘‘ کہا ہے[5]۔

حافظ ذہبی l رحمہ اللہ نے ’’ميزان الاعتدال‘‘[6] میںامام دارقطنی l رحمہ اللہ کے کلام پر اعتماد کیا ہے۔

حافظ خطیب بغدادیl رحمہ اللہ ’’تاريخ بغداد‘‘[7] میں محمد بن ہارون کے بارے میں فرماتے ہیں: ’’وفي حديثه مناكير كثيرة‘‘. اس کی احادیث میں کثیر  تعداد میں منکر روایات ہیں۔

حافظ خطیب بغدادیl رحمہ اللہ ’’تاريخ بغداد‘‘[8] میں حسن بن قحطبہ بن شبیب کے ترجمہ میں حدیث ’’الجبن داء‘‘ کے تحت ابن بریہ کے بارے میں فرماتے ہیں: ’’ذاهب الحديث، يتهم بالوضع‘‘. یہ ذاہب الحدیث ہے، حدیث گھڑنے میں متہم ہے۔

حافظ ابن عساکر l رحمہ اللہ ’’تاريخ دمشق‘‘[9] میں حسین بن احمد بن محمد کے ترجمہ میں  حدیث ’’الجبن داء‘‘ کے تحت ابن بریہ  کے بارے میں فرماتے ہیں: ’’يضع الحديث‘‘. یہ حدیث گھڑتا ہے۔

حافظ سمعانیl رحمہ اللہ ’’الأنساب‘‘[10] میں فرماتے ہیں: ’’وفي حديثه مناكير كثيرة‘‘. اس کی حدیث میں بکثرت مناکیر ہیں۔

حافظ ذہبی l رحمہ اللہ ’’المغني‘‘[11] اور ’’ديوان‘‘[12] میں محمد بن ہارون ہاشمی کے بارے میں فرماتے ہیں: ’’ضعفه الدار قطني‘‘. دار قطنی l رحمہ اللہ نے اسے ضعیف قرار دیا ہے۔

حافظ ابن حجر عسقلانی l رحمہ اللہ ’’لسان المیزان‘‘[13] میں محمد بن ہارون کی حدیث ’’الجبن داء‘‘ نقل کرنے کے بعد فرماتے ہیں:  ’’هذا من موضوعاته‘‘ . یہ اس کی من گھڑت روایات میں سے ہے۔

علامہ عبد الحی لکھنوی lنے اس حدیث کو ضعیف قرار دے کر فضائل کے باب میں معتبر قرار دیا ہے، لیکن اس قول میں نظر ہے، کیونکہ حافظ دار قطنی l رحمہ اللہ ، حافظ خطیب بغدادیl رحمہ اللہ اور حافظ ابن عساکر lنے سند میں موجود راوی محمد بن ہارون پر شدید جرح ان الفاظ سے کی ہے جیسے: ’’لاشئی ہے‘‘، ’’ذاہب الحدیث ہے، حدیث گھڑنے میں متہم ہے‘‘، ’’حدیث گھڑتا ہے‘‘، نیز علامہ لکھنویl رحمہ اللہ کی تصریح کے مطابق ایسی ضعیف روایت جس کی سند میں کوئی کذاب، متہم یا متروک راوی ہو وہ فضائل کے باب میں بھی قابل عمل و معتبر نہیں ہوتی ہے۔

علامہ لکھنوی l کی عبارت ملاحظہ ہو:

’’قلت: فيه أنظار شتى، فإن مجرد جهالة بعض الرواة وإن لم يقتض كون الحديث موضوعا، لكن القرائن الحالية الملحقة بها تقتضي ذلك، فإن الحديث إذا لم يكن له سند جيد لم يخل طريق من طرقه من مجهول وضعيف وساقط ونحو ذلك من المجروحين، وكان في نفس المتن مالا يخلو من ركاكة، دل ذلك على كونه موضوعا، وأما العمل بالضعيف في فضائل الأعمال فدعوى الاتفاق فيه باطلة، نعم هو مذهب الجمهور، لكنه مشروط بأن لا يكون الحديث ضعيفا شديد الضعف، فإذا كان كذلك لم يقبل في الفضائل أيضا، وقد بسطت هذه المسألة في رسالتي الأجوبة الفاضلة للأسئلة العشرة الكاملة، وفى تعليقات رسالتي تحفة الطلبة في مسح الرقبة المسماة بتحفة الكملة‘‘[14].

میں کہتا ہوں: اس کے بہت سارے نظائر ہیں، بلا شبہ محض بعض راویوں کا مجہول ہونا اگرچہ حدیث کے من گھڑت ہونے کا تقاضہ نہیں کرتا، لیکن اس کے ساتھ ایسے قرائن ملے ہوئے ہوتے ہیں جو اس کا تقاضہ کرتے ہیں، چنانچہ اگر کسی حدیث کی سند جید نہ ہو، اور اس کے طرق میں کوئی طریق بھی مجہول، ضعیف، ساقط اور اس جیسے مجروح راویوں سے خالی نہ ہو، اور نفس متن رکاکت سے خالی نہ ہو تو یہ اس کے من گھڑت ہونے کی دلیل ہے، اور رہی بات فضائل اعمال میں ضعیف حدیث پر عمل کرنے کی، تو اس میں اتفاق کا دعوی کرنا باطل ہے، ہاں! وہ جمہور کا مذہب ہے، لیکن وہ اس بات سے مشروط ہے کہ وہ ضعیف حدیث ’’شدید ضعیف‘‘ نہ ہو، سو اگر ایسا ہو تو اس حدیث کو فضائل میں بھی قبول نہیں کیا جائے گا، اور میں اس مسئلے کو تفصیل سے اپنے رسالہ ’’اجوبۃ الفاضلۃ للاسئلۃ العشرۃ الکاملۃ‘‘ میں اور اپنے رسالہ ’’تحفۃ الطلبۃ فی مسح الرقبۃ‘‘ کی تعلیقات بنام ’’تحفہ کملہ‘‘ میں ذکر کر چکا ہوں۔

علامہ لکھنوی lہی ’’الآثار المرفوعة‘‘[15]میں ایک اور مقام پر فرماتے ہیں:

’’قلت: لقد تساهل في آخر كلامه، فإن حديث صلاة الرغائب موضوع باتفاق أكثر المحدثين أو كلهم، ولا عبرة بمن خالفهم كائنا من كان، ولا بذكر من ذكره كائنا من كان، والموضوع لا يجوز العمل به، على أن الضعيف الذي صرحوا بجواز العمل به وقبوله هو الذي لا يكون شديد الضعف، بأن لا يخلو سند من أسانيده من كذاب أو متهم أو متروك أو نحو ذلك، على ما بسطته في رسالتي الأجوبه الفاضلة للأسئلة العشرة الكاملة، والحديث الذي نحن فيه إن لم يكن موضوعا فلا شبهة في كونه شديد الضعف، غير قابل للاحتجاج به، فلا يجوز العمل به في فضائل أيضا لأحد، لا في خاصة نفسه ولا بأمر غيره‘‘.

میں کہتا ہوں: بلا شبہ انہوں نے اپنے کلام کے آخر میں تساہل سے کام لیا ہے، چنانچہ صلاۃ رغائب کی حدیث اکثر محدثین یا تمام محدثین کے اتفاق سے من گھڑت ہے، اور ان سے اختلاف کرنے والے کا اعتبار نہیں کیا جائے گا جو کوئی بھی ہو، اور نہ ہی اس حدیث کو ذکر کرنے والوں کا اعتبار کیا جائے گا چاہے کوئی بھی ہو، اور من گھڑت حدیث پر عمل کرنا جائز نہیں، مزید یہ کہ وہ ضعیف حدیث جس کے عمل پر جواز اور اس کے قبول کی صراحت کی گئی ہے یہ وہ ضعیف حدیث ہے جس کا ضعف شدید نہ ہو، اس طور پر کہ اس کی اسانید میں سے کوئی بھی سند کذاب، متہم، متروک یا اس جیسے راوی سے خالی نہ ہو، جس کا ذکر میں اپنے رسالے ’’اجوبۃ الفاضلۃ للاسئلۃ العشرۃ الکاملۃ‘‘ میں تفصیل سے کر چکا ہوں، اور ہماری زیر بحث حدیث اگرچہ من گھڑت نہیں ہے، لیکن اس کے شدید ضعیف، احتجاج کے قابل نہ ہونے میں کوئی شک نہیں ہے، چنانچہ اس پر فضائل میں بھی عمل کرنا کسی کےلئے بھی جائز نہیں، نہ بذاتِ خود اور نہ ہی کسی کے کہنے پر۔