ابو اسحاق محمد بن ہارون بن عیسی بن ابراہیم بن عیسی بن ابی جعفر منصور المعروف بابن بریہ ہاشمی

امام دارقطنی lنے محمد ابن بریہ ہاشمی کو ’’لاشيء‘‘ کہا ہے[5]۔

حافظ ذہبی l نے ’’ميزان الاعتدال‘‘[6] میںامام دارقطنی lکے کلام پر اعتماد کیا ہے۔

حافظ خطیب بغدادیl ’’تاريخ بغداد‘‘[7] میں محمد بن ہارون کے بارے میں فرماتے ہیں: ’’وفي حديثه مناكير كثيرة‘‘. اس کی احادیث میں کثیر  تعداد میں منکر روایات ہیں۔

حافظ خطیب بغدادیl ’’تاريخ بغداد‘‘[8] میں حسن بن قحطبہ بن شبیب کے ترجمہ میں حدیث ’’الجبن داء‘‘ کے تحت ابن بریہ کے بارے میں فرماتے ہیں: ’’ذاهب الحديث، يتهم بالوضع‘‘. یہ ذاہب الحدیث ہے، حدیث گھڑنے میں متہم ہے۔

حافظ ابن عساکر l ’’تاريخ دمشق‘‘[9] میں حسین بن احمد بن محمد کے ترجمہ میں  حدیث ’’الجبن داء‘‘ کے تحت ابن بریہ  کے بارے میں فرماتے ہیں: ’’يضع الحديث‘‘. یہ حدیث گھڑتا ہے۔

حافظ سمعانیl ’’الأنساب‘‘[10] میں فرماتے ہیں: ’’وفي حديثه مناكير كثيرة‘‘. اس کی حدیث میں بکثرت مناکیر ہیں۔

حافظ ذہبی l ’’المغني‘‘[11] اور ’’ديوان‘‘[12] میں محمد بن ہارون ہاشمی کے بارے میں فرماتے ہیں: ’’ضعفه الدار قطني‘‘. دار قطنی l نے اسے ضعیف قرار دیا ہے۔

حافظ ابن حجر عسقلانی l ’’لسان المیزان‘‘[13] میں محمد بن ہارون کی حدیث ’’الجبن داء‘‘ نقل کرنے کے بعد فرماتے ہیں:  ’’هذا من موضوعاته‘‘ . یہ اس کی من گھڑت روایات میں سے ہے۔