عورتوں کےلئے حالتِ حمل، وضعِ حمل، رضاعت وغیرہ پر مشتمل روایت
تحقیق کی تفصیل
افراط وتفریط ہر چیز میں معیوب سمجھی جاتی ہے،بعض اوقات ایک مضمون معتبر سند سے ثابت ہوتا ہے، لیکن اس میں رفتہ رفتہ زائد غیر متعلقہ مضمون زبان زد ِعام ہوجاتا ہے، جس سے نہ صرف حقیقی مضمون مسخ ہو جاتا ہے، بلکہ بواسطۂ معتبر سند، من گھڑت روایت پھیل جاتی ہے،ذیل میں ایک ایسی ہی روایت پیش کی جائی گی جس کے مضامین ایک حد تک ثابت ہیں اور بعض اقتباسات ثابت نہیں ہیں؛ اس لئے ان غیر ثابت شدہ مضامین کا انتساب حضورِ اقدس ﷺ کی جانب درست نہیں ہے۔
عورتوں کےلئے حالتِ حمل، وضعِ حمل، رضاعت وغیرہ پر مشتمل روایت درج ذیل صحابہ کرام رضی اللہ عنہم کی نسبت سے بیان کی جاتی ہیں:
۱-حضرت انس بن مالک رضی اللہ عنہ (۲ طریق)
۲-حضرت ابوہریرہ رضی اللہ عنہ
۳-حضرت عبدالرحمن بن عوف رضی اللہ عنہ
۴-حضرت ابن عباس رضی اللہ عنہ
۵-حضرت ابن عمر رضی اللہ عنہما
ہر طریق کو مستقل طور پر بیان کیا جائے گا۔
امام طبرانی رحمہ اللہ ’’المعجم الأوسط‘‘[1] میں لکھتے ہیں:
’’حدثنا محمد بن أبي زرعة، ثنا هشام بن عمار، حدثني أبي عمار بن نصیر، عن عمرو بن سعید الخولاني، عن أنس بن مالک رضي اﷲ عنه، أن سَلاَمَةَ حاضِنة إبراهیم ابنِ النبي صلى اﷲ علیه وسلم قالت: یا رسول اﷲ! تبشّر الرجال بکل خیر ولا تبشّر النساء؟ قال: ’’أصحابک دَسَسْنَک لهذا؟ قالت: أجل، هُنَّ أمرنَني، قال: أفما ترضی إحداکنّ انها إذا کانت حاملاً من زوجها وهو عنها راضٍ أن لها مثل أجر الصائم القائم في سبیل اﷲ. فإذا أصابها الطَلْقُ لم یعلم أهلُ السماء وأهلُ الأرض ما أخْفِي لها من قرّة أعین، فإذا وضعتْ لم یخرج منها جُرْعةٌ من لبنها، ولم یمُصَّ مصَّةً، إلا کان لها بکل جُرْعةٍ وبکل مصّةٍ حسنةٌ، فإن أسهرها لیلةً کان مثلُ أجر سبعین رقبة تُعْتِقُهن في سبیل اﷲ. سلامةُ! تدري لمن أعني بهذا؟ للمتمَتِّعات، الصالحات، المُطِیعات لأزواجِهن، اللواتي لا یکفُرْن العشیر‘‘.
لا یروی هذا الحدیث عن النبي صلى اﷲ علیه وسلم إلا بهذا الإسناد، تفرد به هشام بن عمار‘‘.
حضرت انس بن مالک رضی اللہ عنہ فرماتے ہیں کہ حضور اکرم ﷺ کے صاحبزادے، حضرت ابراہیم کی دایہ ’’سلامہ‘‘، حضور انور ﷺ کی خدمت میں حاضر ہوکر کہنے لگیں، یا رسول اللہ! آپ مردوں کو ہر بھلی بات کی خوشخبری سناتے ہیں، اور عورتوں کو بشارت نہیں سناتے؟ آپ ﷺ نے فرمایا: ’’تمہاری سہیلیوں نے تمہیں یہ سوال پوچھنے کےلیے اصرار کیا ہو گا؟‘‘، وہ کہنے لگیں، جی ہاں! سہیلیوں نے مجھے کہا تھا، اس پر آپﷺ نے ارشاد فرمایا ’’کیا تم یہ پسند نہیں کرتیں کہ جب کوئی عورت اپنے خاوند کی اولاد سے حاملہ ہو، اور اس کا خاوند بھی اس سے خوش ہو، اس عمل پر اس عورت کو اللہ کی راہ میں نماز پڑھنے والے، روزہ رکھنے والے کی طرح ثواب ملتا ہے، جب اسے دردِ ولادت ہوتا ہے تو آسمان اور زمین کے رہنے والے نہیں جانتے کہ اس عورت کی آنکھوں کی ٹھنڈک کےلیے کیا کچھ پوشیدہ رکھا گیا ہے، اور جب بچے کی ولادت ہوجاتی ہے (اور وہ دودھ پینے لگتا ہے) تو عورت کے دودھ کے ہر گھونٹ اور بچے کے ہر چوسنے کے عوض اسے ایک نیکی ملتی ہے، اور اگر بچہ ماں کو رات بھر جگائے رکھے ،تو اسے اللہ کی راہ میں ستر غلام آزاد کرنے کا ثواب ملتا ہے۔ اے سلامہ! تمہیں معلوم بھی ہے کہ میری مراد کون سی عورتیں ہیں؟ یہ (بشارتیں) ان عورتوں کےلیے ہیں جو نیک، اپنے خاوند کی تابعدار اور ان کی ناشکری کرنے والی نہ ہوں‘‘۔
(امام طبرانی رحمہ اللہ فرماتے ہیں)یہ روایت آپ ﷺ سے اسی سند سے مروی ہے، ہشام بن عمار اسے نقل کرنے میں متفرد ہے ،انتہی۔
یہ روایت ’’معرفة الصحابة لأبي نعیم‘‘[2] اور ’’تاریخِ دمشق‘‘[3] میں بھی تخریج کی گئی ہے، تینوں سندیں ہشام بن عمار پر مشترک ہوجاتی ہیں۔
۱- حافظ ابن الجوزی رحمہ اللہ ’’کتاب الموضوعات‘‘[4] میں لکھتے ہیں:
’’قال أبو حاتم بن حبان: عمرو بن سعید الذي یروي هذا الحدیث الموضوع عن أنس، لا یحل ذکره في الکتب إلا علی جهة الاختبار للخواص‘‘.
ابو حاتم ابن حبان رحمہ اللہ فرماتے ہیں کہ عمرو بن سعید نے یہ من گھڑت روایت حضرت انس رضی اللہ عنہ سے نقل کی ہے ، اس حدیث کو صرف خواص کے اختبار کےلیے لکھنا جائز ہے۔
۲- حافظ ذہبی رحمہ اللہ نے ’’تلخیص الموضوعات‘‘[5] میں علامہ ابن الجوزی l کی موافقت کی ہے، اسی طرح علامہ سیوطی رحمہ اللہ نے بھی ’’اللآلئ المصنوعة‘‘[6] میں اور علامہ شوکانی l نے ’’الفوائد المجموعة‘‘[7] میں یہ حدیث نقل کرکے ابوحاتم ابن حبان l کا قول نقل کیا ہے۔
۳- علامہ ابن عراق l’’تنزیه الشریعة‘‘[8] میں رقمطراز ہیں:
’’(طب) في الأوسط (الحسن بن سفیان) في مسنده، وفیه عمرو بن سعید الخولاني (قلتُ) سلامة هذه لم أر ذکراً في الصحابیات من الإصابة، واﷲ تعالى أعلم‘‘.
یہ روایت طبرانی l نے ’’اوسط‘‘ میں، اور حسن بن سفیان l نے اپنی ’’مسند‘‘ میں تخریج کی ہے، اور اس کی سند میں عمرو بن سعید الخولانی ہے، میں (ابن عرّاق l) کہتا ہوں کہ (سند میں مذکور راویہ) سلامہ کا نام میں نے اصابہ میں مذکور صحابیات کے ناموں میں نہیں دیکھا، واﷲ اعلم[9]۔
۴- حافظ ہیثمی l’’مجمع الزوائد‘‘[10] میں لکھتے ہیں:
’’رواه الطبراني في الأوسط، وفیه عمار بن نصیر، وثّقه ابن حبان وصالح جَزَرَة، وضعفه ابن معین وغیره، وبقیة رجاله ثقات‘‘.
طبرانی l نے اوسط میں اس کی تخریج کی ہے، اور اس میں عمار بن نصیر ہے، ابن حبان lاور صالح جَزَرَہ l نے عمار کو ثقہ کہا ہے، اور ابن معین l وغیرہ نے تضعیف کی ہے، اور سند کے دیگر راوی ثقہ ہیں۔
محدثینِ کرام l نے عمرو بن سعید خولانی کی وجہ سے حدیث پر شدید کلام کیا ہے، حدیث کامقام سمجھنے کےلئے ضروری ہے کہ عمرو بن سعید خولانی کے بارے میں ائمہ حدیث کے اقوال تفصیل سے لکھا جائے۔
۱- حافظ ابن حبان l ’’المجروحین‘‘[11] میں رقمطراز ہیں:
’’...وقد روی عن أنس بن مالک حدیثا موضوعاً، یشهد المُمْعِنُ في الصناعة بوَضْعه، لا یحل ذکرُه في الکتب إلا على وجه الاختبار للخواص‘‘.
’’۔۔۔ عمرو نے حضرت انس بن مالک رضی اللہ عنہ سے ایک موضوع روایت مروی ہے، جس کے موضوع ہونے پر ہر وہ شخص گواہ ہے ،جو صناعتِ حدیث میں گہری سوچ رکھتا ہو، صرف خواص کے اختبار کےلئے اسے کتابوں میں ذکر کرنا جائز ہے‘‘۔
اس کلام کے بعد حافظ ابنِ حبان نے زیرِ بحث روایت تخریج کی۔
۲- علامہ عقیلی رحمہ اللہ ’’الضعفاء الکبیر‘‘[12] میں لکھتے ہیں: ’’عن أنس، لا یتابع علیه ولا یعرف إلا به، ولا یتابعه إلا من هو دونه‘‘. عمرو نے حضرت انس رضی اللہ عنہ سے ایک روایت نقل کی ہے،ان کے علاوہ کسی دوسرے راوی نے یہ حدیث حضرت انس رضی اللہ عنہ سے نقل نہیں کی ہے،عمرو کو صرف اسی روایت سے پہچانا جاتا ہے، اور ان کی متابعت ان سے کم تر لوگ ہی کرتے ہیں۔
حافظ عقیلی رحمہ اللہ نے اس کلام کے بعد زیرِبحث روایت ا ختصاراً نقل کی۔
۳- حافظ ذہبی رحمہ اللہ ’’میزان الاعتدال‘‘[13] میں لکھتے ہیں: ’’عن أنس، حدث بموضوعات...‘‘. عمرو نے حضرت انس رضی اللہ عنہ سے من گھڑت احادیث نقل کی ہے۔۔۔‘‘۔
اس کے بعد حافظ ذہبی رحمہ اللہ نے مذکورہ روایت اور ابن حبان رحمہ اللہ کا قول نقل کیا ہے۔
واضح رہے کہ علامہ سیوطی رحمہ اللہ نے ’’اللآلئ المصنوعة‘‘ میں زیرِ بحث روایت اور ابن حبان رحمہ اللہ کا قول نقل کرنے کے بعد لکھا ہے: ’’قلت: أخرجه الحسن بن سفیان في مسنده من طریق هشام بن عمار به، انتهی‘‘[14]. میں کہتا ہوں کہ حسن بن سفیان نے اپنی مسند میں ہشام بن عمار کے طریق سے اس روایت کی تخریج کی ہے، انتہی۔
واضح رہے کہ حسن بن سفیان رحمہ اللہ کے اس طریق میں بھی عمرو بن سعید الخولانی موجود ہے، جن کے بارے میں حافظ ابنِ حبان رحمہ اللہ اور حافظ ذہبی رحمہ اللہ تصریح کرچکے ہیں کہ وہ روایتیں گھڑتا تھا، چنانچہ یہ طریق بھی مفید نہیں، یہی وجہ ہے کہ علامہ شوکانی رحمہ اللہ ’’الفوائد المجموعة‘‘[15] میں علامہ سیوطی رحمہ اللہ کے کلام کو نقل کرکے لکھتے ہیں: ’’هشام بن عمار یرویه عن عمار بن نصر[16] عن عمرو بن سعید، فإخراج هذا الحدیث في کتاب آخر من طریق هذا الوضاع، لا یأتي بفائدة‘‘.
ہشام بن عمار اس روایت کو عمار بن نصرسے اور عمار، عمرو بن سعید سے نقل کرنے والا ہے، چنانچہ کسی دوسری کتاب میں اسی وضاع کے طریق سے اس حدیث کی تخریج کرنا، بے سود ہے۔
آپ جان چکے ہیں کہ حافظ ابن حبان رحمہ اللہ ،علامہ ابن جوزی رحمہ اللہ ، حافظ ذہبی رحمہ اللہ ، امام شوکانی رحمہ اللہ صاف لفظوں میں اس سند کے ساتھ حدیث کو من گھڑت کہہ چکے ہیں؛ اس لئے اس سندکے ساتھ یہ روایت رسول اللہ ﷺکی جانب منسوب کرنا جائز نہیں ہے۔
واضح رہے کہ حدیثِ انس بن مالک رحمہ اللہ کا دوسرا طریق آگے آرہا ہے۔
حافظ ابن عدی رحمہ اللہ ’’الکامل في الضعفاء‘‘[17] میں رقمطراز ہیں:
’’ثنا ابن قتیبة، ثنا وارث بن الفضل، ثنا الحسن بن محمد البلخي، ثنا عوف وهشام عن ابن سیرین، عن أبي هریرة رضي اﷲ عنه، قال: قال رسول اﷲ صلى اﷲ علیه وسلم: ’’إذا حملتْ المرأةُ فلها أجر الصائم القائم القانت المُخبت المجاهد في سبیل اﷲ، فإذا ضربها الطَلْقُ فلا یدري أحد من الخلائق مالها من الأجر، فإذا وَضَعَتْ فلها بکل وضعة [کذا في الأصل] عِتْقُ نسمة‘‘.
’’حضرت ابوہریرہ رضی اللہ عنہ سے مروی ہے کہ آپ ﷺ کا ارشاد ہے کہ ’’جب عورت حاملہ ہوجائے تو اسے روزے دار،نماز میں قیام کرنے والے، مطیع، خشوع رکھنے والے، مجاہد فی سبیل اللہ کا ثواب ملتا ہے،جب اسے دردِ ولادت ہوتا ہے، تو مخلوق میں سے کوئی نہیں جانتا کہ اسے اس پر کیا اجر ملے گا، جب وہ بچہ جَن لیتی ہے تو اس ولادت کے بدلے اسے ایک غلام آزاد کرنے کا اجر ملتا ہے‘‘۔
ابن عدی رحمہ اللہ تخریجِ حدیث کے بعد فرماتے ہیں کہ یہ حدیث اس سند سے منکر ہے: عن عوف وهشام عن ابن سیرین، عن أبي هریرة .
حافظ ابن حبان رحمہ اللہ نے ’’المجروحین‘‘[18] میں یہ روایت ’’الحسن بن محمد البلخی‘‘ کے ترجمہ میں اسی سند سے تخریج کی ہے۔
۱- حافظ ابن عدی رحمہ اللہ لکھتے ہیں: ’’وهذا أیضاً منکر عن عوف وهشام عن ابن سیرین عن أبي هریرة‘‘. یہ حدیث اس سند سے منکر ہے:عن عوف وہشام عن ابن سیرین، عن ابي ہریرۃ۔ [19]
۲- حافظ ابن حبان رحمہ اللہ لکھتے ہیں: ’’فهذا الحدیث لا أصل له‘‘.[20] اس حدیث کی اصل نہیں ہے۔
۳- حافظ ابن الجوزی رحمہ اللہ رقمطراز ہیں: ’’قال أبوحاتم: لا أصل لهذا الحدیث، والحسن بن محمد یروي الموضوعات، لا یجوز الاحتجاج به، وقال أبو أحمد بن عدي: کل أحادیثه مناکیر‘‘[21].
ابو حاتم ابن حبان رحمہ اللہ فرماتے ہیں کہ اس حدیث کی کوئی اصل نہیں ہے، اور (سند میں موجود) حسن بن محمد من گھڑت روایتیں نقل کرتا تھا، اس سے احتجاج جائز نہیں ہے، اور ابو احمد ابن عدی رحمہ اللہ فرماتے ہیں کہ اس کی سب حدیثیں مناکیر ہیں۔
۴- علامہ ابن عراق رحمہ اللہ ’’تنزیه الشریعة‘‘[22] میں رقمطراز ہیں: ’’(عد) من حدیث أبي هریرة وفیه الحسن بن محمد البلخي...‘‘. ’’ابن عدی نے حضرت ابوہریرہ رضی اللہ عنہ سے اس حدیث کی تخریج کی ہے اور اس میں حسن بن محمد بلخی ہے۔۔۔‘‘۔
۵- علامہ شوکانی رحمہ اللہ لکھتے ہیں: ’’هکذا رواه صاحب اللآلئ، ولعل ابن الجوزي قد ذکره في الموضوعات‘‘[23].
صاحبِ لآلئ (علامہ سیوطی رحمہ اللہ ) نے اس روایت کو اسی طرح نقل کیا ہے، اور شاید کہ ابن جوزی رحمہ اللہ نے اسے موضوعات میں ذکر کیا ہے۔
محدثینِ کرام رحمہ اللہ نے حسن بن محمد بلخی کی وجہ سے حدیث پر شدید کلام کیا ہے، حدیث کامقام سمجھنے کےلئے ضروری ہے کہ حسن بن محمد بلخی کے بارے میں ائمہ حدیث کے اقوال کو تفصیل سے لکھا جائے۔
ابن حبان رحمہ اللہ فرماتے ہیں:
’’شیخ، یروي عن حمید الطویل وعوف الأعرابي الأشیاء الموضوعة، و(عن) غیرهما من الثقات الأحادیث المقلوبة، لا یجوز الاحتجاج به ولا الروایة عنه بحال...‘‘[24].
’’یہ شیخ حمید طویل اور عوف اعرابی سے من گھڑت روایتیں نقل کرتا تھا، اور ان دونوں کے علاوہ دیگر ثقات سے تبدیل کی ہوئی حدیثیں نقل کرتا تھا، اس سے احتجاج کرنا اور اس سے روایت نقل کرنا بہر صورت جائز نہیں ہے۔۔۔‘‘۔
حافظ ذہبی رحمہ اللہ فرماتے ہیں کہ یہ’’ متروک الحدیث‘‘ (صیغہ جرح) ہے[25]۔
ابن عدی رحمہ اللہ فرماتے ہیں کہ اس کی ساری حدیثیں مناکیر ہیں[26]۔
حافظ ابن حجر رحمہ اللہ فرماتے ہیں:
’’وقد غفل ابن حبان فذکره في الثقات، وذکره العقیلي فقال: منکر الحدیث... وقال أبوسعید النقاش: حدث عن حمید عن أنس أحادیث موضوعة...‘‘[27].
’’ابن حبان رحمہ اللہ نے غفلت سے حسن بن محمد بلخی کو ثقات میں ذکر کردیا ہے، اور عقیلی رحمہ اللہ نے اس کا ذکر کرتے ہوئے کہا کہ وہ ’’منکر الحدیث‘‘ (صیغہ جرح) ہے۔۔۔ اور ابوسعید نقاش رحمہ اللہ نے کہا کہ وہ حمید عن انس رضی اللہ عنہ کی سند سے من گھڑت روایتیں نقل کرتا تھا۔۔۔‘‘.
حافظ ابن حجر رحمہ اللہ فرماتے ہیں کہ حافظ ابن حبان رحمہ اللہ سے تسامح ہوا ہے؛ کیونکہ ابن حبان رحمہ اللہ نے حسن بلخی کو ’’مجروحین‘‘ میں بھی ذکر کیا ہے، جیسا کہ پہلے گزر چکا ہے، اور پھر حسن بلخی کو ’’ثقات‘‘ میں بھی ذکر کر دیا۔
ماقبل تفصیل آچکی ہے کہ حافظ ابن حبان رحمہ اللہ ، حافظ ابن جوزی رحمہ اللہ ، حافظ ابن عراق رحمہ اللہ ، اور حافظ شوکانی رحمہ اللہ نے اس حدیث کو اس سند کے ساتھ من گھڑت کہا ہے، چنانچہ رسول اللہ ﷺکے انتساب سے یہ روایت اس سند سے بھی بیان کرنا جائز نہیں ہے۔
علامہ علاء الدین علی المتقی رحمہ اللہ ’’کنز العمال‘‘[28] میں لکھتے ہیں:
’’المرأة إذا حملتْ کان لها أجر الصائم القائم المُخْبِتُ المجاهد في سبیل اﷲ، وإذا ضربها الطَلْقُ فلا تدري الخلائق مالها من الأجر، فإذا وضعتْ کان لها بکل مصة أو رضعة أجر نفس تُحییها، فإذا فطمتْ ضرب الملکُ علی منکبیها وقال: استأنفي العمل‘‘ (أبو الشیخ ـ عبد الرحمن بن عوف)‘‘.
عورت جب حاملہ ہوجائے تو اسے روزے دار، نماز میں قیام کرنے والے، خشوع رکھنے والے، اور مجاہد فی سبیل اللہ کا اجر ملتا ہے، اور جب اس کو دردِ ولات ہو تو مخلوق نہیں جانتی کہ اس عورت کا کتنا ثواب ہے،جب وہ بچے کو دودھ پلاتی ہے، تو اسے ہر چوسنے کے بدلے ایک جان زندہ کرنے کا اجر ملتا ہے، جب وہ بچے کا دودھ چھڑا لے، تو فرشتہ اس کے کندھے پر تھپکی دے کر کہتا ہے کہ تو از سرِنو عمل شروع کر (یعنی اللہ نے تیرے سارے گناہ معاف کردئیے)۔
(علی متقی رحمہ اللہ فرماتے ہیں) یہ روایت ابو الشیخ رحمہ اللہ نے عبد الرحمن بن عوف رحمہ اللہ کی سند سے تخریج کی ہے۔
علامہ ابن عرّاق رحمہ اللہ ، ’’تنزیه الشریعة‘‘[29] میں رقمطراز ہیں:
’’... (تعقب) بأن له طریقاً آخر من حدیث عبد الرحمن بن عوف أخرجه أبو الشیخ (قلتُ) فیه عبد الرحیم، وأظنه ابن زید العمي، وإلا فمجهول، وأنا لا أشک أن هذا موضوع، واﷲ تعالى أعلم‘‘.
’’۔۔۔ تعاقب کیا گیا کہ اس حدیث کا ایک دوسرا طریق عبد الرحمن بن عوف رضی اللہ عنہ سے مروی ہے، جسے ابو الشیخ رحمہ اللہ نے تخریج کیا ہے، میں (حافظ ابن عراق رحمہ اللہ ) کہتا ہوں کہ اس حدیث کی سند میں عبدالرحیم ہے، میرا گمان ہے کہ یہ عبدالرحیم بن زید العمی ہے، بصورتِ دیگریہ کوئی مجہول راوی ہے، اور مجھے اس میں شک نہیں کہ یہ من گھڑت روایت ہے، واﷲ تعالی اعلم۔
عبد الرحیم بن زید الحواری کی وجہ سے حدیث پر شدید کلام کیا گیا ہے، حدیث کا مقام سمجھنے کےلئے ضروری ہے کہ عبد الرحیم بن زید کے بارے میں ائمہ حدیث کے اقوال تفصیل سے لکھا جائے۔
حافظ ذہبی رحمہ اللہ ’’میزان الاعتدال‘‘[30] میں لکھتے ہیں:
’’قال البخاري: ترکوه، وقال یحیی: کذاب، وقال مرة: لیس بشيء، وقال الجوزجاني: غیر ثقة، وقال أبو حاتم: ترک حدیثه، وقال أبو زرعة: واه، وقال أبو داود: ضعیف...‘‘.
’’امام بخاری رحمہ اللہ فرماتے ہیں کہ محدثین نے عبد الرحیم کو ’’ترک‘‘ (جرح) کہا ہے، اور یحیی نے عبدالرحیم کو کذاب اور ایک دوسرے موقع پر ’’لیس بشیء‘‘ (جرح) کہا ہے، اور جوزجانی رحمہ اللہ نے ’’غیر ثقہ‘‘ کہا ہے، اور ابوحاتم رحمہ اللہ فرماتے ہیں کہ ان کی حدیثوں کو ترک کیا گیا ہے (جرح)، اور ابوزرعہ رحمہ اللہ نے عبدالرحیم کو ’’واہی‘‘ (جرح) اور ابوداؤد رحمہ اللہ نے ’’ضعیف‘‘ کہا ہے۔۔۔‘‘۔
حافظ ابنِ عراق رحمہ اللہ کا قول گزر گیا ہے کہ مجھے اس میں شک نہیں کہ یہ من گھڑت روایت ہے،چنانچہ رسول اللہ ﷺ کے انتساب سے اس روایت کو مذکورہ سند سے بھی بیان کرنا جائز نہیں ہے۔
علامہ ابن الجوزی رحمہ اللہ نے حافظ خطیب بغدادی رحمہ اللہ کی سند سے ’’امرأة عطارة یقال لها الحولاء‘‘ کی ایک مفصل روایت حدیثِ انس بن مالک رضی اللہ عنہ کے حوالے سے تخریج کی ہے، جس میں زیرِ بحث روایت کا مضمون بھی ہے، یعنی:
’’... لیس من امرأة من المسلمین تحمل من زوجها إلا کان لها کأجر الصائم القائم المُخْبِتُ القانت، فإذا رضعتْه کان لها بکل رضعة عتق رقبة، فإذا فطمتْه نادى مناد من السماء. أیها المرأة! استأنفي العمل فقد کفیت ما مضی...‘‘[31].
’’۔۔۔ جو مسلمان عورت اپنے خاوند سے حاملہ ہوجائے تو اسے روزے دار، نماز میں قیام کرنے والے ،خشوع رکھنے والے،اورمطیع کا ثواب ملتا ہے، جب وہ بچے کو دودھ پلاتی ہے تو ہر رضاعت پر اسے ایک غلام آزاد کرنے کا اجر ملتا ہے، جب وہ بچے کو دودھ چھڑائے تو آسمان سے ایک فرشتہ نداء کرتا ہے کہ اے عورت! ازسرِ نو عمل شروع کر،کیونکہ تمہارے پہلے اعمال کی کفایت کردی گئی ہے (یعنی گناہ معاف ہوگئے ہیں)۔۔۔‘‘۔
۱- تخریج ِروایت کے بعد علامہ ابن الجوزی رحمہ اللہ روایت اور اس کی سند پر کلام کرتے ہوئے رقمطراز ہیں:
’’قال الدارقطني: هذا حدیث باطل، وقال: ذهب عبد الرحمن بن مهدي وأبو داود إلی زیاد بن میمون فأنکرا علیه هذا الحدیث، فقال: اشهدوا أني قد رجعتُ عنه، قال المصنف: قلتُ: قال یزید بن هارون: کان زیاد بن میمون کذّاباً، وقال یحیی بن معین: لیس بشيء لا یساوي قلیلاً ولا کثیراً، وقال البخاري ترکوه. وأما المصباح بن سهیل فقال البخاري والرازي وأبو زرعة: هو منکر الحدیث، فقال ابن حبان: یروي المناکیر عن أقوام مشاهیر لا یجوز الاحتجاج به‘‘[32].
دارقطنی رحمہ اللہ فرماتے ہیں کہ یہ حدیث باطل ہے، اور دارقطنی رحمہ اللہ نے فرمایا کہ عبدالرحمن بن مہدی رحمہ اللہ اور ابوداود رحمہ اللہ ، زیاد بن میمون کے پاس گئے، تو عبدالرحمن رحمہ اللہ اور ابوداود رحمہ اللہ نے زیاد پر اس حدیث کا انکار کیا، زیاد نے کہا کہ تم گواہ رہو کہ میں نے اس حدیث سے رجوع کرلیا۔ مصنف (ابن الجوزی رحمہ اللہ ) نے فرمایا کہ میں کہتاہوں کہ یزید بن ہارون نے کہا ہے کہ زیاد بن میمون کذاب ہے، اور یحیی بن معین رحمہ اللہ فرماتے ہیں کہ زیاد ’’لیس بشیٔ‘‘ (صیغہ جرح) ہے، یہ قلیل کے مساوی ہے نہ کثیر کے (جرح)، اور امام بخاری رحمہ اللہ فرماتے ہیں کہ محدثین نے زیاد کو ترک کیا ہے، اور(سند میں موجود ایک دوسرا راوی) مصباح بن سہیل [اس لفظ میں تصحیف ہے،صحیح صباح بن سہل ہے،از راقم] کے بارے میں امام بخاری رحمہ اللہ ، امام رازی رحمہ اللہ اور حافظ ابوزرعہ رحمہ اللہ فرماتے ہیں کہ وہ ’’منکر الحدیث‘‘ (جرح)ہے ،اور ابن حبان رحمہ اللہ فرماتے ہیں کہ وہ مشہور لوگوں سے مناکیر نقل کرتا تھا، اس سے احتجاج جائز نہیں ہے۔
واضح رہے کہ حافظ خطیب بغدادی رحمہ اللہ کی مذکورہ روایت میں مذکورصباح بن سہل کی متابعت ’’معجم الأوسط للطبرانی‘‘[33] میں حماد بن ابی سلیمان نے کی ہے، یعنی یہی روایت زیاد بن میمون الثقفی سے نقل کی ہے، مگر یہ متابعت مفید نہیں؛ کیونکہ ’’المعجم الأوسط‘‘ کی سند میں بھی زیادہ الثقفی موجود ہے،جن کے بارے میں شدید جرح کے اقوال آپ ملاحظہ کر چکے ہیں، چنانچہ
۲- علامہ ابن عراق رحمہ اللہ ’’تنزیه الشریعة‘‘[34] میں حافظ ابن الجوزی رحمہ اللہ کا کلام نقل کرکے لکھتے ہیں: ’’قال السیوطي: وتابع الصباحَ حمادُ بن أبي سلیمان. (قلتُ) فالبلاء من زیاد، وقد شهد علیه عبد الرحمن بن مهدي أنه رجع عن هذا الحدیث، واﷲ تعالى أعلم‘‘.
امام سیوطی رحمہ اللہ نے فرمایا ہے کہ حماد بن ابی سلیمان نے صباح کی متابعت کی ہے، میں (ابن عراق رحمہ اللہ ) کہتا ہوں کہ اس حدیث میں آفت کا سبب زیاد بن میمون ہے؛ کیونکہ عبدالرحمن بن مہدی رحمہ اللہ اس کی شہادت دے چکے ہیں کہ زیاد نے اس حدیث سے رجوع کرلیا تھا، واﷲ تعالی اعلم۔
۳- علامہ شوکانی رحمہ اللہ ’’الفوائد المجموعة‘‘[35] میں علامہ دارقطنی رحمہ اللہ کا قول نقل کرکے لکھتے ہیں: ’’وزیاد کذاب، وقد أخرجه الطبراني في الأوسط من طریقه‘‘.
اور زیاد کذاب ہے، اور طبرانی رحمہ اللہ نے اوسط میں زیاد کے طریق سے اس حدیث کی تخریج کی ہے۔
محدثینِ کرام رحمہ اللہ نے زیاد بن میمون کی وجہ سے حدیث پر شدید کلام کیا ہے، حدیث کامقام سمجھنے کے لئے ضروری ہے کہ زیا د بن میمون ثقفی کے بارے میں ائمہ حدیث کے اقوال تفصیل سے لکھے جائیں۔
حافظ ذہبی رحمہ اللہ ’’میزان الاعتدال‘‘[36]میں لکھتے ہیں:
’’قال اللیث بن عبدة: سمعت ابن معین یقول: زیاد بن میمون لیس یسوي قلیلاً ولا کثیراً، وقال ـ مرة: لیس بشيء، وقال یزید بن هارون: کان کذاباً، وقال البخاري: ترکوه، وقال أبو زرعة: واهي الحدیث، وقال الدارقطني: ضعیف، وقال أبو داود: أتیته فقال: أسغفر اﷲ وضعتُ هذه الأحادیث‘‘.
وقال بشر بن عمر الزهراني: سألت زیاد بن میمون أبا عمار عن حدیث لأنس، فقال: احسبوني کنتُ یهودیا ’’أو نصرانیاً، قد رجعتُ عما کنتُ أحدث به عن أنس، لم أسمع من أنس شیئاً...‘‘.
’’لیث بن عبدہ کہتے ہیں کہ یحیی بن معین رحمہ اللہ فرماتے ہیں کہ زیاد بن میمون نہ تھوڑے کے مساوی ہے نہ زیادہ کے(جرح)، اور ایک مرتبہ اسے ’’لیس بشیء‘‘ (جرح) کہا، اور یزید بن ہارون نے زیاد کو کذاب کہا ہے، اور امام بخاری رحمہ اللہ فرماتے ہیں کہ محدثین نے زیاد کو ترک کہا ہے، اور ابوزرعہ رحمہ اللہ نے زیاد کو ’’واہی الحدیث‘‘ (جرح) کہا ہے، دارقطنی رحمہ اللہ نے ’’ضعیف‘‘ کہا ہے۔ ابوداؤد رحمہ اللہ فرماتے ہیں کہ میں زیاد کے پاس گیا تو اس نے کہا کہ استغفر اللہ یہ حدیثیں میں نے گھڑی تھیں، بشر بن عمر زہرانی فرماتے ہیں کہ میں ابوعمار زیاد بن میمون سے حضرت انس رضی اللہ عنہ کی حدیث کے متعلق پوچھتا تو اس نے کہا: تم مجھے گذشتہ عرصہ میں یہودی سمجھو یا نصرانی (بہر حال) میں جو احادیث حضرت انس رضی اللہ عنہ سے نقل کر کے بیان کرتا تھا، میں نے اب ان سے رجوع کرلیا ہے کیونکہ میں نے حضرت انس رضی اللہ عنہ سے کچھ نہیں سنا۔۔۔‘‘۔
واضح رہے کہ مذکورہ روایت بھی زیاد بن میمون حضرت انس بن مالک رضی اللہ عنہ سے نقل کرنے والے ہیں۔
امام دار قطنی رحمہ اللہ ، حافظ ابن جوزی رحمہ اللہ ، حافظ ابن عراق رحمہ اللہ ، اور حافظ شوکانی رحمہ اللہ نے اس حدیث کو اس سند کے ساتھ من گھڑت کہا ہے؛اس لئے رسول اللہﷺکے حوالے سے اس سند کے ساتھ بھی یہ روایت بیان نہیں کی جا سکتی۔
حافظ ابویعلی الموصلی رحمہ اللہ اپنی ’’مسند‘‘[37] میں لکھتے ہیںـ:
’’حدثنا وهب: حدثنا خالد، عن حسین، عن عکرمة عن ابن عباس رضي اﷲ عنه أن النبي صلى اﷲ علیه وسلم قال: ’’من تسع وتسعین امرأة واحدةً في الجنة وبقیّتهن في النار‘‘. فاشتدّ ذلک علی من حضر رسول اﷲ صلى اﷲ علیه وسلم من المهاجرین، فقال رسول اﷲ صلى اﷲ علیه وسلم: إن المسلمة إذا حملتْ کان لها أجر القائم الصائم المحرم المجاهد في سبیل اﷲ، حتى إذا وضعتْ فإن لها بأوّل رَضْعَةٍ تُرضِعه أجرَ حیاة نسمة‘‘.
حضرت ابن عباس رضی اللہ عنہ سے مروی ہے کہ آپ ﷺ نے فرمایا کہ ’’ننانوے عورتوں میں صرف ایک عورت جنت میں جائے گی اور باقی سب جہنم میں جائیں گی، حاضرینِ مجلس یعنی مہاجرین پر یہ بات بہت شاق گزری ، آپﷺ نے ارشاد فرمایا کہ مسلمان عورت جب حاملہ ہوتی ہے تو اسے نماز کےلئے قیام کرنے والے، روزہ رکھنے والے، حج کا احرام باندھنے والے،مجاہد فی سبیل اللہ کا ثواب ملتا ہے،حتی کہ جب وہ عورت بچہ جَن لے، تواسے پہلی دفعہ دودھ پلانے پر ایک نفس کی حیات کا ثواب ملتا ہے‘‘۔
علامہ بوصیری رحمہ اللہ ’’إتحاف الخیرة المهرة‘‘[38] میں ’’مسند أبی یعلی‘‘ کی مذکورہ روایت اور آئندہ آنے والی ’’مسند عبد بن حمید‘‘ کی روایت ذکر کرکے لکھتے ہیں:
’’قلت: أورد ابن الجوزي هذا المتن وما قبله في کتاب الموضوعات، من حدیث أبي هریرة وأنس وقال: لا أصل لهذا الحدیث‘‘.
میں یہ کہتا ہوں کہ ابن الجوزی رحمہ اللہ نے یہ متن اور اس سے ماقبل متن، جو حضرت ابوہریرہ رضی اللہ عنہ اور حضرت انس بن مالک رضی اللہ عنہ سے مروی ہے، اس کو ’’کتاب الموضوعات‘‘ میں ذکر کیا ہے اور کہا ہے کہ اس حدیث کی کوئی اصل نہیں ہے۔
حدیث کامقام سمجھنے کےلئے ضروری ہے کہ سند میں موجودحسین بن قیس کے بارے میں ائمہ حدیث کے اقوال تفصیل سے لکھے جائیں:
حافظ ذہبی رحمہ اللہ ’’میزان الاعتدال‘‘[39] میں لکھتے ہیں:
’’قال أحمد: متروک، له حدیث واحد حسن في قصة الشوم، وقال أبو زرعة وابن معین: ضعیف، وقال البخاري: لا یکتب حدیثه، وقال النسائي: لیس بثقة، وقال مرة: متروک، وقال السعدي: أحادیثه منکرة جداً، وقال الدارقطني: متروک...‘‘.
’’امام احمد رحمہ اللہ نے فرمایا ہے کہ حسین ’’متروک‘‘(شدید جرح) ہے، قصہ شوم میں اس کی ایک ’’حسن‘‘ حدیث ہے، اور ابوزرعۃ رحمہ اللہ اور ابن معین رحمہ اللہ نے حُسین کو ’’ضعیف‘‘ کہا ہے ،اور امام بخاری رحمہ اللہ فرماتے ہیں کہ اس کی حدیثیں نہیں لکھی جائیں گی۔ امام نسائی رحمہ اللہ نے ’’لیس بثقۃ‘‘ (جرح) اور ایک مرتبہ ’’متروک‘‘(شدید جرح) کہا ہے، سعدی رحمہ اللہ فرماتے ہیں کہ اس کی حدیثیں بہت زیادہ منکر ہیں، اور دارقطنی رحمہ اللہ نے حسین کو ’’متروک‘‘ (شدید جرح) کہا ہے۔۔۔‘‘۔
حافظ ابن حجر رحمہ اللہ نے موصوف کو ’’متروک‘‘ (شدید جرح)کہا ہے[40]۔
حافظ ذہبی رحمہ اللہ لکھتے ہیں: ’’امام بخاری رحمہ اللہ نے فرمایا کہ اس کی حدیثیں نہیں لکھی جائیں گی‘‘[41]۔
حافظ ابن جوزی رحمہ اللہ نے اس سند کے ساتھ بھی روایت کو من گھڑت کہا ہے،اور علامہ بوصیری رحمہ اللہ نے بھی حافظ ابن جوزی رحمہ اللہ کے کلام پر اعتماد کیا ہے، اس لئے رسول اللہ ﷺکے انتساب سے اس حدیث کو مذکورہ سند سے بیان کرنا درست نہیں ہے۔
آگے جانے سے قبل، اب تک کی تفصیلات کا اجمالی خاکہ ملاحظہ ہو:
حضرت انس ابن مالک رضی اللہ عنہ ،حضرت ابو ہریرہ رضی اللہ عنہ ،حضرت عبد الرحمن بن عوف رضی اللہ عنہ ، اور حضرت ابن عباس رضی اللہ عنہ سے مختلف سندوں کے ساتھ ایک خاص مضمون مروی ہے، جس میں ان اعمال کے فضائل مروی ہیں:
۱- حاملہ کو (بعض سندوں میں ہے کہ جس حاملہ سے خاوند رضامند ہو) روزے دار، نماز پڑھنے والے، خشوع کرنے والے،مطیع ،اور مجاہد فی سبیل اللہ کا اجر ملتا ہے۔
۲- دردِ زِہ پر اسے ایسا اجر ملتا ہے،جسے مخلوق میں کوئی نہیں جانتا۔
۳ - دودھ کے ہر گھونٹ کے بدلے نیکی(بعض روایتوں میں ایک جان زندہ کرنے) کا اجر ملتا ہے۔
۴- وضعِ حمل سے سب گناہ معاف ہو جاتے ہیں۔
۵- اگر رات کو بچے کی وجہ سے جاگنا پڑ گیا، تو ستر غلام اللہ کی راہ میں آزاد کرنے کا اجر ملتا ہے۔
آپ جان چکے ہیں کہ ان تمام صحابہ رضی اللہ عنہم کی جانب منسوب مذکورہ مضامین پر مشتمل احادیث من گھڑت ہیں، اس لئے رسول اللہ ﷺ کی جانب اس مضمون پر مشتمل احادیث منسوب کرنا جائز نہیں ہے۔
علامہ ابونعیم الاصبہانی رحمہ اللہ ’’حلیة الأولیاء‘‘[42] میں لکھتے ہیں:
’’حدثنا سلیمان بن أحمد، قال ثنا محمد بن عثمان بن أبي شیبة، قال ثنا إبراهیم بن اسحاق الصِیْنِي، قال ثنا قیس بن الربیع، عن أبي هاشم، عن سعید بن جبیر، عن ابن عمر أحْسَبُه قد رفعه قال: ’’المرأة في حملها إلی وضعها إلى فصالها کالمرابط في سبیل اﷲ، فإن ماتت فیمابین ذلک فلها أجر شهید‘‘.
غریب من حدیث سعید تفرد به قیس، وحدث به عبد اﷲ بن المبارک عن قیس .
حدثناه أبو عمرو بن حمدان قال: ثنا الحسن بن سفیان، قال: ثنا حیان بن موسی، عن ابن المبارک، عن قیس بن الربیع، عن أبي هاشم، عن سعید بن جبیر، عن ابن عمر أراه قال عن النبي صلى اﷲ علیه وسلم قال: إن للمرأة في حملها إلی وضعها إلی فصالها من الأجر کالمرابط في سبیل اﷲ، فإن هلکت فیما بین ذلک فلها أجر شهید‘‘.
(راوی فرماتے ہیں کہ) میرا گمان ہے کہ ابن عمر رضی اللہ عنہ نے یہ روایت مرفوعاً بیان کی ہے کہ عورت حمل سے وضعِ حمل (پھر) بچے کے دودھ چھڑانے تک اس شخص کی طرح ہے جو اللہ کے راستے میں اس کی سرحدوں کا پہرہ دے، اگر وہ اس دوران مر جائے تو اسے شہید کااجر ملے گا۔
سعید بن جبیر رحمہ اللہ سے منقول احادیث میں یہ روایت غریب ہے، جس میں قیس متفرد ہے، اور (ابراہیم بن اسحاق کے علاوہ) عبداللہ بن مبارک رحمہ اللہ نے بھی قیس سے اس روایت کو نقل کیا ہے۔
اس کے بعد حافظ ابونعیم اصفہانی رحمہ اللہ عبد اللہ بن مبارک رحمہ اللہ کی سند تخریج کی، جس کامتن یہ ہے:
ابن عمر رضی اللہ عنہ سے مروی ہے (راوی فرماتے ہیں کہ میرا گمان ہے کہ ابن عمر رضی اللہ عنہ نے یہ کہا) کہ آپ ﷺ کا ارشاد ہے کہ بلاشبہ عورت حمل سے وضعِ حمل، پھر بچے کے دودھ چھڑانے تک اجر میں اس شخص کی طرح ہے، جو اسلامی سرحدوں کا پہرہ دے، اگر وہ عورت اس دوران مرجائے تو اسے شہید کا اجر ملتا ہے۔
یہ روایت ’’المنتخب من مسند عبد بن حمید‘‘[43] میں بھی تخریج کی گئی ہے، تمام سندیں، قیس بن الربیع پر مشترک ہوجاتی ہیں۔ واضح رہے کہ مسند عبد بن حُمید کی روایت کی سند یہ ہے: ’’یعمر بن بشر، ثنا ابن المبارک، أنا قیس بن الربیع، عن أبي هاشم...‘‘.
حافظ ابو نعیم اصفہانی رحمہ اللہ نے یہ حدیث دو سندوں سے نقل کی ہے، جس میں قیس بن ربیع سے دو راویوں نے حدیث نقل کی ہے: ابراہیم بن اسحاق اور عبد اللہ بن مبارک رحمہ اللہ ، قیس کے بعد سے آخر تک کی سند یہ ہے: أبي هاشم عن سعید بن جبیر، عن ابن عمر رضی اللہ عنہ مرفوعاً۔
۱- ’’علل الدَارَقُطنی‘‘[44]میں ہے:
’’فقال: یرویه قیس بن الربیع، واختلف عنه: فرواه ابن المبارک، عن قیس، عن أبي هاشم، عن سعید بن جبیر، عن ابن عمر، عن النبي صلى اﷲ علیه وسلم ، وغیره لا یرفعه، والموقوف أشبه‘‘.
یہ روایت قیس بن ربیع نے نقل کی ہے، اور ان کے بعد مختلف راوی اسے نقل کرنے والے ہیں: ابن مبارک نے قیس، انہوں نے ابی ہاشم، انہوں نے سعید بن جبیر رحمہ اللہ ، انہوں نے ابن عمر r ، انہوں نے آپ ﷺ سے یہ ارشاد نقل کیا ہے، اور ابن مبارک رحمہ اللہ کے علاوہ دوسروں نے اس روایت کو مرفوعاً (آپ ﷺ کا قول) نقل نہیں کیا، اور اس روایت کا موقوف(صحابی ــ رضی اللہ عنہ کا قول) ہونا ’’اشبہ‘‘ (قرینِ قیاس) ہے۔
آپ جان چکے ہیں کہ حدیثِ ابن ِعمر رضی اللہ عنہ کی سند میں موجود راوی قیس سے دو راویوں نے یہ حدیث نقل کی ہے: ابراہیم بن اسحاق اور عبد اللہ بن مبارک رحمہ اللہ ، قیس کے بعد سے آخر تک کی سند یہ ہے: ابی ہاشم عن سعید بن جبیر عن ابن عمر رضی اللہ عنہ ۔
امام دار قطنی رحمہ اللہ فرما رہے ہیں کہ ابراہیم نے قیس سے یہ روایت موقوفا ً نقل کی ہے، یعنی یہ روایت ابن عمر رضی اللہ عنہ کے حوالے سے نقل کی ہے، حضورﷺ کی جانب یہ ارشاد منسوب نہیں کیا، البتہ حضرت عبد اللہ بن مبارک رحمہ اللہ نے اسے ابن عمر رضی اللہ عنہ سے آگے بڑھ کر حضورﷺسے نقل کیا ہے،اور قرینِ قیاس یہی ہے کہ یہ روایت موقوف ہے، یعنی صرف حضرت عبد اللہ بن عمر رضی اللہ عنہ تک ثابت ہے۔
۲- حافظ ہیثمی رحمہ اللہ ’’مجمع الزوائد‘‘[45] میں لکھتے ہیں:
’’رواه الطبراني، وفیه: قیس بن الربیع، وثقه شعبة والثوري، وضعفه غیرهما وإسحاق بن إبراهیم الصبي لم أعرفه، وبقیة رجاله رجال الصحیح‘‘.
اسے طبرانی رحمہ اللہ نے نقل کیا ہے اور اس حدیث کی سند میں قیس بن ربیع ہے، شعبہ رحمہ اللہ اور ثوری رحمہ اللہ نے قیس کی توثیق کی ہے اور دوسروں نے تضعیف کی ہے، اور اسحاق بن ابراہیم صبی کو میں نہیں پہچانتا اور سند کے دیگر راوی رجال ِصحیح ہیں[46]۔
۳- حافظ بوصیری رحمہ اللہ ’’إتحاف الخیرة المهرة‘‘[47] میں مذکورہ روایتِ ابن عمر بحوالہ مسند عبدبن حمید اورسابقہ روایتِ ابن عباس بحوالہ: جبیر عن ابن عمر أراه عن النبی صلى الله عليه وسلمتخریج کرکے لکھتے ہیں:
’’قلت: أورد ابن الجوزي هذا المتن وما قبله في کتاب الموضوعات، من حدیث أبي هریرة وأنس، وقال: لا أصل لهذا الحدیث‘‘.
میں کہتا ہوں کہ ابن الجوزی رحمہ اللہ نے حضرت ابوہریرہ رضی اللہ عنہ اور حضرت انس بن مالک رضی اللہ عنہ سے یہ متن ’’کتاب الموضوعات‘‘ میں نقل کیا ہے، اور فرمایا ہے کہ اس کی اصل نہیں ہے۔
حافظ بوصیری رحمہ اللہ یہ فرما رہے ہیں کہ یہ روایت اگرچہ ابن عمر رضی اللہ عنہ سے مروی ہے، لیکن اس حدیث کا متن حافظ ابن جوزی رحمہ اللہ نے حضرت ابوہریرہ رضی اللہ عنہ اور حضرت انس بن مالک رضی اللہ عنہ سے نقل کرکے ،اسے بے اصل کہا ہے۔
واضح رہے کہ زیرِ بحث روایتِ ابن ِ عمر رضی اللہ عنہ اور اس کے مقابلے میں حضرت ابوہریرہ رضی اللہ عنہ اور حضرت انس بن مالک رضی اللہ عنہ سے منقول متن ایک حد تک مختلف ہے، تینوں متون پہلے گزر چکے ہیں ،آپ دوبارہ ملاحظہ فرمائیں،متون کا یہ معتد بہ فرق ہماری یہ رہنمائی کرتا ہے کہ دونوں متون کا حکم یکساں ہونا ضروری نہیں ہے، اس بارے میں مزید تفصیل آپ آگے ملاحظہ فرمائیں گے،ان شاء اللہ۔
مناسب معلوم ہوتا ہے کہ قیس بن ربیع کے بارے میں ائمہ کے اقوال لکھے جائیں، تاکہ حدیث کا حکم سمجھنے میں آسانی ہو:
حافظ ابن حجر رحمہ اللہ لکھتے ہیں: ’’صدوق تغیّر لما کبر، وأدخل علیه ابنه ما لیس من حدیثه فحدث به‘‘[48].
قیس صدوق(تعدیل) ہے، بڑی عمر میں حافظہ میں تبدیلی آگئی تھی، اور ان کے بیٹے نے ان پر ایسی حدیثیں داخل کردی تھیں، جو اُن کی حدیثوں میں سے نہیں، پھر وہ اسے بیان کرتے تھے۔
حافظ ذہبی رحمہ اللہ فرماتے ہیں: ’’کان شعبة یثني علیه، وقال ابن معین: لیس بشيء، وقال أبوحاتم: لیس بقوي ومحله الصدق، وقال ابن عدي عامة روایاته مستقیمة‘‘[49].
شعبہ رحمہ اللہ نے قیس کی تعریف کی ہے، اور ابن معین رحمہ اللہ نے قیس کو ’’لیس بشیء‘‘ (جرح) اور ابوحاتم رحمہ اللہ نے ’’لیس بقوی‘‘اور ’’ومحله الصدق‘‘ کہا ہے، اور ابن عدی رحمہ اللہ فرماتے ہیں کہ اس کی اکثر روایتیں مستقیم(درست) ہیں۔
حدیثِ ابن عمر رضی اللہ عنہ کے بارے میں امام دار قطنی رحمہ اللہ اور حافظ ہیثمی رحمہ اللہ کا کلام آپ کے سامنے آچکا ہے،ان دونوں ائمہ کے نزدیک یہ حدیث ثابت ہے، نیز سند کے احوال بھی آپ دیکھ چکے ہیں کہ اس میں کوئی ایسا راوی نہیں ہے، جس کی وجہ سے سند غیر معتبر کہلائے، یہی وجہ ہے کہ امام دار قطنی رحمہ اللہ اور حافظ ہیثمی رحمہ اللہ اس روایت کے ثبوت کی جانب مائل ہوئے ہیں ،البتہ دار قطنی رحمہ اللہ نے کہا ہے کہ قرینِ قیاس یہ ہے کہ یہ روایت موقوف ہے،یعنی صرف عبد اللہ بن عمر رضی اللہ عنہ سے ثابت ہے،اور محدثین کی تصریحات کے مطابق اس مضمون پر مشتمل روایت حکماً مرفوع(آپ ﷺ کا قول) کہلاتی ہے۔بہرحال یہ حدیث کم از کم موقوفاً ثابت ہے(جو حکماً مرفوع ہے)؛ اس لئے حافظ بوصیری رحمہ اللہ کا حدیثِ ابن عمر رضی اللہ عنہ نقل کرکے یہ کہنا کہ اس متن کو حافظ ابن جوزی رحمہ اللہ نے بحوالہ حضرت انس بن مالک رضی اللہ عنہ اور حضرت ابو ہریرہ رضی اللہ عنہ بے اصل کہا ہے،یہ درست نہیں ہے، کیونکہ حدیثِ ابن عمر رضی اللہ عنہ ان تمام علتوں سے یکسر خالی ہے، جن پر حدیثِ حضرت انس بن مالک رضی اللہ عنہ اور حضرت ابو ہریرہ رضی اللہ عنہ مشتمل ہے، تفصیل ما قبل میں آچکی ہے،خصوصاً حافظ دار قطنی رحمہ اللہ اور حافظ ہیثمی رحمہ اللہ کے اعتماد کے بعد حدیثِ ابن عمر رضی اللہ عنہ کے ثبوت میں کوئی شبہ نہیں ہے،چنانچہ یہ روایت ِ ابن عمر رضی اللہ عنہ موقوفا ًبیان کرنا درست ہے (جو کہ حکما ًمرفوع ،یعنی آپ ﷺکا قول ہے)۔
’’حدیثِ ابن عمر رضی اللہ عنہ کامتن یہ ہے:
’’عورت حمل سے وضعِ حمل (پھر) بچے کے دودھ چھڑانے تک اس شخص کی طرح ہے، جو اللہ کے راستے میں اس کی سرحدوں کا پہرہ دے، اگر وہ اس دوران مرجائے تو اسے شہید کااجر ملے گا‘‘۔
حدیثِ ابن عمر رضی اللہ عنہ کے مقابلے میں حضرت انس ابن مالک رضی اللہ عنہ ، حضرت ابو ہریرہ رضی اللہ عنہ ، حضرت عبد الرحمن بن عوف رضی اللہ عنہ ، اور حضرت ابن عباس رضی اللہ عنہ کی مختلف سندوں سے جو مضامین مروی ہیں ،وہ تمام سنداً ثابت نہیں ہیں،بلکہ من گھڑت ہیں، اس لئے رسول اللہ ﷺ کے انتساب سے یہ مضامین بیان کرتا درست نہیں ہیں، مضامین یہ ہیں:
۱- حاملہ کو(بعض سندوں میں ہے کہ جس حاملہ سے خاوند رضامند ہو) روزے دار، نماز پڑھنے والے،خشوع کرنے والے،مطیع ،اور مجاہد فی سبیل اللہ کا اجر ملتا ہے۔
۲- دردِ زِہ پر اسے ایسا اجر ملتا ہے،جسے مخلوق میں کوئی نہیں جانتا۔
۳- دودھ کے ہر گھونٹ کے بدلے نیکی(بعض روایتوں میں ایک جان زندہ کرنے) کا اجر ملتا ہے۔
۴- وضعِ حمل سے سب گناہ معاف ہو جاتے ہیں۔
۵- اگر رات کو بچے کی وجہ سے جاگنا پڑ گیا،تو ستر غلام اللہ کی راہ میں آزاد کرنے کا اجر ملتا ہے۔
حوالہ جات
[1] المعجم الأوسط:7/20،رقم:6733،دار الحرمين ـ القاهرة، الطبعة1415هـ .
[2] معرفة الصحابة:سلامة حاضنة إبراهيم،1/3358،رقم:7686،ت: عادل بن يوسف،دار الوطن ـ الرياض،الطبعة الأولى1419هـ .
[3] تاريخ دمشق:عمار بن نصير بن ميسرة:43/347،ت:محب الدين أبي سعيد عمر بن غرامة العمروي، دار الفكر ـ بيروت،الطبعة الأولى1417هـ .
[4] کتاب الموضوعات:2/274،ت:عبد الرحمن محمد عثمان،المکتبة السلفية ـ المدینة المنورة،الطبعة الأولى ۱۳۸۶هـ .
[5] التلخيص:ص:234،رقم:599،ت:عبد الرحمن محمد عثمان،المکتبة السلفية ـ المدینة المنورة، الطبعة الأولى۱۳۸۶هـ .
[6] اللآلئ المصنوعة:2/148،ت:محمد عبد المنعم رابح،دار الكتب العلمية ـ بيروت،الطبعة الثانية1428هـ .
[7] الفوائد المجموعة:كتاب النكاح:133،رقم:45،ت:عبد الرحمن بن يحيى،دار الكتب العلمية ـ بيروت، الطبعة ۱۴۱۶هـ .
[8] تنزيه الشريعة:كتاب النكاح،الفصل الأول:2/204،رقم:21،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[9]واضح رہے کہ ’’أسد الغابة‘‘ اور ’’معرفة الصحابة‘‘ میں سلامہ کے نام سے ترجمہ موجود ہے۔
[10] مجمع الزوائد:كتاب النكاح:4/560،رقم:7729،ت:الشيخ عبد الله الدرويش،دار الفكر ـ بيروت، الطبعة الأولى۱۴۲۵هـ .
[11] المجروحين:عمرو ين سعيد الخولاني:2/68،ت:محمود إبراهيم زايد,دار المعرفة ـ بيروت .
[12] الضعفاء الكبير:عمرو بن سعيد الخولاني:3/272،ت:عبد المعطی أمین قلعجی،دار الکتب العلمية ـ بيروت .
[13] ميزان الاعتدال: عمرو بن سعيد الخولاني:3/261،رقم:6372،ت:علي محمد البجاوي،دار المعرفة ـ بيروت .
[14] اللآلئ المصنوعة:2/148،ت:محمد عبد المنعم رابح،دار الكتب العلمية ـ بيروت،الطبعة الثانية 1428هـ .
[15] الفوائد المجموعة:كتاب النكاح:133،رقم:45،ت:عبد الرحمن بن يحيى،دار الكتب العلمية ـ بيروت، الطبعة ۱۴۱۶هـ .
[16] كذا في ’’الفوائد المجموعة‘‘ والصحيح’’نصير‘‘.
[17] الكامل في الضعفاء:الحسن بن محمد أبو محمد البلخي القاضي مرو:3/165،رقم:454،ت:عادل أحمد عبد الموجود وعلي محمد معوض،دار الكتب العلمية ـ بيروت،الطبعة الأولى1418هـ .
[18] المجروحين:1/238،ت:محمود إبراهيم زايد,دار المعرفة ـ بيروت .
[19] الكامل في الضعفاء:الحسن بن محمد أبو محمد البلخي القاضي مرو:3/165،رقم:454،ت:عادل أحمد عبد الموجود وعلي محمد معوض،دار الكتب العلمية ـ بيروت،الطبعة الأولى1418هـ .
[20] المجروحين:1/238،ت:محمود إبراهيم زايد,دار المعرفة ـ بيروت .
[21] کتاب الموضوعات:2/274،ت:عبد الرحمن محمد عثمان،المکتبة السلفية ـ المدینة المنورة،الطبعة الأولى ۱۳۸۶هـ .
[22] تنزيه الشريعة:كتاب النكاح،الفصل الأول:2/211،رقم:37،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[23] الفوائد المجموعة:كتاب النكاح:133،رقم:45،ت:عبد الرحمن بن يحيى،دار الكتب العلمية ـ بيروت، الطبعة ۱۴۱۶هـ .
[24] المجروحين:1/238،ت:محمود إبراهيم زايد,دار المعرفة ـ بيروت .
[25] تاريخ الإسلام:5/224،رقم:4906،ت:مصطفى عبد القادر عطا،دار الكتب العلمية ـ بيروت،الطبعة الأولى 2005ء .
[26] الكامل في الضعفاء:الحسن بن محمد أبو محمد البلخي القاضي مرو:3/165،رقم:454،ت:عادل أحمد عبد الموجود وعلي محمد معوض،دار الكتب العلمية ـ بيروت،الطبعة الأولى1418هـ .
[27] لسان المیزان:3/111،رقم:2383،ت:شيخ عبد الفتاح أبو غدة،دار البشائر الإسلامية ـ بيروت،الطبعة الأولى1423هـ .
[28] كنزالعمال:كتاب النكاح:قسم الأول:16/171،رقم:45152،ت:محمود عمر الدمياطي،دار الكتب العلمية ـ بيروت،الطبعة الثانية1424هـ .
[29] تنزيه الشريعة: الفصل الثاني،كتاب النكاح:2/211،رقم:37،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[30] ميزان الاعتدال:2/605،رقم:5030،ت:علي محمد البجاوي،دار المعرفة ـ بيروت .
[31] کتاب الموضوعات:2/270،ت:عبد الرحمن محمد عثمان،المکتبة السلفية ـ المدینة المنورة،الطبعة الأولى ۱۳۸۶هـ .
[32] کتاب الموضوعات:2/270،ت:عبد الرحمن محمد عثمان،المکتبة السلفية ـ المدینة المنورة،الطبعة الأولى ۱۳۸۶هـ .
[33] المعجم الأوسط:7/302،رقم:5377،دار الحرمين ـ القاهرة، الطبعة1415هـ .
[34] تنزيه الشريعة:كتاب النكاح: الفصل الثاني،2/204،رقم:20،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت،الطبعة الثانية۱۴۰۱هـ .
[35] الفوائد المجموعة:كتاب النكاح:127،رقم:29،ت:عبد الرحمن بن يحيى،دار الكتب العلمية ـ بيروت، الطبعة ۱۴۱۶هـ .
[36] ميزان الاعتدال:2/94،رقم:2967،ت:علي محمد البجاوي،دار المعرفة ـ بيروت .
[37] مسند أبي يعلى:4/345،رقم:2460،ت:حسين سليم أسد،دار الثقافة العربية ـ بيروت .
[38] إتحاف الخيرة المهرة:باب ثواب المرأة إذا حملتْ ووضعت:4/65،رقم:3179،ت:أبو تميم ياسر بن إبراهيم،دار الوطن للشر ـ الرياض،الطبعة الأولى1420هـ .
[39] ميزان الاعتدال:1/546،رقم:2043،ت:علي محمد البجاوي،دار المعرفة ـ بيروت .
[40] التقريب:ص:168،رقم:1342،ت:محمد عوامة،دار الرشيد ـ سؤريا،الطبعة الرابعة1418هـ .
[41] الكاشف:3/212،رقم:5996،ت:عزت علي عيد عطية وموسى محمد علي الموشي،دار الكتب الحديثية ـ القاهرة،الطبعة الأولى1392هـ .
[42] حلية الأولياء:4/298،دار الكتب العلمية ـ بيروت .
[43] المنتخب من مسند عبد بن حميد:ص:255،رقم:801 ،عالم الكتب ـ بيروت،الطبعة الأولى1408هـ .
[44] علل الدار قطني:12/277،رقم:2804،دار ابن الجوزي ـ رياض،الطبعة الأولى۱۴۲۷هـ .
[45] مجمع الزوائد:كتاب النكاح:4/560،رقم:7630،ت:الشيخ عبد الله الدرويش،دار الفكر ـ بيروت، الطبعة الأولى۱۴۲۵هـ .
[46] واضح رہے کہ طبرانی کی مذکورہ روایت مجھے معاجم ثلاثہ میں نہیں ملی، البتہ ’’حلیۃ الاولیاء‘‘ کی مذکورہ روایت سلیمان بن احمد الطبرانی سے مروی ہے، جس میں راوی کا نام ابراہیم بن اسحاق الصینی ہے، حالانکہ حافظ ہیثمی رحمہ اللہ نے طبرانی رحمہ اللہ کی مذکورہ روایت میں ابراہیم بن اسحاق الصبی لکھا ہے، بظاہر یہاں نام میں تقدیم وتاخیر ہوگئی ہے، اور ’’حلیۃ‘‘ کی سند کے مطابق یہ نام ابراہیم بن اسحاق الصینی ہے، یہ بھی واضح رہے کہ اسحاق بن ابراہیم الصینی اور اسحاق بن ابراہیم الضبی کا ترجمہ حافظ ذہبی رحمہ اللہ نے ’’میزان الاعتدال‘‘ میں علیدہ علیدہ نقل کیا ہے، ملاحظہ ہو:
’’إبراهيم بن إسحاق الصِيْنِي عن مالك وغيره، قال الدارقطني: متروك الحديث. قلت: تفرد عن قيس بن الربيع، عن الأسود بن قيس، عن أبيه، عن عمر...‘‘. إبراهيم بن إسحاق الضيى الكوفي، قال الأزدي: يتكلمون فيه [زائغ عن القصد]۔(ميزان الاعتدال:1/18،رقم:31) .
البتہ حافظ ابن حجر عسقلانی رحمہ اللہ نے ’’لسان المیزان‘‘ میں دونوں ناموں کا مصداق ایک ہی قرار دیا ہے، اور لکھا ہے کہ صینی کا لفظ ضبی سے مصحف ہوگیا ہے، ملاحظہ ہو:’’وعندي أنه الذي قبله، تصحف الصيني بالضبي‘‘ میرے نزدیک یہ وہی ہے جس کا تذکرہ پہلے ہوچکا ہے، صینی کا لفظ تبدیل ہوکر ضبی بن گیا ہے (لسان:1/236،رقم:48)۔ بہر حال عبد اللہ ابن المبارک رحمہ اللہ نے قیس بن الربیع سے نقل روایت میں ابراہیم بن اسحاق کی متابعت کی ہے، اس لئے مذکورہ متن کے ابراہیم بن اسحاق کی وجہ سے معلول ہونے کی تلافی ہوجاتی ہے۔
[47] إتحاف الخيرة المهرة:باب ثواب المرأة إذا حملتْ ووضعت:4/65،رقم:3179،ت:أبو تميم ياسر بن إبراهيم،دار الوطن للشر ـ الرياض،الطبعة الأولى1420هـ .
[48] التقريب:ص:۴۵۷،رقم:۵۵۷۳،ت:محمد عوامة،دار الرشيد ـ سؤريا،الطبعة الرابعة1418هـ .
[49] الكاشف:۲/۴۰۴،رقم:۴۶۶۶،ت:عزت علي عيد عطية وموسى محمد علي الموشي،دار الكتب الحديثية ـ القاهرة،الطبعة الأولى1392هـ .