الحسن بن محمد ابومحمد البلخی قاضی مرو

ابن حبانl فرماتے ہیں:

’’شیخ، یروي عن حمید الطویل وعوف الأعرابي الأشیاء الموضوعة، و(عن) غیرهما من الثقات الأحادیث المقلوبة، لا یجوز الاحتجاج به ولا الروایة عنه بحال...‘‘[24].

’’یہ شیخ حمید طویل اور عوف اعرابی سے من گھڑت روایتیں نقل کرتا تھا، اور ان دونوں کے علاوہ دیگر ثقات سے تبدیل کی ہوئی حدیثیں نقل کرتا تھا، اس سے احتجاج کرنا اور اس سے روایت نقل کرنا بہر صورت جائز نہیں ہے۔۔۔‘‘۔

حافظ ذہبیl فرماتے ہیں کہ یہ’’ متروک الحدیث‘‘ (صیغہ جرح) ہے[25]۔

ابن عدیl فرماتے ہیں کہ اس کی ساری حدیثیں مناکیر ہیں[26]۔

حافظ ابن حجرl فرماتے ہیں:

’’وقد غفل ابن حبان فذکره في الثقات، وذکره العقیلي فقال: منکر الحدیث... وقال أبوسعید النقاش: حدث عن حمید عن أنس أحادیث موضوعة...‘‘[27].

’’ابن حبان l نے غفلت سے حسن بن محمد بلخی کو ثقات میں ذکر کردیا ہے، اور عقیلیl نے اس کا ذکر کرتے ہوئے کہا کہ وہ ’’منکر الحدیث‘‘ (صیغہ جرح) ہے۔۔۔  اور ابوسعید نقاشl نے کہا کہ وہ حمید عن انسr کی سند سے من گھڑت روایتیں نقل کرتا تھا۔۔۔‘‘.

حافظ ابن حجرl فرماتے ہیں کہ حافظ ابن حبانl سے تسامح ہوا ہے؛ کیونکہ ابن حبانl نے حسن بلخی کو ’’مجروحین‘‘ میں بھی ذکر کیا ہے، جیسا کہ پہلے گزر چکا ہے، اور پھر حسن بلخی کو ’’ثقات‘‘ میں بھی ذکر کر دیا۔