ضِرار بن سہل ضراری اور ابو قاسم عبد اللہ بن احمد بن محمد تمیمی غَباغِبی

حافظ خطیب بغدادی l ’’تاريخ بغداد‘‘[14] میں زیر بحث روایت کو منکر قرار دینے  کے بعد فرماتے ہیں:’’وهما جميعا مجهولان‘‘. اور وہ دونوں ( سند میں موجود راوی ضرار اور غباغبی) مجہول راوی ہیں۔

حافظ ابن عساکر l نے ’’تاريخ دمشق‘‘[15] میں، حافظ ابن جوزی l نے ’’كتاب الموضوعات‘‘[16] میں، حافظ ابن حجر عسقلانی l نے ’’لسان المیزان‘‘[17] میں، حافظ سیوطی l نے ’’اللآلئ المصنوعة‘‘[18] میں حافظ خطیب بغدادی l کے قول پر اعتماد کیا ہے۔

نیز حافظ ابن عساکر l نے ’’تاريخ دمشق‘‘[19] میں ایک حدیث کے تحت غباغبی کو ’’غير ثقة‘‘ کہا ہے۔

علامہ مؤرخ یاقوت رومی حمویl ’’معجم البلدان‘‘[20] میں غباغبی کے بارے میں فرماتے ہیں: ’’ وكان كذابا‘‘. اور یہ جھوٹا تھا۔

حافظ ذہبی l ’’تلخيص الموضوعات‘‘[21] میں زیر بحث روایت کے تحت ضِرار بن سہل کے بارے میں فرماتے ہیں:’’وهو مجهول، فلعله من وضعه‘‘. ضِرار مجہول ہے، شاید یہی اس روایت کو گھڑنے والا ہے۔

حافظ ذہبی l ’’میزان الاعتدال‘‘[22] میں ضِرار بن سہل کے ترجمہ میں فرماتے ہیں: ’’ولا يدرى من ذا الحيوان‘‘. معلوم نہیں کہ یہ حیوان کون ہے۔

اس کے بعد حافظ ذہبی l زیرِ بحث روایت نقل کرکے عبد اللہ بن احمد غَباغِبی کے بارے میں فرماتے ہیں: ’’أحد المجهولين‘‘. یہ مجہول راویوں میں سے ایک ہے۔

علامہ ابن عراقl ’’تنزيه الشريعة‘‘[23] میں ضِرار بن سہل کو وضاعین ومتہمین کی فہرست میں شمار کرکے فرماتے ہیں: ’’عن الحسن بن عرفة بخبر باطل، ولا يدرى من ذا الحيوان‘‘. ضِرار نے حسن بن عرفہ کے انتساب سے ایک باطل خبر روایت کی ہے، معلوم نہیں کہ یہ حیوان کون ہے۔