اسحاق بن نَجِیح مَلَطِی

امام علی بن مدینی l سے منقول ہے: ’’روى عجائب، وضعفه‘‘ [72]. یہ عجائبات نقل کرتا ہے، نیز علی بن مدینی l نے اس کی تضعیف بھی کی ہے۔

امام بخاری l فرماتے ہیں: ’’منكر الحديث‘‘[73].

امام مسلم l فرماتے ہیں: ’’متروك الحديث‘‘[74].

امام احمد بن حنبل l فرماتے ہیں: ’’إسحاق بن نجيح المَلَطِي من أكذب الناس...‘‘[75] .اسحاق بن نَجِیح اکذب الناس میں سے ہے۔۔۔ ‘‘۔

امام یحیی بن معین l فرماتے ہیں: ’’ كذاب، عدوالله‘‘[76]. یہ جھوٹا، اللہ کا دشمن ہے۔

امام ابراہیم بن یعقوب جوزجانی l فرماتے ہیں: ’’غير ثقة، ولا من أوعية الأمانة‘‘[77] .

امام نسائیl فرماتے ہیں: ’’متروك الحديث ‘‘[78].

حافظ  دار قطنی l فرماتے ہیں: ’’متروك‘‘[79].

امام حاکم l فرماتے ہیں: ’’حدث ببغداد عن يحيى بن أبي كثير وابن جريج وأقرانهما من الأئمة بأحاديث موضوعة‘‘ [80].اسحاق بن نجیح نے بغداد میں یحیی بن ابی کثیر، ابن جریج اور ان کے ہم عصر ائمہ کے انتساب سے من گھڑت احادیث بیان کی ہیں۔

حافظ ابن عدی l فرماتے ہیں: ’’وهذه الأحاديث التي ذكرتها مع سائر الروايات عند إسحاق بن نجيح عمن روي عنه، فكلها موضوعات، وضعها هو، وعامة ما أتى عن ابن جريج، فكل منكر، ووضعه عليه ... وإسحاق بن نجيح بين الأمر في الضعفاء، وهو ممن يضع الحديث‘‘[81].

یہ تمام حدیثیں جو میں نے ذکر کیں اور دیگر تمام روایات جو اسحاق بن نجیح کسی سے بھی نقل کرےوہ سب کی سب من گھڑت ہیں، ان روایتوں کو گھڑنے والا وہی ہے، اور ابن جریج سے اکثر جو یہ روایت کرتا ہے وہ سب منکر ہیں، اور اس نے ابن جریج پر گھڑا ہے۔۔۔ اور اسحاق بن نجیح کا معاملہ ضعفاء میں بالکل واضح ہے، اور یہ ان لوگوں میں سے ہے جو احادیث گھڑتے ہیں۔

امام ابواحمدحاکم l فرماتے ہیں: ’’منكر الحديث‘‘[82].

حافظ ابو سعید نقاش l فرماتے ہیں: ’’مشهور بوضع الحديث‘‘[83]. یہ احادیث گھڑنے میں شہرت یافتہ ہے۔

حافظ ابن طاہر l کہتے ہیں: ’’دجال، كذاب‘‘[84].

حافظ ابن جوزی l فرماتے ہیں: ’’أجمعوا على أنه كان يضع الحديث‘‘[85]. محدثین کا اس پر اجماع ہے کہ یہ حدیثیں گھڑتا تھا۔

حافظ ذہبی l فرماتے ہیں : ’’الملطي عن ابن جريج وغيره، كذاب‘‘[86]. اسحاق بن نَجِیح ملطی ابن جریج وغیرہ سے نقل کرتا ہے، کذاب ہے۔

حافظ ذہبی l ایک دوسرے مقام پر فرماتے ہیں : ’’معروف بالوضع‘‘[87]. یہ حدیث گھڑنے میں معروف ہے۔

حافظ ابن حجر l فرماتے ہیں: ’’ كذبوه‘‘[88]. محدثین نے اسے کذاب کہا ہے۔

حضرت ابو ہریرہ رضی اللہ عنہ کے مذکورہ مرفوع طریق میں موجود اسحاق بن نَجِیح کے بارے میں ائمہ رجال کے اقوال آپ کے سامنے آچکے ہیں،اِن اقوال سے ہی بخوبی اندازہ لگایا جاسکتا ہے کہ مذکورہ مرفوع روایتِ ابو ہریرہ رضی اللہ عنہ ساقط الاعتبار اور ناقابلِ بیان ہے،بہر حال مذکورہ مرفوع روایتِ ابو ہریرہ رضی اللہ عنہ کے بارے میں محدثینِ کرام کے صریح اقوال آپ آئندہ ملاحظہ فرمائیں گے۔

اسی روایتِ ابو ہریرہ رضی اللہ عنہ مرفوعاً میں ایک دوسرے راوی عثمان بن عبد اللہ کے بارے میں ائمہ رجال کے اقوال کا جاننا بھی ضروری ہے،ذیل میں انھیں اقوال کو لکھا جاتا ہے: