ابو جعفر احمد بن ہارون بن موسی بلدی

حافظ ابن عدی l’’الكامل‘‘[52] میں احمد بن ہارون کے بارے میں فرماتے ہیں: ’’ كان يقرئ في جامع حران، كان يخرج لنا نسخا لشيوخ الجزيرة المتقدمين مثل عبد الكريم، وخُصَيْف، وسالم الأفطس، وعبد الوهاب بن بُخْت وغيرهم عن شيوخ له نسخ موضوعة مناكير، ليس عند أحد منها شيء، كنا نتهمه بوضعها، وسمعت أبا عروبة يقول: يتهم هذا الرجل بوضع هذه النسخ، وكان يضعفه‘‘.

یہ جامع حران میں پڑھاتا تھا، مقام جزیرہ کے متقدمین شیوخ کے نسخے ہمارے لئے نکالتا تھا، جیسے: عبد الکریم، خُصَیْف، سالم افطس، عبد الوہاب بن بُخْت، اور ان کے علاوہ ان کے شیوخ کے حوالے سے اس کے پاس من گھڑت، منکر نسخے تھے، جبکہ ان شیوخ میں سے کسی ایک سے بھی ان مرویات میں سے کچھ نہیں ہے، ہم ان نسخوں کے گھڑنے میں اس کو متہم سمجھتے ہیں، اور میں (ابن عدیl) نے ابو عروبہ کو یہ فرماتے ہوئے سنا: یہ شخص (احمد بن ہارون) ان نسخوں کے گھڑنے میں متہم ہے اور وہ اس کو ضعیف قرار دیتے تھے۔

حافظ ابن جوزیl نے ’’الضعفاء‘‘[53] میں، حافظ ذہبی l نے ’’ميزان الاعتدال‘‘[54] ، ’’ديوان‘‘[55] اور ’’المغني‘‘[56] میں اور علامہ سبط ابن عجمیl نے ’’الكشف الحثيث‘‘[57] میں حافظ ابن عدی l کے قول کو نقل کرنےپر اکتفاء کیا ہے۔

نیز حافظ ابن عدی l’’الكامل‘‘[58] میں احمد بن ہارون کی چند احادیث تخریج کرنے کے بعد مزید فرماتے ہیں: ’’وهذه الأحاديث التي ذكرتها مع أحاديث أخرى له ونسخ موضوعة لم أذكرها لكثرتها عندي، وهو بين الأمر في الضعف، وكان يخرج إلينا تصانيف، وحديثا من نسخ الخراسانيين، مثل سالم الأفطس وغيرهم عجائب‘‘. اور یہ احادیث جو میں نے ذکر کی ہیں ان کے علاوہ بھی میرے پاس اس کی احادیث اور گھڑے ہوئے نسخے ہیں جن کو میں نے کثرت کی وجہ سے ذکر نہیں کیا ہے، اور ضعف میں اس کا معاملہ واضح ہے، اور یہ ہمارے پاس تصانیف اور خراسانیین کی حدیث کے نسخے لاتا تھا، جیسے: سالم افطس وغیرہ کے عجائب۔

حافظ ابن حجر عسقلانی  l نے ’’لسان المیزان‘‘[59] میں حافظ ابن عدی l کے اس کلام پر اعتماد کیا ہے۔

حافظ ذہبیl نے ’’المغني‘‘[60] میں احمد بن ہارون کو ’’ كذاب، متهم‘‘ کہا ہے۔

علامہ ابن عراق l ’’تنزيه الشريعه‘‘[61] میں احمد بن ہارون کو وضاعین ومتہمین کی فہرست میں شمار کرکے فرماتے ہیں: ’’ كذاب، متهم بوضع الحديث‘‘. کذاب ہے، حدیث گھڑنے میں متہم ہے۔