جمعہ کا حج ”حج اکبر “ سے مشہور ہے، یہ محض بے اصل ہے، البتہ حج یومِ جمعہ کی فضیلت کا انکار نہیں۔

”۔۔۔ عوام الناس میں جمعہ کے روز کے حج  کا  لقب   ”حج اکبر “  مشہور ہے، سو یہ شریعت میں لفظی تحریف کرنا ہے، کیونکہ اطلاقاتِ شرعیہ میں ”حج اکبر“  مطلق حج کو کہتے ہیں، اس عمرہ سے ممتاز کرنے کےلئے جس کو  ”حج اصغر“ کہتے ہیں، اور قرآن مجید میں جو شروع سورۂ براءت میں (يوم الحج الأكبر) آیا ہے وہاں یہی تفسیر ہے، اب اس اصطلاحِ مخترع سے  احتمال ہے تفسیر میں غلطی کا، اور عوام اس کے اہتمام میں بہت غلو کر تے ہیں، یہ شریعت میں تحریفِ معنوی یعنی بدعت ہے، البتہ حج یومِ جمعہ کی فضیلت کا انکار نہیں، ایک بڑی فضیلت یہی ہے کہ حضور ﷺ کا حج جمعہ کے روز واقع  ہوا  تھا،  مگر  عوام  کی زیادات، یہ محض  بے  اصل  ہیں “[1]۔