’’من صلى خلف عالم تقي فكأنماصلى خلف نبي‘‘.جس نے متقی عالم کےپیچھےنماز پڑھی گویا اس نےنبی کے پیچھے نماز پڑھی۔

علامہ شامیl رحمہ اللہ  ’’حاشية ابن عابدين‘‘ [1] میں لکھتے ہیں:

’’قوله: (نال فضل الجماعة) أفاد أن الصلاة خلفهما أولى من الانفراد، لكن لا ينال كما ينال خلف تقي ورع لحديث: من صلى خلف عالم تقي فكأنما صلى خلف نبي. قال في الحلية: ولم يجده المخرجون، نعم أخرج الحاكم في مستدركه مرفوعا: إن سركم أن يقبل الله صلاتكم فليؤمكم خياركم، فإنهم وفدكم فيما بينكم وبين ربكم اهـ‘‘.

قولہ(جماعت کی فضیلت پالے گا) اس سےیہ مستفیدہوتاہے کہ ان دونوں(فاسق اوربدعتی)کےپیچھےنمازپڑھنا بنسبت اکیلےنماز پڑھنے کےاولی ہے،لیکن اس حدیث کی وجہ سےایسی فضیلت نہیں پائے گاجس طرح متقی کےپیچھےنماز پڑھنےسےحاصل ہوتی ہے،کیونکہ حدیث میں ہے:جس نےمتقی عالم کےپیچھےنمازپڑھی گویا اس نےنبی کےپیچھےنماز پڑھی۔’’حلیہ‘‘ میں ہے: اورتخریج کرنےوالےاس کونہیں پاسکے۔

البتہ حاکمl رحمہ اللہ  نےاپنی ’’مستدرک‘‘ میں ایک روایت مرفوعاًتخریج کی ہے:اگرتمہیں اس سےخوشی ہو کہ اللہ تعالی تمہاری نمازکوقبول کرے تو تم اپنا امام اس کوبناؤ جوتم میں سب سے بہتر ہو، اس لئے کہ ائمہ تمہارےاور تمہارے رب کےدرمیان وفد ہیں۔

علامہ بدرالدین عینیl رحمہ اللہ  ’’البناية‘‘ [4] میں لکھتے ہیں:

’’م [أي متن]:(لقوله عليه السلام: من صلى خلف عالم تقي فكأنما صلى خلف نبي).ش [أي شرح]: هذالحديث غريب، ليس في كتب الحديث‘‘.

’’جس نے متقی عالم کےپیچھےنماز پڑھی گویا اس نےنبی کے پیچھے نماز پڑھی‘‘ ۔یہ حدیث غریب ہے،احادیث کی کتب میں نہیں ہے۔

حافظ سخاویl رحمہ اللہ  ’’المقاصدالحسنه‘‘ [5] میں لکھتے ہیں:

’’وماوقع في الهداية للحنفية بلفظ: من صلى خلف عالم تقي فكأنما صلى خلف نبي. فلم أقف عليه بهذا اللفظ‘‘. اور جو روایت حنفیہ کی ہدایہ میں ان الفاظ کےساتھ ہے:جس نے متقی عالم کےپیچھےنماز پڑھی گویا اس نےنبی کے پیچھے نماز پڑھی۔میں اس حدیث پر ان الفاظ کے ساتھ واقف نہیں ہوسکا ہوں۔

علامہ عجلونی l رحمہ اللہ  نے’’كشف الخفاء‘‘[6] میں،علامہ پٹنیl رحمہ اللہ  نے ’’تذكرة الموضوعات‘‘[7] میں، اورعلامہ نجم الدین غزّی l رحمہ اللہ  نے’’إتقان مايحسن‘‘[8]  میں حافظ سخاوی l رحمہ اللہ  کےکلام کو نقل کرنے پر اکتفاء کیا ہے۔

ملا علی قاریl رحمہ اللہ  ’’فتح باب العناية‘‘ [9] میں لکھتے ہیں:

’’وأما قول صاحب الهداية لقوله عليه السلام: من صلى خلف عالم تقي فكأنما صلى خلف نبي. فغير معروف‘‘. اور صاحبِ ہدایہ کا یہ قول کہ آپﷺ کا فرمان ہےجس نے متقی عالم کےپیچھےنماز پڑھی گویا اس نےنبی کے پیچھے نماز پڑھی۔یہ روایت غیر معروف ہے۔

علامہ لکھنویl رحمہ اللہ  ’’عمدةالرعاية‘‘[14] میں لکھتے ہیں:

’’وهذا الكلام من القاري أفاد فائدة حسنة، وهي أن الكتب الفقهية وإن كانت معتبرة في أنفسها بحسب المسائل الفرعية، وكان مصنفوها أيضا من المعتبرين، والفقهاء الكاملين لا يعتمد على الأحاديث المنقولة فيها اعتمادا كليا، ولا يجزم بورودها وثبوتها قطعا لمجرد وقوعها فيها، فكم من أحاديث ذكرت في الكتب المعتبرة وهي موضوعة ومختلقة، كحديث: لسان أهل الجنة العربية والفارسية الدَرِّيَّة، وحديث: من صلى خلف عالم تقي فكأنما صلى خلف نبي، وحديث: علماء أمتي كأنبياء بني إسرائيل إلى غير ذلك‘‘.

اورملاعلی قاریl رحمہ اللہ  کےاس کلام سےبہت عمدہ فائدہ حاصل ہوتاہے اوروہ یہ ہے کہ فقہ کی کتب، مسائل فرعیہ کےاعتبارسے اگرچہ بذات خودمعتبرہیں اور ان کے مصنفین حضرات بھی معتبرہیں، لیکن ان فقہی کتب میں موجود احادیث کے بارے میں ان فقہاء کاملین پر اعتمادِ کلی نہیں کیا جا سکتا،محض ان احادیث کے ان فقہی کتابوں میں آنے کی وجہ سےیقینی طور پر یہ نہیں کہا جاسکتا کہ یہ احادیث ثابت ہیں۔

سو کتنی حدیثیں ہیں جو معتبر کتب میں مذکور ہیں اور وہ من گھڑت اوربنائی ہوئی ہیں، جیسے یہ حدیث ہے: ’’جنت والوں کی زبان عربی ہےاورفصیح فارسی ہے‘‘،اسی طرح یہ حدیث: ’’جس نے متقی عالم کےپیچھےنماز پڑھی گویا اس نےنبی کے پیچھے نماز پڑھی‘‘، اوریہ حدیث: ’’میری امت کے علماء بنی اسرائیل کےانبیاء کی طرح ہیں‘‘،ان کےعلاوہ اوراحادیث بھی ہیں۔

سابقہ ذکر کردہ علماء کے اقوال اجمالاً ملاحظہ ہوں:

یہ غریب ہے(حافظ زیلعیl رحمہ اللہ  )۔

مجھےیہ روایت نہیں ملی(حافظ ابن حجرعسقلانیl رحمہ اللہ  )۔

یہ حدیث غریب ہے،احادیث کی کتب میں نہیں ہے(حافظ بدرالدین عینیl رحمہ اللہ  )۔

میں اس حدیث پر ان الفاظ کے ساتھ واقف نہیں ہوسکا ہوں(حافظ سخاویl رحمہ اللہ ،ان کے بعد علامہ عجلونی l رحمہ اللہ ،علامہ پٹنیl رحمہ اللہ  اورعلامہ نجم الدین غزّیl رحمہ اللہ  نے حافظ سخاویl رحمہ اللہ  کےکلام پر اعتماد کیا ہے)۔

یہ غیر معروف ہے(ملا علی قاریl رحمہ اللہ  )۔

ابن امیر الحاج l رحمہ اللہ  نےفرمایاہے:تخریج کرنےوالےاس کونہیں پاسکے (علامہ ابن نجیم l رحمہ اللہ  )۔

تخریج کرنے والوں نے اسے ثابت قرار نہیں دیا (علامہ طحطاویl رحمہ اللہ )۔

ان تمام ائمہ کے اقوال کا قدرِ مشترک یہی ہے کہ یہ روایت ان الفاظ سے سنداً نہیں ملتی اس لئے نبی ﷺ کی جانب اسے منسوب کرنا درست نہیں ہے۔