روایت: ’’الناس کلّهم مَوْتَى إلاّ العالمون...‘‘. علماء کے علاوہ تمام لوگ بے جان ہیں۔۔۔‘‘۔

محدثینِ کرام ہر زمانے میں یہ اہتمام فرماتے رہے ہیں کہ آثار صحابہp کو ارشادات ِنبوی سے ممتاز رکھا جائے، تاکہ اسلامی مستدلات خلط سے محفوظ رہیں، اور یہ بھی ملحوظ رہے کہ ایک شخص کبھی غلطی سےبھی غیر نبویﷺ الفاظ کو حضورﷺ کی جانب منسوب کرسکتا ہے،علامہ ابن عراقl  وضاعین کی ایک نوع کے بارے میں لکھتے ہیں:

’’(الصِنْف السابع)قوم وقع الموضوعُ في حدیثهم ولم یتعمّدوا الوضعَ، کمَنْ یغلط فیُضِیفُ إلى النبي صلی ﷲ علیه وسلم کلامَ الصحابة أوغیرَهم...‘‘.

’’ساتویں قسم ان لوگوں کی ہے جن کی احادیث میں من گھڑت روایات داخل ہوجاتی ہیں، حالاں کہ یہ لوگ اسے خود وضع نہیں کرتے، مثلاً: ایک شخص غلطی سے صحابہp یا کسی اور کا کلام حضور ﷺ کی جانب منسوب کر دے۔۔۔‘‘۔

ذیل میں اسی عنوان کے تحت ترتیب وار چار (حدیث نمبر: ۲۴ تا ۲۸) ایسی روایتوں کی تحقیق لکھی جائی گی ،جو زبان زدِعام صاحب رسالت ﷺ کی جانب منسوب ہیں، حالاں کہ یہ بعض صحابہp یا سلف کا قول ہے یا اسرائیلیات میں سے ہے:

’’الناس كلّهم مَوْتَى إلاّ العالمون، والعالمون کلّهم هَلْکَى إلاّ العاملون، والعاملون کلّهم غَرْقَى إلاّ المُخلِصون، والمُخلِصون على خَطَرٍ عظیمٍ‘‘.

ترجمہ: ’’علماء کے علاوہ تمام لوگ بے جان ہیں، اور علماء میں عمل کرنے والوں کے علاوہ تمام علماء ہلاک ہونے والے ہیں ،اور عمل کرنے والوں میں مخلصین کے علاوہ تمام غرق ہونے والے ہیں ،اور اخلاص والے بہت بڑے خطرے سے دوچار ہیں‘‘۔

روایت کی تحقیق چار اجزا پر مشتمل ہے:

۱- روایت کا مرفوع (آپ ﷺ کا قول) طریق

۲- ذوالنون مصری l اور سہل تستری l کا قول

۳- روایت کے بارے میں ائمہ حد یث کے اقوال

۴- روایت کا فنی مقام

ذوالنون مصری l   اور سَہل تُستَرِی l کا قول

روایت پر ائمہ حدیث کا کلام: