روایت: ’’سمع رجلا يتغنى من الليل فقال: لا صلاة له حتى يصلى مثلها، ثلاث مرات‘‘. نبی اکرم ﷺ نے ایک رات کسی شخص کے گانے کی آواز سنی تو آپ ﷺ نے تین مرتبہ فرمایا: اس کی نماز مقبول نہیں یہاں تک کے اس کے مثل پڑھ لے۔

حافظ ابن جوزیl رحمہ اللہ ’’الموضوعات‘‘[3] میں زیر بحث روایت تخریج کرنے کے بعد فرماتے ہیں:

’’هذا حديث لم يصح، قال يحيى بن معين: سعيد ليس بثقة، أحاديثه بواطيل، وقال النسائي: متروك الحديث‘‘. یہ حدیث صحیح نہیں ہے، یحیی ابن معین l رحمہ اللہ فرماتے ہیں:سعید ثقہ نہیں ہے، اس کی احادیث باطل ہیں، اور نسائی l رحمہ اللہ نے فرمایا:سعیدمتروک الحدیث ہے۔

حافظ سیوطی l رحمہ اللہ نے ’’اللآلئ‘‘[4] میں، علامہ پٹنی l رحمہ اللہ نے’’تذكرة الموضوعات‘‘[5] میں اور علامہ ابن عراق l رحمہ اللہ نے ’’تنزيه الشريعة‘‘[6] میں  حافظ ابن جوزی  l رحمہ اللہ کے کلام پر اعتماد کیا ہے۔

حافظ ذہبی l رحمہ اللہ ’’تلخيص الموضوعات‘‘[7] میں زیر بحث روایت نقل کرنے کے بعد فرماتے ہیں: ’’فيه سعيدبن سنان متروك‘‘. اس میں سعید بن سنان ہے جو کہ متروک ہے۔

حافظ دحیم l رحمہ اللہ نے سعید بن سنان کو ’’ليس بشيء‘‘کہا ہے[8] ۔

حافظ یحیی بن معین l رحمہ اللہ نے سعید بن سنان کے بارے میں ’’ليس بشيء‘‘[9]، ’’ليس بثقة‘‘[10] اور ’’متروك الحديث‘‘ کہا ہے[11]۔

امام علی بن مدینی l رحمہ اللہ فرماتے ہیں: ’’لا أعرفه‘‘[12]. میں سعید کو نہیں جانتا۔

امام احمد بن حنبل l رحمہ اللہ نے سعید بن سنان کو ’’ضعيف‘‘ کہا ہے[13]۔

امام احمد بن حنبل l رحمہ اللہ ایک دوسرے مقام پر فرماتے ہیں: ’’عيسى بن إبراهيم وسعيد بن سنان، ليسا بشيء‘‘[14]. عیسی بن ابراہیم اور سعید بن سنان دونوں ’’لیس بشیء‘‘ ہیں۔

حافظ احمد بن صالح مصری l رحمہ اللہ سعید بن سنان کے بارے میں فرماتے ہیں: ’’منكر الحديث، ما أعرف من حديثه إلا حديثين أو ثلاثة‘‘[15]. منکر الحدیث ہے، مجھے اس کی احادیث میں سے صرف دو یا تین احادیث ہی کی معرفت ہے۔

امام بخاری l رحمہ اللہ ’’التاريخ الصغير‘‘[16] میں فرماتے ہیں: ’’صاحب مناكير‘‘. یہ مناکیر والا ہے۔

امام بخاری l رحمہ اللہ نے ایک دوسرے مقام پر سعید بن سنان کو ’’متروك الحديث‘‘ کہا ہے[17]۔

امام بخاری l رحمہ اللہ ہی نے ’’التاريخ الكبير‘‘[18] اور ’’الضعفاء‘‘[19] میں سعید بن سنان کو’’منكر الحديث‘‘  کہا ہے۔

حافظ ابو اسحاق ابراہیم بن یعقوب جوزجانی l رحمہ اللہ ’’أحوال الرجال‘‘[20]  میں فرماتے ہیں: ’’أحاديثه أخاف أن تكون موضوعة، لا تشبه أحاديث الناس، كان أبو اليمان يثني عليه في فضله وعبادته، قال كنا نستمطر به، فنظرت في حديثه فإذا أحاديثه معضلة، فأخبرت أبا اليمان بذلك، فقال: أما إن يحيى بن معين لم يكتب منها شيئا، فلما رجعت إلى العراق ذكرت أبا المهدي ليحيى بن معين، وقلت ما منعك يا أبا زكريا أن تكتبها، قال: من يكتب تلك الأحاديث؟ من أين وقع عليها؟ لعلك كتبت منها يا أبا إسحاق! قلت: كتبت منها شيئا يسيرا لأعتبر به، قال: تلك لا يعتبر بها، هي بواطيل‘‘.

اس کی احادیث کے بارے میں مجھے من گھڑت ہونے کا خدشہ ہے، اس کی  احادیث لوگوں کی احادیث کی طرح نہیں ہیں، اس کے فضل اور عبادت کی وجہ سے ابو الیمان اس کی تعریف کیا کرتے تھے، فرماتے ہیں کہ ہم ان کے وسیلہ سے بارش مانگا کرتے تھے، (حافظ ابو اسحاق ابراہیم بن یعقوب بن ابراہیم جوزجانی l رحمہ اللہ فرماتے ہیں) پھر جب میں نے اس کی احادیث دیکھیں  تو اس کی احادیث معضل نکلیں، میں نے اس کی خبر ابو الیمان کو دی، انہوں نے فرمایا: یحیی بن معین l رحمہ اللہ نے ان میں سے کوئی ایک حدیث بھی نہیں لکھی، (حافظ ابو اسحاق ابراہیم بن یعقوب جوزجانی l رحمہ اللہ فرماتے ہیں) جب میں عراق لوٹ آیا، تو میں نے یحیی بن معین l رحمہ اللہ سے ابو مہدی کا ذکر کیا اور کہا: اے ابو زکریا! ان احادیث کے لکھنے سے آپ کو کس چیز نے روکا؟ یحیی بن معین l رحمہ اللہ نے کہا: ان احادیث کو کون لکھے، اسے یہ احادیث کہاں سے حاصل ہوئیں؟ اے ابو اسحاق! شاید آپ نے وہ احادیث لکھی ہیں؟ میں نے کہا: میں نے ان میں سے تھوڑی سی احادیث لکھی ہیں، تا کہ میں ان کا ’’اعتبار‘‘ کرسکوں، یحیی بن معین l رحمہ اللہ نے کہا: ان کا ’’اعتبار‘‘نہیں ہوسکتا، یہ باطل ہیں۔

حافظ ابن حبانl رحمہ اللہ ’’المجروحين‘‘[21] میں فرماتے ہیں:’’منكر الحديث، لا يعجبني الاحتجاج بخبره إذا انفرد‘‘. منکر الحدیث ہے، جب یہ متفرد ہو تو مجھے اس کی خبر سے احتجاج کرنا پسندیدہ نہیں ہے۔

حافظ ابن حبان l رحمہ اللہ چند سطروں کے بعد زیر بحث روایت کے علاوہ ایک دوسری روایت ذکر کرکے فرماتے ہیں: ’’ثناه الحسن بن سفيان، ثنا صفوان بن صالح، ثنا الوليد[ كذا في الأصل، والصحيح: سعيد]، أبو مهدي في نسخة، كتبناها عنه بهذا الإسناد، أكثرها مقلوبة، لا يحل ذكرها في الكتب إلا على سبيل القدح في ناقليها [ كذا في الأصل]‘‘. ہمیں یہ حدیث حسن بن سفیان نے صفوان بن صالح، عن سعید ابو مہدی کے طریق سے ایک ایسے نسخہ میں بیان کی ہے جس کو ہم نے حسن بن سفیان سے اسی سند سے لکھا ہے، اس نسخہ کا اکثر حصہ مقلوب ہے، کتابوں میں اس کا ذکر صرف اس کے ناقل پر بطور قدح کے حلال ہے۔

امام مسلم l رحمہ اللہ نے ’’الكنى والأسماء‘‘[22] میں سعید بن سنان کو ’’منكر الحديث‘‘ کہا ہے۔

حافظ ابن ابی حاتم l رحمہ اللہ فرماتے ہیں: ’’سألت أبا زرعة عن سعيد بن سنان أبى مهدى، فأومأ بيده [أنه] ضعيف‘‘[23]. میں نے ابو زرعہ l رحمہ اللہ سے سعید بن سنان ابو مہدی کے بارے میں پوچھا تو ابو زرعہ l رحمہ اللہ نے ہاتھ سے اشارہ فرمایا کہ سعید بن سنان ضعیف ہے۔

حافظ ابو حاتم رازی l رحمہ اللہ فرماتے ہیں: ’’ضعيف الحديث، منكر الحديث، يروي عن أبي الزاهرية، عن كثير بن مرة، عن ابن عمر، عن النبي صلى الله عليه وسلم بنحو من ثلاثين حديثا أحاديث منكرة‘‘[24]. سعید بن سنان ضعیف الحدیث، منکر الحدیث ہے، یہ ابی الزاہریہ، عن کثیر بن مرۃ، عن ابن عمر، عن النبی ﷺ کے طریق سے تقریبا تیس منکر احادیث روایت کرتا ہے۔

حافظ ابو بکر ابن ابی خیثمہ l رحمہ اللہ فرماتے ہیں: ’’أخبرني أبو محمد صاحب لي من بني تميم، ثقة، قال: قال: أبو مسهر: نا صدقة بن خالد قال: حدثني أبو مهدي سعيد بن سنان مؤذن أهل حمص، وكان ثقة مرضيا ‘‘[25]. مجھے بنو تمیم کے میرے ایک ثقہ ساتھی ابو محمد نے بتایا: کہتے ہیں: ابو مسہر کا کہنا ہے: صدقہ بن خالد نے ہمیں حدیث بیان کرتے ہوئے فرمایا: مجھے ابو مہدی سعید بن سنان نے حدیث بیان کی ہے، اور  وہ ثقہ، پسندیدہ شخص ہے۔

حافظ ابو بکر بزار l رحمہ اللہ نے سعید بن سنان کو’’سيء الحفظ‘‘[26] کہا ہے۔

امام نسائی l رحمہ اللہ نے ’’الضعفاء‘‘[27] میں سعید بن سنان کو ’’متروك الحديث‘‘ کہا ہے۔

امام نسائی l رحمہ اللہ ایک دوسرے مقام پر فرماتے ہیں: ’’لا يكتب حديثه‘‘[28]. اس کی حدیث کو نہیں لکھا جائے گا۔

حافظ زکریا ساجی l رحمہ اللہ نے سعید بن سنان کو ’’منكر الحديث‘‘ کہا ہے[29]۔

حافظ ابو القاسم عبد اللہ بن احمد بلخی l رحمہ اللہ ’’قبول الأخبار‘‘[30] میں فرماتے ہیں: ’’وسعيد بن سنان أبو المهدى ليس بذاك، يكثر الرواية عن أبى الزاهرية، عن كثير بن مرة، عن ابن عمر، عن النبى صلى الله عليه وسلم بالمناكير‘‘. سعید بن سنان ’’لیس بذاک‘‘ہے، یہ ابو الزاہریہ، عن کثیر بن مرہ، عن ابن عمر، عن النبی ﷺ کے طریق سے کثرت سے مناکیر روایت کرتا ہے۔

حافظ ابن عدی l رحمہ اللہ ’’الكامل‘‘[31] میں سعید بن سنان کی چند روایات ذکر کرکے فرماتے ہیں: ’’ولأبي مهدي سعيد بن سنان هذا غير ما ذكرت من الأحاديث، وعامة ما يرويه وخاصة عن أبي الزاهرية غير محفوظة، ولو قلنا: إنه هو الذي يرويه، عن أبي الزاهرية لا غيره، جاز ذلك لي، وكان من صالحي أهل الشام وأفضلهم، إلا أن في بعض رواياته ما فيه‘‘. اور اس ابو مہدی سعید بن سنان کی میری ذکر کردہ احادیث کے علاوہ بھی احادیث ہیں، اور اس کی اکثر روایات غیر محفوظ ہیں، خصوصاً وہ روایات جو ابو الزاہریہ سے مروی ہیں، اور اگر ہم یہ کہیں کہ ان روایات کو ابو الزاہریہ سے صرف سعید بن سنان ہی نقل کرتا ہے، اس کے علاوہ کوئی اور نقل نہیں کرتا، تو یہ کہنا میرے لئے جائز ہوگا، اور سعید شام کے نیک اور افضل لوگوں میں سے تھا، البتہ اس کی بعض روایات میں کچھ ہے۔

حافظ ابو احمد حاکم l رحمہ اللہ فرماتے ہیں: ’’حديثه ليس بالقائم‘‘[32]. اس کی حدیث ’’لیس بالقائم‘‘ہے۔

حافظ دار قطنی l رحمہ اللہ نے ’’المؤتلف والمختلف‘‘[33] میں سعید بن سنان کو ’’منكر الحديث‘‘ کہا ہے۔

علامہ عبد الرحمن سلمی l رحمہ اللہ کہتے ہیں: ’’وسألته عن سعيد بنِ سنان؟ فقال: هما اثنان: سعيد بن سنان أبو مهدي حمصي، يضع الحديث...‘‘[34]. ’’میں نے دار قطنی l رحمہ اللہ سے سعید بن سنان کے بارے میں پوچھا، تو دار قطنی l رحمہ اللہ نے فرمایا: یہ دو ہیں، (ایک) سعید بن سنان ابو مہدی حمصی ہے، یہ حدیث گھڑتا ہے۔۔۔‘‘۔

حافط ابن جارود l رحمہ اللہ نے اسے ’’ليس بثقة‘‘ کہا ہے[35]۔

حافظ ابو یوسف بن یعقوب بن سفیان فسوی l رحمہ اللہ نے ’’المعرفة والتاريخ‘‘[36] میں سعید بن سنان کو ’’ضعيف الحديث‘‘ کہا ہے۔

حافظ ابو نعیم l رحمہ اللہ ’’المسند المستخرج‘‘[37] میں فرماتے ہیں: ’’يروي عن أبي الزاهرية بالمناكير‘‘. سعید بن سنان ابو الزاہریہ سے مناکیر روایت کرتا ہے۔

امام بیہقی l رحمہ اللہ ’’شعب الإيمان‘‘[38] میں ایک روایت کے تحت فرماتے ہیں: ’’وأبو المهدي سعيد بن سنان ضعيف عند أهل العلم‘‘. اور ابو مہدی سعید بن سنان اہل علم کے ہاں ضعیف ہے۔

حافظ عبد الحق اشبیلی l رحمہ اللہ ’’الأحكام الوسطى‘‘[39] میں ایک روایت کے تحت فرماتے ہیں: ’’أبو المهدي كان رجلا صالحا، من صالحي أهل الشام، ولكن حديثه ضعيف، ولا يحتج به‘‘. ابو مہدی نیک شخص تھا، شام کے نیک لوگوں میں سے تھا، لیکن اس کی حدیث ضعیف ہے، اور اس سے احتجاج نہیں کیا جائےگا۔

حافظ ابن جوزی l رحمہ اللہ ’’الموضوعات‘‘[40] میں ایک روایت کے تحت فرماتے ہیں: ’’هذا حديث لا يصح عن رسول الله صلى الله عليه وسلم، وفيه كذابان، أحدهما أبومهدي‘‘. یہ حدیث رسول اللہ ﷺ سے ثابت نہیں، اور اس میں دوجھوٹے ہیں، ایک ان میں سے ابو مہدی ہے۔

حافظ ذہبی l رحمہ اللہ ’’ميزان الاعتدال‘‘[41] میں سعید بن سنان کے ترجمہ میں زیر بحث روایت کے علاوہ سعید بن سنان کی دیگر چند روایات ذکر کرنے کے بعد فرماتے ہیں: ’’ولأبي مهدي أحاديث كثيرة، وهو بين الضعف‘‘. ابو مہدی کی بہت سی احادیث ہیں، اور اس کا ضعف واضح ہے۔

 نیز حافظ ذہبی l رحمہ اللہ نے ’’تلخيص الموضوعات‘‘[42] میں دو مقامات پر مختلف روایات کے تحت سعید بن سنان کو ’’متروك‘‘، ’’الكاشف‘‘[43] میں ’’زاهد، ضعيف الحديث‘‘، ’’ديوان الضعفاء‘‘[44] میں ’’هالك‘‘، ’’المغني‘‘[45] میں ’’متروك، متهم‘‘ اور ’’تلخيص المستدرك‘‘ میں ’’متهم، ساقط‘‘[46] اور ’’متهم تالف‘‘[47] کہا ہے۔

حافظ علائی l رحمہ اللہ ، سعید بن سنان کے بارے میں فرماتے ہیں: ’’سعيد بن سنان ضعيف جدا، بل متروك‘‘[48]. سعید بن سنان شدید ضعیف ہے، بلکہ متروک ہے۔

حافظ ہیثمی l رحمہ اللہ ’’مجمع‘‘[49] میں ایک روایت کے تحت فرماتے ہیں: ’’وفيه أبو مهدي سعيد بن سنان، وهو ضعيف، متروك، قال صدقة بن خالد: حدثني أبو مهدي سعيد بن سنان مؤذن أهل حمص، وكان ثقة مرضيا، ولا يصح إسناد هذه الحكاية‘‘. اس روایت میں ابو مہدی سعید بن سنان ہے، اور وہ ضعیف، متروک ہے، اور صدقہ بن خالد فرماتے ہیں: مجھے حمص والے مؤذن ابو مہدی سعید بن سنان نے حدیث بیان کی، اور وہ ثقہ، پسندیدہ شخص ہے، (حافظ ہیثمی l رحمہ اللہ فرماتے ہیں) اور اس حکایت کی اسناد صحیح نہیں ہے۔

نیز حافظ ہیثمی l رحمہ اللہ نے ’’مجمع‘‘[50] میں ایک روایت کے تحت ابو مہدی سعید بن سنان کو ’’ ضعيف جدا‘‘ کہا ہے۔

علامہ سبط ابن العجمی l رحمہ اللہ ’’الكشف الحثيث‘‘[51] میں سعید بن سنان کا ترجمہ قائم کرکے فرماتے ہیں: ’’له ترجمة في الميزان، ولم يذكر فيها أنه وضع، ولكن ذكر عن الجوزجاني أنه قال: أخاف أن تكون أحاديثه موضوعة، وقد ذكر الحاكم في المستدرك حديثا في كتاب الفتن والملاحم قبل آخره نحو كراسة من القطع الكبير، رواه عن أبي الزاهرية، قال الحاكم فيه: صحيح، قال الذهبي عقيبه: بل سعيد متهم به، انتهى‘‘. سعید بن سنان کا ترجمہ ’’میزان‘‘میں موجود ہے، لیکن اس میں یہ مذکور نہیں کہ اس نے حدیث گھڑی ہے، تاہم جوزجانی l رحمہ اللہ کے انتساب سے ذکر کیا گیا ہے کہ جوزجانی l رحمہ اللہ فرماتے ہیں: مجھے سعید بن سنان کی احادیث کے من گھڑت ہونے کا خدشہ ہے، اور حاکم l رحمہ اللہ نے ’’مستدرک‘‘ میں ’’ کتاب الفتن والملاحم‘‘ میں اس کے آخر سے پہلے ایک بڑے حصے کے چھوٹے جزء کے بقدر حدیث ذکر کی ہےجسے انہوں نے ابو الزاہریہ سے روایت کیا ہے، حاکم l رحمہ اللہ اس حدیث کے متعلق فرماتے ہیں کہ یہ صحیح ہے، اس کے متصل بعد ذہبی l رحمہ اللہ فرماتے ہیں: بلکہ سعید اس حدیث میں متہم ہے، انتہی۔

حافظ ابن حجر عسقلانی l رحمہ اللہ ’’التقريب‘‘[52] میں سعید بن سنان کے بارے میں فرماتے ہیں: ’’متروك، ورماه الدارقطني وغيره بالوضع‘‘. یہ متروک ہے، دار قطنی l رحمہ اللہ وغیرہ نے اسے حدیث گھڑنے میں متہم قرار دیا ہے۔

علامہ ابن عراق l رحمہ اللہ ’’تنزيه الشريعة‘‘[53] میں سعید بن سنان کو وضاعین ومتہمین کی فہرست میں شمار کرکے فرماتے ہیں: ’’قال يحيى: أحاديثه بواطيل، وقال الجوزجاني: أخاف أن تكون أحاديثه موضوعة‘‘. یحیی l رحمہ اللہ فرماتے ہیں کہ اس کی احادیث باطل ہیں، اور جوزجانی l رحمہ اللہ فرماتے ہیں: مجھے اس کی احادیث کے من گھڑت ہونے کا اندیشہ ہے۔