ستائیس رجب کے روزے و نماز پرسو سال کے روزوں و نماز کا ثواب

امام بیہقیl رحمہ اللہ  ’’شعب الإيمان‘‘[1] میں تحریر فرماتے ہیں:

’’أخبرنا أبو عبد الله الحافظ، حدثني أبو نصر رشيق بن عبد الله الرومي إملاء من كتابه بِالطَّابَرَانِ، أنا الحسين بن إدريس الأنصاري، نا خالد بن الهياج، عن أبيه، عن سليمان التيمي، عن أبي عثمان، عن سلمان الفارسي قال: قال رسول الله صلى الله عليه و سلم :

 في رجب يوم و ليلة، من صام ذلك اليوم و قام تلك الليلة كان كمن صام من الدهر مائة سنة، وهو لثلاث بقين من رجب، وفيه بعث الله محمدا صلى الله عليه و سلم‘‘.

حضرت سلمان فارسیr رضی اللہ عنہ  فرماتے ہیں آپ ﷺ نے ارشاد فرمایا: رجب میں ایک دن اور ایک رات ہے جس نے اس دن روزہ رکھا اور اس رات کو قیام کیا تو وہ ایسا ہے جیسے اس نے سو سال روزہ رکھا اور سو سال قیام کیا ،اور وہ دن ستائیس رجب کا ہے،اوراسی دن اللہ تعالی نے محمد ﷺکی بعثت فرمائی ہے۔

حافظ ابن عساکرl رحمہ اللہ  نے ’’جزء في فضل رجب‘‘ [2] میں اور حافظ ابن حجر عسقلانی l رحمہ اللہ  نے’’تبيين العجب‘‘ [3] میں امام بیہقیl رحمہ اللہ  کے طریق سے اس روایت کی تخریج کی ہے۔

’’وروي ذلك بإسناد آخر أضعف من هذا‘‘ [4].یہ حدیث ایک دوسری سند سے بھی منقول ہے،جو اس سے بھی بڑھ کر ضعیف ہے۔

حافظ ابن حجر عسقلانی l رحمہ اللہ  ’’تبيين العجب‘‘[5] میں فرماتے ہیں: ’’هذا حديث منكر إلى الغاية ‘‘ . یہ حدیث انتہائی منکر ہے ۔

اس کے بعد حافظ ابن حجر عسقلانی l رحمہ اللہ  نے راوی پر کلام کیا ہے، جسے ہم آگے متکلم فیہ راوی کے ضمن میں ذکر کریں گے۔

حافظ ابن عراقl رحمہ اللہ  نے’’تنزيه الشريعة‘‘[6] میں اورعلامہ لکھنویl رحمہ اللہ  نے’’الآثار المرفوعة‘‘ [7] میں مذکورہ روایت ذکر کرنے کےبعد حافظ ابن حجر عسقلانی l رحمہ اللہ  کےکلام کو نقل کرنے پر اکتفاء کیاہے۔

علامہ عبد الحق دہلوی l رحمہ اللہ  ’’ماثبت بالسنة‘‘ [8] میں فرماتے ہیں: ’’فيه خالد بن هياج، وابن هياج متروك، له احاديث مناكير كثيرة، والحمل فيه ابنه خالد، فهوالآفة في هذالحديث‘‘.

اس روایت میں خالد بن ہیاج ہے ،اور ابن ہیاج متروک ہے ،اس کی بہت ساری منکر احادیث ہیں ،اور اس روایت میں ذمہ دار ہیاج کا بیٹا خالدہے ،یہی اس حدیث میں آفت ہے ۔  

امام نسائی l رحمہ اللہ  ’’الضعفاء والمتروكين‘‘[9] میں لکھتے ہیں: ’’ضعيف‘‘ .

حافظ عقیلیl رحمہ اللہ  ’’الضعفاءالكبير‘‘ [10] میں تحریر فرماتے ہیں: ’’ولا يتابع عليه، ولا على شيء من حديثه‘‘. ان کی متابعت نہیں کی گئی ہے، اور نہ ہی ان کی احادیث میں سے کسی چیز پر متابعت ہوئی ہے۔

امام ابو حاتم l رحمہ اللہ  ’’الجرح والتعدیل‘‘[11] میں فرماتے ہیں: ’’يكتب حديثه ولا يحتج به‘‘. ان کی حدیث لکھی جائے گی،اور اس سے احتجاج نہ کیا جائے۔

حافظ یحیی بن معینl رحمہ اللہ  فرماتےہیں: ’’ضعيف الحديث، ليس بشيء‘‘[12]. یہ ضعیف الحدیث،’’لیس بشیء‘‘ ہے۔

امام بخاریl رحمہ اللہ  نے’’التاریخ الکبیر‘‘ [13] میں ہیاج بن بسطام کا ترجمہ قائم کر کے سکوت اختیار کیا ہے۔

امام احمد بن حنبلl رحمہ اللہ  فرماتے ہیں: ’’متروك الحديث‘‘[14].

حافظ ابن حبانl رحمہ اللہ  ’’المجروحين‘‘ [15] میں لکھتے  ہیں:

’’كان مرجئا داعية إلى الإرجاء، وكان ممن يروي عن المعضلات عن الثقات، ويخالف الأثبات فيما يرويه عن الثقات، فهو ساقط الاحتجاج به، وعند الاعتبار فإن اعتبر به معتبر أرجو أن لا يجرح في ذلك‘‘.

یہ مرجیہ فرقے سے تعلق رکھتا تھااور اسی کی طرف لوگوں کو دعوت دیتا تھا ، اور یہ ان لوگوں میں سےہے جو ثقہ سے معضل روایات نقل کرتے ہیں،اور یہ ثبت لوگوں کی اس چیز میں مخالفت کرتاہے جسے وہ ثقات سے روایت کرتے ہیں،اس بناء پریہ ساقط الاحتجاج ہے،اوراعتبار کے وقت [ثقہ کی موافقت کی صورت میں] کسی معتبر نے اس کا اعتبار کیا تو میں امید کرتاہوں کہ اس بارے میں اس پر جرح نہیں کی جائے گی ۔

نوٹ:  محمود ابراہیم زاید کے نسخے میں’’يروى عن المعضلات عن الثقات‘‘ کے الفاظ ہیں،اور حمدی عبدالمجید سلفی کے نسخے میں’’يروي المعضلات عن الثقات‘‘ [16] کے الفاظ ہیں،جبکہ ’’تهذيب الكمال‘‘ [17] اور’’تهذيب التهذيب‘‘ [18] میں’’يروي الموضوعات عن الثقات‘‘ کے الفاظ ہیں۔

حافظ ابن عدیl رحمہ اللہ  ’’الكامل في الضعفاء‘‘ [19] میں لکھتے ہیں: ’’وهياج بن بسطام هذا له أحاديث، وفيما أمليت مما لا يتابع عليه‘‘. اور ہیاج بن بسطام کی اور بھی بہت سی روایات ہیں،اور اس کی جتنی روایات میں نے لکھوائی ہیں،ان میں اس کی کسی نے متابعت نہیں کی ۔

حافظ خطیب بغدادیl رحمہ اللہ  ’’تاريخ بغداد‘‘ [20] میں امام ابو داؤد l رحمہ اللہ  کا یہ قول نقل فرماتے ہیں: ’’هروي، تركوا حديثه، ليس بشيء‘‘. یہ ہروی متروک الحدیث،’’لیس بشیء‘‘ ہے۔

حافظ یحیی بن احمد بن زیادہروی l رحمہ اللہ  کہتے ہیں: ’’كل ما اُنكر على الهياج من جهة ابنه خالد، فإن الهياج في نفسة ثقة‘‘ [21]. ہیاج پر جو انکار کیا گیا ہے وہ ان کے بیٹے خالد کی وجہ سے ہے ،اس لئے کہ ہیاج بذات خود ثقہ ہے ۔

حافظ ذہبیl رحمہ اللہ  ’’تاريخ الإسلام‘‘ [22] میں مکی بن ابراہیم کا یہ قول نقل کرتے ہیں: ’’ما علمنا الهياج إلا صادقا عالما‘‘. ہم ہیاج کو سچا عالم ہی سمجھتے ہیں۔

حافظ ابن حجر عسقلانی l رحمہ اللہ  ’’تهذيب التهذيب‘‘[23] میں محمد بن یحیی ذہلیl رحمہ اللہ  کا قول نقل فرماتے ہیں : ’’الهياج عندنا ثقة‘‘. ہیاج ہمارے نزدیک ثقہ ہے۔

امام ابو عبداللہ حاکمl رحمہ اللہ  فرماتے ہیں: ’’وهذه الأحاديث التي رآها صالح من أحاديث الهياج، الذنب فيها لابنه خالد، انتهى‘‘[24]. ہیاج کی احادیث میں سے جن احادیث کو صالح نے دیکھا ہے ،تو ان میں مسئلہ ہیاج کے بیٹے خالد کی وجہ سے ہے،انتہی۔

حافظ صالح بن محمد جَزَرہ فرماتے ہیں: ’’ منكر الحديث، لا يكتب من حديثه إلا للاعتبار، ولم أكن أعلمه بهذا حتى قدمت هراة، فرأَيت عندهم أَحاديث مناكير كثيرة‘‘[25].

یہ منکر الحدیث ہے ،اس کی حدیثیں اعتبار کےلئے لکھی جائیں گی، اورمجھے اس کے بارے میں معلوم نہیں تھا ،جب میں ہرات گیا تو میں نے ان کے پاس اس کی بہت ساری منکر احادیث دیکھی ۔

امام سیوطیl رحمہ اللہ  ’’ذيل اللآلئ المصنوعة‘‘ میں لکھتے ہیں: ’’هياج تركوا حديثه‘‘[26].محدثین نے ہیاج کی احادیث کوترک کردیا ہے ۔

علامہ پٹنیl رحمہ اللہ  ’’تذكرة الموضوعات‘‘ [27] میں فرماتے ہیں: ’’فيه هياج تركوه‘‘. اس روایت میں ہیاج ہے اورمحدثین نے اسے ترک کردیا ۔

حافظ ذہبیl رحمہ اللہ  ’’ميزان الاعتدال‘‘ [28] میں سلیمانی l رحمہ اللہ  کا یہ قول نقل فرماتے ہیں : ’’ليس بشيء‘‘.

حافظ ابن عراق’’تنزيه الشريعة‘‘ [29] میں فرماتے ہیں: ’’خالد بن هياج بن بسطام عن أبيه وغيره، اتهمه ابن أبى حاتم فى كتابه الجرح والتعديل فى ترجمة الحسين بن إدريس الأنصاری‘‘.

خالد بن ہیاج بن بسطام اپنے والد اور ان کے علاوہ سےروایت کرتا ہے، ابن ابی حاتم l رحمہ اللہ  نے اپنی کتاب’’الجرح والتعدیل‘‘ میں حسین بن ادریس انصاری کے ترجمہ میں ان کو متہم قرار دیا ہے ۔