روایت: ’’آپ ﷺ نے فرمایا: جب اللہ تعالی نے آدمe علیہ السلام کو زمین پر اتارا تو اپنی بھول کے غم کی وجہ سے ان کا چہرہ سیاہ ہوگیا تھا،اب اللہ رب العزت نے ان کو مہینے میں تین روزے رکھنے کے بارے میں فرمایا، تو ان تین دنوں کے روزے رکھنے کی وجہ سے ان کے چہرے کی سیاہی ان کے چہرے کے نور میں تبدیل ہوگئی‘‘۔

حافظ ابن عساکرl رحمہ اللہ ’’تاریخ دمشق‘‘[1] میں تخریج فرماتےہیں:

’’أخبرنا أبو محمد عبد الكريم بن حمزة، نا أبو بكر الخطيب إملاء، أنا أبو الحسن محمد بن أحمد بن محمد بن رزق البزاز، نا أبو الحسن محمد بن أحمد بن الخطاب البزاز، نا أبو عبد الله محمد بن يوسف بن بشر الهروي، حدثني عبد الأعلى بن سليمان بن بسطام الكناني من كنانة، نا الهيثم بن جميل الأنطاكي، نا حماد بن سلمة، عن عاصم بن أبي النجود، عن زر بن حبيش، قال: سألت ابن مسعود عن أيام البيض؟ فقال: سألت رسول الله صلى الله عليه وسلم فقال: إن آدم لما عصى وأكل من الشجرة، أوحى الله إليه، يا آدم! اهبط من جواري، وعزتي! لا يجاورني من عصاني، قال: فهبط إلى الأرض مسودا، قال: فبكت الملائكة وضجت، وقالوا: يا رب! خلق خلقته بيدك، وأسكنته جنتك، وأسجدت له ملائكتك، في ذنب واحد حولت بياضه، فأوحى الله إليه، يا آدم! صم لي اليوم يوم ثلاثة عشر، فصامه فأصبح ثلثه أبيض، ثم أوحى الله تعالى إليه، يا آدم! صم لي هذا اليوم يوم أربعة عشر، فصامه فأصبح ثلثاه أبيض، ثم أوحى الله تبارك وتعالى إليه، يا آدم! صم لي هذا اليوم يوم خمسة عشر، فصامه فأصبح كله أبيض، فسميت الأيام البيض‘‘.

حضرت ابن مسعودr رضی اللہ عنہ فرماتے ہیں: میں نے رسول اللہﷺ سے ایام بیض کے بارے میں پوچھا، آپﷺ نے فرمایا: جب آدمe علیہ السلام سے لغزش ہوگئی، اور درخت سے کھا لیا، تو اللہ تعالی نے ان کی طرف وحی کی، اے آدم! میرے پڑوس سے نکل جاؤ، میری عزت کی قسم! جو میری نافرمانی کرے گا وہ میرے پڑوس میں نہیں رہے گا، آپﷺ نے فرمایا: وہ زمین کی طرف اترے اس حال میں کہ وہ سیاہ ہوچکے تھے، آپﷺ نے فرمایا: فرشتے روئے اور چیخ وپکار کی، اور ان فرشتوں نے کہا: اے ہمارے پروردگار! ایسی مخلوق جس کو آپ نے اپنے ہاتھوں سے پیدا کیا اور اس کو آپ نے جنت میں ٹھہرایا، اور اس کے لئے ملائکہ سے سجدہ کروایا، اور ایک گناہ کی وجہ سے آپ نے اس کی سفیدی کو بدل دیا، چنانچہ اللہ تعالی نے آدم کی طرف وحی کی، اے آدم! میرے لئے آج کے دن (یعنی) تیرہ تاریخ کا روزہ رکھو، چنانچہ انھوں نے روزہ رکھا، تو ان کا ایک ثلث سفید ہوگیا، پھر اللہ تعالی نے ان کی طرف وحی کی، اے آدم! میرے لئے اس دن (یعنی) چودہ تاریخ کا روزہ رکھو، چنانچہ ان کے دو ثلث سفید ہوگئے، پھر اللہ تعالی نے ان کی طرف وحی کی، اے آدم! میرے لئے اس دن (یعنی) پندرہ تاریخ کا روزہ رکھو، چنانچہ انھوں نے روزہ رکھا اور ان کا سارا جسم سفید ہوگیا، چنانچہ ان دنوں کا نام ایام بیض رکھ دیا گیا۔

حافظ ابن جوزیl رحمہ اللہ اور علامہ سبط ابن عجمیl رحمہ اللہ نے زیر بحث روایت کو ’’من گھڑت‘‘ کہا ہے، حافظ ابن حجر ہیتمیl رحمہ اللہ نے حافظ ابن جوزیl رحمہ اللہ کے کلام پر اعتماد کیا ہے، نیز حافظ ذہبیl رحمہ اللہ   نے زیر بحث روایت کو ’’باطل‘‘ کہا ہے، حافظ ابن حجر عسقلانی l رحمہ اللہ نے حافظ ذہبیl رحمہ اللہ   کے کلام پر اعتماد کیا ہے، اس لئے زیر بحث روایت کو اس طریق سے رسول اللہ ﷺ کے انتساب سے بیا ن کرنا درست نہیں ہے، واللہ اعلم۔

علامہ ابو الحسین ابن جمیع صیداوی l رحمہ اللہ اور حافظ ابن عساکرl رحمہ اللہ نے سند میں موجود راوی ابو الحسن محمد بن صبح بن یوسف بزار صیداوی کا ترجمہ قائم کرکے کوئی جرح وتعدیل ذکر نہیں کی۔

نیز قطع نظر کسی خاص سند کے، متن حدیث کو حافظ ابن جوزیl رحمہ اللہ اور علامہ سبط ابن عجمیl رحمہ اللہ نے ’’من گھڑت‘‘ کہا ہے، حافظ ابن حجر ہیتمیl رحمہ اللہ نے حافظ ابن جوزیl رحمہ اللہ کے کلام پر اعتماد کیا ہے، اور حافظ ذہبیl رحمہ اللہ   نے متن حدیث کو ’’باطل‘‘ کہا ہے، حافظ ابن حجر عسقلانی l رحمہ اللہ نے حافظ ذہبیl رحمہ اللہ   کے کلام پر اعتماد کیا ہے، اس لئے زیر بحث روایت کو اس طریق سے بھی رسول اللہ ﷺ کے انتساب سے بیا ن کرنا درست نہیں ہے، واللہ اعلم۔

یہ روایت حافظ ابن عساکرl رحمہ اللہ نے ’’تاریخ دمشق‘‘[17] میں تخریج کی ہے:

’’أخبرنا أبو الحسن الفقيه، نا عبد العزيز بن أحمد الكتاني وحيدرة بن علي الأنطاكي العابر، قالا: أنا أبو محمد بن أبي نصر، أنا عمي أبو بكر أحمد بن القاسم بن معروف، أنا أبو العباس محمد بن عبد الله بن إبراهيم اليافوني، نا أحمد بن أبي عبد الرحمن العسقلاني، نا الهيثم بن جميل، نا حماد بن سلمة، عن عاصم بن أبي النجود، عن زر بن حُبَيْش، قال: قلت لابن مسعود: ما هذه الأيام البيض، وكيف سميت الأيام البيض؟ قال: لأنه لما عصى آدم ربه نودي من لدنان العرش: يا آدم! اهبط من جواري، فإنه لا يجاورني من عصاني، قال: فأهبطه الله إلى الأرض مسودا، فلما رأته الملائكة ضجت، وبكت، وانتحبت إلى الله عز وجل، وقالوا: يا رب! خلق خلقته بيدك، ونفخت فيه من روحك، وأسجدت له ملائكتك، من ذنب واحد حولت بياضه سوادا .

قال: فنودي يا آدم! الصوم، فصام، فوافى ذلك اليوم يوم ثلاثة عشر في الشهر، فأصبح ثلث السواد قد ذهب، ثم نودي اليوم الثاني، وهو يوم أربعة عشر، يا آدم! صم لي اليوم، فأصبح وقذ ذهب ثلثا السواد، ثم نودي إليه اليوم الثالث وهو يوم خمسة عشر يا آدم! صم لي اليوم، فأصبح وقد ذهب السواد، ورد الله عليه البياض كله، فسميت أيام البيض التي رد الله عز وجل على آدم فيها بياضه .

وقال: يا آدم! هذه الأيام لولدك من بعدك، من صامها فكأنما صام الدهر، فقعد آدم حزينا قعدة القرفصاء، ورأسه بين ركبتيه، فبعث الله عز وجل إليه جبريل فزاره، وقال: يا آدم! ما هذا الجزع والفزع والهلع؟ قال: يا جبريل! لا أزال هكذا حتى يأتي أمر الله، قال: فإن الله يقرئك السلام، ويقول: حياك الله يا آدم! وبياك، قال: قلت: يا جبريل! أما حياك الله فأعرفها، فما بياك؟ قال: أضحكك .

قال: فضحك آدم، ورفع رأسه إلى السماء وهو يمرح، قال: يا رب! زدني جمالا، قال: فأصبح له لحية سوداء شبر في شبر، قال: فضرب بيده ينظر إليها، ثم قال: يا رب! ما هذا؟ قال: هذا جمال لك، وهو لموسى بن عمران من ولدك، يعرف بها في الجنة، لا لأحد غيره، فتقول الملائكة والنبيون بعضهم لبعض: من هذا؟ فيقولون: كليم الله رب العالمين‘‘.

زر بن حُبَیْش کہتے ہیں: میں نے ابن مسعودr رضی اللہ عنہ سے پوچھا کہ یہ ایام بیض کیا ہیں، اور ان کا نام ایام بیض کیسے رکھا گیا؟ تو ابن مسعودr رضی اللہ عنہ نے فرمایا:  جب آدم e علیہ السلام سے لغزش سر زد ہوگئی تو انہیں عرش سے پکارا گیا: اے آدم! میرے پڑوس سے نکل جاؤ، جو میری نافرمانی کرے گا وہ میرے پڑوس میں نہیں رہے گا، آپﷺ نے فرمایا: اللہ نے انہیں زمین کی طرف اتارا اس حال میں کہ وہ سیاہ ہوچکے تھے، جب فرشتوں نے یہ منظر دیکھا تو فرشتوں نے چیخ وپکار کی اور روئے، اور پھوٹ پھوٹ کر رونے لگے، اور کہا: اے ہمارے پروردگار! ایسی مخلوق جس کو آپ نے اپنے ہاتھوں سے پیدا کیا، اور اس میں آپ نے اپنی روح پھونکی،  اور آپ نے فرشتوں سے اس کو سجدہ کروایا،  ایک گناہ کی وجہ سے اس کی سفیدی کو سیاہی سے بدل دیا۔

ابن مسعودr رضی اللہ عنہ فرماتے ہیں:چنانچہ آواز آئی: اے آدم! روزہ رکھو، چنانچہ انھوں نے روزہ رکھا، اس دن مہینہ کی تیرہ تاریخ تھی، تو ان کی ایک ثلث سیاہی چلی گئی، پھر دوسرے دن جو کہ چودہ تاریخ تھی آواز آئی: اے آدم! میرے لئے آج کے دن روزہ رکھو، چنانچہ ان کی دو ثلث سیاہی چلی گئی، پھر تیسرے دن جو کہ پندرہ تاریخ تھی آواز آئی: اے آدم! میرے لئے آج کے دن روزہ رکھو، چنانچہ ان کے جسم سے سیاہی زائل ہوگئی، اور اللہ نے ان کے پورے جسم پر سفیدی لوٹا دی، یہی وجہ ہے کہ ان دنوں کا نام ایام بیض رکھ دیا گیا جن میں اللہ نے آدم e علیہ السلام پر سفیدی کو لوٹا دیا تھا۔

اور اللہ نے فرمایا: اے آدم! یہ دن آپ کے بعد آپ کی اولاد کےلئے ہیں، جو ان دنوں میں روزہ رکھے گا گویا کہ اس نے پورا زمانہ روزہ رکھا، آدم e علیہ السلام اکڑوں بیٹھ گئے، اور آپ کا سر گھٹنوں کے درمیان میں تھا، اللہ جل وعز نے آپ کی طرف جبریل e علیہ السلام کو ملاقات کےلئے بھیجا، جبریل e علیہ السلام نے عرض کیا: اے آدم! جزع وفزع اور غم کس لئے ہے؟ آدم e علیہ السلام نے فرمایا: اے جبریل! میں مسلسل اسی حالت میں رہوں گا یہاں تک کہ اللہ کا حکم آجائے، جبریل e علیہ السلام نے عرض کیا: اللہ آپ کو سلام کہہ رہے ہیں، اور فرما رہے ہیں: حیاک اللہ (اللہ تمہیں زندگی دے) اور ’’بیاک‘‘، حضرت آدم e علیہ السلام فرماتے ہیں: میں نے کہا: اے جبریل! میں ’’حیاک اللہ‘‘ کو جانتا ہوں، ’’بیاک‘‘ کا کیا مطلب ہے؟ جبریل e علیہ السلام نے کہا کہ اللہ آپ کو ہنسائے۔

ابن مسعودr رضی اللہ عنہ فرماتے ہیں: آدم e علیہ السلام ہنس پڑے اور انتہائی خوشی کے ساتھ اپنا سر آسمان کی طرف اٹھا کر فرمایا: اے رب! میرے جمال میں اضافہ فرما، ابن مسعودr رضی اللہ عنہ فرماتے ہیں: ان کی داڑھی ایک بالشت لمبی ایک بالشت چوڑی سیاہ رنگ کی ہوگئی، ابن مسعودr رضی اللہ عنہ فرماتے ہیں: آدم e علیہ السلام نے اپنی داڑھی کو چھو کر فرمایا: اے رب! یہ کیا ہے؟ اللہ نے فرمایا: یہ آپ کا جمال ہے، اور آپ کی اولاد میں موسن بن عمران کی لمبی داڑھی ہوگی، جس سے وہ جنت میں پہچانے جائیں گے، جنت میں کسی دوسرے کی داڑھی نہ ہوگی، چنانچہ ملائکہ اور انبیاء آپس میں ایک دوسرے سے پوچھیں گے: یہ کون ہے؟ وہ کہیں گے کہ یہ رب العالمین کا کلیم اللہ ہے۔

سند میں موجود راوی احمد بن ابی عبد الرحمن عسقلانی کی تعیین نہیں ہوسکی کہ یہ کون ہے، اور حافظ ابن عساکرl رحمہ اللہ اور حافظ ذہبی l رحمہ اللہ نے ابو العباس محمد بن عبد اللہ بن ابراہیم یافونی کنانی کا ترجمہ قائم کیا ہے، لیکن اس کے بارے میں کوئی جرح وتعدیل ذکر نہیں کی ہے۔

 نیز قطع نظر کسی خاص سند کے، متن حدیث کو حافظ ابن جوزیl رحمہ اللہ اور علامہ سبط ابن عجمیl رحمہ اللہ نے ’’من گھڑت‘‘ کہا ہے، حافظ ابن حجر ہیتمیl رحمہ اللہ نے حافظ ابن جوزیl رحمہ اللہ کے کلام پر اعتماد کیا ہے، نیز حافظ ذہبیl رحمہ اللہ   نے متن حدیث کو ’’باطل‘‘ کہا ہے، حافظ ابن حجر عسقلانی l رحمہ اللہ نے حافظ ذہبیl رحمہ اللہ   کے کلام پر اعتماد کیا ہے،اس لئے زیر بحث روایت کو اس طریق سے بھی رسول اللہ ﷺ کے انتساب سے بیا ن کرنا درست نہیں ہے، واللہ اعلم۔

حافظ ابن حجر عسقلانیl رحمہ اللہ  ’’الغرائب الملتقطة‘‘[18] میں فرماتے ہیں:

’’قال: أخبرنا أبو منصور بنجير بن منصور بن علي الصوفي، عن أبي محمد جعفر بن محمد بن الحسين الأبهري، عن ابن لال، عن علي بن إبراهيم القطان، عن بكير بن الليث، عن خليفة، عن محمد بن تميم، عن حفص بن عمر، عن الحكم بن أبان، عن عكرمة، عن ابن عباس، قال: قال رسول الله صلى الله عليه وسلم: إنما سمي البيض، لأن آدم لما أهبط إلى الأرض أحرقته الشمس واسود، فأوحى الله إليه أن صم البيض، فصام أول يوم فابيض ثلث جسده، فلما صام اليوم الثاني ابيض ثلثا جسده، فلما صام اليوم الثالث ابيض جسده كله، فسمي البيض يعني يوم ثلاث عشرة وأربع عشرة وخمس عشرة‘‘.

ابن عباس q رضی اللہ عنہما فرماتے ہیں کہ رسول اللہ ﷺ نے فرمایا: بیض نام اس وجہ سے رکھا گیا ہے کہ جب آدم e علیہ السلام زمین کی طرف اتارے گئے تو سورج نے آپ کو جلا دیااور جسم سیاہ ہوگیا، اللہ نے آدم e علیہ السلام کی طرف وحی بھیجی کہ بیض کا روزہ رکھو، چنانچہ پہلے دن آدم e علیہ السلام نے روزہ رکھا تو آپ کے جسم کا ایک ثلث سفید ہوگیا، جب دوسرے دن آدم e علیہ السلام   نے روزہ رکھا تو آپ کے جسم کے دو ثلث سفید ہوگئے، پھر جب تیسرے دن آدم e علیہ السلام   نے روزہ رکھا تو آپ کا پورا جسم سفید ہوگیا، چنانچہ بیض یعنی تیرہ، چودہ اور پندرہ تاریخ کے ایام کا نام بیض رکھ دیا گیا۔

سند میں موجود راوی محمد بن تمیم سعدی فریابی کے بارے میں ائمہ رجال نے جرح کے شدید الفاظ استعمال کئے ہیں، جیسے:

’’محمد بن تمیم حدیث گھڑتا ہے، محمد بن کرَّام، محمد بن تمیم کے پاؤں سے لٹکا رہتا تھا، اور جویباری کو بھی چمٹا رہتا تھا، محمد بن کرّام کی اکثر روایات ان دونوں سے ہیں، اور یہ دونوں حدیث میں ضعیف ہیں، ہمارے اصحاب کے پاس ان کے انتساب سے کچھ بھی نہیں ہے، ہم نے ان دونوں کو صرف اس لئے ذکر کیا تاکہ ہمارے نئے اصحاب کو یہ وہم نہ ہو کہ ہمارے شیوخ نے ان کو صرف مرجی ہونے کی وجہ سے چھوڑ دیا ہے، ان کو چھوڑنے کا سبب صرف یہی تھا کہ یہ دونوں رسول اللہ ﷺ کے انتساب سے خوب حدیثیں گھڑتے تھے‘‘(حافظ ابن حبانl رحمہ اللہ ، نیز حافظ سمعانی l رحمہ اللہ ، حافظ ابن جوزی l رحمہ اللہ ، حافظ ذہبی l رحمہ اللہ ، علامہ سبط ابن عجمی l رحمہ اللہ اور علامہ ابن عراق l رحمہ اللہ نے حافظ ابن حبانl رحمہ اللہ کے کلام پر اعتماد کیا ہے)، ’’میں نے بخارا میں تین ایسے جھوٹوں کو دیکھا جو رسول اللہ ﷺ پر جھوٹ بولتے تھے: محمد بن تمیم، حسن بن شبل اور ایک اور شخص‘‘ (علامہ سہل بن شاذویہ بخاری l رحمہ اللہ )، ’’اس نے کئی احادیث گھڑی ہیں‘‘(امام نقاش l رحمہ اللہ )، ’’محمد بن تمیم فاریابی نے رسول اللہ ﷺ کے انتساب سے دس ہزار سے زائد احادیث گھڑی ہیں، اور وہ جوباری کے قریب ہے‘‘(امام ابو عبد اللہ حاکم نیشاپوری l رحمہ اللہ )، ’’احمد بن عبد اللہ جویباری، محمد بن عکاشہ کرمانی اور محمد بن تمیم فاریابی نے رسول اللہ ﷺ پر دس ہزار سے زائد احادیث گھڑی ہیں‘‘(حافظ ابو حاتم سہل بن سریl رحمہ اللہ )، ’’کذاب، وضاع ہے‘‘(حافظ ابو نعیم اصبہانی l رحمہ اللہ )، ’’غیر ثقہ‘‘(حافظ خطیب بغدادی l رحمہ اللہ )، الحاصل زیر بحث روایت کو اس طریق سے بھی رسول اللہ ﷺ کے انتساب سے بیان کرنا درست نہیں ہے، واللہ اعلم۔

مختلف طرق سے منقول زیر بحث روایت کو حافظ ابن جوزیl رحمہ اللہ اور علامہ سبط ابن عجمیl رحمہ اللہ نے ’’من گھڑت‘‘ کہا ہے، حافظ ابن حجر ہیتمیl رحمہ اللہ نے حافظ ابن جوزیl رحمہ اللہ کے کلام پر اعتماد کیا ہے، نیز حافظ ذہبیl رحمہ اللہ   نے زیر بحث روایت کو ’’باطل‘‘ کہا ہے، حافظ ابن حجر عسقلانی l رحمہ اللہ نے حافظ ذہبیl رحمہ اللہ   کے کلام پر اعتماد کیا ہے، اس لئے زیر بحث روایت کو رسول اللہﷺ کے انتساب سے بیان کرنا درست نہیں ہے، واللہ اعلم۔