روایت: ’’رسول اللہﷺ نے ارشاد فرمایا: جنت والے جنت میں بھی علماء کے محتاج ہوں گے، اس کی وجہ یہ ہے کہ جنتی ہر جمعہ کو اللہ کی زیارت کےلئے جائیں گے،باری تعالی ان سے فرمائیں گے:جو چاہو تمنا کرو، چنانچہ جنتی علماء سے جاکر ملیں گےکہ ہم کیا تمنا کریں؟ علماء کہیں گے: تم یہ یہ تمنا کرو، آپﷺنے فرمایا: چنانچہ جنت والے جنت میں بھی ان کے ایسے ہی محتاج ہوں گے جیسے وہ دنیا میں ان کے محتاج ہیں‘‘۔

زیر بحث روایت حافظ دیلمیl رحمہ اللہ نے ’’مسند الفردوس‘‘[2]  میں اور حافظ ابن العدیمl رحمہ اللہ نے’’بغية الطلب‘‘[3]  میں تخریج کی ہے،تمام سندیں سند میں موجود راوی ابو بکر احمد بن سلیمان پر مشترک ہوجاتی ہیں۔

حافظ ذہبیl رحمہ اللہ ’’ميزان الاعتدال‘‘[4] میں مجاشع بن عمرو کے ترجمہ میں زیر بحث روایت نقل کرکے فرماتے ہیں:

’’وهذا موضوع، ومجاشع هو راوي كتاب الأهوال والقيامة، وهو جزآن كله خبر واحد موضوع‘‘.یہ من گھڑت ہے، (سند کا راوی) مجاشع ’’  کتاب الاہوال والقیامہ‘‘ کا راوی ہے، اور یہ دو جزء ہیں، اور وہ پوری ایک ہی روایت ہے جو کہ من گھڑت ہے۔

حافظ ابن حجر عسقلانیl رحمہ اللہ نے ’’لسان الميزان‘‘[5] میں، علامہ سیوطی l رحمہ اللہ نے ’’الزيادات‘‘[6] میں،علامہ پٹنیl رحمہ اللہ نے’’تذكرة الموضوعات‘‘[7] میں،ملا علی قاریl رحمہ اللہ نے ’’المصنوع‘‘[8] میں،علامہ عجلونیl رحمہ اللہ نے ’’ كشف الخفاء‘‘[9] میں، علامہ مناویl رحمہ اللہ نے’’فيض القدير‘‘[10]  میں، علامہ محمد بن محمد درویشl رحمہ اللہ نے ’’أسنى المطالب‘‘[11] اور علامہ ابن عراقl رحمہ اللہ نے  ’’تنزيه الشريعة‘‘[12] میں حافظ ذہبیl رحمہ اللہ کےقول پر  اعتماد کیا ہے۔

علامہ زبیدیl رحمہ اللہ ’’إتحاف‘‘[13] میں فرماتے ہیں:’’ قال الشهاب القليوبي فى البدور المنيرة: هو حديث موضوع‘‘. شہاب قلیوبی نے کہا ہے کہ یہ من گھڑت حدیث ہے۔

اس کے بعد علامہ زبیدیl رحمہ اللہ نے حافظ ابن عساکرl رحمہ اللہ کی زیر بحث روایت نقل کر کے حافظ ذہبیl رحمہ اللہ کے قول پر اعتماد کیا ہے۔

علامہ غماریl رحمہ اللہ ’’المداوي‘‘[14] میں فرماتے ہیں:

’’هذا حديث موضوع ظاهر البطلان، لا يخفى أمره على صغار طلبة هذا الفن، فما أدري كيف استجاز المؤلف ذكره، وهو من منفردات مُجاشع بن عمرو الكذاب الوضاع، ومن العجيب كون الشارح نقل عن الذهبي الحكم بوضعه، ثم قال في الصغير: إنه ضعيف‘‘.

یہ حدیث من گھڑت ہے، اس کا بطلان بالکل ظاہر ہے، اس فن کے چھوٹے طلبہ پر بھی اس کا معاملہ مخفی نہیں، نہ جانے مؤلف(سیوطیl رحمہ اللہ ) نے کیسے اس کے ذکر کرنے کو جائز سمجھا ہے؟ یہ ان روایات میں سے ہے جسے (سند کاراوی) مجاشع بن عمرو کذاب وضاع تنہا نقل کرنے والا ہے،اور عجیب بات ہے کہ شارح (علامہ مناویl رحمہ اللہ ) نے ذہبیl رحمہ اللہ سے اس کے من گھڑت ہونےکو نقل کیا (یعنی فیض القدیر میں)، پھر صغیر(یعنی تیسیر) میں اسے ضعیف کہہ دیا۔    

امام بخاری l رحمہ اللہ  نے مجاشع بن عمرو کو ’’منكر، مجهول‘‘ کہا ہے[15]۔

حافظ یحیی بن معین l رحمہ اللہ فرماتے ہیں: ’’قد رأيت (مُجاشع) هذا، كان يكذب، وكان يحدث‘‘[16]. میں نے مجاشع کو دیکھا ہے، یہ جھوٹ بولتا تھا، اور حدیث بیان کرتا تھا۔

حافظ ابو حاتمl رحمہ اللہ  فرماتے ہیں: ’’متروك الحديث، ضعيف، ليس بشيء‘‘[17]. متروک الحدیث، ضعیف، لیس بشیء ہے۔

حافظ ازدی l رحمہ اللہ  فرماتے ہیں: ’’ كذاب دامر، لاتحل الرواية عنه‘‘[18]. یہ جھوٹا، تباہ کن ہے، اس سے روایت کرنا  حلال نہیں ہے۔

حافظ ابن حبان l رحمہ اللہ  ’’المجروحین‘‘[19]  میں فرماتے ہیں: ’’ كان ممن يضع الحديث على الثقات، ويروي الموضوعات عن أقوام ثقات، لا يحل ذكره في الكتب إلا على سبيل القدح فيه، ولا الرواية عنه إلا على سبيل الاعتبار للخواص‘‘.

 یہ ان لوگوں میں سے تھا جو ثقہ لوگوں کے انتساب سے حدیث گھڑتےتھے، اور ثقہ لوگوں کےانتساب سے من گھڑت روایات نقل کرتے تھے، اس کا کتابوں میں ذکر کرنا صرف اس کی مذمت بیان کرنے کی صورت میں ہی حلال ہے، اسی طرح اس سے روایت کرنا بھی حلال نہیں ہے، مگر خواص کےلئے اعتبار کے طور پر۔

حافظ مقدسی l رحمہ اللہ  نے ’’تذكرة الحفاظ‘‘[20] میں اور حافظ ذہبی l رحمہ اللہ  نے ’’المغنی‘‘[21] میں حافظ ابن حبان l رحمہ اللہ  کے قول کو نقل کرنے پر اکتفاءکیا ہے۔

حافظ عقیلیl رحمہ اللہ  ’’الضعفاء الكبير‘‘[22] میں فرماتے ہیں: ’’حديثه منكر، غير محفوظ‘‘. اس کی حدیث منکر، غیر محفوظ ہے۔

اس کے بعد حافظ عقیلی l رحمہ اللہ  نے حافظ یحیی بن معین l رحمہ اللہ  کا قول اور زیر بحث روایت تخریج کی ہے۔

حافظ دار قطنی l رحمہ اللہ  مجاشع کے بارے میں لکھتے ہیں: ’’بقية بن الوليد يروي عن قوم متروكين، مثل: مُجاشع بن عمرو‘‘[23] . بقیہ بن ولید ایک ایسی قوم سے روایت کرتا ہے جوکہ متروک ہے، جیسے: مُجاشع بن عمرو۔

امام ابو احمد حاکم l رحمہ اللہ  نے مجاشع کو ’’منکر الحدیث‘‘ کہا ہے[24]۔

حافظ ابونعیم l رحمہ اللہ  ’’حلية الأولياء‘‘[25] میں ایک دوسری روایت کے تحت فرماتے ہیں: ’’وليس محمد بن سعيد ولا مُجاشع ممن يعتمد على روايتهما ومفاريدهما‘‘. محمد بن سعید اور مجاشع ان لوگوں میں سے نہیں ہیں جن کی روایتوں اور مفارید پر اعتماد کیا جاسکے۔

حافظ ذہبی l رحمہ اللہ نے ’’تلخيص الموضوعات‘‘[26] میں ایک حدیث کے تحت مجاشع بن عمرو کو ’’متهم‘‘ کہا ہے۔

حافظ ابن حجر عسقلانی l رحمہ اللہ ’’اتحاف المهرة‘‘[27] میں ایک روایت کے تحت مجاشع کے بارے میں فرماتے ہیں: ’’مُجاشع كذبه يحيى بن معين‘‘. مجاشع کو یحیی بن معین l رحمہ اللہ نے کذاب کہا ہے۔

علامہ سِبْط ابن عجمی l رحمہ اللہ  ’’الكشف الحثيث‘‘[28] میں لکھتے ہیں: ’’قال ابن حبان: كان يضع الحديث على الثقات، ثم إني رأيت في تلخيص المستدرك حديثا في مناقب معاذ بن جبل، قال الحاكم: غريب حسن، قال الذهبي في تلخيصه: ذا من وضع مُجاشع، انتهى‘‘.

ابن حبان l رحمہ اللہ  فرماتے ہیں کہ یہ ثقات پر حدیث گھڑتا تھا، (علامہ سِبْط ابن العجمیl رحمہ اللہ  فرماتے ہیں) پھر میں نے  ’’تلخیص المستدرک‘‘ میں معاذ بن جبلr رضی اللہ عنہ  کے مناقب میں ایک حدیث دیکھی، جسے حاکم l رحمہ اللہ  نے ’’غریب حسن‘‘  کہا ہے، اور ذہبی l رحمہ اللہ  اس کی تلخیص میں فرماتے ہیں کہ یہ مجاشع کی گھڑی ہوئی روایت ہے، انتہی۔

علامہ ابن عراق l رحمہ اللہ  نے مجاشع بن عمرو کو وضاعین ومتہمین کی فہرست میں شامل کرکے حافظ یحیی بن معین l رحمہ اللہ  اور حافظ ابن حبان l رحمہ اللہ   کا قول نقل  کیا ہے[29]۔ 

حافظ ابن عساکرl رحمہ اللہ ’’تاريخ دمشق‘‘[30] ابو عبد الملک صفوان بن صالح ثقفی کے ترجمہ میں لکھتےہیں:

’’ أخبرنا أبو جعفر محمد بن أبي علي، أنا أبو بكر الصفار، أنا أحمد بن علي بن منجويه، أنا أبو أحمد الحاكم، قال: أبو عبد الملك صفوان بن صالح الدمشقي، سمع أبا العباس الوليد بن مسلم الدمشقي، وعمر بن عبد الواحد الدمشقي، روى عنه أبو عبد الله محمد بن يحيى الذهلي، وأبو عبد الله محمد بن إسماعيل الجعفي كناه .

أنا محمد بن أحمد بن هارون بن الجندي، نا أبو القاسم علي بن يعقوب بن أبي العقب، نا أبو الليث سلم بن معاذ، قال: سمعت محمد بن عبد الرحمن السراج يقول: قلت لسليمان بن عبد الرحمن إن أبا عبد الملك صفوان بن صالح يأبى أن يحدثنا، وكان صفوان إذا دخل المسجد يبدأ به، فيسلم عليه، ثم يصير إلى مجلسه، فلما دخل سلم عليه .

 قال أبو أيوب: إنه بلغني أنك تأبى أن تحدث، فقال له صفوان: يا أبا أيوب! منعنا السلطان، فقال له: ويحك حدث، فإنه بلغني أن أهل الجنة يحتاجون إلى العلماء في الجنة كما يحتاجون إليهم في الدنيا، فيأتيهم الرسول من قبل ربهم عز وجل، فيقول: سلوا ربكم، فيقولون: قد أعطانا ما سألنا، وما لم نسأل، فيقول لهم: سلوا ربكم، فيقولون: ما ندري ما نسأل، فيقول لهم: سلوا ربكم .

فيقول بعضهم لبعض: اذهبوا بنا إلى العلماء الذين كانوا إذا أشكل علينا في الدنيا شيء أتيناهم فيفتحوا علينا، فيأتون العلماء، فيقولون، إنه أتانا رسول من ربنا عز وجل يأمرنا أن نسأل فما ندري ما نسأل، فيفتح الله عز وجل على العلماء، فيقولون لهم: سلوا كذا وكذا، فيسألون فيعطون .

فحدث فلعلك أن تكون منهم، فأتيناه فحدثنا‘‘.

ابو اللیث سلم بن معاذ فرماتے ہیں کہ میں نے محمد بن عبد الرحمن سراج سے سنا، وہ فرماتے ہیں کہ میں نے سلیمان بن عبد الرحمن سے کہا: ابو عبد الملک صفوان بن صالح ہمیں احادیث بیان کرنے سے انکار کر دیتے ہیں،اور صفوان جب مسجد تشریف لاتے تو ان سے ابتداء فرماتے، ان کو سلام کرتے، پھر اپنی جگہ تشریف لے جاتے، چنانچہ جب وہ آئے، انہوں نے ان کو سلام کیا۔

ابو ایوب (یعنی سلیمان بن عبد الرحمن)نے ان سے کہا کہ مجھے یہ بات پہنچی ہے کہ آپ احادیث بیان کرنے سےانکار کردیتے ہیں، صفوان نے ان کو جواب میں کہا کہ اے ابو ایوب! سلطان نے ہمیں منع کر رکھا ہے، ابو ایوب سلیمان بن عبد الرحمن نے ان سے کہا: تیرا ناس ہو،حدیث بیان کرو، کیونکہ مجھے یہ بات پہنچی ہے کہ جنت والے جنت میں علماء کے ایسے ہی محتاج ہوں گےجیسے وہ دنیا میں ان کے محتاج ہیں، چنانچہ جنت والوں کے پاس ان کے رب عزوجل کی جانب سے قاصد آکر کہے گا: اپنے رب سے مانگو، جنتی کہیں گے: ہم نے جو مانگا اور جو ہم نے نہیں مانگا ہمارے رب نے ہمیں سب عطاء کردیا ہے، پھر بھی وہ ان سے کہے گا: تم اپنے رب سے مانگو، جنتی کہیں گے: ہمیں معلوم نہیں کہ ہم کیا مانگیں؟ وہ قاصد ان سے کہے گا:تم اپنے رب سے مانگو۔

اب جنتی ایک دوسرے سے کہیں گے: ہمیں علماء کے پاس لے چلو، ہمیں دنیا میں جب کوئی مشکل پیش آتی تھی تو ہم ان کے پاس جاتے تھے وہ ہماری مشکل حل کردیتے تھے، چنانچہ وہ علماء کے پاس آکر کہیں گے: ہمارے پاس ہمارے رب عزوجل کا قاصد آیا تھا، جس نے ہمیں مانگنے کو کہا، لیکن ہمیں معلوم نہیں کہ ہم کیا مانگیں؟ چنانچہ اللہ عزوجل علماء پر یہ بات منکشف کردیں گے، علماء ان سے کہیں گے:تم یہ یہ چیزیں مانگو، سو جنتی وہ چیزیں مانگیں گے، چنانچہ ان کو وہ چیزیں دے دی جائیں گی۔

سو تم حدیث بیان کرو، شاید آپ بھی ان میں سے ہوں، چنانچہ جب ہم ان کے پاس آتےتو ہمیں حدیث بیان کرتے تھے۔

حافظ ذہبیl رحمہ اللہ نے ’’سيرأعلام النبلاء‘‘[31] میں یہ واقعہ نقل کیا ہے، لیکن حافظ ذہبیl رحمہ اللہ کی عبارت سے معلوم ہوتا ہےکہ ابو اللیث سلم بن معاذنے ابو ایوب سلیمان بن عبد الرحمن سے بات کی تھی،جبکہ حافظ ابن عساکرl رحمہ اللہ کی عبارت سے معلوم ہوتا ہےکہ ابو ایوب سلیمان بن عبد الرحمن سے سوال کرنے والا محمد بن عبد الرحمن سراج ہے، حافظ ذہبیl رحمہ اللہ کی عبارت ملاحظہ ہو:

’’وقال سلم بن معاذ: قلت لسليمان بن عبد الرحمن: إن صفوان بن صالح يأبى أن يحدثنا، قال: فدخل صفوان، فسلم عليه، فقال سليمان: بلغني أنك تأبى أن تحدث؟ فقال: يا أبا أيوب! منعنا السلطان، قال: ويحك حدث، فإنه بلغني أن أهل الجنة يحتاجون إلى العلماء في الجنة، كما يحتاجون إليهم في الدنيا، فحدث لعلك أن تكون منهم، فحدثنا صفوان‘‘.

     واضح رہے کہ ابو ایوب سلیمان بن عبد الرحمن دمشقی کی یہ بلاغ بندہ کو تاحال سنداً  نہیں مل سکی،واللہ اعلم[32]۔