روایت: آپ ﷺ کا ارشاد ہے: ’’المَعْرِفَةُ رَأسُ مَالِي...‘‘. اﷲ کی معرفت میرا سرمایہ ہے۔۔۔‘‘۔

آپ ﷺ کا ارشاد ہے کہ ’’اﷲ کی معرفت میرا سرمایہ ہے۔۔۔‘‘۔

روایت کی تحقیق تین بنیادی اجزاء پر مشتمل ہے:

۱- روایت اور اس کے مصادر

۲- روایت کے بارے میں ائمہ کے اقوال اور اس کا خلاصہ

۳- تتِمّہ اور روایت کا فنی حکم

حافظ عراقی l رحمہ اللہ ، حافظ ابن حجر ہَیتَمی l رحمہ اللہ ، علامہ تاج الدین سُبْکِی l رحمہ اللہ ، علامہ سُیوطِیl رحمہ اللہ ، حافظ مرتضی زَبِیدی l رحمہ اللہ ، علامہ طاہر پٹنی l رحمہ اللہ ، ملا علی قاری l رحمہ اللہ ، علامہ خفاجی l رحمہ اللہ اورامام شَوکانی l رحمہ اللہ ، ان سب محدثین نے زیرِ بحث روایت پر تبصرہ کیا ہے، ذیل میں ان محدثینِ کرام کے اقوال اور آخر میں ان کا خلاصہ لکھا جائے گا۔

حافظ مرتضیٰ زَبِیدِیl رحمہ اللہ (۱۲۰۵ھ) ’’إتحَاف السَّادَة المُتَّقِین‘‘[4] میں رقمطراز ہیں:

’’قال العِرَاقِي: ذَکَرَه القاضي عیاض مِنْ حدیث عَلِيٍّ، ولم أجِدْ له إسناداً اهـ . قلتُ: وسُئِلَ عنه الحافظ ابن حَجَرٍ في فَتَاویه فقال: لا أصلَ له‘‘.

علامہ عراقی l رحمہ اللہ فرماتے ہیں کہ قاضی عیاضl رحمہ اللہ نے یہ روایت حضرت علیr رضی اللہ عنہ سے نقل کی ہے اور مجھے اس کی سند نہیں ملی، میں (حافظ مرتضیٰ زَبِیدِی l رحمہ اللہ ) کہتا ہوں کہ حافظ ابن حجر الہَیتَمیl رحمہ اللہ (۹۷۴ھ) سے ان کے مجموعہ فتاوی میں اس روایت کے بارے میں پوچھا گیا، تو انہوں نے اس کے جواب میں کہا کہ اس کی ’’اصل‘‘ نہیں ہے۔

علامہ تا ج الدین سُبْکِیl رحمہ اللہ (۷۷۱ھ) نے ’’طَبَقَات الشَّا فِعِیَّة الکُبْرَى‘‘[5] میں ’’الإحیاء‘‘ میں مذکور ایسی روایتوں کے لئے ایک فصل قائم کی ہے، جن کے بارے میں علامہ تاج الدین سُبْکِی l رحمہ اللہ نے ’’لم أجِدْ لها إسناداً‘‘ (یعنی مجھے اس کی اصل نہیں ملی) کہا ہے، چنانچہ ’’إحیاء‘‘ کی زیر بحث روایت کو اسی فصل کے تحت ذکر کیا ہے۔

علامہ محمد بن طاہر پٹنیl رحمہ اللہ (۹۸۶ھ) نے ’’تذکرة الموضوعات‘‘[6] میں لکھا ہے:

’’في المختصر: ’’المَعْرِفَة رَأسُ مَالِي ... ذَکَرَه القاضي عیاض ولم یُوجَد‘‘.

مختصر (امام سُیوطِی l رحمہ اللہ کی کتاب) میں ہے: ’’المَعْرِفَة رَأسُ مَالِي...‘‘. اسے قاضی عیاضl رحمہ اللہ نے ذکر کیا ہے، اور یہ روایت نہیں ملی (یعنی اس کی سند نہیں ملی)۔

امام محمد بن علی شوکانی l رحمہ اللہ (۱۲۵۰ھ) ’’الفوائد المجموعة‘‘[7] میں رقمطراز ہیں:

’’ذَکَرَه القاضي عیاض، وآثَارُ الوَضْعِ علیه لائِحَةٌ‘‘.

قاضی عیاضl رحمہ اللہ نے اسے ذکر کیا ہے، اور وضع کے آثار اس پر ظاہر ہیں۔

علامہ شہاب الدین احمد بن محمد الخفاجی المصری l رحمہ اللہ (۱۰۶۹ھ) ’’نَسِیمُ الرِّیَاض في شرح الشفاء‘‘[8]  میں لکھتے ہیں:

’’وهذا الحدیث ذَکَرَه في الإحیاء، وقال الحافظ العراقي:إنَّه لا أصلَ له، وقال السُّیوطي رَحِمَه اﷲ تعالی:إنَّه موضوعٌ وآثارُ الوَضْعِ لائِحَةٌ علیه، وهو یُشْبِهُ کلامَ الصُّوفِیَة‘‘.

امام غزالی l رحمہ اللہ نے یہ حدیث ’’احیاء‘‘ میں ذکر کی ہے اور اس کے بارے میں علامہ عراقی l رحمہ اللہ فرماتے ہیں کہ اس کی کوئی اصل نہیں ہے، اور امام سُیوطِی l رحمہ اللہ فرماتے ہیں کہ یہ موضوع ہے، اوراس حدیث میں وضع کے آثار ظاہر ہیں، اور یہ حدیث صوفیہ کے کلام کے مشابہ ہے۔

ملا علی قاری l رحمہ اللہ (۱۰۱۴ھ) ’’شَرْحُ الشِّفَاء‘‘[9] میں لکھتے ہیں:

’’فهذه کَلِمَاتٌ جامِعَةٌ معانیها مُطَابَقَه لِمَا في الکتاب والسُّنَّة، والمُصَنِّف ثَبْتٌ ثِقَةٌ حُجَّةٌ، فحُسْنُ الظَّنِّ به أنَّه ما رواها إلاّ عن بَیِّنَةٍ، وإن لم تَکُنْ عندنا بَیِّنَة، وأمَّا قولُ الدلجي: قال الأئِمَّة: موضوعٌ. یَحْتَمِلُ أن یکون باعتبار بعض أفْرَادِه بِنَاءً علی اختلافِ إسْنَادِه کما بَیَّنَّاه، واﷲ أعلم‘‘.

اس حدیث کے کلمات اپنے معنی میں جامع ہیں، اور یہ کلمات قرآن وحدیث کے مطابق ہیں، اور مصنف (قاضی عیاض l رحمہ اللہ ) ثَبْت، ثقہ اور حجت ہیں، اُن سے حسن ظن کا تقاضا یہی ہے کہ انہوں نے کسی دلیل (سند) ہی سے یہ حدیث نقل کی ہوگی، اگرچہ ہمارے پاس اس کی کوئی دلیل (سند) نہیں ہے، اور دلجی l رحمہ اللہ [یعنی محمدبن محمد الدلجی المصری l رحمہ اللہ المتوفی ۹۴۷ھ، موصوف نے ’’الإصطفا‘‘ کے نام سے ’’شِفَاء‘‘ کی شرح لکھی ہے] کا یہ کہنا ہے کہ ائمہ نے اس حدیث کو موضوع کہا ہے، اس قول میں یہ احتمال ہے کہ یہ حدیث اختلافِ اسناد کی بناء پر، اپنے بعض افراد کے اعتبار سے موضوع ہو، جیسا کہ ہم نے اس کو بیان کردیا ہے، واﷲ اعلم۔

واضح رہے کہ حافظ عراقی l رحمہ اللہ ، حافظ ابن حجر ہَیتَمی l رحمہ اللہ ، علامہ تاج الدین سُبْکِیl رحمہ اللہ ، علامہ سُیوطِی l رحمہ اللہ ، حافظ مرتضی زَبِیدیl رحمہ اللہ ، علامہ پٹنی l رحمہ اللہ ، علامہ خفاجی l رحمہ اللہ اورعلامہ شَوکانی l رحمہ اللہ ، ان سب محدثین نے اس روایت کو بے اصل قرار دیا ہے، اور علامہ شہاب الدین خفاجی l رحمہ اللہ (شارح شفاء)، علامہ دلجی l رحمہ اللہ (شارح شفاء)، علامہ سُیوطِی l رحمہ اللہ (ایک قول کے مطابق) اور امام شَوکانی l رحمہ اللہ ان علمائے کرام رحمہم اللہ تعالی نے واضح لفظوں میں اس روایت کو موضوع کہا ہے، ان نامور محدثین کی مذکورہ تصریحات کے بعداب ہم ملا علی قاری l رحمہ اللہ کا سابقہ قول دوبارہ ذکر کرتے ہیں، ملاحظہ ہو:

’’قاضی عیاضl رحمہ اللہ ثَبْت، ثقہ اور حجت ہیں، اُن سے حسن ظن کا تقاضا یہی ہے کہ انہوں نے کسی دلیل (سند) سے یہ حدیث نقل کی ہوگی، اگرچہ ہمارے پاس اس کی کوئی دلیل (سند) نہیں ہے‘‘

گویا کہ ملا علی قاری l رحمہ اللہ بھی یہی ارشاد فرما رہے ہیں کہ اس روایت کی کوئی سند ثابت نہیں ہے، آپ دیکھ چکے ہیں کہ گزشتہ ائمہ کرام  نے یہ تصریح کی ہے کہ یہ روایت بے اصل،بلکہ من گھڑت ہے،اس خاص تناظر میں جب کہ اس روایت کی سند ثابت نہیں ہے،اور محدثینِ عظام اس کے ساقط الاعتبار اور بے اصل ہونے کی تصریح کرتے رہیں ہیں، قاضی عیاض l رحمہ اللہ کا’’شفاء‘‘ میں اس حدیث کو بلا جرح نقل کرنا، ثبوتِ حدیث کے لئے کافی نہیں ہے، بلکہ اس بارے میں یہ توجیہ قرین قیاس ہے کہ کسی دوسرے شخص نے اس روایت کو ذکر کیا ہو، اور قاضی عیاض l رحمہ اللہ نے اس شخص پر اعتماد کر لیا ہو،یا اس کے علاوہ کوئی بھی وجہ ہو سکتی ہے۔

بہرحال محدثین کرام کے نزیک آپ ﷺ کی جانب کسی خبر کا انتساب اسی وقت ہو سکتا ہے،جب وہ کسی معتبر سند سے ثابت ہوجائے،اس لئے سابقہ نصوص سے یہ بات واضح ہو چکی ہے کہ زیرِ بحث روایت بے اصل اورمن گھڑت ہے، اس لئے اسے رسول اللہ ﷺ کی جانب منسوب کرنا جائز نہیں ہے۔

اس عنوان کے تحت زیرِ بحث روایت پر مشتمل ’’معجم ابن عساکر‘‘ اور ’’ کَشْفُ الخَفَاء‘‘ کی دو روایتیں اور ان کا فنی حکم لکھا جائے گا۔

اسی طرح شیخ اسماعیل بن محمد العَجلَو نی l رحمہ اللہ نے ’’کَشْفُ الخفَاء‘‘[12] میں اسی مضمون کی ایک روایت نقل کی ہے:

’’الشَرِیْعَةُ أقْوَالِي، والطَّرِیقَة أفْعَالِي، والحَقِیقَة حَالِي، والمَعْرِفَة رَأس مَالِي‘‘.

شریعت میرے اقوال ہیں، اور طریقت میرے افعال ہیں، اور حقیقت میرا حال ہے، اور معرفت میرا راس المال ہے۔

پھر موصوف لکھتے ہیں:

’’لم أرَ مَنْ ذَکَرَه فَضْلاً عن بَیَانِ حَالِه، نَعَمْ ذَکَرَ بعضُم أنَّه رآه في کتب بعض الصُّوفِیَة فلیُرَاجع‘‘.

مجھے تو یہ بھی معلوم نہیں کہ یہ روایت کس نے ذکر کی ہے، چہ جائیکہ اس روایت کی حالت (فنی مقام) معلوم ہو، البتہ بعض علماء فرماتے ہیں کہ انہوں نے بعض صوفیاء کی کتابوں میں اسے دیکھا تھا، چنانچہ مراجعت کرلی جائے۔