روایت: ×الدنيا جيفة وطالبها كِلاب÷؟ (دنیا مردار ہے اور اس کے طلب گار کتے ہیں ) حدیث بلفظہ تو موجود نہیں ہے، ہاں بمعناہ ملتی ہے۔

’’سوال: ×الدنيا جيفة وطالبها كِلاب÷؟ [دنیا مردار ہے اور اس کے طلب گار کتے ہیں ]

جواب:  اور حدیث ثالث [یعنی مذکورہ روایت] بھی بلفظہ باوجود کثیر تتبع کے نہیں ملی، لیکن اس کے معنی احادیث میں ملتے ہیں جو ’’کنز العمال‘‘ اور ’’منتخب کنز العمال‘‘ وغیرہ میں مذکور ہیں:

×عن علي  رضي الله تعالى عنه قال: الدنيا جيفة، فمن أرادها فليصبر على مخالطة الكِلاب. أبو شيخ منتخب (ص :۱۹۲/ ۱) أوحى الله إلى داود: يا داود! مثل الدنيا كمثل جيفة، اجتمعت عليها الكِلاب يجرونها، أفتحب أن تكون كلبا مثلهم فتجر معهم؟ يا داود! طِيبُ الطعام ولِينُ اللباس والصِيْتُ في الناس، وفي الآخرة الجنة، لا تجتمع أبدا. الديلمي عن علي رضي الله تعالى عنه، منتخب (ص :۱۸۲/ ۱)÷.‘‘

[ علی r  سے منقول ہے: دنیا مردار ہے، جس کا ارادہ دنیا حاصل کرنے کا ہو تو وہ کتوں سے جھگڑنے کو برداشت کرے۔ ابوالشیخ l’’منتخب‘‘ ۔ اللہ نے داود e کی جانب وحی فرمائی: اے داؤد ! دنیا کی مثال مردار کی سی ہے، جسے کتے جمع ہو کر گھسیٹ رہے ہوں، کیا آپ بھی یہ چاہتے ہیں کہ ان کی مانند کتا  بن کر ان کے ساتھ مل کر آپ بھی اسے گھسیٹیں ؟ اے داؤد ! عمدہ روزی، نرم لباس، اور لوگوں میں شہرت (دنیا میں)، اور آخرت میں جنت،کبھی جمع نہیں ہوسکتے،’’منتخب‘‘]

اس کے بعد سیوطی lکی کتاب ’’الدررالمنثورة‘‘ میں حدیث مسئول پر کلام ملا،فرماتے ہیں (ص:۸۶):

×الدنيا جيفة و الناس كلابها. أبو شيخ في تفسيره عن علي موقوفا: الدنيا جيفة، فمن أرادها فليصبر على مخالطة الكِلاب. وأخرج الديلمي عن علي موقوعا: أوحى الله إلى داود إلخ÷.

[دنیا مردار ہے، اور لوگ اس کے کتے ہیں۔ ابوالشیخ l نے اپنی تفسیر میں علی r  سے موقوفاً نقل کیا: دنیا مردار ہے، جس کا ارادہ دنیا حاصل کرنے کا ہو وہ کتوں سے جھگڑنے کو برداشت کرے۔ اور دیلمی l نے علی r  سے مرفوعاً تخریج کیا ہے: اللہ نے داؤد e  کی جانب وحی فرمائی الخ]

علامہ سیوطیl نے بھی وہی دونوں حدیثیں ذکر فرمائی ہیں جو بندہ نے ذکر کی ہیں اور حاصل یہ ہے کہ حدیث بلفظہ تو موجود نہیں ہے، ہاں بمعناہ ملتی ہے، واللہ اعلم۔

علامہ شعرانی l نے ’’طبقات‘‘ میں حضرت علی rکا مقولہ نقل کیا ہے جس کا ترجمہ حضرت شیخ مدظلہ نے ’’تاریخ مشائخ چشت‘‘ (ص: ۱۲۰) میں نقل کیا ہے، وهوهذا:

 ’’فرمایا کرتے تھے کہ دنیامردار ہے اوراس کے چاہنے والے کتے ہیں، لہٰذا جو اس دنیا سے لینا چاہے وہ کتوں کے ساتھ ملا جلا کرے۔ علامہ شعرانی l نے اس مقولہ کی شرح کر تے ہوئے لکھا ہے کہ اس سے مراد وہ چیزیں ہیں جو حاجات ضروریہ سے زائد ہوں،اور جو چیزیں حاجت اور ضرورت کی ہیں وہ اس میں داخل نہیں، انتہیٰ ‘‘[1]۔