روایت: ’’إذاسلِم رمضان سلِمت السنة، وإذا سلِمت الجمعة سلِمت الأيام ‘‘.

اگر رمضان شریف ٹھیک رہا،تو پورا سال ٹھیک رہےگا، اور اگر جمعہ ٹھیک رہا تو پورا ہفتہ ٹھیک رہے گا۔

            یہ روایت حضرت عائشہ R رضی اللہ عنہا  سے دو مختلف سندوں کے ساتھ مروی ہے:

1 (1)   روایت بطریق ابو خالدقُرشی

2 (2)   روایت بطریق ابو مطیع بلخی

ذیل میں ہر ایک کو تفصیل سے لکھا جائے گا،اور آخر میں خلاصہ لکھا جائے گا۔

امام عبد اللہ ابن عدی l رحمہ اللہ  ابو خالد قُرشی عبدالعزیز بن ابان کے ترجمہ میں، اس سے پہلے ایک اور حدیث نقل کرنے کے بعد دونوں کے بارے میں فرماتے ہیں:

 ’’وهذان الحديثان عن الثوري باطلان، ليس لهما أصل، وإبراهيم بن سعيد يقول: أبوخالد القُرَشِي، ولايسميه لضعفه، وهو عبدالعزيزبن أبان، وله عن الثوري غيرماذكرت من البواطيل وعن غيره‘‘[3] .

یہ دو حد یثیں (جو مو صوف نے کتاب میں ذکر کی ہیں اور ان میں ایک زیر بحث روایت ہے) امام ثوری l رحمہ اللہ سے منقول ہیں،یہ دونوں باطل ہیں ان کی کوئی اصل نہیں ہے،اور ابراہیم ابن سعید، ابو خالد قُرشی کہہ کر روایت نقل کرتے ہیں،ان کا نام نہیں لیتے،ان (ابو خالد)کے ضعیف ہونے کی وجہ سے،اور ابو خالد قرشی کا نام عبدالعزیر بن ابان ہے،مذکورہ روایت کے علاوہ ثوری l رحمہ اللہ   وغیرہ سے ان کی اور (بھی)باطل روایات منقول ہیں۔

’’تفرد به عبدالعزيز، قال يحيى: هو ليس لبشیء، هو كذاب، يضع الحديث. وقال: محمد بن عبدالله بن نُمَيْر: هو كذاب‘‘[4].

اس روایت کو نقل کرنےمیں (سند میں موجودراوی)عبد العزیز (ابو خالد قرشی)متفرد ہے،جس کےبارےمیں یحیی l رحمہ اللہ  فرماتےہیں:یہ ’’ليس بشيء‘‘ (جرح)ہے، جھوٹا آدمی ہے اور حدیثیں گھڑتا ہے۔نىز محمد بن عبد اللہ بن نُمَیْر l رحمہ اللہ   کہتے ہیں:یہ جھوٹا آدمی ہے۔

’’رواه ابن عدي، و الدارقطني، و أبونعيم، و البيهقي و ضعفه عن عائشة، بل ذكره ابن الجوزي في الموضوعات‘‘[5] .

یہ روایت حافظ ابن عدیl رحمہ اللہ ، امام دار قطنیl رحمہ اللہ ، حافظ ابو نعیl رحمہ اللہ م، اور امام بیہقی l رحمہ اللہ نے حضرت عائشہ R رضی اللہ عنہا   سے نقل کی ہے اور اس کو ضعیف قرار دیا ہے، بلکہ ابن جوزیl رحمہ اللہ  نے تو اس کو موضوعات میں ذکر کیا ہے۔

’’رواه الدارقطني عن عائشة مرفوعا، وفي إسناده عبدالعزيز بن أبان وهو كذاب، وقد أخرجه البيهقي في الشعب من طريقه ... ‘‘[6].

’’یہ روایت دارقطنی l رحمہ اللہ نے حضرت عائشہ R رضی اللہ عنہا  سےمرفوعاً نقل کی ہے، اس کی سند میں عبدالعزیز بن ابان ہے جوکذاب(جھوٹا)ہے،بیہقی l رحمہ اللہ  نے’’ شعب الایمان‘‘میں اس (عبدالعزیز بن ابان )کےطریق سے یہ روایت ذکر کی ہے ...‘‘۔

امام مناویl رحمہ اللہ ’’ فیض القدیر‘‘ میں اس روایت پرامام احمدl رحمہ اللہ  کے کلام[7] کو ذکر کرنے کے بعد لکھتے ہیں: ’’وهو عن الثوري باطل لا أصل له، ولما أورده ابن الجوزي في الموضوع تعقبه المؤلف بوروده من طرق، ولا تخلو كلها عن كذاب أو متهم بالوضع‘‘[8].

اس روایت کو ثوریl رحمہ اللہ  سے نقل کرنا باطل، بے اصل ہے،اور جب ابن جوزیl رحمہ اللہ  نے اس روایت کوموضوعات میں ذکر فرمایا تو مصنف (امام سیوطیl رحمہ اللہ  ) نے کئی طرق ذکر کرکے ان (ابن جوزیl رحمہ اللہ ) کا تعاقب کیا ہے، اور ان طرق میں(جوامام سیوطیl رحمہ اللہ  بطور تعاقب لائے ہیں) کوئی بھی طریق کذاب اور متہم بالوضع سے خالی نہیں ہے۔

زیر بحث روایت میں ائمہ رجال نے ابو خالد قُرَشی کو کلام کامدار بنایا ہے،مناسب معلوم ہوتا ہے کہ ابو خالد قُرَشِی کے بارے میں ائمہ رجال کے اقوال تفصیل سے لکھے جائیں تاکہ روایت کاحکم سمجھنے میں آسانی ہو۔

حافظ ذہبی l رحمہ اللہ  ’’میزان الاعتدال‘‘[9] میں رقمطراز ہیں:

’’قال أحمد بن حنبل: لما حدث بحديث المواقيت تركته، وقال يحيى: كذاب خبيث، حدث بأحاديث موضوعة، وقال أحمد: لايكتب حديثه، وقال البخاري: تركوه‘‘.

امام احمدl رحمہ اللہ  کہتے ہیں: جب اس نے ’’مواقیت والی حدیث‘‘بیان کی تو میں نے اس سے روایت لینا چھوڑدیا۔امام یحیی l رحمہ اللہ  کہتے ہیں: یہ کذاب (جھوٹا)، خبیث ہے،من گھڑت روایتیں بیان کرتا ہے۔احمدl رحمہ اللہ  کہتے ہیں:اس کی روایتیں نہیں لکھی جائیں گی۔امام بخاریl رحمہ اللہ   کہتے ہیں: ’’تركوه‘‘ (شدید جرح)

حافظ ذہبی l رحمہ اللہ  ان ائمہ کے کلام کے بعد ابو خالد قُرَشی کی زیرِ بحث روایت بھی لائے ہیں۔

امام بیہقی l رحمہ اللہ  ’’شعب الإیمان‘‘ میں ابو مُطیع بَلخی کی سند سے روایت نقل کرنے بعد لکھتے ہیں:

’’قال الإمام أحمد رحمه الله: هذا لايصح عن هشام، وأبو مُطيع الحَكَم بن عبدالله البَلْخِي ضعيف، وإنما يعرف هذا الحديث من حديث عبدالعزيز بن أبان البَلْخِي أبي خالد القُرَشِي عن سفيان، وهو أيضا ضعيف بمرة ‘‘.

امام احمدl رحمہ اللہ نے فرمایا: ہشام سے اس حدیث کو بیان کرنا درست نہیں، اور (اس حدیث کی سندمیں) ابو مُطِیع بلخی ضعیف ہے، یہ حدیث دراصل ابو خالد قُرَشِی عبد العزیز بن ابان عن سفیان سے مشہور ہے،جبکہ وہ (ابو خالد قُرَشِی عبد العزیز بن ابان)بھی ’’ضعیف بمرة‘‘(جرح)ہے۔

واضح رہےکہ ’’روایتِ حدیث‘‘ میں ابو مُطِیع بَلخی کےبارے میں ائمہ رجال میں سےامام ابو حاتمl رحمہ اللہ ، امام جوزقانیl رحمہ اللہ ، امام ابو داؤد l رحمہ اللہ ، اورحافظ ذہبی l رحمہ اللہ نےجرح کےشدید صیغےاستعمال کیے ہیں[11] ^،[12]^،[13] ،اس لیے ابو مُطیع حکم بن عبد اللہ بَلخی کا ابو خالد قُرشی کی متابعت کرنااس روایت میں مفیدنہیں ہے[14]۔

اس روایت کو(مختلف سندوں سے) حافظ ابن عدی l رحمہ اللہ ، علامہ ابن جوزیl رحمہ اللہ ،حافظ شوکانی l رحمہ اللہ ، امام مناویl رحمہ اللہ ،حافظ عجلونی l رحمہ اللہ نے من گھڑت، باطل اور شدید ضعیف کہا ہے،اس لئے  رسول اللہﷺ کے انتساب سے اس روایت کو بیان کرنا درست نہیں،واللہ اعلم۔