محمد بن بابْشَاذ ابو عبید اللہ البصری

 حافظ خطیب l لکھتےہیں: ’’وفی حديثه غرائب ومناکیر‘‘[34].  ان کی حدیثوں میں غرائب اور منکر روایتیں ہیں۔

اس کے بعد حافظ خطیب l نے ابن بابْشَاذ کی منکر روایتوں میں زیرِ بحث روایت بھی نقل کی ہے۔

حافظ ابن کثیر l نے بھی،قطع نظر خاص اس روایت کے،’’البداية والنهاية‘‘[35] میں ابن بابْشَاذ کے بارے میں یہی لکھا ہے کہ ان کی احادیث میں غرائب ومناکیر ہیں۔

حافظ ذہبی l ’’المغنی فی الضعفاء‘‘[36] میں لکھتےہیں:

’’وثّقه الدارقطنی، ولکنّه روى حدیثا موضوعا راج عليه، ولم يهتد إليه فی فضل أبی بکر‘‘.موصوف کی دار قطنی l نے توثیق کی ہے،لیکن محمد بن بابشاذ نے ایک من گھڑت روایت(زیرِ بحث روایت کے علاوہ ایک دوسری روایت) حضرت ابو بکر r کی فضیلت میں نقل کی ہے،یہ روایت ان کی طرف لوٹتی ہے،جس کی جانب انھیں رہنمائی نہیں ہوئی۔