سہل بن صُقَیر ابو الحسن الخلاطی

حافظ ابن عد ی l ’’الکامل فی الضعفاء‘‘[27] میں لکھتے ہیں:

’’.... وأرجو ا أن لا یتعمّد الکذب، وإنّما یغلط، أو یشتبه عليه الشيء فیرويه‘‘..... مجھے امید ہے کہ سہل جان بوجھ کر جھوٹی روایت نقل نہیں کرتا، بات صرف یہ ہے کہ ان سے غلطی ہوجاتی ہے، یا مشتبہ چیزبھی نقل کردیتے ہیں‘‘۔

حافظ مزی l ’’تهذیب الکمال‘‘[28] میں حافظ ابن عدی l  کاقول نقل کرکے لکھتے ہیں : ’’وقال أبوبکر الخطیب: یضع الحدیث، وقال أبونصْر بن ماکولا: فيه ضعف‘‘ . ابوبکر خطيب l فرماتے ہیں کہ سہل حدیث گھڑتا تھا، اور ابن ماکولا l فرماتے ہیں کہ سہل میں ضعف ہے۔

حافظ ذہبی l ’’الکاشف‘‘[29] میں لکھتےہیں: سہل ’’متہم‘‘ (شدید جرح)ہے۔

حافظ ابن حجر l ’’التقریب‘‘[30] میں لکھتے ہیں: ’’منکر الحدیث، اتهمه الخطیب بالوضع‘‘. سہل منکر الحدیث ہے، سہل کو خطیب نے ’’متہم بالوضع‘‘ کہا ہے۔