ابو عمرو عثمان بن عبد الرحمن بن عمر بن سعد بن ابی وقاص زہری وقَّاصی مدینی

حافظ یحیی بن معین l فرماتے ہیں: ’’لا يكتب حديثه، كان يكذب‘‘[17]. اس کی حدیث کو نہیں لکھا جائے گا، یہ جھوٹ بولتا تھا۔

علامہ عبد اللہ بن علی بن مدینی l فرماتے ہیں: ’’وسألت أبي عن عثمان بن عبد الرحمن الوقاصي فضعفه جدا‘‘[18]. میں نے اپنے والد سے عثمان بن عبد الرحمن وقَّاصی کے بارے میں پوچھا تو انہوں نے اس کو شدید ضعیف قرار دیا۔

حافظ ابن برقیl ’’التمييز‘‘[19] میں فرماتے ہیں: ’’ليس هو بثقة، ولا يكتب حديثه‘‘. عثمان بن عبد الرحمن ثقہ نہیں ہے، اور اس کی حدیث کونہیں لکھا جائے گا۔

امام بخاریl ’’التاريخ الكبير‘‘[20]عثمان بن عبد الرحمن کےبارے میں فرماتے ہیں: ’’ترکوه‘‘.

نیز امام بخاریl ’’التاريخ الصغير‘‘[21] میں فرماتے ہیں: ’’سكتوا عنه‘‘.

حافظ جوزجانی l نے ’’ أحوال الرجال‘‘[22] میں عثمان بن عبد الرحمن کو ’’ساقط‘‘ کہا ہے۔

امام مسلم l نے ’’الكنى‘‘[23] میں عثمان بن عبد الرحمن کو ’’ذاهب الحديث‘‘ کہا ہے۔

امام ابو داؤد l نے عثمان بن عبد الرحمن کو ’’ليس بشيء‘‘ کہا ہے[24]۔

حافظ ابو حاتم l وقَّاصی کے بارے میں فرماتے ہیں: ’’متروک الحدیث، ذاهب الحدیث، کذاب‘‘[25].

حافظ یعقوب بن سفیان فسوی l ’’المعرفة‘‘[26] میں فرماتے ہیں:’’لا يكتب أهل العلم حديثه إلا للمعرفة، ولا يحتج بروايته‘‘. اہل علم اس کی حدیث کو صرف معرفت کےلئے لکھتے تھے، اور اس کی روایت سے احتجاج نہیں کرتے تھے۔

امام ترمذیl نے عثمان بن عبد الرحمن کو ’’ليس بالقوي‘‘[27]  کہا ہے۔

امام ابو بکر بزارl نے اپنی ’’مسند‘‘[28] میں ایک روایت کے تحت عثمان بن عبد الرحمن کو ’’لين الحديث‘‘کہا ہے۔

حافظ صالح جزرہl  فرماتے ہیں: ’’ كان يضع الحديث، وعلي بن عروة أكذب منه‘‘[29]. وقَّاصی حدیث گھڑتا تھا، اور علی بن عروہ اس سے بھی بڑا جھوٹا تھا۔ 

امام نسائی l نے ’’الضعفاء‘‘[30]میں عثمان بن عبد الرحمن کو ’’متروک الحدیث‘‘ کہا ہے۔

نیز امام نسائی l ایک دوسرے مقام پر فرماتےہیں: ’’ليس بثقة، ولا يكتب حديثه‘‘[31]. وقّاصی ثقہ نہیں ہے، اور اس کی حدیث کو نہیں لکھا جائے گا۔

حافظ زکریا ساجیl وقَّاصی کے بارے میں فرماتے ہیں: ’’يحدث بأحاديث بواطيل‘‘[32]. یہ باطل احادیث بیان کرتا ہے۔

حافظ ابو القاسم عبداللہ بن احمد بلخی l نے ’’قبول الأخبار‘‘[33] میں وقَّاصی کو ’’ليس بشيء‘‘ کہا ہے۔

حافظ ابن حبانl ’’المجروحين‘‘[34]  میں فرماتے ہیں:  ’’كان ممن يروي عن الثقات الأشياء الموضوعات، لا يجوز الاحتجاج به‘‘. وقَّاصی ان لوگوں میں سے ہے جو ثقات کے انتساب سے من گھڑت اشیاء روایت کرتے ہیں، اس کی احادیث سے احتجاج جائز نہیں ہے۔

حافظ ابن  عدیl ’’الکامل‘‘[35] میں فرماتے ہیں: ’’ولعثمان غير ما ذكرت من الحديث، وعامة أحاديثه مناكير، إما إسنادا وإما متنا‘‘. اور عثمان کی میری ذکر کردہ احادیث کے علاوہ اور بھی احادیث ہیں، اور اس کی احادیث میں عام طور سے مناکیر ہیں، اسناد کے اعتبار سے یا متن کے اعتبار سے۔

حافظ ابو احمدحاکمl نے عثمان بن عبد الرحمن کو ’’متروک الحدیث‘‘کہا ہے[36]۔

حافظ دار قطنیl نے اپنی ’’سنن‘‘[37] میں ایک روایت کے تحت عثمان وقَّاصی کو ’’متروک الحديث‘‘کہا ہے۔

حافظ ابن قیسرانی l نے ’’ذخيرة الحفاظ‘‘[38] میں ایک حدیث کے تحت وقّاصی کو ’’متروك الحديث‘‘ کہا ہے۔

حافظ عبد الحق اشبیلیl نے’’الأحكام الوسطى‘‘[39]میں اسے ’’متروک‘‘ قرار دیا ہے۔

حافظ ذہبی l نے’’میزان الاعتدال‘‘[40] میں عثمان بن عبد الرحمن کو ’’ليس بثقة‘‘ اور ’’سير أعلام النبلاء‘‘[41] میں ’’متروك الحديث‘‘کہا ہے۔

نیز حافظ ذہبی l ’’ديوان الضعفاء‘‘[42] میں فرماتے ہیں: ’’تركوه‘‘. محدثین نے اسے متروک قرار دیا ہے۔

حافظ ابن قیم الجوزیہ l ’’زاد المعاد‘‘[43] میں فرماتے ہیں: ’’متروك بإجماعهم‘‘. باجماع محدثین متروک ہے۔

حافظ جمال الدین زیلعی l ’’نصب الراية‘‘[44] میں وقّاصی کے بارے میں فرماتے ہیں: ’’أجمعوا على ترك الاحتجاج به‘‘. محدثین نے اس سے احتجاج کے ترک پر اجماع کیا ہے۔

حافظ ابن ملقن l نے ’’البدر المنير‘‘[45] میں اسے ’’واهي‘‘کہا ہے۔

حافظ ہیثمیl نے ’’مجمع الزوائد‘‘[46] میں ایک روایت کے تحت عثمان بن عبد الرحمن وقّاصی کو ’’متروك‘‘ کہا ہے۔

حافظ ابن حجر عسقلانیl نے ’’إتحاف المهرة‘‘[47] میں عثمان بن عبد الرحمن کو’’ضعيف جدا‘‘ اور ’’تلخيص الحبير‘‘[48]میں ’’متروك الحديث‘‘ کہا ہے۔

نیز حافظ ابن حجرعسقلانیl ’’تقريب التهذيب‘‘[49] میں فرماتے ہیں: ’’متروك، وكذبه ابن معين‘‘. متروک ہے،ابن معینl نے اسے جھوٹا قرار دیا ہے۔

حافظ بدر الدین عینی l ’’البناية‘‘[50] میں ایک روایت کے تحت عثمان وقَّاصی کے بارے میں فرماتے ہیں: ’’أجمعوا على ترك الاحتجاج به‘‘. محدثین نے اس سے احتجاج کے ترک پر اجماع کیا ہے۔

علامہ ابن عراق l’’تنزيه الشريعة‘‘[51] میں عثمان بن عبد الرحمن وقّاصی کووضاعین ومتہمین کی فہرست میں شمار کرکے فرماتے ہیں: ’’قال يحيى مرة: يكذب، وقال ابن حبان: يروي الموضوعات عن الثقات‘‘. ایک مرتبہ یحیی l نے فرمایا: یہ جھوٹ بولتا ہے، اور ابن حبانl فرماتے ہیں: یہ ثقہ راویوں کے انتساب سے من گھڑت روایات نقل کرتا ہے۔