ابو عمرو ایوب بن مدرک دمشقی شامی حنفی

امام بخاریl ’’التاريخ الكبير‘‘[14] میں فرماتے ہیں:’’عن مكحول مرسل، سمع منه علي بن حجر‘‘. مکحول سے مرسل روایات بیان کرتا ہے، اس سے علی بن حجر نے سماعت کی ہے۔

حافظ یحیی بن معین l  ایوب بن مدرک کے بارے میں فرماتے ہیں: ’’كذاب، كان ها هنا، يمامي، قد رأيته، وكتبت عنه، ليس بشيء‘‘[15]. یہ جھوٹا ہے، یہ یہیں تھا، یمامی ہے، میں نے اسے دیکھا ہے، اور اس سے حدیث لکھی ہے، یہ لیس بشیء ہے۔

حافظ یحیی بن معین l ایک دوسرے موقع پر فرماتے ہیں: ’’ كان يكذب‘‘[16]. یہ جھوٹ بولتا تھا۔

حافظ ابو حاتم l نے ایوب بن مدرک کو ’’ضعيف الحديث، متروك‘‘ کہا ہے [17]۔

حافظ  ابو زرعہ l نے  ایوب بن مدرک کو ’’ضعيف الحديث‘‘ کہا ہے[18]۔

حافظ ابن حبان l ’’المجروحين‘‘[19] میں لکھتے ہیں: ’’يروي المناكير عن المشاهير، ويدعي شيوخا لم يرهم، ويزعم أنه سمع منهم، روى عن مكحول نسخة موضوعة، ولم يره‘‘. ایوب بن مدرک مشاہیر کے انتساب سےمناکیر نقل کرتا ہے،اور ان شیوخ کا دعوی کرتا ہےجن کو اس نے دیکھا بھی نہیں، اوردعوی کرتا ہےکہ اس نے ان شیوخ  سے  سنا ہے،اس نے مکحول کے انتساب سے ایک من گھڑت نسخہ روایت کیا ہے،حالانکہ اس نےمکحول کو دیکھا بھی نہیں۔

اما م نسائی l نے ایوب بن مدرک کو ’’متروك الحديث‘‘[20] کہا ہے۔

نیز امام نسائی l ایک دوسرے مقام پر فرماتے ہیں: ’’ ليس بثقة، ولا يكتب حديثه‘‘[21]. ثقہ نہیں ہے، اور اس کی حدیث نہ لکھی جائے۔

حافظ یعقوب بن ابراہیم l نے ایوب کو ’’ضعيف‘‘ کہا ہے[22]۔

حافظ صالح بن محمد جزرہ l نے ایوب کو ’’ضعيف‘‘ کہا ہے[23]۔

حافظ عقیلی l ’’الضعفاء الكبير‘‘[24] میں لکھتے ہیں: ’’ولا يتابع عليه، وقد حدث بمناكير‘‘. ایوب بن مدرک کی متابعت نہیں کی جاتی،اور اس نے مناکیر بیان کی ہیں ۔

حافظ ابن عدی l ’’الكامل‘‘[25] میں لکھتے ہیں: ’’ولأيوب بن مدرك أحاديث، وعامة حديثه عن مكحول، وإذا روى عن مكحول، فيكون مكحول عن صحابة، ولم يدركهم، مثل من ذكرته أبو الدرداء، وعائشة، وغيرهما، مثل واثلة بن الأسقع، وأبوأمامة، وغيرهما، وكذلك مراسيل، وأيوب بن مدرك فيما يرويه عن مكحول وغيره يتبين على رواياته أنه ضعيف‘‘.

ایوب بن مدرک کی کئی احادیث ہیں،اور اس کی اکثر احا دیث  مکحول سے ہیں،اور جب ایوب مکحول سے روایت کرےتو یہ مکحول صحابہ سے روایت کرتا ہے،جبکہ مکحول نے میرے ذکر کردہ صحابہp جیسے: ابوالدرداء r ، عائشہ R اور ان دو کے علاوہ جیسے: واثلہ بن اسقع r، ابوامامہ rاور ان کے علاوہ کا زمانہ نہیں پایا،اور یہی حال اس کی مرسل روایات کا ہے،اور ایوب بن مدرک جن روایات   میں مکحول اور مکحول کے علاوہ سے روایت کرے تو اس کی روایات میں ضعف واضح ہوتا ہے۔

حافظ ابن شاہین l نے ’’تاريخ أسماء الضعفاء‘‘[26] میں ایوب بن مدرک کے بارے میں ایک جگہ ’’ ليس بشيء‘‘ کہا ہے، اور ایک دوسرے مقام پر ’’ كذاب‘‘ کہا ہے۔

امام دارقطنی l نے ایوب بن مدرک کو ’’متروك‘‘ کہا ہے[27]۔

امام ابو احمد حاکم l نے ایوب بن مدرک کے بارے میں ’’ ليس حديثه بالقائم‘‘ کہا ہے[28]۔

حافظ ذہبی l ’’ديوان الضعفاء‘‘[29] میں لکھتے ہیں: ’’تركوه‘‘. محدثین نے ایوب بن مدرک کو ترک کر دیا تھا۔

نیز حافظ ذہبیl نے ’’المقتنى‘‘[30] میں ایوب بن مدرک کو ’’واه‘‘ کہا  ہے۔

حافظ برہان الدین حلبیl ’’الكشف الحثيث‘‘[31] میں فرماتے ہیں: ’’ذكر الذهبي توهينه عن غير واحد، وقد ذكره ابن الجوزي في موضوعاته في باب فضل أهل العمائم يوم الجمعة، ثم قال: قال أبو الفتح الأزدي: هذا من وضع أيوب، ثم ذكر ابن الجوزي تضعيفه عن غير واحد، والحديث المشار إليه ذكره الذهبي، فقال: وروى أيوب بن مدرك، عن مكحول نسخة موضوعة، ولم يره انتهى‘‘.

 ذہبیl نے ایک سےزائد  افراد سے اس کے ضعیف ہونے کو ذکر کیا ہے، اور ابن جوزیl اپنی ’’موضوعات‘‘ میں جمعہ کے دن پگڑیوں والوں کی فضیلت کے باب کے تحت اس حدیث کو ذکر کر کے فرماتے ہیں:ابو الفتح ازدیl کہتے  ہیں:یہ حدیث ایوب کی گھڑی ہوئی ہے، پھر ابن جوزیl نے ایک سے زائد افراد سےاس کی تضعیف کو ذکر کیا، اور جس حدیث کی طرف اشارہ کیا گیا ہے اسے ذہبیl نے ذکر کر کے کہا ہے: اور ایوب بن مدرک نے مکحول کے انتساب سے ایک من گھڑت نسخہ روایت کیا ہے، حالانکہ اس نے مکحول کو دیکھا بھی نہیں، انتہی ۔

علامہ  ابن عراق l نے ایوب بن مدرک کو وضاعین ومتہمین  کی فہرست میں شمار کرکے حافظ یحیی بن معین l اور حافظ ابن حبان l  کا قول ذکر کیا ہے[32]۔