ابو سعد علاء بن کثیر مولی بنو امیہ شامی دمشقی

حافظ  یحیی بن معین l نے علاء بن کثیر کو ’’ ليس حديثه بشيء‘‘ کہا ہے[38]۔

امام علی بن مدینی l نے علاء بن کثیر کو ’’ضعيف الحديث جدا‘‘ کہا ہے[39]۔

امام بخاری l نے ’’التاريخ الكبير‘‘[40] میں علاء بن کثیر کو ’’منكر الحديث‘‘ کہا ہے۔

امام حمد بن حنبل l نے علاء بن کثیر کو ’’حديثه ليس بشيء‘‘ کہا ہے[41]۔

امام احمد بن حنبل l ایک موقع پر فرماتے ہیں: ’’ لا يسوي حديثه شيئا‘‘[42].

حافظ عقیلی l نے امام احمد بن حنبل l اور امام بخاری l کے قول کو نقل کرنے پر اکتفاء کیا ہے[43]۔

امام نسائی l نے علاء بن کثیر کو ’’ضعيف‘‘ کہا ہے[44]۔

نیز امام نسائی l نے ایک دوسرے مقام پرعلاء  بن کثیر کو ’’متروك الحديث‘‘ کہا ہے[45]۔

حافظ ابو حاتم l فرماتے ہیں : ’’هو ضعيف الحديث، منكر الحديث، لا يعرف بالشام، هو مثل عبد القدوس بن حبيب، وعمر بن موسى الوَجِيْهِي في الضعف‘‘[46]. علاء بن کثیر ضعیف الحدیث ، منکر الحدیث ہے،شام میں اس کی معرفت نہیں تھی،یہ ضعف میں عبدالقدوس بن حبیب اور عمر  بن موسی وجیہی کی طرح ہے۔  

حافظ  ابو زرعہ l نے علاء بن کثیر کو ’’ضعيف الحديث، واهي الحديث‘‘ کہا ہے[47]۔

حافظ ابن حبان l ’’المجروحين‘‘[48] میں لکھتے ہیں: ’’وكان ممن يروي الموضوعات عن الأثبات، لا يجوز الاحتجاج بما رواه وإن وافق الثقات، ومن أصحابنا من زعم أنه العلاء بن الحارث، وليس [ك] ذلك، لأن العلاء بن الحارث حضرمي من اليمن، وهذا من موالي بني أمية، وذاك صدوق، وهذا ليس بشيء في الحديث‘‘.

یہ ان لوگوں میں سے تھاجو ثبت راویوں کے انتساب سے من گھڑت روایات نقل کرتے ہیں،اس کی روایتوں سے ثقہ راویوں کی موافقت کے باوجود احتجاج جائز نہیں ہے،اور ہمارے اصحاب میں سے بعض نے اسے علاء بن حارث سمجھاہے،حالانکہ ایسا نہیں ہے،کیوں کہ علاء بن حارث حضرمی کا تعلق یمن سے تھا،اور علاء بن کثیر بنو امیہ کے موالی میں سے ہے،علاء بن حارث حضرمی صدوق تھا،اور علاء بن کثیر لیس بشیء فی الحدیث ہے۔

حافظ ابن عدی l ’’الكامل‘‘[49] میں لکھتے ہیں: ’’وللعلاء بن كثير عن مكحول، عن الصحابة، عن النبي صلى الله عليه وسلم نسخ كلها غير محفوظة، وهو منكر الحديث‘‘. اور علاء بن کثیر کے مکحول، عن الصحابہ، عن النبی ﷺ کی سند سے منقول تمام کے تمام نسخے غیر محفوظ ہیں،اور یہ منکر الحدیث ہے۔

حافظ ابو الفتح ازدی l علاء بن کثیر کے بارے میں فرماتے ہیں: ’’ساقط، لا يكتب حديثه‘‘[50].ساقط ہے،اس کی حدیث کو  نہیں لکھا جائے گا۔

حافظ دار قطنی l نے اپنی ’’سنن‘‘[51] میں علاء بن کثیر کو ’’ضعيف الحديث‘‘ کہا ہے۔

حافظ ساجیl نے علاء بن کثیر کو ’’منكرالحديث‘‘ کہا ہے[52]۔

حافظ عبد الحق اشبیلی l نے ’’ أحكام الوسطى‘‘[53] میں علاء بن کثیر کو ’’منكر الحديث، ضعيف‘‘ کہا ہے۔

حافظ ذہبی l ’’ديوان الضعفاء‘‘[54] میں فرماتے ہیں: ’’مجمع على ضعفه‘‘. اس کے ضعف پر سب متفق ہیں۔

حافظ ذہبیl ہی نے ’’میزان الاعتدال‘‘[55]  میں عبد الرحمن بن ہانئ کے ترجمہ میں علاء بن کثیر کو ’’هالك‘‘ کہا ہے۔

حافظ ابن حجر عسقلانیl ’’تقريب التهذيب‘‘[56] میں فرماتے ہیں: ’’متروك، رماه ابن حبان بالوضع‘‘. متروک ہے، ابن حبانl نے اس کو حدیث گھڑنے میں متہم قرار دیا ہے۔