ابو عبدالرحمن محمد بن عبیداللہ بن ابی سلیمان کوفی فزاری عَرْزَمی

حافظ یحیی قطان l فرماتے ہیں: ’’سألت العرزمي الأصغر[كذا في الأصل]، فجعل لا يحفظ، فأتيته بكتاب، فجعل لا يحسن يقرأ‘‘[97]. میں نے عَرْزَمی اصغر سے کچھ سوال کیا تو اسے یاد ہی نہیں تھا، پھر میں اس کے پاس کتاب لے آیا تو وہ اسے صحیح پڑھ بھی نہیں سکتا تھا۔

امام وکیعl فرماتے ہیں: ’’ كان محمد بن عبيد الله العرزمي رجلا صالحا، قد ذهبت كتبه، فكان يحدث حفظا، فمن ذلك أتي‘‘[98]. محمد بن عبید اللہ عَرْزَمِی نیک آدمی تھا،اس کی کتب ضائع ہو گئی تھیں،چنانچہ یہ حفظ سے حدیث بیان کرتا تھا، اسی وجہ سے یہ بات پیش آئی ہے۔

حافظ  یحیی بن معین l فرماتے ہیں: ’’ لا يكتب حديثه‘‘[99]. اس کی حدیث نہ لکھی جائے۔

حافظ یحیی بن معین l نے ایک دوسرے مقام پر محمد بن عبید اللہ عَرْزَمی کو ’’ليس بشيء‘‘ کہا ہے[100]۔

امام احمد بن حنبل l ’’العلل‘‘[101] میں فرماتے ہیں: ’’ترك الناس حديثه‘‘. محدثین نے اس کی حدیث کو ترک کر دیا تھا۔

حافظ عمرو بن علی فلّاسl نے محمد بن عبید اللہ عَرْزَمی کو ’’متروك الحديث‘‘ کہا ہے[102]۔

امام بخاری l ’’التاريخ الكبير‘‘[103] اور ’’الضعفاء‘‘[104] میں لکھتے ہیں: ’’تركه ابن المبارك ويحيى‘‘. ابن مبارک l اور یحیی l نے اس کو ترک کر دیا تھا۔

حافظ ابراہیم بن یعقوب جوزجانیl نے محمد بن عبید اللہ عَرْزَمی کو  ’’ساقط‘‘[105] قرار دیا ہے۔

امام مسلم l نے محمد بن عبید اللہ کو ’’الكنى‘‘[106] میں ’’متروك الحديث‘‘ کہا ہے۔

حافظ ابو حاتم l نے محمد بن عبیداللہ کو ’’ضعيف الحديث جدا‘‘[107] کہا ہے۔

حافظ ابن ابی حاتم l ’’الجرح والتعديل‘‘[108] میں حافظ ابو زرعہ l  کا قول نقل کرتے ہوئے لکھتے ہیں: ’’ لا يكتب حديثه، وترك قراءة حديثه علينا‘‘. اس کی حدیث نہیں لکھی جائے گی، (حافظ ابن ابی حاتم l مزید فرماتے ہیں کہ) ابو زرعہ l نے ہم پر اس کی حدیث کی قراءت ترک کر دی تھی۔

امام ابو داودl نے اسے ’’ ليس بشيء‘‘[109] کہا ہے۔

حافظ ابو بشر دولابی l نے ’’الكنى والأسماء‘‘[110] میں محمد بن عبید اللہ کو ’’متروك الحديث‘‘ کہا ہے۔

امام نسائی l نے ’’الضعفاء والمتروكين‘‘[111] میں محمد بن عبیداللہ کو ’’متروك الحديث‘‘ کہا ہے۔

نیز امام نسائیl ایک دوسرے مقام پر فرماتے ہیں: ’’ ليس بثقة، ولا يكتب حديثه‘‘[112].ثقہ نہیں ہے، اس کی حدیث نہیں لکھی جائے گی۔

حافظ ساجیl فرماتے ہیں: ’’صدوق، منكر الحديث، أجمع أهل النقل على ترك حديثه، عنده مناكير، سمعت ابن المثنى يقول: ما سمعت يحيى ولا عبد الرحمن حدثا عنه شيئا قط‘‘[113].صدوق ہے، منکر الحدیث ہے، اہل نقل کا اس کی حدیث کے ترک پر اجماع ہے، اس کے پاس مناکیر تھیں، میں نے ابن المثنی l سے سنا، وہ فرماتے تھے کہ میں نے یحیی l اور عبد الرحمن l سے کبھی بھی اس سے کچھ روایت کرتے ہوئے نہیں سنا۔

حافظ ابن حبان l ’’ المجروحين‘‘[114] میں لکھتے ہیں: ’’وكان صدوقا إلا أن كتبه ذهبت، وكان رديء الحفظ، فجعل يحدث من حفظه ويهم، فكثر المناكير في روايته، تركه ابن المبارك، ويحيى القطان، وابن مهدي، ويحيى بن معين‘‘.

صدوق تھا، مگر اس کی کتب ضائع ہو گئی تھیں، اور یہ ردی الحفظ تھا، اپنے حفظ سے حدیث بیان کرتا تھا، اور اس کو وہم ہوتا تھا، چنانچہ اس کی روایتوں میں مناکیر کثرت سے آگئیں، ابن مبارک l ، یحیی القطان l ، ابن مہدی l اور یحیی بن معین l نے اس کو ترک کر دیا تھا۔

حافظ ابن عدیl ’’ الكامل‘‘[115] میں فرماتے ہیں: ’’ولمحمد بن عبيد الله غير ما ذكرت من الحديث، وله نسخة يرويها عنه ابنه، وابن أخيه، وعامة رواياته غير محفوظة‘‘. محمد بن عبیداللہ کی میری ذکر کر دہ احادیث کے علاوہ بھی روایات ہیں، اور اس کے پاس ایک نسخہ تھا جسے اس کے بیٹے نے اور اس کے بھتیجے نے اس سے روایت کیا ہے، اور اس کی اکثر روایات غیر محفوظ ہیں ۔

حافظ ابن شاہین l نے ’’تاريخ أسماء الضعفاء‘‘[116] میں محمد بن عبید اللہ عَرْزَمی کو ’’ ليس بشيء‘‘ کہا ہے۔

حافظ ابو احمد حاکمl فرماتے ہیں: ’’حديثه ليس بالقائم‘‘[117]. اس کی حدیث لیس بالقائم ہے۔

امام حاکمl ’’المدخل‘‘[118] محمد بن عبید اللہ عَرْزَمی کے بارے میں فرماتے ہیں: ’’متروك الحديث بلا خلاف أعرفه بين أئمة أهل النقل فيه‘‘. میں اس کے بارے میں ائمہ اہل نقل کے درمیان بلا اختلاف ’’متروک الحدیث‘‘ ہونے کو جانتا ہوں۔

حافظ ابن قیسرانیl ’’تذكرة الحفاظ‘‘[119] میں فرماتے ہیں: ’’ومحمد هذا متروك الحديث‘‘. یہ محمد متروک الحدیث ہے۔

حافظ علائی l ’’النقد الصحيح‘‘[120] میں ایک حدیث کے تحت لکھتے ہیں: ’’وفي طريق الثاني: محمد بن عبيد الله العرزمي، وهو متهم، ليس بثقة‘‘. دوسری سند میں محمد بن عبید اللہ عَرْزَمی ہے، اور وہ متہم، لیس بثقہ ہے۔

حافظ ذہبی l ’’ديوان الضعفاء‘‘[121] میں لکھتے ہیں : ’’ تركوه‘‘. محدثین نے اسے ترک کردیا تھا۔

نیز حافظ ذہبیl ’’تاريخ الإسلام‘‘[122] میں محمد بن عبید اللہ عَرْزَمی کے بارے میں فرماتے ہیں: ’’وكان من عباد الله الصالحين، لكنه واه‘‘. اور یہ اللہ کے نیک بندوں میں سے تھا، لیکن واہی تھا۔

حافظ ابن جزریl ’’غاية النهاية‘‘[123] میں محمد بن عبید اللہ عَرْزَمی کے بارے میں فرماتے ہیں: ’’ كان رجلا صالحا، ولكن ذهبت كتبه، فكان يحدث من حفظه، فتكلم الناس فيه لذلك، فضعفوه‘‘. نیک آدمی تھا، لیکن اس کی کتب ضائع ہو گئی تھیں،چنانچہ یہ اپنے حفظ سے حدیث بیان کرتا تھا،اسی وجہ سے لوگوں نے اس کے بارے میں کلام کیا،چنانچہ انہوں نے اس کو ضعیف قرار دیا ہے۔

حافظ ابن حجر عسقلانیl نے ’’تقريب التهذيب‘‘[124] میں محمد بن عبید اللہ عَرْزَمی کو ’’متروك‘‘ کہا ہے۔

علامہ ابن عراقl نے محمد بن عبید اللہ کو وضاعین ومتہمین کی فہرست میں ذکر کر کے حافظ علائی l کے قول کو نقل کیا ہے[125]۔