ابو عامر عبد اللہ بن عامر اسلمی مدینی

حافظ ابن سعد l ’’الطبقات الکبرى‘‘[40] میں فرماتے ہیں: ’’ كان كثير الحديث يستضعف‘‘. کثیر الحدیث تھا، ضعیف سمجھا جاتا ہے۔

حافظ ابن بکیر lنے عبد اللہ بن عامر کو ’’ثقة‘‘کہا ہے[41]۔

حافظ یحیی بن معین l نے عبد اللہ بن عامر کو ’’ليس بشيء‘‘ کہا ہے[42]۔

حافظ یحیی بن معین l نے عبد اللہ بن عامر کو ایک مقام پر ’’ليس حديثه بذاك‘‘  کہا ہے[43]۔

امام علی بن مدینی l فرماتے ہیں: ’’ذاك عندنا ضعيف ضعيف‘‘[44]. وہ ہمارے ہاں ضعیف ہے، ضعیف ہے۔

حافظ ابن برقیl نے ’’تمييز الثقات‘‘[45]  میں عبد اللہ بن عامر کو ’’ضعيف‘‘ کہا ہے۔

امام احمد بن حنبلl ، عبد اللہ بن عامر اسلمی کے بارے میں فرماتے ہیں: ’’ليس بقوي في الحديث‘‘[46]. یہ حدیث میں قوی نہیں ہے۔

امام بخاریl’’التاريخ الكبير‘‘[47] فرماتے ہیں: ’’يتكلمون في حفظه‘‘. محدثین اس کے حفظ پر کلام کرتے تھے۔

حافظ جوزجانی l’’أحوال الرجال‘‘[48] میں فر ماتے ہیں: ’’يضعف حديثه‘‘. اس کی حدیث کو ضعیف قرار دیا گیا ہے۔

حافظ ابو حاتمl فرماتے ہیں: ’’هو ضعيف، ليس بمتروك‘‘[49]. وہ ضعیف ہے، متروک نہیں ہے۔

حافظ ابو زرعہ l نے عبد اللہ بن عامر کو ’’ضعيف الحديث‘‘ کہا ہے[50]۔

حافظ ابو اسحاق حربی l فرماتے ہیں: ’’غيره أوثق منه‘‘[51]. اس کے علاوہ اس سے زیادہ ثقہ ہیں۔

امام نسائی l نے ’’الضعفاء‘‘[52] میں اسے ’’ضعيف‘‘ کہا ہے۔

حافظ ابو محمد بن جارود نیشاپوری  lنے اسے ’’ ليس بشيء‘‘کہا ہے[53]۔

حافظ ابن حبانl ’’المجروحین‘‘[54]میں عبد اللہ بن عامر اسلمی کے بارے میں فرماتے ہیں: ’’كان ممن يقلب الأسانيد والمتون، ويرفع المراسيل والموقوف‘‘. یہ ان لوگوں میں سے ہے جو اسانید اور متون میں قلب کرتے تھے، اور مراسیل اور موقوف روایات کو مرفوع بنا دیتے تھے۔

حافظ ابن عدیl ’’الكامل‘‘[55]میں عبد اللہ بن عامر کے ترجمہ میں اس کی بعض روایات ذکر کرنے کے بعد فرماتے ہیں: ’’وعبد الله بن عامر له غير ما ذكرت، وهو عزيز الحديث، ولا يتابع في بعض هذه الأخبار التي ذكرتها عنه، وهو ممن يكتب حديثه‘‘. عبد اللہ بن عامر کی میری ذکر کردہ روایات کے علاوہ اور بھی روایات ہیں اور وہ عزیز الحدیث ہے، میری اس سے ذکر کردہ بعض روایات میں اس کی متابعت نہیں کی جاتی، اور یہ ان لوگوں میں سے ہے جن کی حدیث کو لکھا جاتا ہے۔

حافظ  ابو احمد حاکمl نے اسے ’’ليس بالقوي عندهم‘‘ کہا ہے[56]۔

حافظ دار قطنیl نے ’’الضعفاء‘‘[57] میں عبد اللہ بن عامر کو ’’ضعيف‘‘ کہا ہے۔

حافظ ابن عساکر l نے ’’تاريخ دمشق‘‘[58] میں عبد اللہ بن عامر کو’’ضعيف الحديث‘‘ کہا ہے۔

حافظ ذہبیl نے ’’الكاشف‘‘[59] میں اسے ’’ضعيف‘‘ کہا ہے۔