ابو طاہر موسی بن محمد بن عطاء بلقاوی مقدسی دمیاطی

حافظ موسی بن سہل رملی l فرماتے ہیں: ’’ أشهد عليه أنه كان يكذب‘‘[15]. میں اس بات کی گواہی دیتا ہوں کہ یہ جھوٹ بولتا ہے۔

حافظ ابو زرعہ l فرماتے ہیں: ’’ أتيته، فحدث عن الهيثم بن حميد، وفلان وفلان، وكان يكذب‘‘[16]. میں ابو طاہر مقدسی کے پاس گیا تو وہ ہیثم بن حمید اور فلاں فلاں کے انتساب سے حدیث بیان کرنے لگا، اور وہ جھوٹ بولتا تھا۔

حافظ ابو عثمان سعيد بن عمرو برذعیl فرماتے ہیں: ’’وقال لي أبو زرعة: أتينا رجلا بالشام، فحدث عن الهيثم بن حميد، وفلان، وفلان، وكان يكذب، قلت: أي شيء اسمه؟ قال: كان يقال له: أبو طاهر المقدسي، فذكر أشياء رآها منه، وينسبه إلى الكذب‘‘[17]. مجھ سے ابو زرعہ l نے کہا: ہم شام میں ایک شخص کے پاس گئے، تو اس نے ہیثم بن حمید اور فلاں فلاں کے انتساب سے روایت بیان کی، اور وہ جھوٹ بولتا تھا، میں نے کہا: اس کا نام کیا ہے؟ ابو زرعہ l نے فرمایا: اسے ابو طاہر مقدسی کہا جاتا ہے، چنانچہ ابو زرعہ l نے چند اشیاء کو ذکر کیا جو اس میں دیکھی تھیں، اور اسے جھوٹ کی طرف منسوب کیا۔

حافظ ابو حاتم l فرماتے ہیں: ’’رأيته عند هشام بن عمار، ولم أكتب عنه، وكان يكذب، ويأتي بالأباطیل ‘‘[18]. میں نے اسے ہشام بن عمار کے پاس دیکھا تھا، اور میں نے اس سے نہیں لکھا، اور یہ جھوٹ بولتا ہے، اور باطل اشیاء لاتا ہے۔

امام نسائی l نے ابو طاہر مقدسی کو ’’ ليس بثقة‘‘ کہا ہے[19]۔

حافظ عقیلی l  ’’الضعفاء الكبير‘‘[20] میں فرماتے ہیں: ’’يحدث عن الثقات، بالبواطيل في الموضوعات ‘‘. یہ ثقہ لوگوں کے انتساب سے باطل اور من گھڑت حدیثیں بیان کرتا ہے۔

حافظ ابن حبانl  ’’المجروحین‘‘[21]میں فر ماتے ہیں:  ’’وكان يدور بالشام، ويضع الحديث على الثقات، ويروي ما لا أصل له عن الأثبات، لا تحل الرواية عنه ولا كتابة حديثه إلا على سبيل الاعتبار للخواص‘‘. یہ شام میں گھومتا تھا، ثقہ راویوں کے انتساب سے حدیث گھڑتا تھا، اور ثقہ راویوں کے انتساب سے ایسی احادیث روایت کرتا تھا جن کی کوئی اصل نہیں ہے، اس سے روایت کرنا اور اس کی حدیث کو لکھنا حلال نہیں ہے مگر اعتبار کے طور پر خواص کےلئے۔

حافظ ابن یونس lفرماتے ہیں: ’’روى عن مالك موضوعات، وهو متروك الحديث‘‘[22] . اس نے مالک l کے انتساب سے من گھڑت روایات بیان کی ہیں، اور یہ متروک الحدیث ہے۔

حافظ عبد الغنی بن سعید l نے ابو طاہر مقدسی کو ’’ضعيف‘‘ کہا ہے[23]۔

قاضی منصور بن اسماعیل l فرماتے ہیں: ’’ كان يضع الحديث على مالك والمُوَقَّرِي‘‘[24] . مالک l  اور موقری کے انتساب سے احادیث گھڑتا تھا۔

حافظ ابن عدی l  ’’الكامل‘‘[25] میں فرماتے ہیں: ’’منكر الحديث، ويسرق الحديث‘‘. یہ منکر الحدیث ہے، اور حدیث میں سرقہ کرتا  ہے۔

امام دارقطنیl نے ’’الضعفاء‘‘[26] میں ابو طاہر مقدسی کو ’’ضعيف‘‘ کہا ہے۔

نیز امام دار قطنیl نے ’’ العلل الواردة‘‘[27]  میں اسے ’’متروک الحديث‘‘ کہا ہے۔

حافظ ابو نعیم اصبہانی l نے ’’المسند المستخرج‘‘ [28] میں ابو طاہر مقدسی کو ’’ لا شيء‘‘ کہا ہے۔

امام بیہقی l نے  ’’السنن الكبرى‘‘[29] میں ایک روایت کے تحت موسی بن محمد بلقاوی کو   ’’منکر الحديث، ضعيف‘‘ کہا ہے۔

حافظ سمعانی l ’’الأنساب‘‘[30]میں موسی بن محمد بن عطاء کے بارے میں فرماتے ہیں: ’’ كان كذابا، مهجورا‘‘.

حافظ ذہبی l نے ’’المغني‘‘[31] میں ابو طاہر مقدسی کو ’’ کذاب، متهم‘‘ کہا ہے۔

حافظ ذہبی l نے ’’ميزان الاعتدال‘‘[32] میں موسی بن محمد بلقاوی کو ’’أحد التلفى‘‘ کہا ہے۔

نیز حافظ ذہبی l ’’ميزان الاعتدال‘‘[33] میں موسی بن محمد قرشی کے ترجمہ میں فرماتے ہیں:  ’’ الظاهر أنه البلقاوي الكذاب‘‘. بظاہر یہ بلقاوی ہے جو  کذاب ہے۔

حافظ عراقی l ’’ التقييد‘‘[34]  میں فرماتے ہیں: ’’والبلقاوي هذا كذاب‘‘. اور یہ بلقاوی کذاب ہے۔

حافظ ابن ناصر الدین دمشقی l ’’جامع الآثار‘‘[35] میں ایک روایت کے تحت موسی بن محمد بلقاوی کے بارے میں فرماتے ہیں: ’’وكان واهیا‘‘. اور یہ واہی تھا۔

حافظ ابن ناصر الدین دمشقی l ’’جامع الآثار‘‘[36] میں ایک دوسرے مقام پر ایک روایت کے تحت موسی بن محمد بلقاوی کے بارے میں فرماتے ہیں: ’’ أحد المتروكين، رمي بالوضع والسرقة‘‘. متروکین میں سے ایک ہے، اس پر حدیث گھڑنے اور سرقہ کرنے کا اتہام ہے۔

حافظ ابن حجر عسقلانی  l  ’’ لسان المیزان‘‘[37] میں عبد الجلیل مدنی کے ترجمہ میں ایک روایت نقل کرنے کے بعد فرماتے ہیں: ’’وقال ابن عساكر: هذا منكر، وأبو طاهر هو موسى بن محمد بن عطاء كذاب، وعبد الجليل مجهول‘‘. ابن عساکر l فرماتے ہیں: یہ روایت منکر ہے، اور ابو طاہر موسی بن محمد بن عطاء کذاب ہے، اور عبد الجلیل مجہول ہے۔

علامہ ابن عراق l  ’’تنزيه الشريعة‘‘[38] میں موسی بن محمد بن عطاء دمیاطی بلقاوی کو وضاعین ومتہمین کی فہرست میں شمار کرکے فرماتے ہیں: ’’عن مالك، كذبه أبو زرعة وأبو حاتم، وقال ابن حبان: كان يضع الحديث، وقال ابن عدي: كان يسرق الحديث‘‘. مالک l کے انتساب سے روایت کرتا ہے، ابو زرعہ l اور ابو حاتم l نے اسے جھوٹا کہا ہے، اور ابن حبان l فرماتے ہیں کہ حدیث گھڑتا تھا، اور ابن عدی l فرماتے ہیں کہ حدیث میں سرقہ کرتا تھا۔