ابو زید عبد الرحیم بن زید عمی حواری بصری

حافظ محمد بن مثنیl فرماتے ہیں: ’’ما سمعت عبد الرحمن يحدث عن عبد الرحيم بن زيد العمي شيئا قط‘‘[39]. میں نے عبد الرحمن (یعنی ابن مہدی l) کو کبھی بھی عبد الرحیم بن زید عمی سے حدیث نقل کرتے نہیں سنا۔

حافظ یحیی بن معین l نے عبد الرحیم بن زید کو ’’ ليس بشيء‘‘ کہا ہے[40]۔

امام علی بن مدینی l نے عبد الرحیم بن زید کو ’’ضعيف‘‘ کہا ہے[41]۔

امام بخاری l عبد الرحیم بن زید کے بارے میں ’’ التاريخ الكبير‘‘[42] ، ’’ التاريخ الصغير‘‘[43] اور  ’’الضعفاء‘‘[44] میں فرماتے ہیں: ’’تركوه‘‘. محدثین نے اسے ترک کردیا تھا۔

حافظ جوز جانی l نے ’’أحوال الرجال‘‘[45] میں عبد الرحیم بن زید کو ’’غير ثقة‘‘ کہا ہے۔

حافظ ابو زرعہ l نے اسے  ’’واهي، ضعيف الحديث‘‘ قرار دیا ہے[46]۔

امام ابو داؤد l نے عبد الرحیم بن زید کو ’’ ضعيف‘‘ کہا ہے[47]۔

نیز امام ابو داؤد l ایک دوسری جگہ ارشاد فرماتے ہیں:  ’’ لا يكتب حديثه‘‘ [48]. اس کی حدیث کو نہیں لکھا جائے گا۔

امام نسائی l نے ’’الضعفاء‘‘[49] میں عبد الرحیم بن زید کو ’’متروك‘‘ کہا ہے۔

امام نسائی l ایک دوسرے مقام پر عبد الرحیم بن زید کے بارے میں فرماتے ہیں: ’’ ليس بثقة، ولا يكتب حديثه‘‘[50]. ثقہ نہیں ہے، اور اس کی حدیث نہیں لکھی جائے گی۔

حافظ ابن جارود l نے عبد الرحیم بن زید کو ’’ ليس بشيء‘‘ کہا ہے[51]۔

حافظ ساجی l فرماتے ہیں: ’’عنده مناكير‘‘[52] . اس کے پاس مناکیر ہیں۔

حافظ ابو القاسم عبداللہ بن احمد بلخی l نے ’’قبول الأخبار‘‘[53] میں عبد الرحیم بن زید کو ’’ ليس بشيء‘‘ کہا ہے۔

حافظ عقیلی l  ’’الضعفاء الكبير‘‘[54] میں عبد الرحیم بن زید عمی کی ایک حدیث تخریج کرکے فرماتے ہیں:  ’’ لا يتابع عليه، ولا على كثير من حديثه‘‘. اس حدیث میں اس کی متابعت نہیں ہوئی ہے، اور اس کی بہت سی احادیث میں متابعت نہیں ہوئی ہے۔

حافظ ابو حاتمl فرما تے ہیں: ’’عبد الرحيم بن زيد العمى ترك حديثه، كان يفسد أباه، يحدث عنه بالطامات‘‘[55]. عبد الرحیم بن زید کی حدیث کو ترک کردیا گیا ہے، وہ اپنے والد کے انتساب سے طامات روایت کرکے ان کو خراب کرتا تھا۔

حافظ ابو حاتمl ایک دوسرے مقام پر فرما تے ہیں: ’’عبد الرحيم بن زيد متروك الحديث، وزيد العمي ضعيف الحديث‘‘[56].عبد الرحیم بن زید متروک الحدیث ہے، اور زید عمی ضعیف الحدیث ہے۔

حافظ ابن حبانl  ’’المجروحین‘‘[57]میں فر ماتے ہیں:  ’’يروي عن أبيه العجائب، لا يشك من الحديث صناعته أنها معمولة أو مقلوبة كلها، يروي عن أبيه، روى عنه العراقيون، فأما ما روى عن أبيه فالجرح ملزق بأحدهما أو بهما، وهذا لا سبيل إلى معرفته، إذ الضعيفان إذا انفرد أحدهما عن الآخر بخبر لا يتهيأ حكم القدح في أحدهما دون الآخر، وإن كان وجود المناكير في حديث منهما معا أو من أحدهما استحق الترك‘‘.

عبد الرحیم اپنے والد سے عجائب روایت کرتا ہے، اہل صناعت کو اس میں شک نہیں ہے کہ وہ تمام روایات بنائی گئی ہیں یا مقلوب ہیں، یہ اپنے والد سے روایت کرتا ہے، اور اس سے اہل عراق روایت کرتے ہیں، تاہم جو اس نے اپنے والد سے روایت کی ہے اس میں جرح دونوں میں سے کسی ایک کے ساتھ یا دونوں کے ساتھ جڑی ہوئی ہے، اور اس کی معرفت کا کوئی طریقہ نہیں ہے، کیونکہ دو ضعیف راویوں میں سے ایک دوسرے سے خبر کو روایت کرنے میں متفرد ہوجائے تو ایک کو چھوڑ کر دوسرے پر جرح کا حکم لگانا ممکن نہیں ہوتا، اور اگر مناکیر دونوں کی احادیث میں ایک ساتھ موجود ہوں یا ان میں سے کسی ایک کی احادیث میں موجود ہوں تو وہ ترک کا مستحق ہوتا ہے۔

حافظ ابن عدیl ’’الكامل‘‘[58]میں عبد الرحیم بن زید کی بعض احادیث تخریج کرنے کے بعد فرماتے ہیں: ’’وعبد الرحيم بن زيد يروي عن أبيه، عن شقيق، عن عبد الله غير حديث منكر، وله أحاديث غير ما ذكرت كلها ما لا يتابعه الثقات عليها‘‘. اور عبد الرحیم بن زید نے اپنے والد سے شقیق، عن عبد اللہ کے طریق سے ایک سے زائد منکر احادیث روایت کی ہیں، اور میری ذکر کردہ احادیث کے علاوہ اس کی اور بھی ایسی احادیث ہیں جن میں ثقہ راویوں نے اس کی متابعت نہیں کی ہے۔

امام ابو عبد اللہ حاکم نیشاپوریl ’’المدخل‘‘[59] میں فرماتے ہیں: ’’روى عن أبيه أحاديث عليه الحمل فيها، لا على أبيه‘‘. اس نے اپنے والد سے ایسی احادیث روایت کی ہیں جن میں حمل اسی پر ہے، اس کے والد پر نہیں ہے۔

حافظ ابو نعیم اصبہانی l ’’المسند المستخرج‘‘ [60] میں فرماتے ہیں:  ’’عن أبيه أحاديث منكرة‘‘. یہ اپنے والد کے انتساب سے منکر احادیث روایت کرتا ہے۔

امام بیہقی l نے  ’’شعب الإیمان‘‘[61]  میں ایک روایت کے تحت عبد الرحیم کو ’’ ليس بالقوي‘‘ کہا ہے۔

امام بیہقی l ’’شعب الإیمان‘‘[62]  میں ایک دوسرے مقام پر فرماتے ہیں: ’’عبد الرحيم بن زيد العمي ضعيف، يأتي بما لا يتابعه الثقات عليه، والله أعلم‘‘. عبد الرحیم بن زید ضعیف ہے، ایسی اشیاء لاتا ہے جس میں ثقات اس کی متابعت نہیں کرتے، واللہ اعلم۔

حافظ ابن عبد البر l  ’’ التمهيد‘‘[63] میں ایک روایت کے تحت فرماتے ہیں: ’’وليس يشتغل أهل العلم بالنقل بمثل حديث عبد الرحيم بن زيد العمي وأبيه، وقد أجمعوا على تركهما ‘‘. اور اہل علم بالنقل عبد الرحیم بن زید اور اور اس کے والد جیسوں کی حدیث میں مشغول نہیں ہوتے، اور ان دونوں کے ترک پر محدثین نے اجماع کیا ہے۔

حافظ ابن سمعانی l فرماتے ہیں: ’’ كان ضعيفا‘‘[64]. یہ ضعیف تھا۔

حافظ ابن قیسرانیl نے ’’ذخيرة الحفاظ‘‘[65] میں ایک روایت کے تحت عبد الرحیم کو ’’ضعيف‘‘ کہا ہے۔

حافظ ابن عساکرl نے ’’معجم الشيوخ‘‘[66] میں ایک روایت کے تحت عبد الرحیم بن زید عمی کو ’’متروك الحديث‘‘ کہا ہے۔

حافظ ذہبی l ’’سير أعلام النبلاء‘‘[67] میں عبد الرحیم بن زید کے بارے میں فرماتے ہیں: ’’أحد المتروكين‘‘ یہ متروکین میں سے ایک ہے۔

نیز حافظ ذہبی l ’’ الكاشف‘‘[68] میں فرماتے ہیں: ’’تركوه‘‘. محدثین نے اسے ترک کردیا ہے۔

حافظ ابن ملقن l  ’’البدر المنير‘‘[69] میں ایک روایت کے تحت فرماتے ہیں: ’’فهو متروك، واه‘‘. یہ متروک، واہی ہے۔

حافظ ابن حجرعسقلانی l نے ’’ التلخيص‘‘[70] میں ایک روایت کے تحت عبد الرحیم بن زید کو ایک مقام پر ’’متروك‘‘ اور دوسرے مقام پر ’’ كذاب‘‘ کہا ہے[71]۔

حافظ ہیثمی l نے  ’’مجمع الزوائد‘‘[72] میں ایک حدیث کے تحت عبد الرحیم بن زید کو ’’متروك‘‘ کہا ہے۔

علامہ ابن عراق l ’’تنزيه الشريعة‘‘[73] میں عبد الرحیم بن زید کو وضاعین ومتہمین کی فہرست میں شمار کرکے فرماتے ہیں: ’’قال يحيى: كذاب‘‘. یحیی l فرماتے ہیں کہ یہ کذاب ہے۔