ابو سلمہ سلیمان بن ابی کریمہ شامی صیدانی

حافظ ابو حاتمl نے سلیمان بن ابی کریمہ کو ’’ضعيف الحديث‘‘ کہا ہے[55]۔

اسی طرح حافظ ابو حاتم l نے ایک حدیث کو باطل کہہ کر سلیمان بن ابی کریمہ کو ’’ضعيف الحديث‘‘ کہا ہے[56]۔

امام ابو بکر بزارl اپنی ’’مسند‘‘[57] میں ایک روایت کے تحت فرماتے ہیں: ’’وبكر بن عبد العزيز هذا ليس بمعروف بالنقل، وإن كان معروفا بالنسب، وكذلك سليمان بن أبي كريمة‘‘. اور یہ بکر بن عبد العزیز نقل میں معروف نہیں ہے، اگرچہ نسب میں معروف ہے، اور اسی طرح سلیمان بن ابی کریمہ ہیں۔

حافظ عقیلی l ’’الضعفاء الكبير‘‘[58] میں سلیمان بن ابی کریمہ کے بارے میں فرماتے ہیں: ’’يحدث بمناكير، ولا يتابع على كثير من حديثه‘‘. مناکیر بیان کرتا ہے، اور اس کی بہت سی حدیثوں میں متابعت نہیں ہوتی۔

حافظ ابن عدی l ’’الکامل‘‘[59] میں سلیمان بن ابی کریمہ کے ترجمہ میں چند احادیث ذکر کرکے فرماتے ہیں: ’’ولسليمان بن أبي كريمة غير ما ذكرت، وليس بالكثير، وعامة أحاديثه مناكير، ويرويه عنه عمرو بن هاشم البَيْرُوتي، وعمرو ليس به بأس، ولم أر للمتقدمين فيه كلام، وقد تكلموا فيمن هو أمثل منه بكثير، ولم يتكلموا في سليمان هذا، لأنهم لم يخبروا حديثه‘‘. اور سلیمان بن ابی کریمہ کی میری ذکر کردہ احادیث کے علاوہ بھی روایات ہیں، اور وہ زیادہ نہیں ہیں، اور اس کی اکثر احادیث مناکیر ہیں، اور اس سے عمرو بن ہاشم بَیْرُوتی روایت کرتا ہے، اور عمرو ’’لیس بہ بأس‘‘ہے، اور میں نے اس کے بارے میں متقدمین کا کلام نہیں دیکھا، اور انہوں نے بہت سے ایسے راویوں کے بارے میں کلام کیا ہے جو اس سے امثل ہیں، اور انہوں نے اس سلیمان کے بارے میں کلام نہیں کیا، اس لئے کہ ان کو اس کی حدیث کے بارے میں خبر نہیں ہوئی۔

حافظ ابن قیسرانی l نے ’’ذخيرة الحفاظ‘‘[60] میں اور حافظ ابن جوزی l نے ’’الضعفاء‘‘[61] میں حافظ ابن عدی l کے کلام پر اعتماد کیا ہے۔

حافظ ضیاء الدین مقدسی l ’’صفة الجنة‘‘[62] میں ایک روایت کے تحت سلیمان بن ابی کریمہ کے بارے میں فرماتے ہیں: ’’وفيه كلام‘‘. اور اس کے بارے میں کلام ہے۔

حافظ ذہبی l ’’المغني‘‘[63] میں سلیمان بن ابی کریمہ کے بارے میں فرماتے ہیں: ’’لين، صاحب مناكير‘‘. لین ہے، مناکیر والا ہے۔

حافظ ذہبی l ’’تاريخ الإسلام‘‘[64] میں سلیمان بن ابی کریمہ کے بارے میں حافظ ابن عدی l کا قول نقل کرنے کے بعد فرماتے ہیں: ’’ضعفه أبو حاتم، وما وثقه أحد‘‘. ابو حاتم l نے اسے ضعیف قرار دیا ہے، اور کسی نے اس کی توثیق نہیں کی ہے۔

حافظ ذہبی l نے ’’تلخيص الموضوعات‘‘[65] میں ایک روایت کے تحت سلیمان بن ابی کریمہ کو ’’تالف‘‘ کہا ہے۔

حافظ ہیثمی l نے ’’مجمع‘‘[66] میں ایک روایت کے تحت سلیمان بن ابی کریمہ کو ’’ضعيف‘‘ کہا ہے۔

حافظ ابن حجر عسقلانی l ’’الأمالي المطلقة‘‘[67] میں ایک روایت کے تحت سلیمان بن ابی کریمہ کے بارے میں فرماتے ہیں: ’’ففيه مقال‘‘. اس میں کلام ہے۔