ابو الخطاب معروف بن عبد اللہ خیاط دمشقی

حافظ ابن حبان l نےمعروف کو ’’ثقات‘‘ میں ذکر کیا ہے۔[53]

امام ابو حاتم l ’’الجرح التعديل‘‘[54] میں فرماتے ہیں: ’’ليس بالقوي‘‘.

حافظ ابن عدی l ’’الكامل‘‘[55] میں معروف خیاط کے ترجمہ میں زیر بحث روایت اور اس کے علاوہ چند دیگر احادیث ذکر کرنے کے بعد لکھتے ہیں: ’’وهذه الأحاديث لمعروف عن واثلة منكرة جدا ... ومعروف الخياط هذا عامة ما يرويه وما ذكرته أحاديث، لا يتابع عليه‘‘.

اور معروف کی حضرت واثلہr سے یہ احادیث انتہائی منکر ہیں۔۔۔اور یہ معروف خیاط جو اکثر روایات نقل کرتا ہےاوراس کی جو احادیث میں نے ذکر کی ہیں ان میں اس کی متابعت نہیں کی جاتی۔

حافظ ابن قیسرانی l ’’ذخيرة الحفاظ‘‘[56] میں لکھتے ہیں: ’’معروف منكر الحديث‘‘.معروف منکر الحدیث ہے۔

حافظ مغلطائیl ’’إكمال‘‘[57] میں لکھتے ہیں: ’’معروف الخياط صدوق‘‘. معروف خیاط صدوق ہے۔

حافظ ذہبی l ’’تاريخ الإسلام‘‘[58] میں فرماتے ہیں: ’’أحد الضعفاء‘‘.

حافظ ابن حجر عسقلانی l ’’تقريب التهذيب‘‘[59] میں لکھتے ہیں: ’’ضعيف‘‘.

حافظ سیوطیl ’’الجامع الكبير‘‘[60] میں فرماتے ہیں: ’’ومعروف ليس بالقوي‘‘.

نیز حافظ سیوطی l معروف کی ایک دوسری روایت کے تحت لکھتے ہیں: ’’منكر الحديث جدا‘‘.معروف انتہائی منکر الحدیث ہے۔[61]