ابراہیم بن عبد اللہ کوفی اور عبد اللہ بن قیس

حافظ ابن جوزی l کا کلام ماقبل میں روایت پر کلام کے تحت گزر چکا ہے، ان کے علاوہ دیگر ائمہ کا کلام ملاحظہ ہو:

حافظ ابن جوزی l ’’الضعفاء والمتروكين‘‘[68] میں حافظ ازدی l کا قول نقل کرتے ہوئے لکھتے ہیں: ’’مجهولان كذابان، لا يكتب حديثهما‘‘. دونوں مجہول، جھوٹے ہیں، ان کی حدیث نہ لکھی جائے۔

حافظ ابن حجر عسقلانی l نے ’’لسان الميزان‘‘[69] میں حافظ ازدی l کے قول کونقل کرنے پر اکتفاء کیا ہے۔

حافظ ذہبی l ’’المغني‘‘[70] میں لکھتے ہیں : ’’إبراهيم بن عبد الله الكوفي عن عبد الله بن قيس مجهولان‘‘. ابراہیم بن عبد اللہ کوفی عبد اللہ بن قیس سے روایت کرتا ہے،دونوں مجہول ہیں۔

نیز حافظ ذہبی l ’’ميزان الاعتدال‘‘[71] میں عبد اللہ بن قیس کے بارے میں حافظ ازدی l کا قول نقل کرتے ہوئے فرماتے ہیں: ’’ كذاب‘‘. جھوٹا ہے۔